زواج سوداناس

الناطق الرسمي لـ(الكاف): تسلمنا فيديوهات وصور وننتظر تقرير الحكم



شارك الموضوع :

يدرس الإتحاد الافريقي لكرة القدم” كاف” الفيديو الخاص بمباراة المريخ والكوكب المراكشي التي جرت لحساب جولة الاياب من دور الـ16 مكرر من كاس الاتحاد الافريقي “ الكونفيدرالية” وصاحبتها العديد من الاحداث عقب احتساب الحكم الغابوني ايريك كاستان اتوغو ركلة جزاء للفريق المغربي في الدقيقة 82 من عمر المباراة واحتج عليها لاعبو المريخ والجهازين الاداري والفني.
وحسب تصريحات رسمية للكاف صادرة عبر الناطق الرسمي جونيور بينام لوكالة الانباء الفرنسية فان الكاف لم يقرر بصورة نهائية في الاحداث التي صاحبت المباراة وقال: نمتلك حاليا فيديوهات وصور للمباراة نقوم بدراستها في انتظار التقرير الخاص بحكم المباراة.
واشارت الوكالة الفرنسية الى ان التلفزيون المغربي عرض صور للمباراة توضح اعتداءات لاعبي المريخ على الحكم والتدافع نحوه اكثر من مرة مما حدا بالحكم للتراجع من منطقة الجزاء الى وسط الملعب، وتلى ذلك اعتداء من قبل اداري ضخم على الغابوني بقبضة يده على وجهه “يقصد حاتم محمد احمد”، وقالت الوكالة ان الفوضى في المباراة استمرت الى 12 دقيقة نفذ بعدها مهاجم الكوكب المراكسشي ركلة الجزاء التي اقصت المريخ.

صحيفة آخر لحظة

شارك الموضوع :

تعليقات الفيسبوك

تعليقات


3 التعليقات

      1. 1
        RAYYAN

        ههههههه… إداري ضخم… غلييييد

        الرد
      2. 2
        atbarawi

        ليس اداري ضخم ولا يعرف كوعو من بوعو في الادارة – دا وا حد صعلوك عديم خلق همجي شوارعي فاقد تربوي – والمشكلة ح يقولوا ( سوداني )

        الرد
      3. 3
        الشوالي

        ⁠⁠⁠⁠⁠⁠⁠شماتة الأعداء هههههههههة
        مجادعة ثلاثي الهلال(ود البشري..ود المجذوب ..سوهندا) عن طيران الوصيف
        …..
        سوهندا :
        كانت شكله ،،، او بالأحرى ،،عكه قويه
        وإندق الحكم ،،،بي بنيه خطاافية
        ضلنا يا جميل ،،، ياها القبيل محرية
        وإستمعتنا غايتو ،، بي سهره (جونسينيه )
        ******
        ودالبشرى :
        قالوا عليك بطل ،،، قالوا انت اجمل ، درة
        سموووك الاسد ،،،، لكن ،، مجرررد ،،، برة
        تعبااااان انت ،،،، بس غايتو الحقايق مرة
        بدل الكورة ،،،، شوفولكم ،،، مصااارعة حرة
        ******
        ودالمجذوب :
        يا اسد الجريدة ،،،،، اليوم طلعتا فراشة
        خطافية كانت ،،،،وفي الحقيقة معاشة
        شدة ما قوية ،،، وفي الصميم دشداشة
        يا سوهندا ،،،،،،لما مسكتا ليها الشاشة
        *******
        سوهندا :
        قلتو قبيييل شفوت،،،،، وعلينا إتجدعتو
        إلا مشيتو بي البنج الكتييير ،،، بدعتو
        وين الصفوه ؟؟؟ لي الجمهور تملي خدعتو
        والأمر المهم ،،،،،، طرتو وخلاص ودعتو
        *******
        ودالبشرى :
        مريخكم حماااام ،،،، مااا عندو حبة كورة
        لا نص لا دفاع ،،،، حتى الهجوم ماسورة
        يا ريت الامور ،،،، هسع بقت مستورة
        بس ضرب الحكم ،،،، والله خرب الصورة
        ******
        ودالمجذوب :
        الناس حقو تبقي دوام قنوعة و راضية
        وتتناسي الهموم ،،،، أو بالاصح متغاضية
        وبي غض النظر ،، عن الهزيمة الماضية
        ايه ذنب الحكم ،،،، لو ينضرب بالقاضية
        *******
        سوهندا :
        بنقول لي الحكم ،،، كفاره ليك وسلامه
        يا الأسد النتر ،،، يا الديمه عالي القامه
        تتعلا الحروف ،،،، ليك انت يعلا مقامه
        والنجمات فداك ،،،، يبقولك انت كرامه
        *****
        ودالبشرى :
        طار اب نجمة ياااا حليلو ،، وسمعنا العوة
        قونين من لهب ،،،، خلو ،، الوصيف يتلوى
        الكوكب ظهر في استااادو ،،،، نور وضواا
        بس ياخي الحكم ،،، وروني بس شن سوى ؟؟
        ******
        ودالمجذوب :
        قال ليك الحكم ،،،، قال لي زميلو هناي
        ما شايفك عديل يا صاحبي قرب جاي
        لمن صاحبو قرب ..قالو اسكت ساي
        لاقيت ليكا تايسون ،،، وجمبو ماشي كلاي
        ********
        سوهندا :
        دام طار الهلال ،،، معروف اكيد ح تطيرو
        في درب الكبير ،،،، حتمآ وراهو تسيرو
        مريخكم خلاص ،، وصلت حرارتو الزيرو
        شيلو الفاتحه فيهو ،،،، علي لجان تسييرو
        *****
        ود البشرى :
        يوم طار الهلال ،،،، النجمة نفشت ريشا
        تشمت في الهلال ،،، جابت كلاااام نبيشة
        طارت هسسة في المغرب ،،، بقت مااافيشة
        قالولنا الكواكب ،،، ، كرهوها العيشة

        ******
        ودالمجذوب :
        ليه الانفعال ،،،، يا اخوانا والعصبية ؟؟؟
        الناس تبقي ،،رايقة وروحا سامية ابية
        حاتم موهبة ،،،،، ولكماتو اولمبية
        لو شارك اكيد ،،،،،، بيحقق الدهبية

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *