زواج سوداناس

السودان يستعين بالصين لبناء محطة نووية



شارك الموضوع :

وقع السودان والصين على اتفاقية إطارية لتشييد أول محطة نووية للاستخدامات السلمية في السودان، وهو ما وصفته الخرطوم بالخطوة المهمة في علاقة البلدين.

وتم توقيع الاتفاقية أمس الاثنين في ختام اجتماعات لجنة للتعاون في مجال الطاقة بين البلدين، من دون إعلان تفاصيل بشأن هذا المشروع النووي.

وقال وزير المالية السوداني بدر الدين محمود الذي ترأس الجانب السوداني في المحادثات الثنائية “جاءت موافقة الجانبين على الدخول في مجالات توليد الطاقة النووية بمثابة خطوة مهمة في علاقة السودان بالصين التي وافقت على وضع كامل خبراتها وقدراتها لصالح مشروع الطاقة النووية بالبلاد”.

وأضاف محمود أنه تم بحث كافة مشكلات الطاقة في السودان، والصعوبات في مشروعات الطاقة الجديدة، و”التحديات المستقبلية للتعاون في ما يتعلق بمتأخرات الديون التي بدأ سدادها”.

المصدر : الجزيرة + وكالات

شارك الموضوع :

تعليقات الفيسبوك

تعليقات


13 التعليقات

إنتقل إلى نموذج التعليقات

      1. 1
        محمد أحمد

        خلونا من المحطة النووية, أخبار مطار الخرطوم الجديد شنو!!

        الرد
        1. 1.1
          atbarawi

          المطار الجديد شكلهم دايرين يشغلوه ب ( الطاقة )النووية دي – يا اخوانا جيبو لينا العيش اول والطماطم والجرجير والرز والكهرباء والفسيخ والدكوة والشمار والبطيخ والكمونية والبصل والطعميه والروب والصير ودواء القحه والملاريا وحق الاسهال ووجع البطن والطمام ودوا الحر والشمس والوسخ والناموس والضبان و بعدين نطو للنووي السلمي دا

          الرد
          1. Tnago

            جوعتنى

            الرد
      2. 2
        جمال

        شعب محبط
        يعنى انتى لا لقيت دكوة ولا طماطم ولا الحاجات الزكرتها دى ؟؟؟
        شعب لا أمل فيه

        الرد
      3. 3
        عطبراوي

        انت ياatbarawi وقتك المالاقي الحاجات دي.. كيف اشتريت جهازمتطور كدا وكيف بتنشط نت يعني دخلك الشهري كم؟انت شكلك قاعد برة البلد وتتفاصح ساكت وعامل فيها مناضل كيبورد
        دمرتو البلد

        الرد
      4. 4
        محمد الحسن

        الطاقة النووية هي البتجيب والطماطم والجرجير والرز والكهرباء …………….بأرخص الاثمان يا atbarawi

        الرد
      5. 5
        Atbara

        اخونا عطبراوي
        بكلامك ده ناس حكومتنا ديل ممشين البلد بالريموت كنترول من ماليزيا و دبي؟
        و الشي التاني فايده السدود دي شنو طيب و وين سد مروي الكلفنا 3مليار دولار ؟؟؟
        و الشي التالت لا تثق في الصين للدرجه دي … ما احتمال دايرين يبنو مكب لنفاياتهم النووية و بيقولو عايزين نبني مفاعل نووي في السودان و نبقي مكب نفايات خلفيه للصين علي وزن حديقه خلفيه للسعوديه

        الرد
      6. 6
        Atbara

        الدمرو البلد ناس المؤتمر الوطني لا أحد غيرهم … سياساتهم الداخليه و الخارجيه لا تصب في مصلحه الوطن و المواطن

        الرد
      7. 7
        رضا المهدي

        سبحان الله الكهرباء تقطع الناس تنقنق الحكومة تعمل محطة نووية لحل جذري للكهرباء وبسعر رخيص برضو بعض الناس تنقنق دا كلام

        الرد
      8. 8
        ود بلد

        محطة الطاقة النووية تديرها الحكومة السودانية الما قادرة تدير محطات كهرباء حرارية يدفع فيها المواطن ثمن الكهرباء مقدما ؟؟

        وكمان يعملوها صينين الدفنو النفايات النووية تحت ستار سد مروى !!!!

        الآن بدأت افهم المقولة السودانية عن ولاية الخرطوم … تعمر لي جبالها وتخرب في نهارها

        انفجار تشرنوبل قادم للسودان وسرطانات وامراض

        لاحول ولا قوة الا بالله

        لأول مره فى حياتي اندم عشان ماقدمت الكلية الحربية بعد امتحان الشهادة السودانية

        الرد
      9. 9
        رضا المهدي

        دي المشكلة فشل رهيب في الإدارة ونوع المشاريع دي خطيرة مفروض تدار عبر شركات عالمية محترفة أقل دقسة حتكون مصيبة

        الرد
      10. 10
        حمادة سكر

        احسن موقع للمحطة النووية هو ميناء عقيق على ساحل البحر الاحمر موقع مثالى منطقة هادية وتكاد تخلو من السكان

        الرد
        1. 10.1
          mustafa ahmed

          محطة نووية جمب البحر ؟؟؟؟ عشان اقل حاجة البحر الاحمر كللو يموت

          الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *