شاهد : بالصورة.. فتاة مصرية تدعو «حماقي» لحضور عقد قرانها

قررت فتاة مصرية تحقيق حلم حياتها، وهو حضور النجم محمد حماقي حفل عقد قرانها بأي ثمن، وهي الأمنية التي تحلم بها منذ 11 عامًا، لذلك كتبت منشورًا عبر صفحتها على موقع التواصل الاجتماعي “فيس بوك” تطلب فيه المساعدة في الحصول على رقم هاتفه أو الوصول إليه.

قالت الفتاة التي تدعى “كهرمانة”: “بصوا أنا مش عارفة أقولهالكوا إزاي، ولو دة جنان فأنا هاتجنن ولو لمرة واحدة في عمري ومفيش حاجة مستحيلة”.

وأضافت: “أنا أمنية جوايا من 11 سنة، وجه وقت محاولة تحقيقها، ‏حماقي‬ يحضر فرحي، وبما إني مش هعمل فرح، فأنا عاوزاه بس يحضر ويشهد ع عقد جوازي.. مش عاوزاه يغني، بس يحضر، اللي فيكم عارفني من زمان، وهيبقى عارف كويس أوي الأمنية دي بالنسبالي إيه”.

واستطردت: “شبيه أحمد حلمي اتمنى عمره كله أحمد حلمي يحضر فرحه، ووجه دعوة رسمية لحلمي، وحلمي فاجئه وجاله فرحه!!!.. مفيش مستحيل، بس اللي فيكم يعرف أوجه دعوة رسمية لحماقي إزاي يقول لي، وإنتم اللي طالباه منكم البوست ده يلف فيس بوك لحد ما يوصل لحماقي نفسه أو ع الأقل حد يوصله لحماقي… جنان؟ أوكي أنا مجنونة بس مش هفضل ساكتة، تافهة؟ أوكي بردو أنا راضية أبقى تافهة لو هحقق أمنية بتمناها، خليك إنت يا صاحب الشأن العظيم قاعد على الكنبة”.

vetogate