سياسية

الرئيس البشير: لن نركع الا لله وسنحرر افريقيا من الاستعمار الجديد


قال الرئيس عمر البشير، إن تكريم النخب الإفريقية له لم يكن للبشير وحده, وإنما تكريم للشعب السوداني. وذكر الرئيس في خطاب أمام جموع المواطنين بمطار الخرطوم أمس، ان كل خطوات الحكومة وقراراتها تعبر عن الشعب وقيمه وكرامته التي لا تقبل الضيم والظلم. وأوضح البشير: (الجنوبيين انفصلوا وقالوا ماشين يرتاحوا ونحنا عارفين دي عمايل الغرب الذين كانوا يخططون لإضعاف الدولة السودانية لكن نحن راكزين كالجبال ولن نركع لغير الله).
وجزم البشير بأنهم ما زالوا يعملون على تحرير إفريقيا من الاستعمار الحديث. متحديًا في الأثناء بكسر مواطن الظلم، وقال (رسالتنا لكل الظلمة والمتجبرين نحن أكبر وأعز منهم).
ولفت البشير إلى الإيمان لله وحده وقال : لا نؤمن إلا بالله والأعمار بيد الله والملك لله يؤتيه من يشاء. وتعهد للشعب بأن يجده في الموقع الذي يعز السودان، وأضاف(لم تجدونا إلا في الموقع الذي يعزكم). ونبه البشير إلى أن السودان إبان المجاعة في 1984 لم يطرد أحداً ودخل الملايين السودان ولم يطردهم بل(قسم معهم اللقمة)، وتابع قائلًا :(نحن الذين نعلم الناس والشعوب في أمريكا وأوربا الما بعرفوا الكرامة، نعلمهم الكرامة ونعبر عن شأن الشعب السوداني).

الانتباهة


‫4 تعليقات

  1. دا ( ساري ) هندي اللابسوا دا وله شنو ؟؟

    قال نحرر افريقيا ( نفس الشعارات القديمة ونفس الاخطاء الاولى ) ياخي خليك على قدر حالك جبتوا بي كلامك دا الكفاوي على الشعب السوداني الى الان يتجرع كاسات المر والعذاب والحرمان بسبب سياساتكم الخارجية الفارغة

    بعدين ايام داعس والغبراء في رواندا اكته تقول الكلام دا قال افريقيا قال

    ماعارف لي بذكر كتاب المطالعة بتاع سنة تانية ( الاسد والدجاج والحمار )

    مافي حاجة ما ضاعت في السودان اكان المصانع وله خط هيرثوا وله الطيران والبواخر السكه حديد دي شلعوها ..

  2. الله يخرب بيتكم تاني امريكا والغرب ما بتوبوا انتو جعجعه في الفارغ ومن خلف الكواليس تستجدون العطف منهم ورفع الحظر بكثير من التنازلات ياخي ارحمو الشعب الغلبان ازللتموه بين الدول والشعوب انتو ما قدر امريكا ولا اوربا هل دا كلام انسان سياسي يستاهل حكم

  3. #البشير_رمز_العزة_والكرامة
    (الجنوبيين انفصلوا وقالوا ماشين يرتاحوا ونحنا عارفين دي عمايل الغرب
    الذين كانوا يخططون لإضعاف الدولة السودانية لكن نحن راكزين كالجبال ولن نركع لغير الله).
    (رسالتنا لكل الظلمة والمتجبرين نحن أكبر وأعز منهم).
    لا نؤمن إلا بالله والأعمار بيد الله والملك لله يؤتيه من يشاء).
    (لم تجدونا إلا في الموقع الذي يعزكم).
    ( السودان إبان المجاعة في 1984 لم يطرد أحداً ودخل الملايين السودان ولم يطردهم بل(قسم معهم اللقمة).
    (نحن الذين نعلم الناس والشعوب في أمريكا وأوربا الما بعرفوا الكرامة، نعلمهم الكرامة ونعبر عن شأن الشعب السوداني).
    ربنا يحفظطك ويبعد عنك الحساد وبطانة السوء والشامتين.
    كفيت ووفيت يا أسد أفريقيا
    أرمى قدام والما عاجبو يشرب من موية البحر
    نسخة مع التوقيع إلى
    1/ الأمم المتحدة
    2/ محكمة الظلم الجنائية
    3/ عقار وياسر عرمان ومناوى وعبد الواحد والمر أقصد عبد العزيز الحلو
    5/ النسخة الصفراء الاخيرة هدية إلى عبد الفتاح السيسى حق مصر

  4. الراجل ده شكلو عندو نيه يقعد خمسين سنه لي قدام شايفو بعيد في كلامو (لا نؤمن إلا بالله والأعمار بيد الله والملك لله يؤتيه من يشاء.) يعني هو فاهم انو ربنا اكرمو من دون الخلق واتاه الملك . سبحان الله . دقيقه يامجدي ياأخونا مشي وين الزول ده والله غايتو كلام غريب…………………………..,