جرائم وحوادث

سيدة تنهال ضرباً علي سائق ركشة بسبب أغنية (راجل المرا)!


يبدوا ان قدر سائق احدي الركشات بسوق ام درمان قاده لان يتعرض لأكثر المواقف المحرجة في حياته وذلك بعد ان تعرض للضرب علي يد سيدة خمسينية وسط دهشة الكثيرين من الموجودين داخل السوق وبالعودة للتفاصيل – بحسب شهود عيان – فان المرأة عللت أقدامها علي ذلك الأمر بسبب اصرار سائق الركشة علي تشغيل الاغنيات بصوت عال ورفضة الانصياع لطلبها بتقليل الصوت الامر الذي قاد لاستفزازها لتقوم بتفريق غضبها عليه من خلال ضربه بحقيبة يدوية كانت تحملها فيما اكد سائق الركشة لشهود العيان بان ادعاءات المرأة في حقة كاذبة مضيفاً ان صوت الاغنيات كان اقل من عادي لكنها اصيبت بالتوتر عندما استمعت لأغنية توديها إحدي المطربات كانت تدعو ل(تعدد الزوجات) واختتم سائق الركشة حديثة : ( الظاهر المدام راجلها معرس فيها) .!

صحيفة السوداني


‫6 تعليقات

  1. بكون كلام المرة صاح والله بتاعين الركشات ديل اكبر مصدر للازعاج العام والصوت العالي دا بكون عااادي بالنسبة ليهم لكن مدمر للأعصاب للزبون والاستريو مركب ورا والخبت والرزع دا كلوو في راسه.. لكن برضو قلة أدب منو ما يسمع الكلام وكمان يتمسخر في واحدة قدر أمه

    1. سواق الركشة قال الصوت كان أقل من المتوسط !

      انت متعاطفة مع المرة دي مالك !!!

  2. غايتو. سودانا دا بلد ناسه عايشين في عالم يخصهم هم ولا يفهمو في ذوق ولا إتيكيت ولا تعامل .. ياخ الزبون دائماً علي حق يعني تدفع فلوس لي تاكسي او ركشة من حقك عليه انه يعمل اليريحك .

  3. الفرح في كل الحالات جميل ..
    بس ياخي سائقي الركشات بعملوها شينه بمجرد ماتركب لو انصار سنة يشغل ليك ( قالوا .. قالوا على شقي ومجنون ) .. ولو خاله عايزة تمشي تشتري اغراض من السوق يشغل اغنية ( راجل المرا ) .. بتاع الركشة دا ماعارف اغنية راجل المرا دي شعار معارضة ليهن ديل الحكومة ياخ ..

    شترة :
    مرة ركبت مع بتاع ركشه مساء وكت ماشي عفراء اشتري اغراض اول ماركبت شغل اغنية ( عزاز علينا ) .. قلت ليه منو العزاز عليكم ؟ قال لي الحبايب .. قلت ليه هسي حبيبتك سامعه معاك ؟ قال لي لا لا لكن انا بتطرب .. قلت ليه طيب وانا ذنبي شنو تطربني معاك ممكن تكون عندي ( حبوبتي ) هسي وداخل في حالة حزن شديدة على فراقا .. قال لي بالله حبوبتك ماتت ؟ قلت ليه ايوا .. قال لي متين ؟؟ قلت ليه قبل 3 ساعات .. قال لي طيب انا اسف ياخ وقفل المسجل .. قلت ليه ماعندك البقرة هنا ولا يس ؟؟ قال لي لا والله .. قلت ليه اتعود شووويه بس استمع للقرآن .. وشوف حالتك تكون كيف ..

  4. واحنا نصدق سواق الركشة ليه مثلا..؟ ما اهو شايفين عمايلون بي عيننا .. تقول ليه وطي الصوت يعاين ليك من فوق لي تحت