سياسية

الفاتح عز الدين ينتقد الوضع الاقتصادي ويحرض على الثورة


وجه رئيس البرلمان السابق الفاتح عز الدين انتقادات للسياسات الاقتصادية، وانتقد الواقع الاقتصادي بالبلاد، وقال ” لو قعدنا 200 سنة بهذه الطريقة لن نستطيع ان نعالج هذا الواقع”، وحرض عز الدين في اول مداخلة له بعد الاطاحة به من منصب رئيس المجلس الوطني, على الثورة، وقال “الوضع يقتضي أن نكورك بأعلى حسّنا و متى سنثور ان لم نثر الآن”.
ووصف عز الدين الظرف الاقتصادي بالاستثنائي، وقال انه يحتاج الى تدابير استثنائية، وانتقد ضعف الصادرات الزراعية والحيوانية وذكر: دولة من اقصاها لاقصاها تتحدث عن 800 مليون دولار، وسخر من قطاع الثروة الحيوانية، وقال” الجديد شنو في الثروة الحيوانية وصادراتها؟”، واردف” بهذه الطريقة التقليدية لن يستطيع السودان المنافسة في السوق الدولي لصادر اللحوم.
ووصف عز الدين الانتاجية المتوقعة من الزراعة المقدرة بـ 7,5 ملايين فدان خلال العام المقبل بالمتواضعة، وقال ” لو قعدنا 200 سنة بالطريقة دي لن نستطيع معالجة الواقع”، وطالب بتنفيذ ولو مشروع واحد بصورة علمية ومتميزة.

صحيفة الجريدة


‫9 تعليقات

  1. وينك زمان وكلامك ده ليه ما قلته من بدري
    ولكن نقول حسبنا الله ونعم الوكيل

  2. ولمن كنت رئيس للبرلمان عملت شنو .
    والله صحى الإختشوا ماتوا .

  3. وإنت ما كنت فيها ، او كنت رئيس البرلمان الافكار دي ما إقترحتها على الحكومة مالك مع إنه التشريعات والقوانين كلها بتمر عليك، دا كلام زول محروق ساكت الظاهر الفلس بدأ يعمل عمايله .

  4. ده طبع الكيزان .. بعدما يشبع من السرقة ويعرس تلاتة نسوان وكرشو تنتفخ يبدأ فى الزراط .. العفنة الكثيرة دى انتو قايلنها من شنو .. ما شايفين الطيب مصطفى كل يوم بيزرط فى الصحف .. العفنة الفى ام درمان دى ما سببه حسين خوجلى .. زراط يومى فى قناة ام درمان !!!

  5. من يدعو الى الثورة هو قائد المليشيا الخاصة التى تم تدريبها لإجهاض اى ثورة او انتفاضة وهى المسئولة عن اغتيال اغلب شهداء سبتمبر . شفتو الكيزان بلعبوا بعقولنا كيف .

  6. طبعا” صاحبك بعد ما عمل مثنى و ثلاث و لقى نفسو فجأة في الشارع لانو انا ما عارف الكيزان ديل جنو ولا مالهم !!
    زول يجيبوهو من محلية لي رئاسة الجهاز التشريعي و متوقعين النتيجة شنو , على العموم حقو ترضى ليك بي محلية علشان الحريم ديل ما يزعلوا