زواج سوداناس

نشطاء يطلقون لقب جديد لحاكم الخرطوم، “المقنع” بدلا عن لقبه الشهير “اللمبي”



شارك الموضوع :

تفقد حاكم الخرطوم مناطق واسعة من العاصمة السودانية يوم السبت وإستمع لمواطني الولاية، وقد شهدت معظم أحياء الخرطوم نهار السبت أمطار غزيرة.

وقد أثارت صورة والي الخرطوم عبد الرحيم محمد حسين وهو يرتدي الزي الواقي من المطر جدلاً واسعاً على صفحات السوشيال ميديا، وبحسب رصد محرر موقع النيلين فقد أطلق النشطاء لقب جديد لوالي الخرطوم “المقنع” بدلاً عن لقب عبد الرحيم محمد حسين السابق “اللمبي”.

وقال الصحفي السوداني راشد عبد الرحيم عن أمطار يوم السبت (المياه في كل مكان و الحفر من تحتها و بينها و لا تستطيع أن تتبين الطريق أو التراب من الأسفلت و الطين).

وأضاف راشد بحسب ما نقل عنه محرر موقع النيلين (ماذا يريد السودان غير مطر غزير حتى يصبح دولة غنية لا يضيرها و لا تعرف نقص دولار و لا عنت معيشة، أضحت المياه خطرا في بلد ليس من خير يصيبها مثل المطر).

الخرطوم/معتصم السر/النيلين

شارك الموضوع :

تعليقات الفيسبوك

تعليقات


20 التعليقات

إنتقل إلى نموذج التعليقات

      1. 1
        الحسام

        اللمبي ده اسم مابتغير ولا بتبدل… ممكن نخليها اللمبي المقنع

        الرد
      2. 2
        حنين

        لا لا لا كلو شي الا اسم اللمبي

        الرد
      3. 3
        جالون شل

        اللمبى دا معروف ومسجل وأهله مابخلو ليكم احسن تخلو على المقنع لانه اسم يتناسب مع وضعه العسكرى.

        الرد
      4. 4
        صلاح

        اللمبي دا ماركة مسجله + ابورياله ونضيف عليهم الاهبل المقنع

        الرد
      5. 5
        Fanjari

        الله يكون في عون هذا الوالي
        رجل مخلص ومتفانٍ في عملة وفوق هذا فيه بساطة يحسد نادرا ما تجدها في شخص في منصبه( والله حسيبه) تحدث مع صديق لي عبر الهاتف وكان من أقاربه وعندما علم انه بأحد دول أوروبا لاجئا قال له ( جيب لي معاك عمامة توتل معاك)
        نحن كشعب والولاة على امرنا أشبه بقصة جحا والغلام والحِمار الشهيرة
        ان كنت مكانه لأمرت كل شخص ان يشق قناة امام منزله مثل ما يهتم بحفر بئر لمخلفات بطنه

        الرد
        1. 5.1
          السر عباس

          بحري الحرارية :و الله المحطة انفجرت لانو البتاع ضرب في الهناي و الموقف تحت السيطرة – طلع خطاء في التشغيل لقلة الخبرة
          مصنع الشفاء : المواطنين رصدوا طائرات قادمة من الشمال بمحاذة النيل و طائرات قادمة من الغرب – طلعت صواريخ توماهوك
          اغتيال مهرب السلاح في بورتسودان : الطيارات جات طافية نورها و احنا استعدينا بالدفاع بالنظر
          الخليفي, مصنع اليرموك , انهيار مبني الشرطة و و و و .

          اللمبي رمز وطني يجب عدم التفريط فيه 🙂 🙂

          الرد
        2. 5.2
          أبو حلا

          قناة يحفرها كل مواطن دي حتصب وين يا أبو العريف؟؟ مش لازم القناة دي زي ما ليها منبع يكون ليها مصب؟
          بعدين لعلمك حتى البير القلت عليهو ده ما من صميم واجبات المواطن إنه يحفره بل من واجبات الحكومة إنها تعمل صرف صحي يكفي كل الناس.. دي إسمها الخدمات والبنى التحتية والحكومة بتتحصل رسوم وضرائب عشان تقدمها.. لكن حكومتنا الرشيدة نشيطة جداً في التحصيل كسولة جداً في تقديم الخدمات

          الرد
      6. 6
        عقرب الخلة

        يقول الدكتور جان برجر بأن الشخص الناحج هو الشخص الذي تجده اكثر تداولاً بين الناس سواء سلباً او ايجاباً وهذا ينطبق علي هذا المقنع ويعد اكثر اهل الإنقاذ شهرتاً لما يتميز به من مواكبة ومتابعة الاحداث بنفسه لذلك تجده حيث الحدث واينما كان الخلل

        الرد
        1. 6.1
          شايقست 2

          أكثر اهل الانقاذ شهرتاً ؟ وعقرب الخلة؟ ان كنت من غير الناطقين بالعربية فهذا عادي وان لم تكن لك لغة غيرها فأنت والله أعلم تاريخ ميلادك يقع بين 1990 -2000 +

          الرد
          1. عقرب الخلة

            إني من تاليكم شايقي ابن عن جد وليس إن كتبت شهرتاً بدلاً عن شهره وخلة بدلاً عن خلاء عاد نحن خابرنها كدي يامُحمد

            الرد
        2. 6.2
          أبو حلا

          جان بيرجر ده محل مأكولات بتاع يزيد الراجحي.. شوف ليك حتة تانية تسرح بالناس فيها يا شاطر

          الرد
      7. 7
        mukh mafi

        ما كل سنة يتجول والي الخرطوم ويستمع لكن يدحل بهنا ويمرق بهنا .. بس ازعاج للناس ايه البيستفيدوه من الجولات دي

        الرد
      8. 8
        انجلينا

        حاجة غريبة ان السودانيين ما يحترمو أولى أمرهم ولا يخرجو عليهم ….مع العلم العسكر اكثر وضوحا من مدنيى الاسلام السياسى الذين بدأو السرقة منذ المليون دولار عندما كنا معكم فى الزمن الجميل …. مخرجكم يا سودانيين فى العسكر

        الرد
        1. 8.1
          ابومحمد

          انجلينا كيف حال
          متي راجعين انجلين انتو ياهو المسقفين ديل تقدرو ترجعو الجنوب نحن في الشمال متفرجين بس مشيتو براكم ومستنينكم تدقو الباب مستعدين نفتح ليكم انسي كلام عمك مصطفى بكرا لما تجو اول واحد استقبلكم اسرعوا انتو بس خففوا الضغط على المواطن الجنوبي اكتر واحد خسران في اللعبه دي . شوفي هسي باقان بسوي في شنو دا كلام يا جماعة
          صحي كان في مشاكل كتير وسلبيات كتير بس ايجابيات اكتر الناس كان ممكن تفكر في حلول غير الانفصال وصراحة الانفصال ما كان خيار الشعب الجنوبي والاستفتاء كان غير الصورة الحقيقية دي كانت رغبة الخارج وبعض الجنوبيين المستغربين استغلوا بساطة اهلنا في الجنوب دا غير الزوير الحصل

          الرد
        2. 8.2
          شعبولا

          اولي الأمر بالانقلاب يا انجلينا (جولي)

          الرد
        3. 8.3
          حبه

          وانتى بتحترمى منو من قاداتكم الذين دمرو بلدكم ونهبو ثرواتكم

          الرد
        4. 8.4
          mukh mafi

          يا جماعة القرف دا شنو والوسخ والعفن اللاصق في الموقع دا ريحونا منه .. وهي لاتحارب الحكومة ولا تتحدث الا سبا في صفات المسلمين اخرجو هذا السخف من هنا وخلوها تمشي محل ما مشى اهلها

          الرد
      9. 9
        اليسون

        محاولات بائسة منكم لجعل الماساة وصناعها طريفين ومضحكين ..

        الرد
      10. 10
        غلغول

        شر البلية مايضحك ودا حال الحكومة اجو بعد خراب سوبا (زي ما بقولو) لو اللمبي المقنع (الاسم الجديد) شاف شغلو كوالي ما كان احتاج يورينا طلتو الجميلة دى

        الرد
      11. 11
        عـــــــــــــاصـــــــم

        كل سنة نفس الموال …. 1- يأتينا اللمبي ويصرح حفرنا جداول التصريف واستعداداتنا ميه في الميه للخريف 2- ينزل المطر يخرب الدنيا ويهدم بيوت الناس 3- يأتينا اللمبي خائضا في مياه الأمطار والسيول لزوم التصوير ويصرح بأنه يتفقد حال المواطنين 4- ثم يتكرر الموال في السنة القادمة وهكذا 5- يعني المسلسل هندي بطله هذا الأهبل الذى تمرس في الضحك على هذا الشعب الساذج المغلوب على أمره 7- والى لقاء في الحلقة القادمة أقصد الخريف القادم لظهخور اللمبي من جديد …8- وتيتي تيتي زى مارحتي زى ماجيتي
        مع تحيات مخرج المسلسل الفاشل اللمبي لمبينا ولى بحرى عدينا ….

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *