بابكر سلك

فضل ليكم سلك ومحمد الامين


> امس الهلال العاطل عن التنافس الافريقي دخل التسجيلات من اصلع ابوابها > ما خلوا صلعه ما سجلوها > فضل ليهم سلك ومحمد الامين > وناس روشا طبعاً حايهللوا لتسجيل شيبوب المعطوب > شيبوب التلب منهم في الجنوب > استعرضنا عضلاتنا وجبناهو بالبلكونه > فكيناهو في جاكسون عكس الهوا > لو كنا نريده لسجلناهو زي ما جبناهو > ولكن لأننا نعلم حقيقة اصابته التي بسببها سفرناهو للامارات > وندرك هشاشته من فنقيلو ارضا في التمرين لأقل احتكاك > ونعلم انها عبرت > ايها الناس > شيبوب ماسورة ومقلب > وشهر اطناشر ملاعب الحواري حا تستلم زول > طيب لو شيبوب ما معطوب > في تونس ما لعب ولا مباراه ليه على الرغم من ان محورهم الكاميروني قد غادرهم؟ > ما علينا > والصلع الكتيرة دي اثبتت ان كلام ناس روشا وكردنة بتاع الاعتماد على الاشبال كان مكنات ساي > كان قلة حيلة > اسي في الاتحاد قالوا ناس كردنة ساقوا خمسه من الرديف بي جمبة وسادومبا بالجمبة التانيه قالوا لي اسامه صم لينا ديل بي ده > قلت لي 2017 الهلال بدون اجانب ومتوسط الاعماركم؟ > المهم > عاجبني ناس التسيير > لا بسجلوا لا بجيبوا الحجار > يظهر نفسهم لسه قايم من تسجيل كريم الحسن > ايها الناس > التكميلية هذا العام امتحان حقيقي للتسيير > وهو امتحان آخر العام > الخوف من الرسوب والاعادة > يا ربي يقفلوا المجموع ويجوا اول السودان عشان ما يربتوا > لو ربتوا عاد > الخوف الكاف يصدر قرار يشيل مننا مانديلا > المهم > كردنة من ناحية كتر السيخ وشتت الاسمنت > لكن الكشافه الصبوا المدرج حولها دي لو دايرين يغيروها الا يجيبوا البصيره ام حمد > تقطع رقبة الكشافه وما تطلع > تكسر الزير وبرضك ما تطلع > ومحمد عبد الماجد يتحدث عن تلاته طوابق ماعارف انو في طابقين مقبلات على الحيطه > ديل غايتو بتملن جقور > المنطقه ديك اكبر منتج للجقور في العالم > ايها الناس > ما تقولوا لي شيبوب جا التسجيلات بنفس الفنيلة؟ > ايها الناس > الهلال يسجل عشرين صلعة > يسجل اربعين ضلعة > ده ما المهم > المهم كيف نتأهل عشان خالد عز الدين الما بحب المريخ يكره المريخ عديل كده ويجينا من آخر > تأهلنا برمي الجوهرة وبمسخ كل الصلع على ناس خالدونا > لانهم لا يحبون المريخ اكثر من حبهم للهلال. > لذا يجب علينا تهيئة الجو المناسب واعداد العدة اللازمة لتأهلنا > دايرين رمضان يدخل عليهو رمضان يلقاهو في الحزن بسبب تأهل المريخ غرقان > ولنا سؤال > ناس سادومبا والطاهر الحاج ديل وريتوهم انهم حا يلعبوا تمهيدي السنه الجايه ولا خميتوهم ساي!!! > ساسا بعد العمر ده ما ظنيت امو قاعده > يعني مرض ام سادومبا المرة دي مافي > المرة دي في مرض سادومبا شخصيا > وزول في عمر سادومبا ده ما ظنيت بقدر علي الجري في التمهيدي > لكن اديكم فكرة يا فطومه > سادوبا التايواني يلعب طرف يمين > يجري لحدي خط النص > يسلم الصلعه اقصد الكورة لسادومبا الاصلي > سادومبا الاصلي يجري بيها لحدي خط طمنطاشر ويقع في الواطة > الفيهو بتكون كملت > يشيلها الخصم يلعبها باص طويل خلف سادومبا التايواني > والهدف الثالث للضيوف > مكسيم ما ليهو دخل بالهدف > شيبوب والشغيل ونزار يلعبوا في خانة واحدة على اساس انهم لاعب واحد > التلاته تقااااااال > والركب ادري بها الطب > بهناك بويا وفداسي وحاج كاريكا ما بسدوها > وارجعوا ابنوا الجوهرة من جديد > لانو الاهلة الشرفاء لا بعرفوا كسكتة ولا بعرفوا سوق ستة > فطومة > اتحاد اصحاب الصلع > انا وكردنة ومحمد الامين وكوجاك وحتى صاحبات الصلع ناس فلانة > كلنا في انتظار التوقيع بكشوفات الهلال طالما كان المؤهل لذلك هو صلعة فنانة > المهم > ناس التسيير عارفين التسجيلات بدت؟ > الاجابة بيان بالعمل > ايها الناس > ان تنصروا الله ينصركم > اها نجي لي شمارات والي الخرتوم > كان شفت يا والينا > واحد بشرنا وقال لينا > تركيا والسعودية لي تصليح الكهربا التزمن لينا > واحد اتلفت علينا وقال لينا > تدخل بي حمد وتمرق بي كافوري اقصد خوجلي يا والينا > نط الأول وقال لينا > اطمئنوا معدات المرسلنها لينا سلك كهربا ننساك كيف والكلب قال معدات مالو في سوق ليبيا ما بتتباع لينا وإلى لقاء. سلك