سياسية

سعاد الفاتح للبشير :”يا ريس دايرين وزراء يركبوا معانا مواصلات”


طالبت عضو مجلس الولايات البروفيسور سعاد الفاتح بمحاربة الفساد الذي قالت إنه ضرب القارة الإفريقية بأجمعها، مما ساهم في الانهيار الاقتصادي وقيم المجتمع، ووجهت انتقادات للدولة باعتمادها على استيراد المواد الغذائية وغيرها من السلع غير الضرورية مما أدى إلى إضعاف الاقتصاد السوداني وتراجعه وطالبت الوزراء باستخدام المواصلات العامة.

وقالت سعاد خلال تكريمها أمس الأول بحضور الرئيس عمر البشير بمناسبة نيلها لقب أم أفريقيا من البرلمان الإفريقي، إنه لم يتم تطبيق شعار “نأكل مما نزرع” حتى الآن. وأضافت أنه حال تم ذلك فإن السودان سيكون في مصاف الدول المتقدمة.

ونادت سعاد الرئيس البشير باسمه يا “عمر نحن دايرين وزراء يركبوا معانا المواصلات ويعانوا معانا ولو ما عملوا كدا ديل ما وزرانا وما بنعرفهم”. ومنح الرئيس البشير سعاد هدية عربة كورولا موديل 2016 بالإضافة إلى عدد من الهدايا والشهادات من مختلف الجهات الداخلية والخارجية.

صحيفة الصيحة


‫5 تعليقات

  1. الكورولا أصلاً حقة البشير قاليها أنا أول واحد ح أطبق ركوب المواصلات …..

  2. يا سعاد الفاتح : اول واحدة اركبى المواصلات بعداك اتكلمى عن البقية عشان تكونى قدوة حسنة

  3. يعني يا شيخه سعادة إنتي حسع قاعدة تركبي المواصلات العامة عشان الوزراء يركبوا معاك المواصلات ، آهو أعطوك سيارة فارهة ولم ولن تفكري مجرد تفكير بعد الآن في بكون المواصلات العامة . قالت مواصلاع عامة قالت ” الكلام ده على منو ولمنو ؟؟؟؟ هو أصغر رأس في الدولة وعلى مستوى المحلية له 4 سيارات مخصصة له ، واحده له هو وآخري للزوجة وأخري للأولاد الذكور وأخري للأولاد من الإنقات ” حقت البيت” …

  4. يعني كان ركبتو المواصلات مشاكلنا الاقتصاديه بتتحل و الشعب حيعيش في رفاهية و بلدنا حتكون سويسرا أفريقيا ؟
    أنتو اركبو الشارع و سوف ينصلح الحال بدونكم بإذن الله