زواج سوداناس

لماذا اقتضيتم اسم السودان لدولتكم؟ لماذا نتمسك باسم ليس وراءه غير المذلة؟



شارك الموضوع :

قبل عشرة سنوات في احدى المؤتمرات التي اقيمت في الولاية الشمالية وحاضرتها دنقلا كنت من المدعوين ومتحدثين .. وقفت امام الملأ والغضب ملأ كل ملامحي وانفعالاتي قلت ايها السودانيون لماذا اقتضيتم اسم السودان لدولتكم أليس من العار والاهانة والذل على ان تحملوا سوءته هذا الاسم الذي لم تسموا به انفسكم ولا ابائكم ولم يكن له مدلول على حضارتكم وإرثكم وتراثكم ،

اسم السودان يحمل بداوخله كل معاني الاهانة والاستخفاف والعار سموه العرب لمساحة جعرافية تمتد جنوب الصحراء الكبرى من باب الاستحفاف والسخرية من لون بشرة سكان هذه الرقعة الجعرافية ، فرفض هذا اسم عدد من الدول في افريقيا : جمهورية مالي كان اسمها السودان الفرنسي ، وجمهورية يوغندا كان اسمها السودان الانجليزي فلفظوا هذا الاسم (السودان) لانه في طياته يحمل الكثير الكثير من الاستخفاف فارتضيتموه انتم ايها السودانيون البسطاء الجهلاء …

لماذا لا ترجعوا الى التاريخ والتوارة والانجيل والقران الذي تكلم عنكم عن دولتكم وحضارتكم التي ارهبت العالم انذاك وهي دولة كوش التي ورد اسمها في التوارة (شعب الله المختار ــ حسب نصوص التوراة ــ هو ــ السودان..
افتح سفر «ناحوم» الإصحاح «7» – (الآية 9) تجدها تقول:
قال الرب يخاطب بني اسرائيل: ألستم لي مثل الكوشيين يا بني إسرائيل؟؟
.. الجملة من التوراة تعني أن الشعب المختار الأول هو الكوشيون) كما اقولها لا عيب في السودان ــ إلا السودانيين. اقصد لا عيب في كوش الا سذاجة ما يسمى بالسودانين فكوش يضم شمال وغرب وشرق السودان فهم ابناء كوش الذين هزوا العالم الملك بعانجي والملك تهراقا والملكة الكنداكة الذين وصل جبروتهم وسلطتهم الى فلسطين والشام

كما احتلوا مصر عدد من القرون وبنوا الاهرامات واسسوا الدولة المدنية وصهروا الحديد اول من اسسوا مواثيق القيم والاخلاق في العالم هم الكوشيون ، وحموا نبي الله يعقوب من القتل وساهموا في حفظ الهوية اليهودية في العالم من الاندثار ،هم الذين طلع منهم محمد نجيب والسادات وطنطاوي هم هزوا عرش امبرطورية البريطانية رجالها كأسود الضارية محمداحمد المهدي وعثمان دقنة ورفاقهم هم من قطعوا راس اكبر طاغية في العالم غردون باشا ،هم من هزموا الاتراك وقتلوا اسماعيل باشا ابن محمد على باشا ،كيف تقتضوا المهانة انتم اهل عظمة وقوى وعزيمة … اقول لكم بكل ثقة واقتدار من الان وصاعداً لنكن قلوبنا صادقة مملوءة بالعزة والكرامة بان نمحوا هذا الاسم البغيض هو (السودان) قليكن اسم بلدنا من هنا وصاعداً جمهورية كوش العظمي بدلاً من جمهورية السودان التي دائماَ يرمز اسمها الى المذلة والاستهانة والوضاعة

ردود على المتداخلين على صفحته بفيسبوك بحسب رصد محرر موقع النيلين بقلم الكاتب
نحن سود لا ننكر ذلك بل نفتخر بالسواد ولكن يا اخي ما نحن سمينا دولتنا بالسودان بل لاخرين هم سمونا به من باب الاستخفاف والازدراء لماذا نحن متمسكون باسم السودان ونحن لدينا اسماء نفتخر بيها مثل دولة النيل هو اطول واعظم نهر في العالم هو من انهار الجنة ، مثل دولة كوش وهي اعظم حضارة على ظهر الارض مثل سوبا اول مملكة مسحية في افريقيا بل سبقت اوروبا في المسحية …الخ ليه نتمسك باسم ليس وراءه غير المذلة

قبل ايام اتصل بي اخ كريم سوداني مقيم في ليبيا وقال ليه لماذا ينادوا السوداني بالسوادني قلت هذا الاسم انتساب لغوياً الى اسم دولتك السودان قال لي وهو في غاية الغضب والسخط بلسانه قال لي عليك الله جدودنا البلهاء الاغبياء السفهاء ما وجدوا غير هذا الاسم لكي يسموا به بلادنا قلت له يا اخي لا تظلم جدودك هذا الاسم فرض على السودانين وصار اسم لسودان بدون حولة ولا قوة

اتاحت لي الفرصة اني اسافر كل السودان شمال او شرق او وسط او غرباً وجدت انو الفاسم المشترك بين السودانين السواد ان نسبة اللون البشرة ثابت في السودان، و العرب لا يسنطعوا التفريق بين السودانين بانهم كلهم بتشابهوا تماماً شرقاً وغرباً وشمالاً ووسطاً بانهم اصحاب البشرة السوداء لان عند العرب كل الالوان الاخدر والاسمر والاسود هي درجات من السواد وينضم الينا الاحباش والاريتريين وجبيوتيين والصوماليين والتشاديين بالتالي بتعجب في السودانين اذا رأت طائفة او قبيلة سائدة انه من باب الغباوة والسذاجة لانهم في النهاية السودانين اكثر من90% تتطغى عليهم البشرة السوداء

العرب جميعا فيهم شئ من النقص ينظروا الى السودان ما باب الدونية والاستخفاف ليس لا ذنب غير انهم سود او خدر او محروفي البشرة و نحن السودانيون لا نعي لهذا لكن الادهى والامر كل العرب ينظر الى الاخر ادنى منه مثلاً اللبناني اذا قلت له انت سوري يغضب منك يقول لك اليس عندك بصر، اذا قلت لسوري انت مصري يزعل منك يقول ليك والله مسحت بي ارض ، واذا قلت الى مصري انت سوداني يعضب منك يقول ليك حرام عليك شايفني اسود ، واذا قلت الى السعودي انت يمني يغضب واذا قلت لاردني انت فلسطيني يغضب منك …

هكذا وكذلك اذا قلت الى السوداني انت صومالي او حبشي او تشادي قد يغضب منك ولا يتكلم معك ابداَ.

بقلم
عبد العظيم محمد الجعفري

شارك الموضوع :

تعليقات الفيسبوك

تعليقات


38 التعليقات

إنتقل إلى نموذج التعليقات

      1. 1
        أبوهاجر

        واحد ومكشكش!

        الرد
        1. 1.1
          ساخرون

          المقام مقام فخر …وليس مقام سخرية
          والله أعلم حيث يجعل اختياره
          دعني أغوص في حروف الاسم العزيز ، وفي الفؤاد ترعاه العناية ، بين ضلوعي الوطن العظيم

          السين …سمو وسمات وسجاايا لشعب تتحدر من أصلاب الملوك ، ومازالت جينات الرفعة تسري في عروقه

          الواو ….وعد …بل وعود أنه سينتفض وينفض غبار الغفلة ، ويعيد أمجادا تجسدت واقعا حقيقيا

          الدال …دلني على من يماثلنا في عظمة الخلق التي تتماهى في جوانبنا ، وجئني بشعب يشبهنا إذا جمعتنا ميادين التباري

          الألف …حرف منتصب يتصدر كل كلمة تحمل المكارم التي تتوج رؤوسنا وتكللها بمعاني الفخر

          النون ….ندرة …بل نوادر …نعم شعب الله المختار…نهر من تراث الملوك …

          آباؤنا الذين تركوا لنا كنوزا من جينات نادرة تجري في عروقنا ، وتحقق صدق الدم الأزرق النبيل …

          ارفعوا رؤوسكم يا أبناء الملوك ولا تطأطؤوها ، فأنتم من أنتم …

          من معشر عمروا الأرض حيثما قطنوا بكل نبيل ورفيع .

          حاسر الرأس عند كل عظام …مستشف من كل شيء فخارا

          الرد
      2. 2
        Adil

        يهدهدهم كما يهز نسيم قامة القصب والجار يعشق للجيران من سبب وقد يحبهم جدًا بلا سبب الناس أروع ما فيهم بساطتهم لكن معدنهم أغلى من الذهب عد بي إلى النيل لا تسأل عن التعب قلبي يحن حنين الأينق النجب من كان يحمل مثلي حب موطنه يأبى الغياب ولو في الأنجم الشهب ثارت جراحي نيراناً يؤججها عدو الرياح على قلبي وفي عصبي كنا سماء تبث الخير منهمرًا على البلاد كقطر الديمة السكب وكان موطننا عزًا ومفتخرًا ما هان في عمره يوماً لمغتصب وقدوة لشعوب لا تماثلنا في الحلم والعلم والأخلاق والأدب والكنز كان هو الإنسان مكتملاً في محفل الجد لم يهرب

        الرد
      3. 3
        Adil

        نحن فخور بهذا الاسم لانه من اصلنا واصل البني آدم من تراب انت من مقالك هذا تريد الفتنة والشتات وهذه من صفة الشيطان

        الرد
      4. 4
        أم غشعم

        حبوباتنا وجدودنا قالوا ((الفايق بهمز أمه )) يعني لو غيرنا إسم السودان هل ستتغير النظرة الدونية من بعض الدول العربية التي فيها شيئ من النقص كم ذكرت؟؟؟؟؟

        الرد
      5. 5
        Adil

        إني أنا السودان أرض السؤد هذه يدي
        ملأى بألوان الورود قطفتها من معبدي
        من قلب إفريقيا التي داست حصون المعتدي
        خطت بعزم شعوبها آفاق فجر أوحد
        فأنا بها وأنا لها
        وسأكون أول مقتدي

        الرد
      6. 6
        Adil

        هذا مقال فيه تفرقة وعنصرية وشتات وفتنة

        الرد
      7. 7
        احمد عبد الله

        عدم الموضوع

        الرد
      8. 8
        Adil

        والناس في وطني شوق يهدهدهم
        كما يهز نسيم قامة القصب
        والجار يعشق للجيران من سبب
        وقد يحبهم جدًا بلا سبب
        الناس أروع ما فيهم بساطتهم
        لكن معدنهم أغلى من الذهب
        عد بي إلى النيل –

        الرد
      9. 9
        ابو القنفد

        ايها الموهوم ذو القميص البنفسجي والشنب العامل زي شخطة بي قلم شيني اسمه السودان لان لون غالبيتنا اسود وكذلك ترابه الخصب لونه اسود وكذلك السواد الاعظم من اعز وارجل واحسن البشر ينتمون اليه .. وانت ما معانا
        امشي سوريا يا عمك وفكنا منك واسم بلدنا عاجبنا والما عاجبو يحلق حواجبو ويحلق شنبو العامل زي حاجبو
        كوش بتاع حنانك .. كوش ده كان زمان هسي اسمو السودان زي ما الحبشة بقى اسمها اريتريا واثيوبيا وايران كان اسمها فارس كوش بقى اسمها السودان اسم جميل ليس فيه مذلة الا في مخيلتك المريضة

        الرد
      10. 10
        ابو محمد

        لونك او لغتك او شكلك لا ينقص من قدرك شئ إلا ان تكون في الأساس أنت ناقص و معقد نفسيا هذه خلق الله و من احسن من الله خلقة ، في السودان قبل وقت قريب يقال للشخص الغير حضاري يا عربي ، فهل تكون هذه مسبة ايضا

        الرد
      11. 11
        محمدزين ابراهيم

        تصحيح لبعض ما ورد في هذا المقال.
        اخي عبد العظيم .كلمة سودان لاتعني اسود البشرة وكلمة اسود في اللغة العربية جمعها سود اي جمع تكسير مستدل بما قاله الله في كتابةه الحكيم بعد بسم الله الرحمن الرحيم . وَمِنَ الْجِبَالِ جُدَدٌ بِيضٌ وَحُمْرٌ مُخْتَلِفٌ أَلْوَانُهَا وَغَرَابِيبُ سُودٌ ﴿٢٧ فاطر﴾.
        وانما كلمة سودان اتت مشتقة من الكلمة الفرنسية LE SUD وهذ الكلمة تعني الجنوب وعندما دخل الاستعمار الفرنسي شمال افريقيا .الجزائر .تونس والمغرب وحينما توغل جنوبا اطلق على المساحة الواقع من السنغال الى وطننا الحبيب مناطق الجنوب اي مناطق الجنوبيين والى يومنا هذا يصف سكان الشمال الافريقي بكلمة لانورد افريكا
        اي سكان الشمال الافريقي.والى عهد قريب تشاد وليست يوغندا تسمى بالسودان الفرنسي والسودان يسمى بالسودان الانجيليزي. وكثير من السودانيون يقعون في هذا الخطاء وعلى مستوى السياسيين والكتاب والمفكرين..الخ . بان تسمية السودان هي بسبب لون سكانه وان من اطلق علية هذا الاسم هم العرب. وكن لعلمك ان العرب حتى في الجاهلية يطلقون على السواحل الشرقية لافريقيا ارض الحبشة.

        الرد
      12. 12
        ali

        شنبك دا عاملو بقلم حواجب

        الرد
      13. 13
        m

        الاخ ممكن يزكرنا باسموا منو وجنسيته شنوا ومن وين فى البسيطة دى بيتكلم بكل ثقة وعلمه الاتعلمو شنو بس اى واحد لبس بنطلون وقميص الان بقى يتكلم فى الفيه والمافيه سبحان الله علمته نظم القوافى فلما نظم قافيته هجانى

        الرد
      14. 14
        واحد سوداني

        ما عندك اى موضوع ي انت عندك مشكلة نفسية امشى اتعالج السودان ياهو السودان يااااااااا

        الرد
      15. 15
        m

        بعدين يا فيلسوف زمانك الانسان المشتهى الكتابة اولا يراعى شعور الناس فى الكتابو ولا يسىء لاحد حتى لو افرضنا كلامك ده صاح تحدث باللاغة ان كان لك حظا فى العلم لان السودان يعلمون جيد مدلول الحديث وغرقين فى علم المعانى وعلم البديع من اصغرهم لاكبرهم فيا ريت تنقى كلماتك والدنيا رمضان

        الرد
      16. 16
        هوقوقو

        احسب ان كاتب الموضوع مصري والمصريين لا يزالون يباهون بأنهم ابناء النيل وسلالة الفراعنه ومن هم الفراعنة بعد دخول الاسلام لمصر ولكن لأن عقدة الفراعنة تمتلكهم جميعا فكلهم لا زالوا يتمسكون بهم .

        الرد
      17. 17
        هباش

        ياجماعه النصيبه ده نبزنا كلنا كوش ياكوشه يا……..
        يعنى لو سألونى جنسيتك شنو اقول كوشاوى هههههههه والله انك ابله وبليد وقليل فهم ايها المفتن قال صلى الله عليه وسلم. دعوها فانها مننتنه .

        الرد
      18. 18
        ابو الزينة

        بلدكم دي احسن تسموها لحمة راس – اشارة للتعددية – وبرضو اسم سياحي جميل ويعني انو عندكم مواشي كتير

        الرد
      19. 19
        حمد

        احب مكااااااااان بلدى السودااااااان , سودانية نحن اسياد الحارة والكرم والشجاعة , العدو يعرفنا قبل الصديق , ومالو سواد البشره ؟ اجمل لون لون الكعبة الشريفة ومنه تنبثق كل الالوان , احبك يا سودان , سودانى وخليك سودانى .وانت ياكاتب المقال استحى من نفسك وراجع حساباتك وماتخليك شخصية ضعيفة مهزوزة , خليك عندك ثقة فى نفسك , احترام الاخرين ونظرتهم ليك بتجيبوا بثقتك النفسية واعتزازك بكرامتك واحترامك لنفسك .

        الرد
      20. 20
        سوداني اصيل

        السودانيون يعتزون بسودانيتهم

        انه لشرف كبير ان يذكر اسم السودان علي لسان الرسول صلي الله عليه وسلم

        عندما نزل قول الله تعالى (ثلة من الأولين وقليل من الآخرين) سوره الواقعه 13
        قال عمر : يا رسول الله ، ثلة من الأولين وقليل منا ؟ قال : فأمسك آخر السورة سنة ، ثم نزل : ( ثلة من الأولين وثلة من الآخرين ) ، فقال رسول الله – صلى الله عليه وسلم – : ” يا عمر ، تعال فاسمع ما قد أنزل الله : (ثلة من الأولين وثلة من الآخرين ) ، ألا وإن من آدم إلي ثلة ، وأمتي ثلة ، ولن نستكمل ثلتنا حتى نستعين بالسودان من رعاة الإبل ، ممن شهد أن لا إله إلا الله وحده لا شريك له ”

        اما انت فبلا شك انك تعيش في بعض الدول العربية وتشعر بالعار من اسم السودان والحقيقة انك انت العار علي بلدك

        ارفع راسك انت سوداني

        الدنيا كلها تشيد بالسودان والسودانيين الا انت تشعر في الاسم عار عليك ولو انك سوداني جد لما تفوهت بهذا الكلام

        تملق في الشوام والعرب كما تحب ودع السودان للسودانيين فقط

        الرد
      21. 21
        Alkarazy

        يلا نضيف حرفين والفلم يمشي سودانسكا .جمهوريه ااسودانسكا والجنسيه سودانسكي قريبه للوسكي .والله معاكم

        الرد
      22. 22
        mukh mafi

        اولا هذه ليست المرة الاولى التي يتحدث عن اسم السودان شخص مثلك .ز ويا جهلاء لو انكم فهمتم باللغة العربية ان المقصود بالسودان السواد فلم لا تخبرونا باسمه باللغة الانجليزية فهناك بلاد كثير تحمل اسمين العربي والانجليزي فمصر اسمها بالانجليزي مختلف Egypt وغيرها الا ان السودان ظل اسمه سودان فماذا تعني هذه الكلمة بالانجليزي ..
        ومن ثم هل نحن اشد سودا من باقي دول افريقيا واولهل جنوب السودان فلم لم توصف باللون ان كان الاسم به ما يعير او ينقص من كينونتنا كشعب ..
        ونحن كلك لسنا اكثر سودان عن مورتينيا والسنغال وتشاد فهل اطلق اسم السودان لاننا سود ..
        لا اعتقد لان كملمة سودان او السودان لا اصل لها في اللغة العربية فان كانت من اسود فيجب ان يكنو بلا السود او بلاد الاسود والسواد .. لكن كلمة سودان لا اعرف لها تصريفا لغويا لايشتق منها اسما ..

        الرد
      23. 23
        الباقر

        ما عندك موضوع بس

        الرد
      24. 24
        أب كسكتة

        أولاً أتمني من كاتب المقال تثقيف نفسه قليلاً قبل أن يكتب ويظهر بهذا القثاء من المعلومات المضلله
        ثانياً ألم تسأل نفسك ماهي العروبة وماهي أقسامها وهل تعلم بأن أصل العرب هو الجد حام وهو أسود البشرة وهل تعلم بأن العربية ليست قبيلة أو جنس حتي ينتمي إليه بشر وأنه يمكن لهيلاري كلينتون أن تنتمي للعربية حال تمكنها من لسان عربي فصيح
        ثالثاً اللون الأسود هو مايجب أن نفخر به ونتمناه لأنه أصل الألون في علم الألوان ولأنه أصل الكون والوجود والحياة واللون الأسود أصل الضياء وأذكرك بقول الحق عز وجل في سورة يس (وآية لهم الليل نسلخ منه النهار) وإذا لماذا نخجل من سواد البشرة – أنا أرثي لحالك وأعتقد أنك مريض

        الرد
      25. 25
        مهند السوداني

        نحبك ايها السودان حبا علي الازمان لم يخطر ببال!

        الرد
      26. 26
        ahmedfahad

        الراجل قال الحق
        يبغى يتملص من العار

        الرد
        1. 26.1
          ساخرون

          عار على من ؟

          على الخالق أم على المخلوق ؟ إن كنت تعني السواد

          أما إن كنت تعني شيئا آخر …فما أبعد العار عن الزول السوداني

          الرد
      27. 27
        aboahmed

        وانت مالك ومالنا ياحلبي ..
        شوف ليك مصر اتلمى عليها ولا امش سوريا حقتك
        وفكنا من شرك……
        عاجبنا الاسم ده انت دخلك شنو……
        ولمعلوماتك العرب كانوا بيسموها ارض الحبشه وليس السودان يا وهم….

        الرد
        1. 27.1
          الزين

          تسمى ارض النوبة وليس الحبشة ، ملك الحبشة النجاشي ولم يكن النجاشي في يوم من الايام حاكم السودان ، هل فهمت

          الرد
      28. 28
        بتاع العرديب

        حتي لو اتغير الاسم.. حال البلد ما بتتغير

        (وبيني وبينك الاسم كأنه فيه $سوء$ دان$ يعني السوء قريب)

        الرد
      29. 29
        ود الخضر

        يا اخوي كل الشعوب العربيه و الغير عربيه فيها الابيض و الاسود و مشتقاته و لافرق بين الناس بالالوان بل بالتقوي و الصلاح اما الاسماء ليست التي تحدد من نحن بل نحدد اللذين نحدد حجمنا و تاثيرنا في العالم

        الرد
      30. 30
        حاتم

        السلام عليكم اخى عبد العظيم محمد الجعفري رمضان كريم

        احييك واشد من ازرك فى طرحك ويجب تغيير اسم السودان الى دولة النيل كما ذكرت او دولة كوش وترك اسم السودان للاخوان فى الجنوب لانهم مصرين على الاسم. لا أكون مبالغا ان قلت لك دعنا نحن ومصر نسمي نفسنا دولة وادى النيل او حتى مصر لان اسم مصر ذكر فى القرأن اربع مرات. لو كان اسمنا دولة النيل او مصر لما انفصل جنوب السودان.

        الرد
        1. 30.1
          عازف الكمان

          هل تعلم اخي ان اكبر كذبة في التاريخ هي اسم مصر الحالي والمصريون ثم دولتهم مصر حتي تكون هي المذكورة في القران

          الرد
      31. 31
        عازف الكمان

        شيئ عجيب وقريب يعني تناقض نفسك بي نفسك يعني اسم السودان لم ياتي من فراغ بل هنالك مدلول وهو اللون يعني العرب سمو جنبو الصحراء بالسودان لأنهم سود اليس هذه هي الجقيقة اليس هذا هو لوننا هل نستعرة منه حتي نصبح اعراباً
        كل مرة بسأل نفسي الحكومة دي لي ماعاوزة تحارب الكريمات يعني عاوزة كل النساء تتخلص من هذا اللون الاسود ويصبحن من اصحاب البشرة البيضاء وحينما يحدث ذلك علي الشعب السوداني ان ينظر اي اسم ان يختار

        الرد
      32. 32
        سودانى مغبووووون

        عجبا لك … من هذا الذى يهلفط بالعبارات المشبلظه … ذات الايقاع السبندحى !!!

        الرد
      33. 33
        الرشيد

        دليل علي عظمة السودان في الدين الاسلامي فقد تنبأ بها الرسول صلي الله عليه وسلم
        عندما نزل قول الله تعالى (ثلة من الأولين وقليل من الآخرين) سوره الواقعه 13
        قال عمر : يا رسول الله ، ثلة من الأولين وقليل منا ؟ قال : فأمسك آخر السورة سنة ، ثم نزل : ( ثلة من الأولين وثلة من الآخرين ) ، فقال رسول الله – صلى الله عليه وسلم – : ” يا عمر ، تعال فاسمع ما قد أنزل الله : (ثلة من الأولين وثلة من الآخرين ) ، ألا وإن من آدم إلي ثلة ، وأمتي ثلة ، ولن نستكمل ثلتنا حتى نستعين بالسودان من رعاة الإبل ، ممن شهد أن لا إله إلا الله وحده لا شريك له ” .
        منقول من تفسير ابن كثير سورة الواقعة

        الرد
      34. 34
        حلات بلدي

        اسم السودان اقتبس من لوننا وماذا في ذلك وهل السواد عيب؟ ان الله لاينظر لالواننا ولا اجسامنا ولا اشكالنا ولكن ينظر الي قلوبنا . المهم من انت وكيف تمثل وطنك .والسودانيين قدموا امثلة من بياض ونقاء سريرتهم وجمال قلوبهم في الخارج .فنحن سودانيون ووطننا السودان ونحن سود البشرة وانا افريقي انا سوداني. قال الله تعالي(نار الله الموقدة التي تطلع على الافئدة)

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *