زواج سوداناس

التجار السودانيون العائدون من دولة الجنوب يستنجدون بالبرلمان ويتمسكون باسترداد ممتلكاتهم



شارك الموضوع :

دعا التجار السودانيون العائدون من دولة جنوب السودان, الحكومة لتحمل مسئولياتها واسترداد ممتلكاتهم والتي اعلنوا انها تعادل نحو 20 مليون دولار, واستنجد التجار بالبرلمان امس ودفعوا بمظلمة رسمية للجنة العدل وحقوق الانسان، تشكو من اوضاع اقتصادية صعبة دفعت بعض التجار الى التسول بينما مات اخرون جوعاً ومرضاً.
ولوّح الامين العام لشعبة التجار السودانيين العائدين من جمهورية جنوب السودان صديق محمد كوراك، بتصعيد قضيتهم الى منابر خارج السودان, واضاف “اذا ضاق بينا الحال حنطلع بره السودان”، وأردف ملقياً باللائمة على الحكومة” انتزعنا انتزاع من ارضنا وجدعونا وحكومتنا بتعاين لينا”, وناشد كوراك خلال تصريحات صحفية امس, رئيس الجمهورية المشير عمر البشير بضرورة التدخل وحل قضيتهم التي وصفها بالعادلة والانسانية بعد ان تساقط اصحابها بالموت اما جوعاً او مرضاً.
وتحسر الامين العام للشعبة على تجاهل الحكومة لمطلبهم، وتساءل مستنكراً “اسا ديل لو املاك الجنوبيين واحنا شلناها كانوا سكتوا؟” ورد سريعاً ” كانوا قوموا الامم المتحدة وكانت امريكا دخلت واسرائيل والدول الافريقية اتكلمت”, وقال (قضيتنا اهم من قضية الحدود ومن ابيي ودارفور, لانها تشمل نحو 8 الاف مواطن سوداني).
واتهم كوراك حكومة دولة الجنوب بتجاهل قرار السلطة القضائية التي حكمت لصالح التجار الا ان اصحاب الحظوة في الحركة الشعبية جاؤا بدبابتهم وطردوهم, وكشف عن اصدار قرار من حكومة جمهورية جنوب السودان قبل 5 اشهر، تم ابطاله لاحقاً بمصادرة كافة املاك العرب والاغريق, وتحسر على فترة الرئيس الاسبق جعفر نميري وقال “ما ضقنا راحة الا في عهد نميري”.
وتسلم رئيس لجنة العدل وحقوق الانسان بالبرلمان احمد التجاني المذكرة، وتعهد بمتابعة القضية والاتصال بوزارة الخارجية.

صحيفة الجريدة

شارك الموضوع :

تعليقات الفيسبوك

تعليقات


6 التعليقات

إنتقل إلى نموذج التعليقات

      1. 1
        زول HD

        المشكلة هم يصادروا ممتلكات التجار الذي يقدمون خدمة لمواطنهم ….

        و نحن نستقبل لاجئنهم عشان يضايقونا في معايشنا، اللي أصلها ضايقة لدرجة (قف تأمل) .

        اللي عنده تبرير لهذا التناقض ممكن يوضح لينا … أصلوا المخ (تقل علينا) !!!

        الرد
      2. 2
        كوال مجوك

        مافي زول في جنوب اخد حقهم بالقوة براهم خافو من الحرب وجرو الشمال ارجو ما تسيئو لجنوبيين هم ابرياء وجنوب يرحب بأي شمالي داير يشتغل بشرط يبعد من سياسة وتدخل في شئون جنوب.

        الرد
      3. 3
        ابو النجا

        اوضاع اقتصادية صعبة دفعت بعض التجار الى التسول بينما مات اخرون جوعاً ومرضاً.

        هههه ،،،تعالوا اقطعوا القنبور دا ،،،،،انتوا عارفين ديل ناس غجر و بكرهوكم كراهية التحريم يا مندو كوورو ،،،، المقعدتكم مهاهم شنو؟

        ما كان من زمان تلملموا عفشكم و تجوا سوق ليبيا .

        الرد
        1. 3.1
          عباس احمد

          فعلا هم يستاهلوا لانكم اشكال الواحد يخاف على نفسو منكم ولكن هم غلطانين عشان كده فليتحملوا غلطتهم وان يتحملوا ماجاءهم من الجنوبيين لانهم هم اكثر ناس مفروض يكونوا عارفين الجنوبيين وغدرهم عشان كده كلامك صاح كان مفروض من بدرى يتخارجوا وياخذوا معهم تجارتهم الى مكان آمن غير الجنوب ولكن طمعهم اوردهم المهالك فليتحملوا مصيرهم وربنا يعينهم وهذه عبره لمن لايعتبر .

          الرد
      4. 4
        Al Jali Al Hur

        أنا غايتو ما بعرف لكن أي شمالي يتواجد في جنوب السودان يتحمل لوحده ما سيحدث له ، هو في زول عاقل بقعد في بلد زي دي أو يعمل فيها تجارة ؟ من المفترض وقبل الإنفصال أن يقوم كل الشماليين بتصفية أعمالهم بالجنوب والعودة للشمال أو الهجرة لأي جهة أخري يعملوا فيها عمل تجاري لأنه أي زول كان عارف ماذا سيحصل للشماليين لو الجنوب إتفصل وكل الناس كانوا عارفين إنه الجنوب سوف ينفصل ” عدا البشير و علي عثمان فقط الذين دفقوا ماؤهم على الرهاب وخسروا مليارات في الشهور التي سبقت الإنفصل فيما ما يسمي “بمشاريع الوحدة الجاذبة” . أي شمالي متواجد في الجنوب يتخارج منه بأسرع ما يمكن والجاتك في مالك سامحتك لأنه بعد شوية حا تكون في حملة تطهير عرقي لكل ما هو شمالي من هؤلاء الأوباش … خارجوا نفسكم سريع لأنه الحكومة ما حا تعمل ليكم أي شئ والفيها مكفيها وزيادة ولن تقدم لكم أي شئ إلا كلام فقط أو وعود على الهواء كالعادة.

        الرد
      5. 5
        sudania

        موش انتو ياكم زااتكم البتهربو السكر والقمح للجنوب عشان تعملوا ندرة في السوق السوداني وتبيعو بالشي الفلاني للجنوبيين؟؟ ما تلومو الا نفسكم ي كوراك

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *