زواج سوداناس

صور..لاعب المريخ علاء الدين يوسف وهو يطارد صحفي مغربي تتصدر قائمة الصور الأكثر مشاهدة وسخرية..تعرف على الأسباب التي دفعت اللاعب للاعتداء على الصحفي؟



شارك الموضوع :

أثارت هزيمة المريخ السوداني من ضيفه الكوكب المراكشي المغربي في دور الترضية لبطولة كأس الإتحاد الأفريقي بهدفين دون رد جدلاً واسعاً داخل صفحات مواقع التواصل الاجتماعي.

صور..لاعب المريخ علاء الدين يوسف وهو يطارد صحفي مغربي تتصدر قائمة الصور الأكثر مشاهدة وسخرية..تعرف على الأسباب التي دفعت اللاعب للاعتداء على الصحفي؟

رواد مواقع التواصل الاجتماعي هاجموا لاعبي المريخ وحملوهم السبب في مغادرة الفريق للبطولة, كما أنتقد الرواد سلوك لاعبي المريخ عقب المباراة.

وقد أظهرت الصور التي تحصل عليها محرر موقع النيلين لاعب المريخ علاء الدين يوسف وهو يطارد احد الصحفيين بالمغرب في محاولة للاعتداء عليه.

تصرف علاء الدين أثار ردود أفعال واسعة حيث انتقده عدد من الرياضيين الذين وصفوا سلوكه بالغير مقبول وطالبوا إدارة الفريق بإنزال أقصي العقوبات عليه.

لكن بعض المصادر المقربة من بعثة المريخ ذكرت أن لاعب الوسط تعرض لإساءات عنصرية من الصحفي المغربي.

محمد عثمان _ الخرطوم

النيلين

شارك الموضوع :

تعليقات الفيسبوك

تعليقات


28 التعليقات

إنتقل إلى نموذج التعليقات

      1. 1
        ابو النجا

        اساءات عنصرية ؟ ما لازم يقول كده عشان يبرر تصرفو الاهوج ،،،،،،
        بعدين علاء الدين دا ما معروف بـ علاء الدين شلاليت في بلدو ،و من سنة دو ،، برضو كان بتعرض لاساءت عنصرية في بلدو ؟

        ارجو ان لا يتم اختيار هذا الاعب في المنتخب الوطني لان الفيهو اتعرفت و يسهل نرفزتو من الفريق المنافس بكل سهولة ليتم طرده.

        الرد
        1. 1.1
          خال فاطنة

          لو فعلا تعرض لاساءات عنصرية و دا ما مستبعد من المغاربة , يبقى معاهو كل الحق في ما فعل يا ابوالنجا
          ما تخلي هلاليتك تاثر عليك , م ضر الكورة السودانية الا التعصب الاعمي

          الرد
          1. ابوعمر

            يا خال فاطمه كل السودانيين معرضين للأساءآت العنصريه وفى عده مجالات ولكن الفرق فى استجابتك للاستفزاز ولاعب الكره لو كان متعلما” ومثقفا” يمكن ان يقابل الشتائم العنصريه بابتسامه توضح علوه وحقاره من يلجأ للشتائم العنصريه وعندها لن تتكرر ولكن عندما تستجيب للأستفزاز تكون قد نفذت ما يريد من شتمك .

            الرد
            1. خال فاطنة

              صدقت يا ابو عمر
              لكن احيانا يكون الامر فوق الاحتمال و دونك ما فعله زين الدين زيدان في نهائي كاس العالم

              الرد
          2. ابو خالد الدمام

            يا خال فاطنة الاساءة العنصرية يعني قال ليه يا عبد …في واحد مشى اشتكى زول قال ليه ياعبد … القاضي سأل المتهم قال ليه انت يازول فعلا قلت ليه يا عبد … رد المتهم على القاضي قال ليه يا قاضي سيبني انا انت رايك شنو…؟؟؟ ويا خال فاطنة انت رايك شنو في الجماعة ديل خليك من المغاربة ؟؟؟

            الرد
            1. خال فاطنة

              يا ابو خالد .. الاساءات العنصرية اكبر من كدا .. ما كلمة ( عبد) و بس .. لانها الكلمة دي في حد ذاتها ما بتزعل شديد .. وواضح جدا انه الاساءات كانت اكبر من كدا .. لنها خطة للاطاحة بالفريق وهو شرك نصبه المغاربة للمريخ ووقع فيه .. ربنا يصلح الحال

              الرد
      2. 2
        Adil

        عاوزين يوجدوا له الاعذار رغم ان العذز المذكور لايبيح له تصرفه واخذ حقه بيده وخاصة انه لاعب دولى قديم ويمثل هنا بلده وهناك قانون يعطيه حقه وليس بالطريقة الهمجية التى سلكها وتوجب عليه عقوبة رادعة خاصة انه مارس من قبل نفس التصرف مع فريق الوفاق بالخرطوم

        الرد
        1. 2.1
          أغبش

          زين زيدان اللاعب المخضرم والذي قاد فرنسا للفوز ببطولة العالم استفزته الاساءات العنصرية وتصرف تصرف تلقائي تجاه هذه الاساءات . لا أحد يرضى الأساءة من أي شخص كان أو في اية مكان .

          الرد
      3. 3
        Tamer

        هذه مهازل وتصرفات هوجا وغير مسئوله من لاعبين وإداريين المفروض أنهم سفراء يمثلون بلادهم خير تمثيل..والمفروض أن لا تمر هذه الأحداث مرور الكرام ويجب محاكمة ومحاسبة كل من كان له دور في أم المهازل.. ليكونوا عبره لغيرهم ولكل من تسول له نفسه الاساءه لبلد وشعب عرف عنه الأخلاق والأدب الجم.

        الرد
      4. 4
        Naser

        والله جريك دا يا علاء الدين لو جريتو في المباراة كان هسي عملتو حاجة…
        المغاربة عاملين ليكم شنة ورنة ولما جيتوهوم اكتشفوا انكم فريق (حمام).. اها يعملوا ليكم شنو؟!!…
        شدوا حيلكم وخليكم رجال وأبقوا قدر الشغلة.. الناس كلها بتحترمكم ومافي زول بسيئ ليكم….
        العنصرية ماحبابها.. والبتعصنر علينا بنوريهو نجوم السما.. لكن في مكانك دا المفروض ما تتجاوب مع الاستفزاز…
        كل اللاعبين السودانين ماعندهم (ثبات إنفعالي).. زي البيبسي.. رجه واحدة يفوروا ويطلعوا الجواهم ويخربوا أيي حاجة…
        لك الله يابلد

        الرد
      5. 5
        ابو ريتاج

        حلوة لاعب دولي ديل لا كوره ولا اخلاق

        الرد
        1. 5.1
          atbarawi

          صح – ديل كلهم فاقد تربوي لا ثقافة ولا علم وبينها ( سوء الخلق )

          الرد
      6. 6
        abdelrahim

        هؤلاء اللاعبين فاقد تربوي لا كرة ولا اخلاق وبقروش الشعب السوداني ، في احدي الدوريات الاوربية تعرض احد اللاعبين لاساءات عنصرية وصلت رمي الموز عليه فما كان منه الا ان قشر الموزة واكلها ورفع الكورنر ، كل ما فعله لاعبو المريخ واجهزتهم المختلفة من سوء سلوك وسقوط اخلاقي تبرير لفشلهم وطبعا الفاقد التربوي في الاعلام يتم الباقي ، ضربات جزاء صحيحة مش زي ضرباتهم الوهمية التي تعودوا عليها ، فلنفترض انها غير صحيحة الاولي كانت تقريبا في الدقيقة 12 والثانية كانت في الدقيقة كم وثمانون طيب خلال 70 دقيقة ما قادرين يحرزوا هدف وكان كافيا لصعودهم ولكنه الفشل ويودون ان يكون التجكيم شماعة

        الرد
      7. 7
        عازف الكمان

        فعلاً لا كورة ولا اخلاق علي قول شداد كلهم فاقد تربوي يهلل لهم في الصحف ناس زعيط ومعيط

        الرد
      8. 8
        ابو الزينة

        الصور دي مفبركة – يكفي النظر لظل الاربع اشخاص – ولا يوجد ظل للاعب علاء الدين يوسف علي الارض – ويعتبر نجاح للاعلام المغربي الذي يسعى لتشويه صورة اللاعبين السودانيين

        الرد
        1. 8.1
          أبو الفاتح

          يا راجل،،، سلامة نظرك.

          الرد
        2. 8.2
          أبو السره

          لكن علاء الدين جاري بسرعة 100 ميل في الساعة بظهر ليهو ضل؟؟؟؟؟

          الرد
      9. 9
        مكى المكى

        لا لعب و لا اخلاق هذا مستوى فضيحة نامل ان ينال كل من شارك فى هذا العبث اقصى العقوبات ومنها الحرمان من الرياضة مدى الحياة حتى يكون عبرة لم يعتبروهؤلاء اللعيبة ومعهم الاداريون يحتاجون تثقيف لانهم كما قال الدكتور كمال شداد فاقد تربوى لا يفهمون الا لغة البلطجة وحتى الاداريون نرى احتاجاتهم عند اى صافرة للحكم وقد اصبح الجمهور مثلهم
        لن ينصلح حال الرياضة فى السودان بوجود هؤلاء

        الرد
      10. 10
        حسنين

        لكل فعل رد فعل مساو له في الحجم مضاد له في الاتجاه .. to each action there is an opposite and equal reaction .. ليس هناك تصرف مهما كان اهوجاً ياتي من فراغ ولذلك علينا أن نبحث أولا عن الفعل الذي ادى الى رد الفعل هذا من لاعبي المريخ قبل ان نلومهم عليه.

        الرد
      11. 11
        الشوالي

        يا اسد الجريدة ،،،،، اليوم طلعتا فراشة
        خطافية كانت ،،،،وفي الحقيقة معاشة
        شدة ما قوية ،،، وفي الصميم دشداشة
        يا سوهندا ،،،،،،لما مسكتا ليها الشاشة
        ******
        قال ليك الحكم ،،،، قال لي زميلو هناي
        ما شايفك عديل يا صاحبي قرب جاي
        لمن صاحبو قرب ..قالو اسكت ساي
        لاقيت ليكا تايسون ،،، وجمبو ماشي كلاي
        ********
        هههههههههههههههههههههههههه

        الرد
      12. 12
        ودشيطوره

        لاساءات العنصريه هى السبب والمغاربه وشمال افريقيا من اكثر الشعوب الاستفزازيه ونحن السودانين معرفين بحرارت القلب وعدم الحقاره ولكن اعزرونا عن عدم زكر ما قيله لهذا الاعب البطل وهو يطارد لرد كرامة الشعب السوداني

        الرد
      13. 13
        ودعلان

        بطل ياعلاء . معروفين ناس شمال افريقيا مايحترموك الي تكوني فرنسي

        الرد
      14. 14
        الحلفاوي

        يا ابو الزينة سلامات
        الصورة لا مفبركة ولا حاجة علاء الدين جاري ورى الزول لمن فات ضله
        عشان كده ضله ما ظاهر في الارض

        الرد
      15. 15
        أخو البنات

        شوفوا يا شباب أنا هلالي من رأسي إلى أخمص قدمي ، لو فعلاً علاء بصمة تعرض لإساءات عنصرية فمن حقة يضربة ويكسره كمان ، ناس شمال إفريقيا ديل أكتر ناس عنصريين

        الرد
        1. 15.1
          abdelrahim

          عنصرية شنو ديل فاقد تربوي ده كلام لتبرير سوء السلوك والسقوط الاخلاقي وين الاحترافية انتم تصدقوا كلام الفاقد التربوي في الاعلام

          الرد
      16. 16
        ابو النجا

        من هنا و لــــ قدام كل المباريات سنخصرها بسبب للإساءات العنصرية لانو الفينا معروفة ، و دخلوها و صقيرا حام ،،،،،

        ابشروا بطول إساءات عنصرية ،،،،،،،،، قال إساءات عنصرية قال .

        الرد
      17. 17
        نقاااي

        المغاربه قالوا احد اللعيبة طلع ( حاجاتوا )
        يعني طلع ( عدتوا ) هههههههه

        الرد
      18. 18
        عبد الله

        الصحفي لو ما عارف نفسه غلطان ما كب الزوغة بالطريقة دي-

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *