سياسية

مبارك الفاضل: مقترح أمريكي لرفع الحصار حال وقف الحرب خلال (6) أشهر


أقر مبارك الفاضل المهدي، بوجود ضغوط لإيجاد تسوية سياسية وإنهاء الحرب، وكشف عن مقترحات من الإدارة الامريكية لرفع الحصار الاقتصادي حال تمكن السودان من إنهاء صراعاته الداخلية والارتباطات المتعلقة بالهجرة والإرهاب في ظرف (6) أشهر.
وأضاف أن العملية لم تعد عملية داخلية وأن المبعوث الأمريكي استدعى المجموعات الأربع المعارضة للحديث معهم حول خارطة الطريق الأفريقية وإنهاء الحرب.
وتابع مبارك الفاضل في خيمة الصحفيين بفندق ريجينسي أمس الأول، إن الحرب الدائرة بين الحكومة والحركات المسلحة أصبحت لا تقدم ولا تؤخر، وأن العالم عرف بها، وأن استمرارها ليس له أية قيمة سياسية لوصولها السقف النهائي، وأردف: (أصبحت حرب استنزاف يدفع فاتورتها أهل المنطقة والشعب السوداني).
وأوضح الفاضل أن تراكم الأخطاء من الأنظمة والنخب أوصل السودان الى مرحلة يجب أن ينتبه لها الجميع للانتقال به الى السلام والتنمية، وحمل النخب مسؤولية الكثير من المشاكل في السودان وأبان أن تلك النخب بدأت علاقاتهم في المدارس وانتقلت صراعاتهم الى الحقل السياسي، وذكر (حتى الانقلابات التي حدثت لم تكن بعيدة عن الأحزاب ونتيجة تدخلاتها في القوات المسلحة). ورأى الفاضل أن سياسة التمكين أضرت بالإسلاميين، وزاد: (كانوا هم في المحرقة الحقيقية ودمغتهم بالفساد، ولم يستطيعوا تأسيس أية كيانات صناعية أو تجارية، لذلك معظم الصناعات هي للأسر الكبيرة، بالإضافة إلى بعض الذين أسسوا الأعمال).

صحيفة الجريدة


‫7 تعليقات

  1. بالله عليك يعني امريكا جديدة علينا … ما تقوم تلف ياخ نحن دايرين الحرب تقيف بس ما عشان امريكا عشان المساكين السودانيين

  2. النخب البتحكى عنهم ديل … هم الوصلو اشكالك يحكمو في السودان …

    واذا البلد نايمة على المقترحات الامريكيه .. تمومه عدد زى نوعك ده .. مادايرنها …

  3. تاني يا أفّاق عايز تجيب لينا أمريكا ،بعد ما جبتها زمان وضربت مصنع الشفاء ، أها عايزها تضرب شنو تاني؟ عشان تفضّي ليك كرسي تنجعص فيه إنت؟ يا أخي أختانا جاي وللا جاي ما في ليك صلِيح في السودان إنت وناس الأحزاب الديناصوريين.

  4. عقولكم ضعيفة …. عاوز تعرف أمريكا اليوم …. من محادثات ابوجا الاولى والمندوب على الحاج وجماعة قرنق ….. ومحادثات نيفاشا العسكروا فيها على عثمان ولسنيين حجزوه بنيفاشا وعملوا ليه غسيل مخ الى ان وقع نيفاشا … واستفتاء تقرير المصير لجنوب السودان …. ومنطقة أبيى …. ومحادثات وحرب دارفور …. كلها بعروض وتعهدات والتزامات برفع الحصار الاقتصادى عن السودان لو حصل …… و….. و….. و…… وكلها طلعت فشنك وكذب ونفاق واجرام ….. ولسع انت يا مبارك يا ضارب مصنع الشفاء عندك أمل فى أنت تكون عميل لهم وتستمر فى بيع أهلك والسودان ….. لم باقى حديثك عليك وأترمى فى بيتك أو قصرك الفارهـ بالقاهرة …..

  5. يا سيد مبارك..امريكا لم ولن ترفع الحظر الاقتصادي..حتي لو انتهت الحرب في المنطقتين..انظر الي ايران..تم ضغطها حتي رضخت للضغوط.ثم وقعوا علي رفع العقوبات..ولم ترفع حتي الان..بعد مرور عام كامل علي التوقيع..

  6. تم اغراء السودان باعفاء الديون وفك الحظر والانفتاح العالمي عليه من اجل الموافقه علي تنفيذ نتيجة تقرير مصير الجنوب والنتيجه….. ؟ والان وقف العداء والاتفاق مع الحركات وبعد سته اشهر. يتمنون علينا بنفس الوعد القديم . ومتي بعد ان انكسرت شوكة التمرد ودكت معاقلهم يريدون لهم مده زمنيه ليجمعو صفوفهم ويكيدو المكائد لانفصال جنوب آخر.. اين عقلاء بلادي .. بعد ما لبنت دايرننا نديها الطير.