تحقيقات وتقاريرسياسية

الحكومة: لا زيادة في أسعار الكهرباء والقطوعات لتقليل الآثار برمضان


جدَّد وزير الموارد المائية والرى والكهرباء معتز موسى، الأربعاء، التأكيد على عدم وجود أي اتجاه لزيادة أسعار الكهرباء، مشيراً إلى أن القطوعات المبرمجة حاليا الغرض منها تقليل الآثار السالبة المتوقعة خلال شهر رمضان الكريم.

واطلع النائب الأول للرئيس بكري حسن صالح من الوزير موسى، على سير تنفيذ الخطة التي تمت إجازاتها في يوليو من العام الماضي لإدارة أحمال الكهرباء في صيف العام 2016م. وبحث معه سبل وضع مصاعب إمداد الكهرباء في هذا الصيف في سياقها الصحيح.

وقال الوزير موسى، في تصريحات صحفية عقب اللقاء، إن وزارته والجهات ذات الصلة بذلت جهود كبيرة لإضافة 300 ميقا واط بنهاية الشهر الجاري، تعين على تلافي عجز الإمداد، مشيراً إلى أن القطوعات المبرمجة الغرض منها تقليل الآثار السالبة المتوقعة خلال شهر رمضان.

نقص العملات

وأبان أن انفصال الجنوب أدى إلى نقص العملات الحرة ومصاعب في التحويلات البنكية، مما أعاق خطط التنمية في مجال الكهرباء وتجمدت بشكل تام مشروعات محطات التوليد بكل من الفولة, البحر الأحمر، قرِّي والباقير، مما تسبب في إحداث أشكال في الإمداد الكهربائي منذ العام 2014 م.

وأشار موسى إلى أنه كان من المتوقع أن تولد تلك المشروعات أكثر من 2500 ميقاواط خلال ست سنوات، تدخل بعدها مشاريع السدود الجديدة، ومن ثم الخروج من مشكلة الكهرباء بشكل تام.

وأضاف أن السحب من سد مروي تم تخفيضه، مما يعني توليد أقل، وذلك لمقابلة الخريف القادم في يونيو لإعطاء فاعلية أكثر للتوليد بأقل مياه واردة ولترقب السنة المائية الجديدة.

شبكة الشروق + وكالات


‫12 تعليقات

  1. دايرين محاكمه للسيد أسامه عبدالله المسؤول عن تنفيذ سد مروى والذى نعى فى تصريحاته السابقة. وداعا لقطوعات الصيف مع سد مروى وماذا يحدث الان نريد من وزير العدل ان يفتح تحقيق عادل وشفاف بهذا الموضوع.

  2. والله شماعة فصل الجنوب والعقوبات أي واحد في الحكومة عندوا تبرير الي اي حاجة حتي لو فشلوا في إدارة البلد يقولوا ابتلاءات ياخي واللة فشلتوا لكن الشعب المغلوب علي المر ولو كان هناك معارضة حقيقة ماكان انفرتوا بهذا الشعب الذي لايعرف حقوقوا ومن أبسط الحقوق توفير مطلبات الحياة الكريمة والعدالة الاجتماعية

  3. ده كل مرة طالع بعذر .. مره الجنوب انفصل وما عندنا دولار.. وأمريكا مقاطعانا وما قادرين نحول قروش ونشتري مولدات صغيرة ..ومره الخريف لسع ما جاء ونحن بنوفر الموية للسد عشان رمضان (يجيء الخريف حيقول الطين فقل التوربينات)
    الحل كيف مع وزير الهنأ؟!

  4. عندما تفاجا الناس بقطوعات فى الشتاء قلتهم بنعمل صيانة عشان يكون الصيف بلا قطوعات و الان بتقولوا القطوعات عشا توفروا كهرباء لرمضان . هل الكهرباء بتتخزن فى براميل ؟؟؟؟؟؟؟؟؟؟؟؟؟ يا اخى بلاش ضحك على الدقون استقيل انت رجل فاشل .

    1. الجماعة ديل باين بخزنوا الكهرباء في بطاريات عشان يبيهوها لينا في الصيف.

  5. الهبل صاحب الصريحات الهبلة كل الناس عارفة
    صلة قرابتك بالبشير وكل الناس عارفة تاهيلك شنو
    عوس عواستك .. نحن منتظرين عدالة السماء يافاسد
    ياحرامي ياجاهل ..

  6. مجلس الامن والامم المتحدة ودول العشرين والكوميسا والكومثرا والجوافه والمنقه واسرائيل والاتحاد السوفيتي والصين وجامعة الدول العربية وجامعة الخرطوم وناس المعارضه وناس المولاة والناس الجوه والبره والناس الفوق والتحت وناس كوستاريكا واخيرا الصومال ديل كلهم مجتمعين هسي وعايزين يعرفوا كيف ما شاء الله السودان عرف يخزن الكهرباء في الصيف الحار دا عشان يستفيد منها في الشتاء ,.

  7. المشكلة الفينا إننا بننسي بسرعة والمسؤلين بستغفلو فينا لانقول قبل اعوام بل العام الماضي حينما إزداد انقطاع الكهرباء قال المسؤلين بأن هنالك صيانة شاملة من اجل استقرار الكهرباء تماماً في العام القادم يعني هذا العام وحينما اتي العام واستمرت القطوعات اصبح الشماعة هو رمضان الجماعة قالو بستعدو لي شهررمضان ورمضان ياناس قريب ماهو بعيد والموية بتكضب الغطاس وراكم وراكم يامسؤلين خليكم صريحين وقولو الحقيقة بأن الكهرباء قاعدين نوفرها لي ناس المصانع الخاصة والمستوصفات الخاصة والجامعات الخاصة وناس الاحياء الخاصة بعدما سد مروي طلع ماسورة وتعليت خزان الرصيرص برطو طلع ماسورة وياخوفي سد الستيت برضو يطلع ماسورة وبحكاية الماسورة ان شاء الله تكون موية الماسورة شغاااااااااااااااالة عندكم ياناس الكلاكلا وامبدة

  8. مكاوي لمن كان مدير الهيئة موش كان في حصار اقتصادي؟؟ ليييه ما واجهته المصاعب في التحويلات البنكية؟؟ قدر عمل مشاريع قري والفولة وكوستي وكمااان مول سد مروي في بدايتو بالمال والمهندسين..عمل دا كييييف؟؟ ياخ دا وفر ليكم طيارة وبنى المطار بتاع مروي دا كلووو من قروووش الهيئة اللي اول ما قوت شوكتكم وأدتوها..
    المشاريع الخلصها مكاوي بعتوها عديييل تشهد عليكم بحري الغازية وقري بي توربيناتها ومحطات شمال السودان.. ياخ الفولة ما عتقتوها ولسه يا داب بادية..
    ربنا قاااعد في كرسي العدل وليكم يوم

  9. السبب انفصال الجنوب طيب فصلتو ليه انتو مش السبب في فصل الجنوب وقلتو ما باثر علينا . السبب التانى أمريكا فارضة علينا عقوبات انتو لمن جيتو أمريكا ما سالتكم انتو قلتو أمريكا روسيا قد دنا عذابها وهسى دايرين نشوف الاتعذب منو أمريكا والا نحن انتو فشلتو في كل شى الله اريحنا منكم