جرائم وحوادث

القبض على قيادي بارز بالمؤتمر الوطني


القت السلطات القبض علي المدير العام الأسبق للهيئة القومية للإذاعة والتلفزيون نائب رئيس المؤتمر الوطني ولاية الخرطوم محمد حاتم سليمان وأودعته الحبس بقسم شرطة الخرطوم شمال للتحقيق معه في بلاغات تتعلق بقضايا مالية ، وطبقا لمصادر (آخرلحظة) فإن وزير العدل مولانا عوض الحسن النور قد حضر الى قسم الشرطة وتدخل للإفراج عنه الا ان محمد حاتم سليمان رفض الخروج من الحبس بالضمانة الشخصية ، وفي الاثناء حضر والي الخرطوم رئيس المؤتمر الوطني بالولاية الفريق أول ركن عبد الرحيم محمد حسين ومدير عام قوات الشرطة الفريق اول هاشم عثمان الحسين . وافلحت الجهود في اطلاق سراحه في وقت متاخر من ليلة امس الاول.

صحيفة آخر لحظة


‫13 تعليقات

  1. والله أحيي ناس الشرطة لأنهم لم تترددوا في القبض على شخصية قيادية.. و خسرت ي والي الخرطوم ووزير العدل

  2. هدا الحبس ولا بلاش!! وزير العدل ووالي الخرطوم ومدير عام الشرطة كلهم بيحنسوا في المتهم عشان يطلع!!

  3. دا سبب من اسباب الفساد المنتشرة في البلد زول ممسوك في قضاية ماليه باي حق والى الخرطوم يفرج عنة وكمان قائد الشرطة والله مصيبة اذا كان كبار القوم بيعملو كدا والصغار يعملو شنو ؟

  4. هذا المجرم المفسد الذي أفسد شبابنا … أقبضوه و إسجنوه مع أصحابه اللمبي السوداني و شيخ الخفر المسمي نفسو رئيس شرطة !!!
    أسأل الله أن يعامله هو و كل من عمل على اطلاقه بالواسطة بما يستحقون اللهم آمين
    هسي المواطن العادي الزينا منو البيقدر يجي يفكو
    هذا الخبيث و وزير الاعلام و المدير الحالي للاذاعة الذين أفسدوا الشباب و نشروا الشرك و الرذيلة و الفساد في البلاد و بين العباد نسأل الله أن يرينا فيهم يوماً أسوداً عاجلاً غير آجل فيكونو للناس عبرة و عظة اللهم آمين و بدلنا الله بخيرٍ منهم اللهم آمين !!!

    التوقيع :
    أحب الصالحين و لست منهم

  5. حاميها حراميها ، بلد يلا عدل و لا عدالة ، و الله اخشي ان يكوم ادخل الشرطي الذي قبض عليه مكانه !!

  6. هههه مهازل
    عبد الرحيم عارف الدور بجيهو 100% لو واحد من شركائه دخل محاكمة نزيهة

  7. والله يا المتاسلم السلفى ماعارفة اقول ليك شنو تحلل ولا المتاسلم مصاب ولا شنو

  8. اذا سرق الضعيف اقاموا عليه الحد واذا سرق عضو المؤتمر الوطني هرولوا الي مخفر الشرطة ليساندوه … سبحان الله يا ويلك من الله … بعدين لمن يموت امشوا ادخلوا معاه في قبره …

  9. غطوووووها بي تلاته غطاء والله تاني ما ترفع راسا ولا التحتا من فساد ي يتكشف وهذا دليل علي انه كل منهم يوراي سوءة الاخر والله الذي له ملك السموات والارض لتسألونا يوم اذن عن النعيم نحن لاننتظر محاكمتكم لي انفسكم لانه سيكون غباء منا ولاكن ان غابت عدالتكم في انفسكم الي اين تفرون من محكمة الحاكم فيها هو احكم الحاكمين قتلتم رجالا بفتنة منكم ان يقاتلوا رجالا هم اصحاب حق في هذا الوطن المجروح قتلوهو قتل الضباع والكلاب البرية ولم تفكرو حتي كيف تقتل القطط الكبيرة

  10. عين العدل تتوقع شنو حاميها حراميها كده جبت التايهة يا رجل شوية كده كان جاء عمك القرن زاتو بس المجرم خجل اكيد واقعين فى مصيبة كلهم عشان كده اتلافوا الموضوع سريع سريع

  11. أعوّ بالله من الفضائح اللهم اكشف كل مستور وافضح كل من اختلس اللهم جرجرهم ياالله!

  12. يخرب بيتكم والي ووزير .. ايه يعني يفرج عنه .. ليه ما تخلوا يكون عبرة لغيره كدا انتوا كدا بتاكدوا انكم تدعمون وترعون الفساد وتحمون مرتكبيه ..
    مين هو حاتم سليمان عشان يمشي وزير العدل بنفسه لمقر الشرطة ليفرجوا عن حرامي ؟؟ منتهخى القذارة والاستفزاز للشعب