أبرز العناوينسياسية

السودان: اتفاقية رسمية مع السعودية لزراعة مليون فدان لمدة 99 عاما


كشف السودان عن أول اتفاقية رسمية لمدة 99 عاما مع المملكة العربية السعودية لزراعة مليون فدان من الأراضي التي سيوفرها سد أعالي نهري عطبرة وستيت بشرق البلاد والذي سيفتتح بنهاية العام الحالي.
وأجاز البرلمان بالأغلبية، يوم الإثنين، مشروع قانون إطاري يكفل للسعودية استثمار أراضي بمشروع أعالي عطبرة لمدة 99 عاما، وحظر القانون على طرفي الاتفاق تمرير أو إفشاء أي معلومات متعلقة بالمشروع الى أي طرف ثالث وان يتم استخدام المعلومات المقدمة في حدود الغرض الذي طلبت من أجله.

وأكد السودان في أبريل الماضي افتتاح مشروع سعودي لزراعة مليون فدان في يوليو القادم، حيث تم تنفيذ سد أعالي نهري عطبرة وستيت، بقروض من مؤسسات تمويل خليجية، لتوليد 150 ميغاواط من الكهرباء وتوفير الري الإنسيابي لمليون فدان من الأراضي الزراعية.

وتباينت آراء النواب المشروع حيث اعترض بعضهم على طول المدة الزمنية للمشروع وطالبوا بتقلصيها الى ما بين 20 ـ 25 عاما على ان يتم تجديد الاتفاق بعقد جديد حال انتهاء مدة العقد الأول المتفق عليه بين الطرفين، كما انتقدوا البند الذي ينص على سرية المعلومات متخوفين من ضياع حقوق ملاك الأرض.

في المقابل دافع نواب آخرون عن المشروع واعتبروه نجاح حكومي وان الارض المقترحة للمشروع عبارة عن تضاريس لم تزرع منذ 900 عام.

وبرر وزير الموارد المائية والكهرباء، معتز موسى، الاستثمار الطويل باعتبار انه مشروع دولة وليس أفراد واشار الى ان العشر سنوات الأولى ستستغرق في انشاء البنى التحتية والعشر الثانية لتطوير واستصلاح الاراضي.

وقال أمام البرلمان “لا يمكن للدولة أن تغامر بالدخول في مشروع لا يتجاوز مداه الزمني 25 عاما” واشار الى ان قصر المدة الزمنية يشكل خطرا وضررا على الطرف المستثمر، واعتبر سرية المعلومات ليس المقصود منها المواطن وانما المجتمع الاقليمي.

وأكد الوزير أن المشروع من شأنه تجديد الثقة في المنتج السوداني، وزاد “إن شريكا مثل السعودية يضمن تسويق منتجاتنا.. لأن الحصار الاقتصادي أفقدنا القدرة على تسويق ما ننتجه”.

وتعهد بمراعاة حقوق المواطنين في المشروع بالقانون ولفت الى ان الحكومة ستوفر الأراضي للجانب السعودي وتمنحه حق الاستخدام الكافي للمياه لري المساحة الزراعية الصافية بحسب التركيبة المحصولية التي أوصت بها دراسات المشروع بينما تنشئ السعودية البنيات التي تصل تكلفتها الى 10 مليار دولار.

وقال “إن المملكة السعودية من الآن وصاعدا ستربط استراتيجية أمنها الغذائي بالسودان”.

وطبقا لرئيس لجنة الزراعة والثروة الحيوانية والغابات بالبرلمان عبد الله مسار فإن الاتفاقية تتيح للسعودية استصلاح وزراعة أرضٍ زراعية شاسعة في مشروع “أعالي نهر عطبرة” بعقد يمتد لمدة 99 عاما.

واستمع البرلمان السوداني، الاثنين، إلى تقرير قدمه مسار حول مشروع قانون إطاري مشترك بين وزارة الموارد المائية والري والكهرباء بالسودان ووزارة الزراعة بالمملكة يتيح للسعودية استثمار واستصلاح هذه الأراضي.

وأكد مسار أن توفر أراض زراعية صالحة للزراعة في مساحة مليون فدان في مشروع أعالي نهر عطبرة يتيح الدخول في شراكة حقيقية مع الجانب السعودي وأوضح أن القانون يمنح حق استخدام المياه للجانب السعودي، واصفا الاتفاقية بأنها تمثل فرصة للاستفادة من السعودية.

ووقع السودان والسعودية في نوفمبر 2015 بالرياض، أربع اتفاقيات من بينها اتفاق إطاري لتمويل مشروعات سدود “كجبار والشُريك ودال” في شمال السودان واتفاقية أخرى لزراعة نحو مليون فدان من الأراضي التي يوفرها سد أعالي نهري عطبرة وستيت.

وتوقعت الحكومة السودانية في وقت سابق ارتفاع الاستثمارات السعودية في البلاد إلى نحو 15 مليار دولار خلال العام 2016 مقارنة بنحو 11 مليار دولار في 2015.

 

 

سودان تريبيون


‫34 تعليقات

  1. بطلو فلسفه بلا عائد بلا بطيخ اراضي صحراء وجايين يزرعوها ليكم جالسين تتفلسفو .
    واحد يقول ليك عائد السودان شنو
    والتاني يقول ليك تلوث
    ياخ نحنا فاشلين ومنظرين

  2. اييييك تسعة وتسعين سنة وانحنا في آخر الزمن – يعني العقد دا لحدي يوم القيامة – طبعاً لو القيامة ماقامت حكومتنا والمعارضة حيكونو قاعدين والصادق وابوعيسي والبشير مكنكشين كل في موقعه الله ايهم الصحة 99 تاني ما كتيرة عليهم

  3. بسم الله
    متفائلين بالخير
    مشروع ضخم
    ارباح عاليه مناصفه
    انا بارضي
    وانت بمالك
    والنص بالنص
    شعب السودان مع شعب السعوديه
    اشقاء
    جينات وراثيه واحده
    اقربلنا
    من المصريين
    وما بياكلو حقنا زي مصر

    ابشروووووووووو بالخير الكتير
    و يا دوله
    دلعو اصحاب الارض
    و ما ما دايرين
    دغمسه

  4. وحظر القانون على طرفي الاتفاق تمرير أو إفشاء أي معلومات متعلقة بالمشروع الى أي طرف ثالث
    .
    .
    الطرف الثالث ده هو الشعب المغدور
    الكيزان بدأوا فعلا في اختلاس وتدمير ثروات الاجيال القادمة من ابنائنا واحفادنا تباع ثرواتهم بابخس ثمن حتى لا يذهب عمر البشير للجنائية
    هذه المشاريع سيتم تأميمها فورا عند انقشاع هؤلاء
    وقد يؤدي الامر لحروبات مع السعودية ومصر و كل الدول التي باع ويبيع لها الكيزان البلد بابخس ثمن

  5. لقد حان الوقت لموت عمر البشير .. موت طبيعي او بفعل فاعل المهم انه يجب ان يموت فورا لان البلاد ام تعد تتحمل مل هذه الخسائر بسببه

  6. المنتج من هذا المشروع … هل سيكتب عليه صنع في السعودية ام صنع في السودان ؟؟؟؟!!

  7. يا. اخوانا الناس. ديل. لو فشلو. دة م يعنى. كل الاجيال الجاية فاشلة زيهم. على الاكثر يكون. 25’سنة. ممكن نعتبرو جيل فاشل. فى فترتو م قدر يعمل حاجة ويدى فرص للبعدو. عليكم الله. عقد لمدة قرن حقو تخجلو شوية وكمان سري. عايزين يبعو البلد. انا خايف انو فى. يظهر باعو الشعب كلو عبيد لدولة فى صفقة سرية ديل اى واحد من الشارع ساي. م يوافق على الكلام دة. يعنى ما ناس البرلمان يا ما. نعيش ونشوف

  8. لمن يسأل عن الفائده أو العائد أقول
    1. أستصلاح مليون فدان أراض جرداء سيسهم دون شك في تغيير المناخ بالمنطقة
    2. البنيات الأساسية المصاحبة للمشروع ( مستشفي , مدارس , حدائق , ميناء بري ….. الخ ) من يستفيد منها ؟ بالتأكيد أنسان المنطقة
    3. تشغيل الأيدي العاملة الوطنية و أكتساب خبرات و مهارات أضافية
    4. تغطية السوق العربي الخليجي و السعودي علي وجه الخصوص بما يساعد علي الأنعتاق من الوقوع في حضن أسواق غير عربية أو أسلاميه , أضافة لتبديد الهواجس و الأنعتاق من الضغوط الغربية و الأمريكية بالحفاظ علي الأمن الغذائي العربي و الأسلامي
    هذا قليل من كثير

    1. أسأله مشروعه

      هل المشروع مشاركه مع السودان.. أم .. ايجار كامل لصالح السعوديه؟؟

      هل ألأنتاج سيكون للصادر ؟ أذا.. ما هو نصيب ألدوله السودانيه من عائد الصادر بالنقد ألأجنبي؟

      من حق الناس أن يعرفو تفاصيل ألأتفاق

      نعم ربما سيكون هناك عماله سودانيه و خدمات صحيه.. ألخ ..ولكن من العداله أن يكون للدوله عائد صادر

  9. الناس تتوكل والخير جااااي بأذن الله.
    ومافي داعي للتعليقات السلبية..

  10. صراحة ي جماعة انا مع المشروع وضده في الحقيفة شبابنا وبلدنا احوج للمشاريع من اي غريب لكن منو ينهض والكل عايز الجاهز وعلى طبق من ذهب يعني الزراعة عندنا شبه هجرت فاكثر من نص اراضينا صحراء فالافضل تعمر والسعودية اولى والعندو حماس يزرع اسه السودان ملان اراضي صدراء واسعة شاسعة.

  11. اهدى لكل المعلقيين حكمة قالها زايد الخير رحمه الله انو لوفى واحد غير اماراتى بنى بيت ولا عمل مصنع وغيرة من استثمار ثابت ما حيشيله معاه ويمشى فى اى وقت ستبقى فى النهايه للبلد وبالمناسبه مشروع الجزيرة الى نغنبيه لليوم عملو الانجليز عشان مصانعهم بتع الاقمشة فى لانكشير كما درسناه وما كسروه لما طلعوا ياناس استهدوا بالله

  12. ال10 سنه الاولي للبنيه التحتيه وال10 التانيه لإستصلاح الارض…..وال10 التالته حتكون زراعه تجريبيه وال10 سنه الرابعه حتكون بداية تخليص ديون الشركات …..وهكذا ..يعني الاقتصاد بتاعنا والمواطنين م حيشوفو شي من المشروع ده الا في القرن ال22 بعد 99 سنه

  13. يعني ح يكون افضل من مشروع الجزيرة .المات وشبع موت.المهم في الموضوع مصلحة الشعب

  14. طيب ليش ما يستفيد منها السودان ليزرعها لنفسهي بدلآ من السعودية بما انهو قادر عليها ؟

  15. والله كلامك ي عبيد فضل هو عين الحقيقه….وبقول للناس التعليقاتا كلها فشل وشؤم دي….استبشرو خيرا لعل الله يجعل الخير علي ايدي السعوديه….نحنا وقت م سوينا حاجه ندي فرصة ل غيرنا…والله الموفق

  16. أنبطاح ما بعده أنبطاح لو أردت أن تبيع علكة ودخان فى طبلية فى بلادهم سيطلبون منك (كفيل) ونحن نعطيها لهم لمدة قرن بدون كفيل

  17. ممتاز المشروع وفايدة من السد …..مافايدة السدود الاخري !!!! كهرباء ليس هناك سكان بالقدر الكافي تمديد للخرطوم نتيجت سد مروي لم يكن بالمرجو وﻻمرجو من غير المرجو اﻻ الخراب

  18. يجب ان نشكر السعودية على استثمار المليارات لاستصلاح صحراء لو تركت لظلت كما هي ل 900 عاما اخرى

  19. ٲصلوا الكوزززززز هو مثل المحيط مهما لديه ماء ما عندوا مشكلة في الزيادة، البلد ٳنتهت وناس تعبت. ٲنتم مرتاحين ٲنحنا عملنا ٲنحنا قولنا، ٲنتوا ناس نصابيين ومحتالين حكومة همها في كرشتها وبس الباقي حريقة لكن الله غالب يمهل ولا يهمل.

  20. اذا كانت السودان مبنية بعلاقات
    السعوديةالسودانية م̷ـــِْن اجل استثمار
    بمقابل وراﻋ هذه اتفاقية ،هل هنالك
    استفادة حقيقة لدي شعب سوداني ؟
    اعتقد انو السودان بلد خير كثير
    لماذا نحن الًيَوُمًِ نحتاجو الي مستثمرين اجانب
    افتكر انو السوان مليئ السدود ونا لانهاية
    في خلاصة ربنا يستر حال
    شعب السودان ظروفهم مريرة

  21. اذا كانت السودان مبنية بعلاقات
    السعوديةالسودانية م̷ـــِْن اجل استثمار
    بمقابل وراﻋ هذه اتفاقية ،هل هنالك
    استفادة حقيقة لدي شعب سوداني ؟
    اعتقد انو السودان بلد خير كثير
    لماذا نحن الًيَوُمًِ نحتاجو الي مستثمرين اجانب
    افتكر انو السوان مليئ بالسدود ما لانهاية
    في خلاصة ربنا يستر حال
    شعب السودان ظروفهم مريرة

  22. اليس الافضل من كل هذا اعادة مشروع الجزيرة الى سابق عصره و هو افضل بكثير من المجازفة بمشروعات وهمية..فليكن الاستثمار السعودي في مشروع الجزيرة الجاهز بدلا من انشاء مشروع جديد و بعد نهوض البلاد و انتعاش الاقتصاد لا مانع من قيام مشاريع أخرى. و لكن المشكلة ان الكيزان اللصوص لا ينفع معهم استثمار و لا غيره طالما انهم جبلوا على النهب و الاختلاس

  23. اذا كان الكلام ده صحيح يكون ده لعب بالنار هذه امور استراتيجيه لدولة ولشعب لا يتم فيها تغييبه خصوصا المشاريع التي مع دول ليست زراعية ونيت الاستغلال واضحة فالحكومة لو محاصرة وتريد ان تدفع تمنا لفك حسارها فلا يجب ان تدخل فيه ممتلكات الامة

  24. عاوز افهم نقطه واحده بس الجماعه الطيبين قالوا الارض دي ما اتزرعت 900 سنه!!!
    طيب قبل 900 سنه كانت فيها شنو!!
    وللا الجماعه نجروو ال900 سنه من رأسهم

  25. ياخي الصفقة ممكن تكون منصفة للسودان بس السؤال هل هي فعلاً، في ظل ظروف الحصار و الاقتصاد المنهار وكوننا بلد مستهلك فقط وما بننتج اي حاجة و الفساد الكلنا عارفين انو متفشي بشكل خطير في البلد و مؤسساتها.
    و بعدين ليه سري؟؟؟؟؟
    و في جميع الاحوال احنا ما عايزين اي صفقة منصفة ولا غيرو عشان تقوي شوكة الكيزان المحروسة فيحلوقنا ليها 27 سنة

  26. نحنا بنحب السعودية وبنحب السعوديين وطبيعتنا قريبه من طبيعتهم ويهمنا الامن الغذائي العربي لكن من حق الشعب السوداني ان يعرف اشياء بسيطه في هذا العقد اولا طبعا السعودية مولت السدود تانيا ستمنح الارض للزراعه لمده ٩٩ سنه طيب ما هو المقابل للسودان هل قامت الحكومة السودانية ببيع هذه الارض للسعودية بمبلغ تم استلامه كاش وبالمقابل تكون الارض وكانل المشروع هو مشروع سعودي بالكانل من حقها توظيف من تراه وتنتج ما تنتجه وتصدر ما تصدره وعائد السودان هو القيمة الشرائية التي تم دفعها من قبل السعودية للحكومة السودانية (طبعا لو ده الحاصل – الرماد كال حماد) معناها المقابل تم توزيعه لاعضاء المؤتمر الوطني المتنفذين واصبحت تلك البقعه هي ارض سعودية داخل الاراضي السودانية تم بيعها والمقابل ذهب لجيوب الفاسدين – المفروض الموضوع يكون واضح وصريح الارض والمياه من السودان والمال من السعودية والانتاج مناصفه ويحب ان تسمل العماله ٥٠٪ عماله سودانية