زواج سوداناس

عودة مصعب



شارك الموضوع :

> كورتنا أمس في شندي ماشفتها > سمعتها في الراديو > ان يلج مرمانا هدفان مشكلة > وتكررت هذه المشكلة كثيراً > وهي مشكلة تنظيم دفاعي > والتنظيم الدفاعي في معناه الحديث لا يعني الاربعة مدافعين > بل يعني وضعية الحداشر لاعب عند فقدان الكرة > وده شغل كبير > لا اظن ان اللاعب السوداني يستطيع ان يطبقه بحرفية واحترافية عالية > لذا نجد ان التنظيم الدفاعي في الفهم السوداني يعني الاربعة مدافعين والمحاور > وايا كان ما يعنيه التنظيم الدفاعي > فإن تنظيمنا الدفاعي زي الكثير من تنظيمات العمل الانساني القاعدة صورة ساكت > لابتقدم للانسان > لابتخليهو يقدم لي نفسو > ان يلج مرماك على الاقل هدف في كل مباراة يعني انك تعاني من اشكالية في التنظيم الدفاعي > والحتة دي دايرة شغل شديد > لأن المريخ لا يجد حكماً يسكت على ضربة جزاء يرتكبها > ولا حكماً يخرجه من المأزق بضربة جزاء مخجلة > المهم > عاد مصعب بعد غيبة > ومثلما انتقدناه عند هبوط مستواه > نشيد بتألقه بالأمس > عله وعي الدرس > والراحة والاراحة نفعنو > مستوى اللاعب هو بطاقة دخوله للقلوب وتأشيرة الخروج منها > مزيداً من التألق والتخلي عن السلبيات يا كابتن > ورمضان عجب عاد للتبصير من جديد > ان شاء الله دايماً يا كابتن > وعلى كل عدنا بالنقاط كاملة > وثأرنا لجارنا الذي غرق في نيل شندي تلاتة مرات > مرة احكي > ومرة اشكي > ومرة تغلبني القراية > والمريخ بمن حضر > تشكيلة قوامها في الطرف اليمين ابراهومة وفي الطرف الشمال بخيت، ومتوسط دفاع عطرون والشبل بدر ومصعب في الوسط وتؤدي بهذه الجدية هي تشكيلة تؤكد ان المريخ بمن حضر > وفريق ينقصه جمال سالم وأمير وعلي جعفر وجابسون وبكري وراجي ورمضان في الطرف اليمين بالطبع لا يصمد الا اذا كان ذلك الفريق هو المريخ > ايها الناس > يوم الأربعاء ماحا نشوف ناس روشا في شارع المك نمر > لأن احفاد المك لسه متذكرين نقض هدفهم التعادلي الصحيح في الدورة الاولى > والنار ولعت واسماعيل باشا برضو كان لابس كسكتة > وانو القصة دي بقت زي تصرف اسماعيل باشا زمان > ايها الناس تبقت لنا عطبرتين ومدني ونيالا ومن حق جماهيرنا في تلك المدن ان تستمتع لانهم ماعندهم سينما يبقي على اولادنا امتاعهم واجب والعودة بالنقاط ولن تتكرر مدني قيت قريباً لان القطر فيهو مفتش يبقى الكسكتة طايرة طايرة والوصيف وصيف فطومة لو قلنا ليها تمشي شندي حاتقول منو دي… .. تفتيحة يا فطومة ولكن في الآخر ثأرنا لجارنا الذي غرق في نيل شندي أيها الناس إن تنصروا الله ينصركم أها نجي لي شمارات والي الخرتوم كان شفت يا والينا باعوض الولاية طايح فينا أمس اظن كان عندهم عرس يا والينا وجابوا الفنانين وعشا الفنانين وغناهم بقي ن.. نني .. ننني.. انت طالبني حليفة لانو فيهم واحدة يا والينا أظنها تقلت في عشا الفنانين هيلنا تطير وتقع وترك فينا تفتح خشمها وتقفلو وما بتعضينا عايشين حياتهم يا والينا جارنا قال لي اريتني لو باعوضة يا اخينا في وحدات كمان يشوفن في الوشوش الكريمات ويلحسن فينا سلك كهربا ننساك كيف والكلب قال جدو بتاع اهل الكهف جاهو في النوم وقال ليهو ابني بوبي انتوا لي اسي في الباعوض والضبان والجقور والخيران وابو الدنان!! كرهتونا الدنان زاتو والى لقاء. سلك

شارك الموضوع :

تعليقات الفيسبوك

تعليقات


أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *