أبرز العناوينمنوعات

صحفي سوداني ينشر رسائل خاصة متبادلة مع “داليا الياس” المتهمة بسرقة مقال لكاتب سعودي ويهدد باللجوء للقضاء


قام الأستاذ علي ميرغني بنشر المراسلات الخاصة بينه وبين الصحفية داليا الياس التي إتهمت مؤخراً بسرقة مقال لكاتب سعودي وقال علي ميرغني (لا أميل للمناكفات الشخصية.. لكن قرأت اليوم ما كتبته داليا الياس عن المحادثة التي جرت بيني وبينها في الماسنجر حول تطابق مقالها الذي هو نسخة طبق الاصل لمقال المهندس السعودي… وحتى يكون الجميع على بينة وليحكموا على ما حدث اورد التفاصيل كلها مدعومة بنسخة من المحادثة بيننا والتي تم تخريبها عن عمد بحجة تهكير الحساب لكن بحمد لله عندي نسخة منها)..

وقال الصحفي علي ميرغني (اما عند تفنيد قولها انها اوردت المقال من باب قرأت لكم فهذا ليس لي فيه شأن ولا أهتم به.. لكن فقط اقول هنا انها سألتني عن اسم كاتب المقال السعودي… والسؤال هنا لماذا السؤال عن اسمه وهي تقول انها نقلته فقط؟!! عندما قرأتيه ألم تجدي اسم كاتبه).

وأضاف علي بحسب ما قرأ محرر موقع النيلين على حسابه بموقع فيسبوك (تجدون تحت جزء من المحادثة التي جرت بيني وبينها قبل تخريبها بدعوى تهكير الحساب.. بالمناسبة الرسائل الاخيرة لم اقرأها لكن احاول الآن مع إدارة الفيس بوك الحصول على تسخ منها… وحتما سيكون الفيصل القضاء حال وجدت فيها اي إساءة).
ــــــــــــــــــــــــــــــ
انا: ربما يكون تصرف من ادارة التحرير بدون استشارتك
انا قريتو من النسخة الالكترونية للصحيفة وليس الورقية
هي: حتى لو إتصرفو بيكونو أشارو ليهو
أو نزل لسد الفراغ
عموما” معقولة أكتب إنو جانى طالب وظيفة سنة2007؟!
ههههههه ياخ أنا الوقت داك ما جبت الجرايد ذاتو
وماكنتا وزير الرعاية الإجتماعية
انا: عموما هذا ما نشرته اليوم التالي يوم امس في عمودكم اليومي.. اردت فقط ايصال الملاحظة لك… وعادة القارئ لا يقف كثيرا عند معلومات مثل هذه فهو لا يعرف تفاصيل حياة الكاتب عادة.. عموما آسف للازعاج
هي: ولايهمك
بس ياريت تسطصحب المنطق فى ملاحظاتك برضو
أنا حأشوفو هسه
بعدين واضح من اللغة المستخدمة إنو لكاتب عربى
حتى لو ماعارفين إسمو لكن الزول بيفهم كده وده كفاية
انا: معليش ي استاذة شكلي ارتكبت خطاء كبير باخطارك بالأمر وصراحة جد انا غلطان في توصيل الملاحظة لك.. دمي بخير
هي: كتر خيرك
بس واضح انو ماممكن أكون ناسباهو لى نفسى
كان على الأقل غيرتا
ماقلتا لى الكاتب العربى منو؟
انا: ما علينا انا حبيت اوصل ليك معلومة كل ماف الامرانا
ـــــــــــــــــــ
وأضاف الأستاذ علي ميرغني (بالمناسبة المقال فيهو تغيير كتيير ابتداء من العنوان ذات نفسه وليس إنتهاء بالكسرة الفي الاخير… بس ما علينا هي قالت أنو القصة كلها (قرأت لكم).. احذر كل من يقرأها “سرقت لكم”).

وسبق وأن تعرضت الصحفية السودانية داليا الياس الى هجوم عنيف من قبل صحفيين وإعلاميين في السودان بسبب إتهامها بسرقة مقال لكاتب سعودي نسبته لنفسها ونشرته على صحيفة اليوم التالي يوم الإثنين 25 أبريل 2016 .

المقال المسروق والذي أحدث ضجة على مواقع التواصل يعود للكاتب السعودي، م. ناصر القحطاني نشره في صحيفة اليوم السعودية بتاريخ (الأحد 10 جمادى الأول 1436 هـ الموافق 1 مارس 2015 العدد 15234). تحت عنوان (ما هو الخيار الآخر؟ ).

لتعود الكاتبة السودانية داليا الياس لتنشره في عمودها “اندياح” على صحيفة اليوم التالي السودانية يوم 25 أبريل 2016 ، أي بعد نحو عام من تاريخ نشره للكاتب السعودي ناصر القحطاني، ونشرته تحت عنوان(الخيار الآخر)، والنص يكاد يكون متطابق بالكامل مع تعديل طفيف في نهاية المقال الذي سرقته داليا الياس.

ويشير محرر موقع النيلين أن موقع صحيفة اليوم التالي ما زال المقال المعني منشوراً على صفحاته بإسم الكاتبة داليا الياس ورغم الضجة التي أحدثتها السرقة لم يقم موقع صحيفة اليوم التالي بأي تعديل يوضح فيه أن المقال للكاتب السعودي ناصر القحطاني.

الخرطوم/معتصم السر/النيلين

لمتابعة القصة وتفاصيلها

صحفية سودانية تسرق مقالا لكاتب سعودي تثير غضب الاعلاميين في السودان


‫31 تعليقات

    1. خريجو جامعة القاهرة فرع الخرطوم وكذلك الذين درسو المناهج المصرية داخل وخارج السودان عبارة عن انصاف متعلمين لقنوهم الحفظ والاجترار والنجاح بالواسطة فلا عجب مما نراه من الجيوش الهائلة لهؤلاء في مجال الصحافة والقانون والمحاسبة وهلم جر وفاقد الشيئ لا يعطيه
      أرجو ان تكون هذه فاتحة نقاش في هذا الموضوع

  1. المثل بقول الفائق بهمز أمه هكذا فعل علي ميرغني وعدم الشغلة بعمل كتير والمحادثة لا يوجد فيها ما يدعو للزعل بس الظاهر عايز يعمل من الحبة قبة هكذا هم صحفيي اخر زمن لان هذا موضوع يجب الا يشغل به الفراء كثيرا

  2. lh تستفردوا بالبنت وتشوهوا سمعتها المهنية والعالم كله بيتادول الاخبار والمقالات وغيرها وحتى ان داليا اخطات فليس هذه الطريقة الصحيحة لمعالجة القصة
    وكل من كتب كلمة سرقة فهو انسان سلبي واذكره بان السرقة في السودان متفشية من قمة الهرم فلماذا لا تكتبوا عنها وتناقشوها بهذه الطريقة الشرسة

    وقفك الله اختي استاذة داليا واعتذر ليك ان جار عليك الصحفيين الجبناء لانهم يخافون من ان تتغول المراة على الصحافة واحييك على جراة وقوة شخسيتك

  3. معليش يا جماعة خلاص الاستاذة (اتحللت) وقالت (ده من باب قرأت لكم) هههههههههه

  4. من خلال
    الحديث الخاص بين الكاتب والمحقق كونان والذي قم بنشره وهو جرم اكبر من جرم سرقة المقال يتضح ان الكاتبة لا تعلم ولا يد لها بالامر وبهذا ينتفي قصد السرقة علي الاقل من قبل الكاتبة والمسئول هنا الصحيفة او من انزل المقال

    اما الزول العامل زي ادم بتاع الكاردنال وشغال ينزل احاديث خاصة علي الملأ فعليه التراجع عن مثل هذه الحركة غير الجميلة

  5. السلام عليكم …. ياخى انا كقارئ لا ارى فى ان تقتبس شيئا او كل المقال . وانت يالاستاذ ميرغنى مافى داعى للتنبية لانك اعارف وهى عارفة اصل المقال موجود وين ! نظام متابع الصحف ولا متابعها الصحفية المسكينة …. سيب الناس الله اهديك

  6. انت ياعلي ميرغني انطبق فيك المثل القائل/ تشوف الفيل وتطعن في ضله….
    الكيزان سرقوا البلد بي حاله ومافتحت خشمك ده وقلت بغم … بقت على داليا…
    في حتة مقال..؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!! عالم جبانات بشكل…
    صحيح الاختشوا ماااااااااااتوا…..
    وكمان شوف العين القوية … قال حالجأ للقضاء……
    صحيح اذا لم تستحي فاصنع ماشئت …..

  7. قرأت لهابعض عناوين أشعرها .. فوجدت أنها مسروقة من الشاعرة مستغانمى _ وأرجو أن تراجعوا ذلك .. والله أعلم .

    1. ياتو هناي من الهنايات ……
      والا …. زي علي ميرغني … سنلجأ للقضاء لمعرفة الهناي المهناين ده….

  8. المحادثة ليس فيها ما يسئ لعلي مرغني،الكاتبة تعاملت مع الامر بعدم جدية ،بعض التعديلات في المقال الاصل تثير الريبة،هل هي تمت بواسطة الكاتبة ام تدخل طرف اخر ،اثارة مرغني للموضوع مرة اخرى ينبئ عن غبن سابق حاق به ،يا رجل اخرج من هذا ،و الكاتبة الساذجة اذا لديها عقل قد تعي الدرس

  9. النسوان البحسو الظهور ديل مشكلة ، الواحدة ترسم الحنة وتربط رأسا بى دلفان طقم مع لون التوب والبودى وتجى تعود خشما ،وتعمل شاعرة ياناس ارحمونا اى واحدة شاعرة واى واحدة غناية وكلكم مذيعات ، وأنتن ما موهبات بس جرأة وحب ظهور ويا هو السرقة تسرقى نص او قصيدة او مصطلح او زوج

  10. على ميرغني اول حاجه كلامك دا كلوا كلام نسوان ومتربي مع بنات وكلام حكي حبوبات وبيوت يعني ( تالتن )
    ياخي في داعي للفضايح دي كلها
    اول حاجة مفروض تتفاهم معاها ولو اصرت تقول ليها بنزلوا في الجرائد مش تنزلوا وتنزل فيها بهدلة وسط العالم
    ثم ثانياً
    كثيرات اختفوا فجاء من الفضائح واللطش
    على العموم ربنا يهدي النفوس واصلح الحال ومن ستر مسلما ستره الله وبطل لك وعجن في الموضوع

    1. ياتو هناي من الهنايات ……
      والا …. زي علي ميرغني … سنلجأ للقضاء لمعرفة الهناي المهناين ده….

  11. إنت يا علي ميرغني فائق ورائق وما عندك أي موضوع ، هل إنت تتحدث بالنيابة عن الكاتب السعودي ؟ وما دخلت إنت في هذا الموضوع الذي لا يهمك بل يهم الكاتب السعودي ؟ ياخي الناس سرقوا بلد ودولة ولماذا لا تكتب عنهم ؟ بس شاطر على الستات ؟ خليك في حالك ياخي وهذا ينم عن حقد وحسد للكاتبة الأنيقة والجميلة جدا “داليا” ..

  12. من هو علي مرغني هذا ولا يكون شقيق عثمان مرغني من اين تأتو بهؤلاء ياناس النيلين الله يخلي ليكم الفيس
    إلا مالذي يجمع بين السعودي والسوداني حتي يفتح بلاغ ولا يكون هو الوكيل الحصري بالسودان ولا يكون نفسو في فيزا وهاك الريلات دي ياعلوب …………….!!!!؟

  13. على ميرغنى …. يا أخينا انت فلاحتك بقت فى البنية دى بس
    انت ما بتشوف فى السرقوا الحكم و سرقوا البلد بى حالها ديل
    ما شايف جرائم الحروب والاغتصابات وانتهاكات حقوق الانسان
    ما عارف ارتفاع الاسعار و لا حاسى بانقطاعات الكهرباء

    بطل الحسادة وشغل الرداحات دا وابقى راجل وشوف ليك قضية حقيقية واكتب عنها

  14. سرق السودان باكمله ولم تحرك ساكنا ماليقت موضوع غير البت الطيبة دي ؟ وهي قالت كتبت المقال من باب قرأت لك

  15. غايتو دي سرقة غبية جدا والحرامية زاتا من ابتسامتها المصطنعة و هدوما شكلها غبية قاليك لابسة ساعة وفنيلة وطرحة بنفس اللون زكرتني الشفع يوم العيد
    بعدين الدهب الكتير اللابساهو دا لا يليق بصحفية او مثقفة في دولة فقيرة مثل السودان ويبدوا انها تعيش في مجتمع الكيزان ومنغمسة فيه لان استايلها ومظهرها زي استايل وزيرات الانغاز و زوجات الحرامية لصوص الدولة … انا ما متابع الزولة دي واول مرة اسمع بيها في موضوع السرقة دي لكن عندي تصور معين لكيفية تسلقها ياخ دي فاطنة شاش معقولة اكتر منها.

  16. ياخي في ناس عجيبة .. انت ما بتعرفها ولا قريت ليها الفصاحة فوق كم؟؟.. ومالنا نحنا ومال لبسها؟؟.. انا شخصيا اتاكدت من كلام الصحفي دا انها ما عارفة الحصل دا حصل كيف وما دايرة تتهم زول ولا حتى تحرير الجريدة..بعدين الزوله قالت انا في إجازة ونزلت ليكم المقال من باب قرأت لكم.. غلطانه هي موش مؤجزة تنزل احتجاااب كان اصلح ليكم… عالم فارغه..
    وبالنسبة لاتهام الاخ بأنها عدلت المقال بدعواه انه في تعديلات بسيطة ياخ ما كان تعدل كلمات زي الريال وكان عندي مصنع ولا شنو ما بعرفوا داك..
    ما رجاله منك يا صحفي

  17. كيف يكون أستاذا وهو يكتب كلمة (خطأ) … خطاء … هذا شخص عنده عقدة دونية ويريد أن يخلق بطولة على حساب الأخرين .. ولا أقول المشهورين .. لأني لا أعرف من هي داليا ألياس ولا أريد أن أعرف .. في زمن البنات الفنانات والشاعرات والأولاد المخنثين

  18. اقول ليك كلام يا اسمك على مرغنى شكلك بديت الموضوع بالابتزاز وعاوز تسوق الصحفية دى الى درك السافلين ووقفت ليك الف احمر وبديت تهدد فيها اصلا انتو يا ناس الاعلام ده اسلوبكم فى الجرايد والقنوات التلفزيونية كتااااار الزيك الضيعوا بنات الناس ابقى شاطر وقوى ورسل باقى محادثاتك معاها اكيد ما حتقدر ويا ناس نصيجة منى لموا بناتكم ونسوانكم عليكم وكفاية وسخ وقرف

  19. أغرب حاجة في جماعة واقفة مع الكاتبة دي ؟ دي يا شباب فضيحة بجلاجل ونقطة سوداء لكل الصحفيين وجريمة والراجل المسروق دا ود حلال ما كبر الموضوع و مفروض إتحاد الصحفيين يعمل ليها مجلس تأديب ويتخذ بحقها أقصى عقوبة عشان ما تتكرر من صحفي أخر، إنتو يالصحفيين لو ما قادرين على المهنة دي خليكم ذي كابو ومزمز كضب وأخبار ناس هناي وهناية يعني مكنات وشمارات.

    1. واغرب حاجه الصحفيين السودانيين بيكتبوا عن اشياء تافهه ماتستحق ويخلوا البلد الحاله واقف ….
      ماياهو ديل الكيزان سرقوا البلد كلها … من كبيرهم لي صغيرهم ليه على ميرغني بتاعك ده ما اتجرأ وكتب
      عن الفساد الفي البلد … بس يتشطر على الصحفيه دي ……
      وهل الكاتب السعودي ده عمل توكيل لي على ميرغني عشان يدافع عنه ….
      على ميرغني حاشر نفسه في حاجات ماليها اي داعي…. كانه هو الوصي على الصحافه كلها ….
      وبعد ده كله المواطن السوداني حيستفيد شنو من كل الكلام الفارغ ده سرقت ولا ماسرقت….
      احسن تكتبوا عن الشي الحاصل في البلد ومشاكل البلد….بدل هنايه سوت وفلانه قالت وشغل المشاطات ده….

  20. اخـطـات الاستاذه داليا و لكن ذنب المدعو علي ميرغني اكبر من خـطــاها و اقـبـح ،، اخـتـشي يا رجـل .

  21. جنس لطش
    معقووووووووووولة بس
    النهب بقى عينك عينك ياهناية خافى اللة

  22. عايزين توصلو بي سمعتنا الي اين ياسهير وغريناتها

    انا بسأل من نوعية الصابون المستخدمه عملية الشطيف؟