زواج سوداناس

الكلاكلة ليه سموها الكلاكلة



شارك الموضوع :

> فطومه اختي قبل كورة رابعة التبلدية قالت ابراهومه لاعباً ماغلب الهلال كيف يغلبو مدرب > كيف يغلبو مدرب وراكم ليها براهو > وراكم منو الطفا النور > والغريبة رجل الخط اخو عاطف النور > غلبكم بعدوية اقصد تبلدية اقصد رابعة تحكي عن فشل فريق ولعبه علي الورق فقط > اما عن التاريخ يافطومه > اظن ماحكوا ليك > ماكلموك > ماقالوا ليك > ماوقعوا ليك > الليلة بوقعوا ليك > ابراهومة يافطومة بغلب في الهلال من كان في الاشبال > بدري الكلام ده > الوكت داك الكلاكلة بكلكلوا فيها الحصين > لو قابلك حصان سنونو مارقات > ده ما اصلو كده > ده مكلكل في الكلاكلة > الكلاكلة سموها الكلاكلة عشان هي ارض خيل وفرسان > كانوا بكلكلوا فيها الحصين > اها الوكت داك ابراهومة كان بلعب في الاشبال > بغلب فيكم من الوكت داك > ولما كبر كانت السبتين > بين السبتين تختال هناك كأسين الاول كأس مدينتنا والآخر عرس السودان > السبت الاول جاب القون براهو > السبت التاني جدعها لي بريش > ابراهومة يافطومة كلاعب فتر من رفع الكاسات > بقي يجيب خالد يرفعها معاهو > وابراهومة كمدرب فتر من هزيمتكم > تتذكري لما كان مدرب نيل الحصاحيصا?? > يوم جمممممبلق > تقولي لي ماغلبكم > المهم > الحبيب رمضان انشر لينا مدحة البرعي الكلها اربعات ديك > حتي اليوم الفيها يوم الاربعا > محمد عبد الماجد الاربعة > اكتب لينا بعد عثمان حسين عن اغنيات الدلوكه ومهارة انصاف مدني > غنا عثمان حسين كمل الشعراء والتنبوء المتنبئ ده اسمو ما كده… لكن لانو الشعراء بقروا المستقبل كويس افتكروهم الناس بتنبأوا ومن هنا جاء لقب المتنبئ نحنا شعب لينا شعراء يهزوا ويرزوا ام كلثوم غنت لينا نحنا ماساهلين واثباتاً لتنبوء،الشعراء شاعرنا مبارك المغربي كتب امة الامجاد امتي يا امة الامجاد والماضي العريق يا نشيدا في دمي يحيا ويجري في عروقي الوكت داك البلد دي مواصلاتها بالترماج كوريا زاتها لسه ما اخترعوها شوف صدق نبوءة المغربي حينما اطلق علي امتنا امة الامجاد شوف البلد دي الليله مليانه امجادات كيف?? فعلا امة الامجاد والدليل علي ان المغربي قصد بالامجاد ذلك النوع من العربات المعروف لدينا اليوم.. الدليل هو ماورد بالنشيد من عبارات فسيري… فسيري في الطريق التنبوءات كثيرة دكتور عبدالقادر سالم المبدع له اغنية يقول فيها اسير غزال فوق القويز الاغنية كتبها شاعرها في الستينيات لكنه تنبأ فيها بلعب مهند الطاهر بهلال التبلدي وانتصاره علي الهلال الاب غزال هو مهند،والقويز هو كوم الرملة في الابيض ويقول الشاعر اسير غزال فوق القويز… كلام غزل معسول لذيييذ وفي رواية اخري وهي التي ارجحها اسير غزال فوق القويز ..كلام غزل وين ناس عزيييز وناس عزيز هم ناس عزيز شيبولا والله اعلم محمد عبد الماجد وين يا اربعه > ايها الناس > قلت ليكم ما تقنعوا > تحكيم نضيف لو بدينا من الصفر حانفوت الصفر > المهم > ايها الناس > ان تنصروا الله ينصركم > اها > نجي لي شمارات والي الخرتوم > كان شفت يا والينا > ناس التجميل كشتهم تجينا > تكسر اكشاكنا ومظلاتنا وتمشي تخلينا > حتي الزهور مزروعة تستر في شناة الخور روعة وسرور > يقلعوها لينا > فهل الخرطوم بقت جميلة يا والينا > والمظلات مردمة جمب دكاكينا > والاكشاك مكسرة قاعدة عالة بعد كان بتخدم فينا > والشارع لازهور ولا جنينة سلك كهربا ننساك كيف والكلب قال عمليات التجميل مرات بتكون ببتر نخرتنا قطع اضنيننا او قد عينينا والي لقاء سلك

شارك الموضوع :

تعليقات الفيسبوك

تعليقات


1 التعليقات

      1. 1
        wahid garfan

        والله كويس هلال الابيض الخلاك..تفش غبينتك..مسمارين نص رمضان وجعوك بالحيل..

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *