أبرز العناوينمنوعات

بالصورة : طالبة سودانية تحرز المركز الأول في الشهادة الثانوية على مستوى المملكة السعودية


الخرطوم : العيسابي

أحرزت الطالبة السودانية النابغة ( سلمى عبد المنعم أحمد ياسين ) المرتبه الأولى علي مستوى المملكة العربية السعودية في إمتحانات الشهادة الثانوية بإحرازها الدرجة الكاملة للمجموع بنسبة 100% ، بحسب محرر موقع ( سوداناس الاخباري )  وقد عُرِفت الطالبة ( سلمى ) بنبوغها وتفوقها منذ صغرها ، الأمر الذي جعل هذه النتيجة الباهرة غير مستغربة على أسرتها وأسرة مدرستها .

وكانت ( سلمى ) قد جلست لإمتحانات الثانوية السعودية من مدرسة الحائر الحكوميّة جنوبي العاصمة السعودية الرياض ، وهي تنحدر من منطقة تنقسي الجزيرة محلية الدبة شمالي السودان ، ويعمل والدها بالمملكة العربية السعودية مهندساً زراعيّا متخصصاً في ( أبحاث النخيل والتمور  ) منذ عدة سنوات ، وتهدي ( سلمى ) هذا التفوق الباهر الذي رفع إسم السودان عالياً للأهل في السودان عامة وتنقسي الجزيرة خاصة ، وتشكر أسرتها وأسرة مدرستها ومعلماتها على ما بذلوه من جهد وإجتهاد.

سوداناس


‫35 تعليقات

  1. التهاني لابنتنا السودانية عبير , والنسبة عالية جدا , ما شاء الله ! ولكن يجب التنبيه إلى أنها ستكون الأولى في حالة ما إذا لم يحرز معها أي أحد هذه النسبة 100% وفي العادة لا يقل عدد الذين يحرزون الدرجة الكاملة في السعودية في الشهادة الثانوية لايقلون عن بضع عشرات في كل سنة , والشيء الثاني هو أن الاختبارات وتصحيحها من نفس المدرسة ومن نفس المعلم أو المعلمة أي أن واضع الأسئلة ومصححها هو نفس معلم المادة أو معلمتها , ولذلك أصبحت الشهادة الثانوية في السعودية نفسها مسيخة وبلا قيمة تذكر ولا يعتمد فيها على التنافس في دخول الجامعة عندهم إلا بنسبة 40% أو ـــ 60% وهذا أمر مؤسف لا سيما وأنها أصبحت في السودان بلا قيمة ومع ذلك فإن تفوق هذه البنت وأضرابها يدل على اجتهاد وحرص , فتهانينا لها ولعائلتها الكريمة , خاصة وأن بعض أبنائنا السودانيين هنا لا يحرزون أكثر من 70%!!

    1. ياخى انت نسيت المهم فى الموضوع وهو انها الاولى على السعودية، ووقعت تحليل فى النسب والشهادة والقيمة!!! ياخى قول خير!! مبروك يا أمى وربنا يوفقك ويديم عليك التفوق وعقبال بناتنا واولادنا كلهم ان شاء الله

    2. كلامك غير حقيقي ٠ هناك امتحان مركزي يجلس له جميع الطلاب واسمو التحصيليي ويتم تصحيحه مركزيا ايضا .يعني لا الطالب له علم بالمصحح ولا المصحح يعرف الطالب ٠ والامتحان دا نسبتو ٨٠% وامتحان المدرسه ٢٠ % .والامتحان التحصيلي دا شامل كل المقررات من اولى لاحدي ثالثه ٠ وبيجلسوا ليهو مرتين في السنه.والشئ المهم انو حتى في السودان مالقو اي طريقه غير انهم يعترفو بقوة الشهاده العربيه ٠ وبقو ما بيعملوا ليها اي تعديل .وكمان في حاجة اسمها امتحان القدرات ٠ ودا ما عندو اي علاقة بالمقررات المدرسيه.وهو امتحان معلومات عامة لتحديد مقدرة الطالب الذهنيةوهومن اصعب الامتحانات وبيتم من خلالو المفاضلة .بين الطلاب ٠ يعني لو في اكتر من طالب حاصلين على ٩٠% مثلا ومقدمين على كلية معينه .يتم الفصل بينهم بنتيجة امتحان القدرات .لا تظلموا البت بكلام غير حقيقي…………

  2. اذا كانت النسبة دي في القدرات والتحصيلي فعلا نابغة ربنا يحفظها
    لكن نسبة 100% في المدرسة الالاف الطلاب بتحصلو عليها عادي جددا عندنا طلاب عمره مادخل حصة ويجيب 100% وماعارف كوعه من بعوه بالواسطة والمحسوبية

  3. م ياهو ده طبعنا تكسير المقاديف يستحيل يتفقوا على الجميل بل يتفق على كل قبيح لذلك يا بنتى لا تهتمى طالما كرموك اهل المعرفة هذا التكريم فأنتى اهل له والف الف مبروك وعقبال الدكتوراة الجد مش بتاعت سوق سعاد قشرة ولا المحطة الاوسطى امدورمان ولا السوق العربى زيها و زى اى جزمة مما ادى الى تدهور البلاد يا شاطر الناس بقت ما فاضية لعلم اشترى وخزن شهادة دولار جزمة لحمة اشترى بس

    1. سعاد قشرة دي منو يا زول؟ أتوقع إنها أخت أو تومة (سعد قشرة) صاح كده يا ميم؟

  4. مبروك بنتا سلمى …. امتحان الثانوية يتكون من شقين المدرسة وتاخذ منها نسبة 20% والتحصيلى وتؤخذ منه نسبة 80%
    اتنمى ان تكون نسبة ابنتنا سلمى تعكس المحصلة النهائية من مجموع النسبتين وهذا هو التفوق الحقيقى…

  5. النسبة هذه مؤشر جيد يدلل على عبقرية البنت.. قبل سبعة سنوات على ما اذكر احرزت طالبة سودانية ذات النسبة.. بعدها بطريقة او باخرى انتقلت لدراسة الطب فى السودان … عملت ادا رائعا فى كلية الطب وتخرجت منها ايضا بدرجة علمية رائعة عموما يا ابنتى مبروك التفوق والنجاح .. وربى يسعدك فى ايامك القادمات.. بلاش سلبية يا اخونا لازم نرفع اكفنا لله بان يوفقها

  6. اولا الف مبرووك لها ولاسرتها ، ولكن نرجع للمنطق قليلا كيف يتم امتحان الشهادة في السعودية ؟ كل مدرسة لحالها ليس هنالك امتحان موحد علي مستوي السعودية وهذه النسب خلقت مشكلة في السودان لانها غير حقيقية وقد رفضت كلية الطب جامعة الخرطوم قبول الطلبة بهذه النسب فتكفلت وزارة التعليم العالي بقبولهم علي النفقة الخاصة مما يدل علي سهولة الحصول علي هذه النسبة وتجد العشرات حاصلين عليها في كل الاعوام ، والغريبة المغتربون يطالبون بمساواتها بالشهادة السودانية فهل يعقل هذا!!!؟

    1. كلامك غير حقيقي ٠ هناك امتحان مركزي يجلس له جميع الطلاب واسمو التحصيليي ويتم تصحيحه مركزيا ايضا .يعني لا الطالب له علم بالمصحح ولا المصحح يعرف الطالب ٠ والامتحان دا نسبتو ٨٠% وامتحان المدرسه ٢٠ % .والامتحان التحصيلي دا شامل كل المقررات من اولى لاحدي ثالثه ٠ وبيجلسوا ليهو مرتين في السنه.والشئ المهم انو حتى في السودان مالقو اي طريقه غير انهم يعترفو بقوة الشهاده العربيه ٠ وبقو ما بيعملوا ليها اي تعديل .وكمان في حاجة اسمها امتحان القدرات ٠ ودا ما عندو اي علاقة بالمقررات المدرسيه.وهو امتحان معلومات عامة لتحديد مقدرة الطالب الذهنيةوهومن اصعب الامتحانات وبيتم من خلالو المفاضلة .بين الطلاب ٠ يعني لو في اكتر من طالب حاصلين على ٩٠% مثلا ومقدمين على كلية معينه .يتم الفصل بينهم بنتيجة امتحان القدرات .لا تظلموا البت بكلام غير حقيقي…………

  7. مبروك يا بنتي ونتمنى لك دوام التوفيق والنجاح : ولكن من المفارقات في نظام السودان للقبول للجامعات قد لا تجد فرصة في كليات الطب أو الهندسة مثلا في جامعة الخرطوم / لأنه نظام القبول نظام عجيب وقريب ويخصمون حوالي 7% من نسبة الشهادة التي يحرزها طالب الشهادة العربية ، يجب إعادة النظر في هذه السياسة يا أيتها الوزيرة المتعنتة ” وإتقي دعوة المظاليم من أبناء الشهادة العربية التي نحسب أن منهجها أفضل من المنهج السوداني والعام الدارسي يسوده الإستقرار وبيئة التعليم لا تضاهي ببيئة التعليم في السودان “لا سبيل للمقارنة من أي ناحية …. “

  8. الف مليون تلريون مبروك والله الشهادة العربية الان افضل من شهادة كتيرة والطالب اصبح يكون اكثر نضجا ومعرفة بكل العلوم والمعلومات العامة الاخرى اقضل من شهادات كثيرة وبطلوا حسد الان اغلب الدكاترة والمهندسين السودانين من خرجوا الشهادة العربية فمزيدا من التقدم لكى ابنتى والتهانى موصولة لوالدك عبد المنعم ولوالدتك المعلمة عشمانة

  9. الف مبروك للبنوته ولكن الرجل كلامو صاح السعوديه مافيها اختبار مركزي والتحصيلي ماداخل في النسبه المنشوره هنا ولكن حتى اوجابت 110في الميه ماحتدخل طب الخرطوم لانو حكومتنا مصره اولاد المغتربين لازم يدفعو انصح والديها بالبحث لها عن منحه في بلد غير السودان وهو امر سهل للمتفوقين الى ان يكرمنا الله بدولة تحترم شعبهاوتقدره

  10. الف مبروك واتمنى لك التوفيق والنجاح دوما
    وربنا يخلي كل العانوكي على هذا النجاح

  11. ان شاء الله ربنا يوفها في كل خطوة
    بعدين المانع شنو م تحرز هذه النسبه مالن السودانيين اغبياء
    م الطالب احمد الفي امريكا صنع ساعه وكرموهو في البيت اﻷبيض كمان
    والله السودان فيهو ناس ما ساليين في اعظم دوله لكن ربنا يحسن الحال وتشوف النبوغ داخل السودان رغم المناهج القويه والمعقدة دي
    والدليل انا شاهد علي طالبه قفلت امتحان اللغه العربيه في مرحله اﻷساس
    شئ طبيعي نسمع السودانيين متفوقين وربنا يعينهم ان شاء الله

  12. الُفَ الُفَ مٌبّرَوَكِ نَتْمٌيَ لُكِ الُتْفَوَقً دِائمٌا.

  13. ألف مبروك لإبنة السودان عبير وعقبال الماجستير و الدكتوراه . الحمد لله أحرزت ابنتي أيضا 99% في امتحان المدرسة و 98% تحصيلي ولله الحمد والمنه.
    نحن أهل السودان ولله الحمد متفوقون في سلوكنا أولا ثم في غالبية المجالات . نأمل أن يتطور إعلامنا بالصورة الكافية ليظهر بصورة جلية وجه الوطن العزيز . باختصار قال لي أحد الإعلاميين المرموقين في الوطن العربي في حفل استقبال أن معظم الذين يتم ترشيحهم في الدول الأخرى لجوائز كبرى يوجد في السودان من هم أفضل منهم بدرجه كبيره ولكن عندكم مشكلة في الإعلام كبيرة وأن هناك علماء أفذاذ في بلدكم وقع عليهم ظلم كبير عبر السنين .

  14. الف مبروك يا سلمي وانا واثق فيك اذا امتحنت وعادلتي النتجه لجامعة الخرطوم فانت معلمه وست الستات ممكن تقفلي عادي المجموع وتقنعي العالم سلمى الاولى في اي مكان وزمان. والناس الغيرانا تموت بحقدها وحسدها يالا سلام

  15. الف مبروك لابنتنا الغالية سلمى ونسأل الله ان يحفظك ويسدد خطاك وان يجعلك ذخرا لوالديك انشاءالله …وأوصيك ونفسي بتقوى الله دائما في السر والعلن وموفقة بعون الله.