بابكر سلك

هل تدري يا نعسان


> شرف السيد الرئيس نفرة الشفوت > كعادته حضر هاشا باشا متواضعاً > قوبل بالهتاف والتأييد والتصفيق > القى كلمة قصيرة في حجمها كبيرة في مضمونها > واثلج صدورنا عندما جدد بيعة الاستثمار > والحرص على بقاء الكيان قوياً مستقراً في كل الاحوال > الجماهير عاهدته على التفاني والإخلاص > ورفعت شعارها ما ينوم وما ننوم المهم > اذا عدنا لمباراة القمة حانكتشف حقائق لا بد ان ينكرها الاخوه الاهله الشرفاء > الهلال في افضل حالات الاعداد والاستعداد > الموسم كلو بستعد > من معسكر تونس وانت ماشي > المعسكر القالوا غلبوا فيهو اتحاد ليبيا اربعة اتنين > في الفيس جاتنا اهداف الاتحاد الليبي > لكن ما شفنا اهداف الهلال > ولا هدف ما شفناهو > اهداف الاتحاد التاني منهن اخونا اتير طار ووقع واتشقلب حتى القون جا > المهم بعد ماغلبوا اتحاد ليبيا زي ما قالوا > من اهلي ليبيا طاروا > قبل اهلي ليبيا مدرب وكوتة محترفين > بعد اهلي ليبيا تلاته مدربين وابعاد اجانب قبل فتح باب التنقلات > وجابوا العشري > وفضل يجري > وقبل كل ذلك كانت خسارة قورماهيا في بداية الموسم بثغرنا الحبيب > السنة كلها اعداد وتغيير مدربين وتسجيلات بالكوم > هكذا قابلونا > ونحنا من المعسكر الاعدادي مافي اعداد > لاسباب لا تخص الهلال > في أسوأ حالاتنا > اصابات وادعاء للاصابات > غيابات وفشل تمارين > زوغانات > هكذا حضرنا للمباراة > ايها الناس > بمراجعة شريط المباراة نجد اننا برغم كل ما حدث وبالحسابات كنا الافضل > تلطاشر ركنية مقابل واحدة ولا اتنين ما عارف > هدف منقوض وضربة جزاء مصهين عنها واخرى ايضاً > ولو لا اخطاء التحكيم التي لا يقصد ان يظلمنا بها > النتيجة العادلة اربعة لينا > ولو بكري بعد هدف ضفر مرر الكورة > كانت المباراة انتهت حداشر الا تلت > وهل تدري يا نعسان انهم عملوا معاك بلنت السواد والرماد! > لكن ده حال تحكيمنا > طواااالي يخطئ ويظلم لكنه لا يظلم > هي جنس ضلمه > المهم > كلو شيء ملحوق > اذا اهتمينا بي فريقنا > اذا اولادنا خلوا الخيلاء بتاعتهم دي > ندري انهم الاعلى كعباً فنياً > لكن فنيات براها لا تخدم قضية > كلو شيء بتلحق لو التحكيم فتح عينو معانا شويه > لو اتفكفكوا من قصة يخطئ ولا يظلم دي > لانك لو كنت ما مؤهل مهما كانت نيتك سليمة > فانك بذلك تظلم الناس لو ختيت صفاره في قدومك ده > ايها الناس > ليه الاخطاء دي طوااالي على كل الاتجاهات ولصالح اتجاه واحد!! > حتى ظننا انها اخطاء ما بالخطأ > غايتو لو غاب اب شنب يا محمد عبد الماجد بياكلكم اب ضنب > المهم > رمضان يا حليلو يا هاشم الزبير > ولسه ما شفنا حاجة > اين لياليك الثقافية يا رجل > راجيك شغل كتير > بالذات بعد تصريح الريس بالاصلاحات بالنادي تغييراً للبيئة > ايها الناس > سمعنا انو طبياً الرجل ممكن يصاب بسرطان الثدي > ما صدقنا > لكن بعد قام الرجل بصرف علاوة الرضاعة صدقنا > الطب اتطور يا اخوانا > اللهم ادحر السرطان ده وريح عبادك يا ارحم الراحمين > خلاااااااااااااااس وخلااااااااص > ايها الناس > ان تنصروا الله ينصركم > اها > نجي لي شمارات والي الخرتوم > نحنا في الأواخر بنتهجد يا والينا > ولما نتذكر انها الأواخر والعيد بعدها جايينا > وبعدو المدارس بتفتح لينا > بنطيل في السجود يا والينا > لاعارفين نطلب العيد يجينا > ولا عارفين نطلب رمضان يستمر لينا > ولاعارفين نتهجد زي الناس يا والينا سلك كهربا ننساك كيف والكلب قال للجريو ماما لي شنو… تعال انا برضعك والى لقاء سلك


تعليق واحد

  1. اشغل نفسكم بمواضيع هايفة … عامل نفسك ماعارف ايه حاجة يا سلك لا سادومبا لا شيبولا ,,اللي جاب ليك مرض الايبولا