زواج سوداناس

جهاز المغتربين يشرع في استخدام بطاقة للسداد الإلكتروني



شارك الموضوع :

شرع جهاز تنظيم شؤون السودانيين العاملين بالخارج في استخدام بطاقة (كاش أمان)، للسداد الإلكتروني في مرحلتها التجريبية، التي تأتي في سياق سعي جهاز المغتربين نحو تبسيط الإجراءات، وذلك بالتعاون بين الجهاز وبنك النيل .
وكشف الأمين العام لجهاز تنظيم شؤون السودانيين بالخارج، السفير حاج ماجد محمد السوار، ميزات البطاقة، مبيناً أن مدة صلاحيتها أربع سنوات قابلة للتجديد.

وعدَّ السوار البطاقة بمثابة حافظة نقود الكترونية يمكن أن يستخدمها المغترب لسداد التزاماته المالية داخل الجهاز، أو في نوافذ بنك النيل أو بنك فيصل الإسلامي، كما يمكن أن يتحصل عبرها لخدمات أخرى من نوافذ الكهرباء والمولات التجارية وغيرها .

وكانت نافذة منح البطاقة بجهاز المغتربين قد شهدت إقبالاً كبيراً من السودانيين بالخارج للحصول عليها.

شبكة الشروق

شارك الموضوع :

تعليقات الفيسبوك

تعليقات


6 التعليقات

إنتقل إلى نموذج التعليقات

      1. 1
        عابد

        اولا العبء عليك ثقيل انا اعرف فساد الدولة ايها المجاهد ماجد ونسال الله ان تكون صامد كما عهدناك مؤسسات الدولة بقت شلليات وعصابات شلة تهدد شلة لغرض زحها لا محاسبتها ومن لم يحاسب هو فاسد لو ياكل … خليك من تقول بطاقة الكلام المبنى وطريقة الصفوف المبنى مفروض يكون افضل ونسمع الاعلام يقول في شغل ممنهج لكي يكرهه السودانيين السودان اتفق مع الراي لكن من هو اذهبوا وشوفو طريقة الاجراءات من كرت الخدمة وبه ايصال اين تذهب رسومه لماذا لم يعمم زيه وزي اي رسوم تدخل خزينة الدولة سرقه محمية وما معنى كرت السفر ولزوم طباعته شنو زول مقيم ويسافر وينزل في السنة عدة مرات لو نزل كل اسبوع تدفع وانت مقيم ولمصلحة من قيمة طباعة الكرت رسوم وعندك سستم زول يورد للدولة ويقف صف وتنهر والكهربا تقطع كل لحظة عشان تختم وانت خالص عينك تطلع ملاحظاتي كثيرة اختصرها في المبنى غير مؤهل بالرغم من كبر مساحته نريد كاونترات مبسطة ومتوفره شبابيك موظف يدخل ويمرق ويشاكلك لو السوداني دا م بالجد بحب التراب دا ما في جنس تاني بحمل البسوهو فيه فقط داخل صالة المغتربين كانما يقولوا لك امشي انجع هاجر

        الرد
      2. 2
        عبدالله

        طباعة الكرت لمصلحة شركة (خاصة) وحصريا تطبع الكرت منذ اغترابي والان تطبع لولدي بنفس الطعم. أ. سوار لم يجد ما يستند إليه في الجهاز واحيط بمدراء الدواليب العميقة الذين مازالوا يحافظون على أن يوم الاول من يناير يصادف عيد الاستقلال ويستغلون هذه المناسبة للتجهيز لسفر وفود من الجهاز (للاحتفال) مع ابنائهم المغتربين. واليوم الاول من شهر مارس يصادف مؤتمر المرأة المهاجرة واليوم الاول لاعلان فتح باب الجامعات لاستقبال الطلاب الجدد يعقدون مؤتمر لمناقشة كيفية قبول ابناء المغتربين بالجامعات والكوتة دى والكرتونة ديك ويبدأ العام الدراسي وابناء المغتربين في صفوف (السف) وبعدها صفوف السفر للخارج . وبعد ان يسافر الابناء وابائهم يعلن الجهاز عن اقامة حفل كبير بمعارض الخرطوم للمغتربين وابنائهم وهناك توصيل للمنافي للحفل . الجهاز يفتقد الرؤية وإلا ما معنى انشغاله (بالمهاجرين) أكثر من المغتربين ؟ وما هي الخدمة التي يطلبها (مهاجر) يحمل الجنسية السويسرية .. إلا ان الجهاز أبى إلا أن يوصل لهذا السوداني السويسري طرد رمضان محافظة على العادات والتقاليد وتسويق السورج والحلو مر بالخارج. لن تقوم قائمة للمغتربين حتى يوم (القيافة) الذي افتتح لها صالون تجميل بمركز ابحاث الهجرة والسفارات في وادي والقنصليات في وادي وغير معنية بخدمة المواطن بالخارج وشيال التقيلة الجهاز هو المعني بكل الملفات كما يقال .. والجهاز شايل (التقلية) للمشاركة في الاسبوع الثقافي بكندا لعكس وجه السودان الحقيقي .
        قبلها عدت بطاقة التأمين الطبي الصادره من شركة خاصة خدمة للمغتربين
        وعدة بطاقة كاش الصادره من بنك خاص والمغذية من جيوب المغتربين خدمة للمغتربين
        وقبلها عد سندوتش فول وفلافل بـبوفيهات القنصليات خدمة للمغتربين
        وقبل ما تغترب تدفع مبلغ 25 دولار رسوم خدمة مقدمة من جهاز المغتربين .
        وكل هذا الخم يعد خدمة للمغتربين .. وحتى خم نفسك بالميناء والمطار تدفع مقابله رسوم ويعد خدمة للمغتربين وسافر وفد من الجهاز لتفقد ميناء سواكن الجميلة والوقوف على الخدمات المقدمة للمغتربين وعاين جاي وعاين جاي ولم يجد مكان لقطع الجمار وكل هذا (الجمر) يعد جمال شديد مقدم من الجهاز . اللهم لطفك. وقبل اسطر معدوده قرأنا عن تدشين حفل كبير بمناسبة حماية المغتربين بالخارج وعاين جاي وعاين جاي ولم نجد ممثل لجهاز المغتربين ولا وزارة العمل ولاوزارة العدل .. وعد هذا خدمة للمغتربين

        الرد
      3. 3
        وطني

        الخدمة الوطنية دى ما لاقين ليها حل – أكثر من خمسة اجراءات وشباب متعجرفين وينهر فى الناس (ارجع يازول – تعال بي هناك يازول زحو من هنا يابشر – الكلام دا ما معاك ياخلق ) بعد داك يتم طباعة كرت السفر الذى يصلح لسفرية واحدة ومدته شهرين ) المؤسف انت داخل على صالة المغادرة من مدخل المطار شباب جالسين اول سؤال عن هذا الكرت بطاقة ممغنطه طلعتها بى مروق الروح يشيلها ويخرمها (وجنبلغ) يرميها فى سلة المهملات . ثمانين جنيه وراحت .
        الاجراء ليهو عشرات السنين . حتى الآن ما محصلين ليهو حل ؟
        ياخى اعملوا بطاقة زى الجواز اصلا المسألة رسوم وحددو رسوم للسنة – انا اجي اشيل بطاقة على عدد سنوات ما احتاج كان خمسة وكان ستة – بدل الصفوف والمهزلة والنهير الغير مبرر . ولو جيت اليوم وبعد اسبوع رجغت لظرف طارئ تتكرر نفس الدوامة .
        ارحمونا من نظمكم العقيمة دى العالم فاتكم بعقود –

        الرد
      4. 4
        Abu Ahmed

        أبدوا بتقديم الخدمات للمغتربين في الجهاز أولا وبعدين شوف الباقي …الخدمات بجهاز المغتربين يلزم تحسينها حتى يدخل المغترب الجهاز ويخرج منه راض … والله أنا قبل ما أبدأ الإجازة بشيل هم لإكمال الإجراءات ..
        كرت الخدمة وما أدراك ما كرت الخدمة … ما تعملوا مع إجراءات التأشيرة وتريحوا العالم بدل الزحمة والإهانات المافي ليها داعي دي … آخر مرة مشيت هناك الضابط قفل الصالة من شدة الزحمة والناس واقفة في الحر ..والله موقف يخلي المغترب يشيل هم لإجازتو مع أهلو
        الناس وصلت مراحل متقدمة من الحكومة الإلكتروني والعالم الفضائي والسودان يعد من أكثر الدول المتقدمة في مجال الإتصال .. غالبكم يا جهاز المغتربين تعملوا ليكم برنامج إلكتروني يريح المغتربين من الصفوف دي …
        كرت الخدمة دا زيدوا قيمتو ومدتو ريحيونا منو الله يريحكم …

        الرد
      5. 5
        نعم لرفع العقوبات

        اين تذهب تلك الاموال المسلوبة من المغتربين بغير وجه حق؟

        الرد
      6. 6
        نعم لرفع العقوبات

        اولي المؤسسات المطلوب تفكيكها هو هذا الجهاز الوهمي

        لاحوجة له علي الاطلاق ويمكن اجراء كل المعاملات في وزارة الخارجية والسفارات والقنصليات كبقية دول العالم اللتي هي احسن منا بكثير وليس لديها مثل هذا الجهاز

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *