اقتصاد وأعمال

اتفاق سوداني سعودي لبدء إنتاج “اطلانتس2” في 2020


وافق الجانبان السوداني والسعودي، الأربعاء، على بدء الإنتاج في مشروع (اطلانتس2) للثروة الطبيعية في المنطقة المشتركة بالبحر الأحمر المشتركة بين البلدين في البحر الأحمر، بكلفة 20 مليار دولار بحلول 2020، وتبلغ تكلفة الخطة حتي مرحلة التشغيل 67 مليون دولار.
وأكد وزيرا المعادن السوداني أحمد محمد صادق الكاروري ووزير البترول والطاقة المعدنية السعودي على بن إبراهيم النعيمي، في مؤتمر صحفي مشترك، أن التاريخ الجديد لبدء الإنتاج، جاء لمنح الشركة الممنوح لها الامتياز – منافع السعودية – فرصة لتحقيق الهدف المنشود من المشروع بالكيفية المطلوبة.

وذكر الوزير الكاروري أن شركة (منافع) قد قدمت تقريراً حول ما تم إنجازه، مما يؤكد جديتها من خلال التزامها بكل البرنامج الموضوع لها، لافتاً إلى موافقة الطرفين على كل ما تقدمت به مع تعديل طفيف في البرنامج الزمني لتصل الشركة مرحلة الإنتاج بعد أربع سنوات أي بحلول العام 2020م.

ولفت الانتباه إلى أن العمل في أعماق البحر الأحمر يتطلب كفاءات فنيه عالية وآليات وتقانات محددة.

من جانبه، قال الوزير النعيمي إن التعديل في الجدول الزمني لإعطاء الشركة فرصة لتحقيق ما نصبو إليه والمكاسب والمنافع لشعبي البلدين، وهو بدء العمل الإنتاجي من الموقع، لافتاً إلى لمسهم جدية الشركة ومقدراتها الفنية من خلال عرضها تقرير الإنجازات التي تحققت في مشروع (اطلانتس 2).

شبكة الشروق


‫2 تعليقات

  1. يا جماعة مسؤلين من الخير .. ماحد يضحك .. سؤال غريب ويضحك ..
    اخبار الشركة الروسية شنو .. ووين وصلت في التنقيب
    واحد مايقول جبت سيرة ..

  2. لا اطلنتس ولا بطاطس لا ياحلوين الموضوع ومافيه انو الايام دي السيسي بتاع مصر جماعتنا عصروه عصر صاح عصر شوايقة و بديرية قام السيسي مشي للسعودية قال ليهم ارجوكم ابعدوا السودانيين من موضوع حلايب وشلاتين انا ما اعطيتكم صنافير وتيران جابن لي هوي مع السودان
    طبعا السعودية ماتقدر تدخل في الموضوع عارفين السبب ؟؟؟ السبب هو اثناء تفاوض السعودية ومصر علي تيران وصنافير قبل شهر السودانيين قالوا للسعودية دخلونا في الموضوع ونعمل حاجة اسمها ترسيم الحدود البحرية بين السودان والسعودية ومصر وبالمرة نحل موضوع حلايب طبعا السعوديين بحبوا يلعبوا لوحدهم عشان دايما ورقهم الاتو (الرز) حقهم كتير رفضوا وقالوا بالحرف الواحد حنا مالنا دخل امشوا حلوا مشاكلكم مع مصر طبعا ده الجواب المستنيه علي عتمان الشايقي قام شكر السعودية والتمس لها الاعزار وقال ليهم في قلبه نردها ليكم في الازمات ومشي اثيوبيا وقال ليهم مالكم موقفين المقاول حق سد النهضة الخريف قرب قالوا ليه دايرين دعم مشي رسل للحبش 300 قلاب و15 لودر السيسي بتاع مصر الفار نقز في عبه . الان بعد ما السعودية بلعت طعم الشايقي بعد ما جاء السيسي بتاع مصر يترجي في السعودية للتدخل لتثبيت السودان وكدي
    طبعا السعودية خجلانة قبل شهر قالت مابدخل اسي تجي تدخل عشان كدي لازم مسحة شنب كبيييييييرة 20 مليار دولار سنة 2020
    انا السعوديين بعرفهم اولا السعودية ميزانيتها 222 مليار دولار في السنة والسودان 10 مليار دولار
    يعني مشروع اطلنتس ده 20 مليار وبعد اربعة سنوات ال 20 مليار بتعادل 10% من ميزانية السعودية ونفس ال 20 مليار تعادل ميزانية السودان لمدة سنتين يعني 200% للسودان
    وبعدين بعد 4 سنوات لايموت الفقير ولايموت البعير //// انا (واعوذ بالله منها ) بعتبر ده ترحيل لمشكلة حلايب ترحيلها للمستقبل
    يجب ان نحلها الان لكي لا نترك للاجيال القادمة مشكلة بل نترك لهم مشروع اطلنتس ان كان هنالك مشروع اصلا واذا كانت السعودية صادقة في مشاركة السودان فالتاتي وتزرع في السودان وتشيل نصيبها من الزراعة .
    هذا وشكرا