منوعات

منع الارتريين والإثيوبيين من لبس “التي شيرت والبرمودا” أثناء العمل!


كشف أحمد أبو شنب معتمد محلية الخرطوم عن ضوابط جديدة للأجانب في اللبس والعمل بمحليته، قائلا إنه أبلغ سفيري أريتريا وإثيوبيا بعدم السماح لمنسوبي دولتيهما بقيادة الركشات والمركبات دون استخراج رخصة قيادة.
وقال معتمد الخرطوم حسب اليوم التالي إنه شدد في لقاءات منفصلة مع السفيرين على أنه غير مسموح لمواطني بلديهما بارتداء اللبس الفاضح أثناء العمل مثل “التي شيرت، والبرمودا” مشيرا إلى استجابة السفيرين والعمل على حصر مواطني الدولتين المقيمين في الخرطوم.

صحيفة اليوم التالي


‫9 تعليقات

  1. وهل التي شيرت والبرمودا لبس فاضح للرجال ؟؟ دا عدم موضوع وحقارة ساكت . السيد المعتمد غلبتك شغلتك ومعايش المواطنين قبلت علي المساكين ديل

  2. ههههههههههههههههه … قال سفيرين .. الموضوع ما محتاج سفراء الدول تسن القوانين وتطبق بدون رجااءات من السفارات.

  3. الكلام ده لو حصل ….. وممكن يحصل في هذا الزمن العجيب. … تكون فضيحة… بلد ما عندها والي وما عندها وجيع وماعندها كبير.
    شي عجيب.

  4. ي سوادنة
    قالو حكومتكم ذالاكم بالمادة 152؟
    منتظرين شنو
    حتى اللبس داخلين ليكم فيهو
    وتتشطرو بس في التعليق علي المصريين
    العايشين احن منكم بمليار مرة
    تبا لكم

  5. اول وفر سبل الاكل والعيشه الكريمه واصدر قرارات
    اول وفر المياه للعشره والكلاكلات وبعدين اصدر القرارات
    اول وفر المواصلات ومحال لستات الشاى واصدر القرارات
    اول اضبط الوجود الاجنبى والظواهر السالبه واصدر القرارات
    لكى الله يابلد

  6. فوضى ضاربة بأطنابها! إذا كان معتمد محلية بيخاطب سفراء الدول لدى الدولة.. طيب وزير الخارجية شغال شنو؟؟ المعتمد ده منصب اداري وليس دستوري وصلاخياته حدها حدود المعتمدية وبس ولا يحق له مخاطبة جهات خارجية بدون المرور بالقنوات الرسمية.. الا لو كلامه مع السفيرين ديل في ونسة خاصة ساي

  7. ما يحدث في هذا البلد يدعوا الي الحيرة و القلق .. خرقا لكل القوانين و الاعراف الدوليه ..معتمد الخرطوم عسكري معاش يخاطب سفراء دوا مباشرة .. ما دور وزارة الخارجية هولاء السفزاء يمثلون دولهم و ليست محليه من تهم يا سعادة العسكري .. كفوا عن العبث و الفوضي في ادارة هذا البلد

  8. والله يا ابو شنب ظهرت لينا الحبش واولاد الحبش وجداد الحبش.من ناصح وواضح وجميع اطياف الدبلماسية من سودانية ومتزنه.انت المهم يا ابو شنب وناس كثير ما مهمين.

  9. عمك ابو شنب غلبتو الشغلة ساكت بقى يقبض من طرف . اعترف قول الشغلة غلبتنى وسلم استقالتك مش تقعد تضيع زمنك فى الفارغة والتى هى ليست من اخصاصك شوف المواطنين عايزين شنو مشاكلم اكثر من شعر رأسك ما حليت منها أى مشكله بس قاعد تنطط من حته ل حته من دون انجاز أى شئ يذكر واخيرا قلته انط على الحبش والارتريين ديل موضوعم هين شوف الحاجات المكرهه الناس عيشته ركز عليها مثل المواصلات والنفايات العفنت البلد والموية البقت معدومة ركز عليها واحده واحده وخلى التنطط وموفق .