أبرز العناوينمنوعات

اكتمال التوقيع علي المرحلة الاخيرة من اتفاق تمويل مطار الخرطوم الدولى الجديد


كتمل اليوم بمجلس الوزراء التوقع علي المرحلة الاخيرة من اتفاق تمويل مطار الخرطوم الدولي الجديد بين حكومة السودان و بنك الاستيراد والتصدير الصيني ووقع عن الجانب السوداني الاستاذ عبدالرحمن ضرار وزير الدولة بوزارة المالية و عن الجانب الصيني نائب رئيس بنك الاستيراد و التصدير الصيني .
و قال عبدالرحمن ضرار وزير الدولة بوزارة المالية في تصريح صحفي ان التوقيع علي اتفاقية السداد تعتبر الاخيرة باستكمال اجراءات تمويل مطار الخرطوم الدولي الجديد .
و ابان ضرار انه تم الاتفاق علي الحصول علي قرض من بنك الاستيراد والتصدير الصيني لتمويل مطار الخرطوم الدولي الجديد قبل اكثر من عام بمبلغ 700مليون دولار بشروط ميسرة و يسمي قرض تفضيلي وهذه الاتفاقية المرحلة الاخيرة من سلسلة من الاتفاقيات .
و اشار الي ان الشركات الوطنية تقوم بتنفيذ اكثر من 40%من الاعمال و اكد بان الفترة المطلوبة للتنفيذ عامين .

الخرطوم في 11-6-2016م (سونا)


‫18 تعليقات

  1. كبرى الدباسيين ومطار الخرطوم الجديد صار المشروعين مشروعين للمأكلة فقط وشكلهن حا يردمن ديون على ظهر المواطن المسكين الله يعينه على سدادها .

    1. كلامك صاح أخي عباس هولاء اللصوص شطار في أكل المال العام يجي أن تعرف أنو المطار غير مطابق للمواصفات الدولية ديكور فقط سنتين بالكتير وبينهار ما دام فيها شركات وطنية على الجميع الاستثمار في أرأضي البقعة منطقة أستراتجية مهمة جدا قد علمت من أحد كبار تجار العقارات بانهم نشرو شائعات حتي يبيع المواطنين أرأضيهم سوف يكون هناك مشروع عقاري ضخم عن طريق شركات عقارات قطرية في هذة المنطقة .

  2. إكتمال السداد؟…
    يادووووب بالله!!!!…
    طيب إكتمال المطار نفسو متين؟!!!!..
    ماشاء الله تبارك الله بسحروكم

  3. كده القروض المتذكرها انا بس 2 مليون دولار للمطار دا.500 الف في معرض ابوظبي للطيران و 600 من شركة صينية وهسي دي 700 الف
    لكن ما قرضونا قرض

    1. ا اخينا .. احسب صاح الشغلة ملايين ما الوف .. الالوف دي برنامج حروف والوف في ام بي سي
      600+500+700 يكون الاجمالي يا حبيب مليار وثمانمائة مليون واتحدى واخد يقرا الناتج بالجنيه السوداني الحالي خليكم من القديم
      هل تصدقوا ان يعادل 6750000000 ستة مليار وسبعمائة وخمسون مليون ريال سعودبي بالجنية السوداني الحاسبة قفلت ابت تحسب 243000000000 جنيه نفرشها رن ويى للمطار الحالي وخلاص

  4. للمعلومية الصين لا تعطي قروش كاش انما بتنفذ الجزء محل القرض بواسطة شركاته صينية .احسنو الظن.

  5. تم الاتفاق علي الحصول علي قرض من بنك الاستيراد والتصدير الصيني لتمويل مطار الخرطوم الدولي الجديد قبل اكثر من عام بمبلغ 700مليون دولاراتفاقية من اجل قرض يعتبر تافهة في عالم المال لم يصل للمليار والاتفاقية عليه تاخذ اكثر من عام يعني يكون وصل السعر كم بالعملة المحلية من يوم مافكروا في القرض دا كم مليار خسرها السودان من تدني هذه العملة ..
    واذا كان الذي مناط به اكمال الاتفاقيات انفق اكثر من عام فكم ياخذ من عليه مراقبة التنفيذ ,, وكم ستكون الراشاوي والسرقات لتجاوز المواصفات .. او استبدال عينات باخرى اقل تكلفة ,,
    يا ترى كم سيستغرق توقيع اتفاقيات التشغيل ..
    قبل فترة طويلة كتبت موضوعا البلد الذي يعمل من غير استشاريين .ز هاهي احد مصائب هذا البلد لم لا يعطى الامر لشرك استشارية مالية سويسرية او المانية او اي بيت خبرة مالي ليقوم بالدراسة ويقول للسيد الوزير تعال وقع لانه ما يا خذه بيت الخبر سيكون اقل من السرقات والتجاوزات والامور التي سينضحك على جماعتنا فيها واي واحد عارف يومين بعشرة يوم لانه الوزير عنده سماية او طهورة بنات اخته او عزا حبوبة امه في الجزير ولا اكسلا ومشى وما حيرجع الا بعد اسبوع ولا كمان يكون الوزير مرافق لوزير عنده عرس ولده ..
    والله يا جماعة بلدنا زول مدمرة غيرنا مافي لا تقولوا تدخل اجنبي ولا اسطوانات مشروخة .. مافي زول قلبه عليها بقت زي الفطيس كل زول يدفرها قدام بيت التاني ولا كل زول شايل عمازه ويديها ضربة .. لم ضهرها انحنى .. بلد سكانه 27 مليون وفيه 2699999 دا بعد اطلع نفسي ..
    بلد فيه 27 مليون ومنهم 2699998 فنان دا بعد اطلع منهم نفسي وود نبق
    فيها 27 مليون ومنهم 2699999 عالم وفاهم ودا بعد نطلع بو القنفد
    بلد الحرامي فيه يضحك على نوع سرقة الحرامي لانها قديمة
    قال واحد مسكوه مختلس 3 مليار ,, ضحك عليه رفيقه قال غبي 3 مليار وينكشف انا 30 مليار وبلعب الجماعة فوق اصابعي

  6. يا جماعة حتى في الصورة جايبين لينا طيارة سودانير واحدة …خلو عندكم خيال شوية زيدوهم طيارة طيارتين عشان يطلع مطار عالمي.

  7. حليلو هو والله انا خايفو الحق المدينة الرياضية عشرين سنة مااتم والناس الداقسة ماخلت ليها قطعة ارض مااشترتا اقول ليك شارع المطار الجديد عيش ياحمار لمن تقوم النجيلة

  8. المطار بحول الله خ اكون اكبر ترانزيت بافريقيا

    و ح ادخل للسودان مليارات الدولارات بس اهم شئ

    1\ لا نثق ف كثير من الشركات المحليه + اين المقاول الرئيس ” الشركه الصينيه البنت مطارات عالميه ”
    2\ المحميه البريه جنوب المطار ع النيل ممكن تكون اكبر محميه بريه سياحيه ف العالم
    3\ نرجو التخطيط و الوساع و السهلات والميادين الواسعه و الشوارع الكبيره جدا مش شوارع الشحده دي عايزين نطبق اجمل الخرط العالميه و ما دام الارض واسعه توسعوا و كبرو الشوارع و البيوت و الميادين خلو الهواء ياخد راحتو
    4\ القطار من و الي المطار نرجو ان يتم و يكون خط يربط كل العاصمه و يكون قطار حديث مع اداره اجنبيه
    5\ بيع كميه من مخططات المطار لرجال اعمال عرب الخليج وارسال دعوات لهم و اطلاعهم من الجو ان هذه المنطقه ح تكون نمره واحد ف السودان خصوصا بعد دخول كبري الدباسين و كبري العزوزاب الخدمه قريبا ان شاء الله
    6\ بدايه الترويج و التصوير و الاهتمام الاعلامي بالمطار الجديد لان المطار سوف يبعث تطور خرافي بمنطقه كانت منسيه
    و تزيد الرغبه بشراء الاراضي و يتدفق الاستثتمار الاجنبي و اتمني لو نقلت اغلب الوزارات و الجامعات ع شريط النيل يالقرب من المطار الجديد لتتتفس العاصمه

    7\ لو ادارت الحكومه ملف المطار بحنكه من الممكن ان تضيف للبلاد عاصمه جديده او ع الاقل توسع العاصمه و يخف الضغط ع السنتر بس اهم شئ كل الاراضي حول المطار تتبع الي ولايه الخرطوم من اجل جذب رجال الاعمال

  9. لوحلو مشكلة المياه والصرف الصحي ما اولي دحيينن سرطانات وصرف علليها حلو مشكلةة المياه مطارموافق للمواصافات العالميه واحنا بلا طائرات

  10. كدة كملو كبري الدباسين بعدين شوفو المطار.. كان من المفترض أن يتم افتتاح كبري الدباسين في العام 2008 وبعد 8 سنوات من تاريخ الافتتاح المتوقع لم يكتمل بعد..