الرصاصة

> القرارات القويه مثل الرصاص > لاتعود بعد انطلاقها الى داخل السلاح مرة اخرى > والرصاصه تنطلق > تجاه الهدف > تخطئ الهدف > لاتصيب شيء > تقضي على الأخضر واليابس > المهم اذا انطلقت لن تعود لفوهة البندقية مهما كان الأمر > وتستعد الماسورة لاستقبال رصاصة جديدة قادمة من الخزنة وفي اتجاه الفوهة > أيها الناس > كتب الرائع بابكر مختار ما معناه ان المريخ يسير في الطريق الصحيح بإصداره لذلك القرار > وأضاف فيما معناه ان المريخ ما عودهم على مثل هذه القرارات > ولا ادري عن اي مريخ يتحدث بابكر مختار؟ > عن مريخنا الذي يشهد التاريخ لابي العائلة بشطب سبعة من التشكيلة الاساسية اثناء الموسم فرضًا للانضباط > ولا عن مريخ تاني > عن مريخنا الذي شطب باكمبا وهو نجم النجوم وقتها لعدم الانضباط في وقت يأتي فيه النقر من المطار للتشكيلة ولا عن مريخ تاني > عن مريخنا الذي يتأدب أمام كيانه نجم النجوم فيصل عجب وفي الجانب الآخر سيدا بدأها من إعلام الفول مرورا بثورة الجوع فأبعاد الاجهزة الفنية والتدخل في الإحلال والتبديل والتشكيل وجماهير الهلال تهتف سيدا سيدا سيدا > عن اي قرارات تحدثنا يا بابكر مختار ونحنا شفنا لاعبكم بجي متأخر يلقي الكورة بدت يمشي على الملعب ويقيف على الخط > يتلفت على ناس الكنبة يقول ليهم اللعب بدلي منو > يقولوا ليهو ابو زعبل اللعب بدلك > يكورك ليهو > ابو زعبل… .اطلع > ولا مدرب بسأل ولا إداري بتدخل > انضباط ايه الجاي تقول عليه يا بابكو! > القرار في،المريخ يابابكر مختار لاعودة منه > مازيكم > البابا يوقف هيثم وحمد > بعد شهر البابا يخفض > بعدها بشويه البابا يلغي > نحنا قراراتنا المابتصيب بتدوش > ولاتدعونا يا بابكير لتعلم الانضباط من الهلال > لان فاقد الشيء لايعطيه > ولان الانسان المنضبط هو الانسان الذي يصيب نجاحا كبيرا > فأين انجاز الهلال الكبير الناتج عن الانضباط؟؟؟ > تعرف يابابكير ود مختار > اكتر اسئلة محرجة انك تسأل > المرأة عن عمرها والهلال عن بطولاتو الجوية > قال انضباط، قال > ود مختار اسألك ولا بحرجك! > الجو فوق كيف!!! > حدثنا يا مختار عن انضباط،الهلال > وعن كم مرة بره البلد اترمى الشعار > شعار الهلال يامختار > لكن لسه عدم الانضباط عندنا ما وصل لدرجة رمي الشعار على الأرض > وأرض أجنبية كمان > المهم > البعض يرى امكانية التراجع عن القرار في،حال رجوع بكري وعلاء لجادة الطريق > ويرى بعضهم ان إعلام الهلال بحرش في المريخ عشان المريخ يخسر بكري وعلاء > وده كلام لا اعتقد انو صاح > إعلام الهلال اغلبو يهمو عدم استقرار المريخ > لكن إعلام الهلال خايف من بكري وعلاء في شنو وهما قاعدين زي قلتهما من بداية الموسم؟؟؟ > اعلام الهلال يحارب ضفر مثلا > زول عندو ولاء وانتماء وروح اداء > وعندو قون في شباك الهلال في اي مباراة > يحاربوا بكري عشان عمل ليهم شنو؟؟؟ > ويحاربوا علاء عشان الموسم ده عمل شنو؟؟؟ > فرصة زاتها لظهور وجوه جديدة تأخد فرصتها في المشاركهة > ويستمر القرار مهما كان > حفاظا على،الهيبة والكيان > الرصاصة لن تعود الى الفوهة ولكنها تنطلق حيث تم إطلاقها > تصيب > تخيب > أقل شيء بتدوش > المهم > بابكر مختار > كم عمر المرأة؟؟ > سؤال يدخل في الأضافرين موش؟؟ > خليهو السؤال ده > ماهي إنجازات الهلال الجوية؟؟؟ > سؤال يفترض،تكون اجابتو > قلت لي الكبري من وين لي وين؟؟؟ > أيها الناس > مهما كبر اللاعب فهو لايكبر على الكيان > فالكيان يعلو ولا يعلى عليه > والانضباط سمة من سمات الولاء والانتماء > وماتقولوا لي في زمن الاحتراف ده مافي ولاء > فالاحتراف هو احترام للنفس والنادي ولحقوق النادي > لحق الجماهير التي تؤدي دورها مجاني > بل وتدعم > واللاعب المحترف يجب أن يدرك ان الاحتراف هو أداء للواجبات قبل أن يكون مطالبة بالحقوق > وحق النادي فوق الجميع > أيها الناس > إن تنصروا الله ينصركم > أها > نجي لي شمارات والي الخرتوم > والينا > عملتوا شنو لينا > حاتمدوا رمضان ولا حا تأجلوا المدارس لينا > ناس المدارس لو قبلوا التقسيط لينا > هدوم المدرسة من وين يا والينا!! > غايتو كان أصريتوا ياوالينا > شفعنا حايجوا المدرسة مولاي سااااااي يا والينا سلك كهربا ننساك كيف والكلب لما سمع عقد الجلاد بغنوا يلا يا أولاد المدارس قال حاتضربهم الطراوه وإلى لقاء