أبرز العناوينمنوعات

زوجة بروفيسور بجامعة الخرطوم تقول لزوجها: والله انا اتاكدت انك بقيت كوز


بروفيسور شريف فضل بابكر أستاذ الهندسة بجامعة الخرطوم كتب يوم السبت (أيوا كانت و لا زالت هنالك مشاكل فى جامعة الخرطوم).

وقال بروفيسور شريف فضل بحسب متابعة محرر موقع “النيلين (قبل كم يوم رسلت لى مها زوجتى من لندن زى الساعة 4.30 خبر “يحدث الان مظاهرات هادرة تخرج فى شارع الجامعة” .. رديت ليها “انا اسة فى شارع الجامعة و ما فى اى حاجة”
زى 6.30 رسلت خبر تانى”عااااجل.. مظاهرات داوية فى سوق الخرطوم و البوليس يفر من المتظاهرين حول مول الواحة” .)

وأضاف بروف شريف( رديت ليها “يا مها… انا حالياً واقف أمام مول الواحة…. و الله ما فى اى حاجة” .. و كنت فعلا منتظر زول هناك … ردت مها “والله انا اتاكدت انك بقيت كوز”).

وختم بروفيسور فضل تدوينته (بقية اليوم كان إستجوابى لتعرف سبب مشيتى المهببة بالقرب من المول… و اخيرا كان التساؤل “هو المول دا زاتو وين؟ و عملوهو متين”).

الخرطوم/معتصم السر/النيلين


‫16 تعليقات

  1. This ugly psychotic and his wife has nothing else to do but pop up every now and then with all this bullshit to be in the public eye..grow up you idiots.

    1. حرام عليك ياخ قال ليك (بحسب متابعة محرر النيلين) يعني كلام خااااص؛ البروفيسور ومرتو ما قاصدين ينشروهو: تكون ونسة بين أصحاب دردشة فيس بوك.وانتساب ..إلخ؛ جمعت يا “علي ويكة” سوء الفهم وسوء الظن.

  2. سلام عليكم الحقيقه مع احترامنا للبروف لكن نقل اخباره بهذه الصوره وهي اخبار عاديه يعني ونسه ساكت ممكن يقولها اي زول وفرضها علي القراء ما عنده اي معني ولا مغزي فارتقوا بانفسكم ومستوي كتاباتكم واحترموا قرائكم رجاء ودمتم

  3. قصة جميلة يديكم العافية
    قصة عندها ابعاد
    الحقيقة والشمارات

    والخيال الخصب والتاااااااويل
    الغيرة والعفوية
    ادم وجواء
    الغرب والشرق
    العالم اصبح قرية = قمة التواصل
    الحب لكل سوداني اصيل

  4. متعك الله بالصحة العافية بروف وأسرتك الكريمة .

    مثل هذه الأخبار التى تأتى كما ذكر فى التعليقات أعلاه فى سياق الونسة او بغرض أثارة الرأى العام من الجالسين خلف الكى بورد لأجهزة الكثير منا

    وغالبيتها أخبار ملفقة وكاذبة هنا مربط الفرس من هو الأفضل – الكوز وإن كنت لا أحبذ مثل هذه الألقاب ( كوز وغيرها) أم من يروج الأكاذيب .

    أخوت الأفاضل فالنجعل همنا الرقى بالسودان كل فى مجاله سواء كنا داخل أو خارج السودان ونبيض النيه للمصلحة العامة وإن كانت بيننا خلافات نحلها بالتى هى أحسن .

  5. لا حولاااااااا… عملتو لينا ضغط بأخبار الزول دا… بكرة تحكو لينا من يوم ابوهو قرر يتزوج أمه

  6. كدى البروف خلوهو .. انتو رايكم شنو كان في مظاهرات ولا مافى ??? . أها كوز ولا ما كوز ???

  7. السلام عليكم الاخ سودانى البروف بكتب الونسه دى فى صفحتو فى الفيس بوك يعني فعلا ونسه مع زوجتو واصاحبو فى الفيس بوك بس ناس النيلين بشيلو الونسه دى من صفحتو وبختوها ليكم هنا يعني هو ممكن يكون مش عارف ونستو دى وصلتكم فى النيلين

  8. تعليقات البروف وزوجته في الحقيقه في غايه الاتزان والموضوعيه وتجمع مع خفه الدم والبساطه والوضوح !!! وحين ينتقد يكون انتقاده بناءا مفيد !!وحين يؤيد مسلكا يكون تايده واعيا!! وحن يكشف كذب الكاذبين كون لازعا كالنحله !!! فهم من االاعجاب والتحيه وليشرب الحاقدون من جردقه بحيره اعالي عطبره فهي مجربه !! زول

  9. علي ويكة … عامل فيها عندو انجليزي !!! .. مخير الله … اي واحد حفظ ليهو كلمتين قعد استعرض لينا .. قوم لف بلاش فلسفة معاك …البروف دا انت كان ادوك تاني مية سنة زيادة على عمرك ما بتحصل ضفرو …يا Donkey

  10. لا داعي بأن يشهر بروفيسور شريف على حبه العميق لزوجته وامام الناس فهذا ليس من دواعي السرور فقد يصاب البروف بتعليقاته هذه بالحسد جراء حبه او غيرته على زوجته ومن يتحدث كثيراً عن زوجته فهو يحبها ويفتخر بها لكن من الخطأ ان يكون هذا الفخر أمام حتى لا تكون العين سببا في فراقهم ..

    مجرد رأي ليس الا ..

  11. لا داعي بأن يشهر بروفيسور شريف على حبه العميق لزوجته وامام الناس فهذا ليس من دواعي السرور فقد يصاب البروف بتعليقاته هذه بالحسد جراء حبه او غيرته على زوجته ومن يتحدث كثيراً عن زوجته فهو يحبها ويفتخر بها لكن من الخطأ ان يكون هذا الفخر أمام الناس حتى لا تكون العين سببا في فراقهم ..

    مجرد رأي ليس الا ..

  12. بصراحة الزول ده شكله عبيط يدل على ذلك فتحة خشمه و أسنانه التى تشابه أسنان الحمار …

  13. ربَّ كلمة يقولها ابن آدم لا يُـلـْـقـي لها بالاً تُـلقي به في الـنـار سبعيـن خـريفـاً .. السلام عليكم أخي ( المراقب) إستغفر خالقك وخالقه وخالق الكون من كلامك في حق عبده من عبيده وأعلم أن عليك ( رقيب ) .

  14. يا Ali Week وسوداني ومحمد مالكم تنبأ … الراجل رؤي قصه بسيطه عندها معني انتو ما فهمتو … لو ما عجبتكم امشوا خلوها. . يعني لازم تذم جريدة النيلين والدكتور ..شنو الضيق ده