أبرز العناوينسياسية

وزير المالية: ضغوط أمريكية على الصين لتقليل سعر عملتها بهدف تقليل قدرة السودان التصديرية


أقر بوجود (8) عقبات تواجه تنفيذ الموازنة في ربعها الأول
الخرطوم – عماد الحلاوي
قال وزير المالية “بدر الدين محمود” أمام المجلس الوطني أمس (الأربعاء)، إن نسبة الفقر في الأعوام (2007- 2009) كانت أعلى مما عليه اليوم.
وكشف الوزير في عرضه لأداء موازنة 2016م في الربع الأول عن ضغوط أمريكية على الصين لتقليل سعر عملتها (اليوان)، بهدف تقليل قدرة السودان التصديرية وفرض المزيد من الحصار الاقتصادي عليه.
وقال في رده على مداولات الأعضاء إن تحويلات المغتربين يغطى بها العجز في ميزان المدفوعات، مشيراً إلى أن تحفيز المغتربين لتحويل كافة مدخراتهم بالعملة الأجنبية إلى السودان غير مجدٍ، في ظل وجود سعر صرف موازٍ بسعر أعلى.
وأشار الوزير إلى (8) عقبات واجهت تنفيذ الموازنة في ربعها الأول، منها: (استمرار الحصار الاقتصادي عل البلاد، الإطرابات الأمنية بدولة جنوب السودان، وعدم انتطام سداد رسوم العبور والترتيبات المالية الانتقالية، عدم الاستقرار السياسي والأمني في بعض دول الجوار، وأثره السلبي على التجارة الخارجية والتجارة عبر الحدود.

المجهر


‫25 تعليقات

  1. “””الإطرابات الأمنية بدولة جنوب السودان، وعدم انتطام سداد رسوم العبور والترتيبات المالية الانتقالية، عدم الاستقرار السياسي والأمني في بعض دول الجوار،””

    يعني يا عمك
    شغلكم كلو اعتماد ع ضهر الشعب و الجيران يا شيلتوها من الشعب المسكين زيادات يا من الحيران

    اين شغلكم اين ناكل مما نزرع واين سله غذاء العالم
    الامل ف رجال الجيش اخلصونا من الدغمسه و اللحس والفساد و الانبراش الكان و افتحو بالبلد دي قداااام بحول الله

    الصبر الصبر

    الله في !!!!!!!!!!!!!!!!!!!!!!!!!!!!!!!!!!!!!!!!!!!!!!!!!

  2. كلام عيب من وزير غبي / امريكا تضغط الصين لتقليل عملتها لتأثر علي السودان والله العظيم انت شايت برا اظن مسطول

  3. يا جماعة الناس دي بتضحك علي منو امريكا قال تضغط علي الصين عشان تنزل عملتها.!!!! هو سودانك ده لما كان كامل وبصدر 400 الف برميل للصين ده كان بمثل اقل من %1 من احتياجها البترول

  4. الامن والمقاطعه خطان متلازمان لفاعل واحد يهدف تمزيق الدوله السودانيه وتفتيت كيانها اي كانت الحكومه القائمه او الحزب الذي يقف خلفها , لان الخوف من استيقاظ المارد هو الخطر الاكبر علي الاعداء !!!وتعافي الامن الداخلي يساعد نمو الامن الاقليمي واستقراره بصوره مباشره ومقدمه لثبات الدوله السودانيه وقوه مؤسساتها ونمو معدلات الناتج القومي واستكمال بناء البناء التحتي والنهضه !!الفرص المتاحه ان لم تستيمر في الوقت المناسب ضاعت هباءا منثورا وكذلك المجهود الموفق الذي قامت الخارجيه السودانيه متمثله بسفيرها بالبرازيل !!! فقد علق بروف غندور علي المقاطعه الاحاديه قائلا (اذا لم ترفع المقاطعه سوف تتآكل) وكانت ملاحظه ذكيه ومعبره, لكنها تحتاج الي مضاعفه العمل الجاد لنمو عمليات تآكل المقاطعه وهي ببساطه شديده وتحديدا تتلخص في نمو استثمارات القطاع الخاص بالدول الصناعيه حول العالم بتحفيزها بمنح المزيد من الامتيازات والاعفائات لزياده هامش الربحيه لمشروعات زراعيه صناعيه تعدينيه تقام في السودان !!فالبرازيل من اكثر الدول نموا وتتطلع للسوق الخليجي المربح !!! وبمواردنا الغنيه المتعدده وبتبني سياسات ذات حوافر (مفصله) نستطبع جذب الكثير من شركات التصنيع الغذائي لاقامه مشروعات صناعات للتصدير للسوق الخليجيه وكذلك الشركات الزراعيه وافرعها الحيوانيه والسمكيه والداجنه والمنتجات البستانيه والزهور للسوق الاوربيه!!! ولازلت الفرص مواتيه وموجوده لتوسيع خروقات المقاطعه المتمثله في نمو استثمارات القطاع الخاص بالدول الصناعيه حول العالم باعطاء المزيد من الحوافز والامتيازات وزيادات الربحيه لمشروعات زراعيه صناعيه تعدينيه تقام في السودان للسوق الخليجي والاوربي!!!
    ولازلت الفرص مواتيه وموجوده لتآكل المقاطعه وذوبانها مع ازدياد استثمارات الدول الاوربيه والاسيويه وتحديدا اليابان والمانبا وروسيا والهند وماليزيا وغيرها ولتكن البدايه من البرازيل!!!! الحوافر الاستثماريه سلاح فعال لتآكل المقاطعه التدريجي وابطال مفعولها الضار علي الشعب السوداني اوالضغط علي لوبيات الاداره لرفعها نهائيا!! والله من وراء القصد ودنبق.

  5. ده كلام يا راجل … انت زول اقتصادي و تعرف جيدا أن أمريكا تضغط علي الصين لرفع قيمه عملتها اليوان و ليس العكس كما تقول حتي لا تكن منتجاتها رخيصة الثمن مقارنه بالمنتجات الامريكيه وبذلك تحارب اغراق الصين لأمريكا بمنتجات رخيصة الثمن علي حساب المنتجات الامريكيه

  6. لو الكلام دا حقيقي قالوا وزير المالية يبقي دا لا يصلح يدير بقالة مش وزارة .

  7. الكلام حقيقي وأميركا بتضغط كمان برضو على اليابان عشان تنقص عملتها. . لكن السودان ما عندو دخل بالموضوع مفروض الوزير المتعين بي واسطة دا يغور

  8. برافو عطبرة.. كلام سليم مية في المية، كل دول منظمة التجارة العالمية يتمنوا يشوفوا اليوان الصيني مرتفع عشان تتقارب اسعار المنتجات.. والضغط على الصين لتخفيض عملتها اكتر من ما هي منخفضة ده كلام مضحك!

  9. كلامك صاح يا atbara, الناس ديل ما عارفين يعملوا شنو. مفتكرين أمريكا شغالة بيهم. الجماعة ديل منتظرين المغتربين يرسلوا مدخراتهم, لغ لغ لغ.., طيب انتوا يا الكيزان ممكن برضو تجيبوا مدخراتكم الفي ماليزيا و دبي عشان الاقتصاد ينعنش شوية.

  10. يا سعادة الوزير المنافق ياخى بالله عليك ما تطلع وتقول اى كلام وخلاص لانك انت بتتكلم مع طبقة واعية ومقهرة ومغلوب على امرها ولا حول لها ولا قوة نقول حجة امضبيبينا الجنوب وما ادراك ما الجنوب ياخى اختشى نحن مالنا ومال الجنوب انتو فصلتوه عشان اعتمدتوا على رسوم العبور خلاص يا الساداة رجل العبور انا لو منك بقدم استقالتى فورا بعد كلامك ده اخير ليك كان تسكت وتطبز زى ما الباقين بيطبزوا ياخى انت دايرين تغشوا المغتربين بعدما غشيتوا الفى الداخل ما هاين عليكم اولادهم البيشتغلو بعرق جبينهم واستحملوا قرف الغربة والاهانة وده كلو من ان يوفروا لاهلهم الما قدرة توفروا ليهم بلدهم قبلتو عليم وبسياسة المكر فتحتوا السوق بتاع الدولار لساسرتكم و خفضتوا قيمة الجنيه السودانى امام الدولار والريال والدرهم عشان المغتربين يوجهوا قروشهم ويحولوها للسودان الكماشة وبعد تتاكدوا من الكمية تطلعوا وتفصلوا قانون همباتة جديد وتستحوزوا على قروشهم وتصرفوها ليهم زى مواهى الفى الداخل الصراف ما بيسمح الا ل 2000 فى اليوم وكده تنهبوا قروشهم وتمروحهم ياخى كفاية نهب وخافوا الله فى الناس انت العاملين الكلام ده كلو و اصغر سودانى عارفكم وعارف خططكم لكن ان شاء الاله ربنا بيفضخكم انا لو سألتك يا و زير يا مخضم مخصصاتك شنو بنلقى انك من القرية جيت الخرطوم وحلفت ما تطلع منها بنيت ليك بيت عمارة فى نص الخرطوم فى شارع الستين وقدام بيتك خدم وحشم وعربات تتطاقش وواحد للدكتورة البنت ولكن لو تمحصت تماما ان بيتك مهتوك والله مهتوك من عرشوا لان ربنا يمهل ولا يهمل والبتعملو فى اةلاد الناس ربنا بيوريكم ليهو فى جناكم مهما ظننتم انكم وفرتوا لهم العيشة الرخية تزكر انو فى العدل موجود انسوا قصة السودان دى واقفلوهو واغتربوا احسن حاجة ليكم صين شنوا الفاضية ليكم نحن اصلا تحت حكم الصين ولو كلامك ده صاح كان زمان انتو روحتوا فى ستين داهية انتو اصلا عملا لامريكا نفسها بالله اخرسوا

  11. ?????أمريكا تضغط على الصين بغرض محاربة السودان ؟!؟!؟؟!! أمريكا تقدر على الصين بس ما تقدر على السودان!؟! بلد عايشه تناقضات وانفصاف في الشخصية!

  12. نقترح علي امريكا انا والوزير لو عايزة تضغط علي السودان ترفع الدولار عشرة اضعاف عشان الجنيه السوداني اروح في مرقة – امريكا طبعاً مافيها مرقة لانهم بتاعين همبرقر وهوت كلب – المرقة الحايروح فيها الجنيه السوداني مرقة سودانية خالصة بدون شرموط – يا وزير الهنا اهو كلامنا وكلامك كله كلام مساطيل

  13. هي الصين دي بتتعامل مع السودان سيبوا الكلام الغبي ده الصين كم وردتها وصادرتها الي امريكا وهل تفتكر ان الصين تضحي بإمريكا من اجل السودان وانتم غاشين انفسكم وعاوزين تتضحكوا علي الشعب
    بعدين سيب الجنوب ياخي اتكلم عن نفسكم واقتصادكم و دولتكم انتم فاشلين
    في كل شي بعدين انت وزير مالية تقول سعر الصرف في الموازِ علي ولماذ انت موجود عشان تعالج هذه المشكلة لكن الظاهر عليك ميزانية القفة ماتقدر عليها خليها ميزانية دوله

  14. كلما ازدات المقاطعه تآكلا وارتفعت نسب صمود الاقتصاد ونموه كترت الجقلبه !!! سير سير ياوزير , خلي المجقلبين يكوركو.

    1. اقعد انتظر التآكل الى ان يتآكل السودان الى دويلات ويتحكم فيها الكيزان اكثر واكثر وانسى حاجة اسمها السودان لان الكيزان تنظيمهم اهم من الوطن وهذه حقيقة كل موارد البلد تتحول الى استثمارات باسم التنظيم الفاشي وطز في السودان ومواطنيه .
      لا امل في التغيير عن طريق الجيش لأنه هو الاخر تم اختراقه وتفكيكه وخلق أجهزة موازية لكل القوات النظامية يعن لا امل للانقلاب.

  15. لم تذكر اهم خطر الفساد ثم الفساد مشكلة فساد السودان المسؤول نفسه غبي فساده لا يفيد نفسه بطريقة امثل ولا تتضرر البلد ولا يفيد مواطن فساد حق زول جااي من بيت جعان قلبه م سمين وطفولته فيها مليون ان فساد المسؤولين اخطر من الحركات التي تحمل سلاح في وجه الدولة اخطر من الحصار الامريكي فقط قوموا بمحاربة الفساد اعملوا بحث لاموال القضاه الوزراء النيابات المدراء شوفو اصولهم لو قطع او شركات لو في امن صاحي بكشف

  16. لاتتآكل المقاطعه بالانتظار و(قعاد ساكت ) ولكنها تتآكل تدريجبا بالعمل الاستثماري الجاد بفتح الابواب للاستثمارتت الخارجبه للراغببن في التعاون مع القطاع الخاص في موارد السودان الغنيه والمتعدده سواء كانوا من الكيزان اوالجكوك طالما لديهم المقدره الاداريه والملاءه الماليه والرغبه في العمل الجاد المنتج لانه بالعمل والعمل وحده يتم البناء !! اما الثريره والاحقاد والحسد فهي من المعوقات كالفساد والمقاطعات الغير متوازنه تماما .والاستثمار ينمي الموارد بالقيمه المضافه ويخلق الوظائف للعاطلين وبنشط دوره الاقتصاد السوداني وينمي راس المال بالارباح للمستثمر الاجنبي ويحفظه من التآكل بتقلبات العمله كما انه يبطل سلاح المقاطعات الغير مجديه والتي عفي عليها الزمن لذلك ننادي بالتوسع فيه مع الدول الاوربيه والاسيويه باعطاء المزيد من الحوافز والامتيازات والاعفائات الاضافيه !!!لانه يفتح الباب واسعا لتنميه التجاره الاقليميه وتوسيع دائره الامن والاستقرار وتبادل المنافع وايقاف الهجره شمالا والاتجار بالبشر !! والاهم من ذلك يزيد من تآكل المقاطعه حتي يبطل مفعولها ويتخد القرار برفعها كما حدث مع ايران وكوبا مثلا.

  17. كلام عجيب وغريب وممن يحتل أهم وزارة .. مافي ميزانية تمر إلا ونأتي للحجج الواهية .. طيب وين رؤيتكم لما وضعتو الميزانية . قال مشاكل الجنوب ودول الجوار وضغط أمريكا على الصين .. وتحويلات المغتربين حتى مع الحوافز لن تجدي ..
    هو تاني في مغترب بيثق فيكم ويحول بعملة أجنبية ..
    يا راجل والله لو تكلم ناس في المرحلة الإبتدائية لسخروا منك .. ولو كنت عضو في البرلمان كان شلت حالك أمام الله وخلفو ..
    أنا إلى الآن ما مصدق أن هذا الكلام يصدر من وزير مالية .. شهدت البلاد في عهده أسوأ الأوضاع ..
    ولا داعي للتفاصيل ..
    والله حرام أغني بلد أفقر بلد ..

  18. وزير مالية قال ؟؟؟؟
    يا جماعة هذا الحيوان لو لم يقل كلام فارغ فكيف يصبح وزيراً لمالية السودان
    ليحقق لنا هذا الفايض الضخم من الضر…ط.

  19. اللهم اني صائم ما عايزين نقول كلام شين في حقك يا زول
    لكن امريكا تعاملها مع الصين بي التريليونات تجي
    تضغط علي الصين عشان تقلل صادراتكم انتوا!!؟؟

    انتوا قايلين امريكا دي مهتمة بيكم قدر دة
    الجنوب وفصلوهو وعرفوكم الان حمام ميت ساي
    ريشو مقصقص
    وانتوا اصلا بتصدروا للصين شنو ؟
    ياربي نبق ولا تسالي؟
    بعدين انتو صادراتكم للعالم كلو ما ناطة 2 مليار دولار
    والدهب البيطلعوا الغبش بيبيعوا للتجار وبيبيعوا في دبي
    وبيمشي لجيوب التجار
    يعني التجار يتصدقوا عليكم من مالهم ولاشنو
    المغتربين ما عرفتوا تستفيدوا منهم بمنحهم مزيد من الاعفاءات والامتيازات
    والله كان كلهم حولوا دولاراتهم رسمي
    بس المغتربين لانو ضايقين المر واكلتوا قروشهم في مشروع سندس الزراعي
    واراضي سكنية دة غير تعويضات العائدين من الخليج
    فقدوا فيكم الثقة
    واتفق مع الاخ عطبرة 100% امريكا وكل الدول الصناعية قاعدة تضغط علي الصين لرفع عملتها
    حتي يرتفع سعر البضائع الصينية حتي تستطيع بضاعئع الغربيين المنافسة
    بالله دة فهم وزير مالية
    معقولة نحن العنقالة ديل نتابع اكتر منك
    خخخخخخ ما قادر امكل تعليق من شدة الغيظ والله

  20. صمود الاقتصاد السوداني لازال مستمرا والحمد لله , ونموه مازال ظاهرا وان كان ضئيلا بشهاده الاعداء الشكر لله!! وباراده الصمود , وفتح ابواب الاستثمار بالامتيازات للراغين من دول العالم , والعمل الجاد ومواصله العمل الجاد في الزراعه والصناعه والتعدين في( دارفور) سينكسر طوق المقاطعه ويتلاشي اثره الضار,, وبالرقابه الاداريه والعداله سينهزم الفساد والمفسدون ,وبوضوح الرؤيا والتمسك بالصمود والاصرار والعزيمه ستخنس الثرثره والجقلبه وتثبيط همم الرجال العاملين. ورمضان شهر العباده والعمل كريم علي وزير الماليه وطاقم القطاع الاقتصادي.زول

  21. يعنى أمريكا جقلبت و غلبها تضغط على السودان مشت للصين حيتطها القصيرة و نهرتها قالت ليها لازم تنقصى عملتك عشان نحن ما بنقدر على السودان الدولة العظمى دا برانا

  22. الضغوط علي الصين لايقاف وتقليل حجم استثماراتها بالسودان لان ذلك يعرقل المقاطعه الاحاديه الغير مبرره ,,والموارد المتعدده والغنيه تحب تدفق رؤس الاموال الراغبه في النمو وتحقيق الارباح الضخمه وهذا التناقض يغني علي لحنه وزير الماليه مع الصين واوربا وبقيه دول العالم والفتق يوسع والمقاطعه تتاكل والجقلبه حاصله !!والله من وراء القصد ورمضان كريم للطاقم الابتصادي العامل. زول