سياسية

توقعات بانهيار الدولار امام الجنيه بعد توقيع خارطة الطريق.. تعرف على الرقم القياسي للدولار في السودان


تفاءلت الاوساط السودانية بتوقيع المعارضة السودانية لإتفاقية مع حكومة السودان لخارطة طريق تفضي إلى وقف الحروب الطرفية وتسوية سياسية شاملة.

وتوقع العديد من المهتمين بالشأن الإقتصادي أن يؤدي توقيع الإتفاق لإنهيار سعر الدولار مقابل الجنيه السوداني الذي ظل في حالة إرتفاع مستمر.

وقال الامام الصادق المهدي أحد أبرز قادة المعارضة السودانية في كلمته بمناسبة توقيع خارطة الطريق (خارطة الطريق بداية تتطلب ان يجعل منها السودانيون عرسا للوطن خاصة وان الشعب ظل يعاني من الاحباط والاخفاق مؤكدا ضرورة ان يعمل الجميع لمصلحة الوطن وقال نحن جميعا الآن حزب السودان).

ووصل سعر الدولار بالعاصمة السودانية الخرطوم خلال تعاملات مساء يوم الإثنين 8 أغسطس 2016 إلى 15.40 جنيه سوداني كأعلى رقم قياسي يحققه في السوق الموازية بحسب النشرة اليومية لأسعار العملات بموقع النيلين.

الخرطوم/معتصم السر/النيلين


‫19 تعليقات

  1. والله يا معتصم انت افل محلل اولا انهيار شنو ياخ حالتك صحفي قول تراجع الدولاى لكن انهيار مره واحده كده؟؟ بعدين افهم واعرف تماما لو في تراجع ما قبل اربعه شهور وحتى الوقت داك في زياده حاتكون بسيطه

  2. إلا كان ينهار من الضحك!!..أو من المطرة!!..
    ..دولار شنو البينهار بالنقة والاتفاقيات اللانهائية دي..كان سألت الصادق عمل كم اتفاق في عهد الانقاذ!..ما ظنيت يقدر يحسبهم..
    مطرة كتيرة وخير كثير تمشي ساااي من فوقنا ومن تحتنا لالمينا في زراعة لا لمينا في الموية..جنيهنا كيفن يشد حيلو ونحن في حالنا المايل..
    ..اﻹمام وقع..سيدي راجع..وعمنا كرموهو.. ديل ناس سياسة وعمرهم مايقدموا البلد..ماعندهم في نهضة اﻷمم فهم..
    ..فقط نقول سبحان الله والحمدلله ولا حول ولا قوة إلابالله..ونسأل الله اصلاح الحال..

  3. خخخخخخخخخخخ
    لا والاتفاقية مثلا حاتعمل شنو .. يعني اليوم الصادرات حاتزيد
    هو يا اخوانا اي زول يلبس قميص اصفر فيهو ورود حمراء يجي يفتي في الاقتصاد
    اقتصاد ولا لحمة راس ..
    العملة دي بيحددها الاحتياطي النقدي البيتوفر بالانتاج ..
    اسع المصريين عندهم حرب مالو جنيهم داقي الدلجة
    اقول يا معتصم اقلع القميص الاصفر والبس الاسود بتاعك القديم واقعد اتفرج في حرفنت الدولار مع الجنيه وكميه الاقوان الحايسجلها

  4. اصلاح حال الجنيه السودانى سريعا فى حالة واحدة , ايقاف حرب الجنوب وانسياب البترول عبر الشمال ..دى اول نقطة لانعاش الاقتصاد السودانى…

    1. أحسنت !!!

      إضافة إلى تحريك آلية جادة لمحاربة الفساد وتنزيل عقوبات صارمة على المتنفذين و المسؤولين المتورطين و إلا فسيبقى الحال على حاله و يثبت السعر فقط !!!

      ———————————————————————
      التوقيع:
      الصارم البتار على أهل الشرك و الأشرار !!!

      قال الأخ زول (حفظه الله) :
      قل اللهم صل وسلم على سيدنا محمد كل يوم عشر مرات صباحا ومساءا تدرك شفاعه النبي محمد صلى الله عليه وسلم باذن الله !!! شفاعه مضمونه 100% لا شق ولاطق ان شاء الله لان شفاعه الصالحين غير مضمونه

  5. ياجماعه الرجل يقصد ان يقول إنهيارالدولار المكدس لدى الكيزان وهذا ممكن لان الغرض من تكديسه نفد.يسوا شنو بيهوا بعد دا .عليه سوف يتخلصو منه باي سعر كان

  6. علي العكس
    جيش جرار من العطالة سينضم إلي الذين يتم ترضيتهم بمناصب لها كثير من الحوافز وهم لا يؤدون أي أعمال تفيد البلد
    وهنالك أخرون لم يوقعو

    وهذا يعني أن الصرف سيستمر علي الحرب وسيزيد علي طلاب الكراسي

  7. يا شباب ما تنفعلوا كده بصراحة الكاتب ما بيعرف معنى كلمة (أنهيار) !! صاح يا معتصم السر؟!

  8. قال إنهيار ……………….قال……………………………………………..
    غايتو تدنى فى كافة أوجه الحياة………………حتى الصحافة…………………..

    1. التعبير الصحيح هو صمود الجنيه السودانى امام الدولار… الاصل و الدولار و كل عملات العالم فى حاله تغير حتى اليورو
      يقال كذا يورو مايعادل كذا دولار

  9. الانهيار عندو أسباب يا كضاب
    بالله دا صحفي
    خلي الشغلة لا هل الاختصاص
    يعني ناس المعارضة حىيجو شايليين المليارات من الدوارات والريالات واليرو والدراهم عشان السوق ينزل
    بالعكس ناس المعارضة كلوهم دايرين مرتبات ووظايف ليهم ول اسرتهم
    وعربات وامتيازات
    يعني بالعديل جايين يتقاسموا الثروة والسلطة والتفوذ
    انت ناس — انو هنالك فئة تتحكم في الدولار
    لا انت ولا انا ولا المعارضة —
    يقدرو ينزلوا الدولار
    ——-
    كلام الصحفي كلام غير مدروس
    ============= زصحفي وهم===========

  10. انهيار الدولار كده مرة واحدة …. صدقني الانسب والارجح … توقعات بانهيار الشعب السوداني

  11. لن يتم ذلك إلا بزيادة الانتاج واستغلال الموارد الكبيرة
    التي حباها الله للسودان بكفاءة وأفق واسع.

  12. التوقيع على اتفاقية جديدة لن تغير شيئا في السودان…مثلا اذا افترضنا ايجابا بانهم وصلوا الي اتفاقية نهائية..مثلا .مني اركو مناوي رئيس وزراء مزيدا من الصرف بيوت و عربات و فنادق و عرس من جديد.. و زيادة في الضرائب..الحلو و عرمان وزراء عايزين عمارات جديدة ..المهدي و اسرته و الانصار عايزين اكلتهم و جبريل وقيادات العدل والمساواة ديل عايزين يبنوا في الخليج و ماليزيا كما سبقوهم اخوانهم…و سمعنا انه عبد الواحد و زمرة اخر من الحركات باقية خارج الاتفاقية بحثا عن اكلة اكبر و المعارضة تعمل بنظام او سياسية توريد الابل بالدفعات في حوض السباحة السودانية بقيادة البشير. المواطن المسكين ربنا يكون في عونه و صحافي النظام يطلقون اعلانات و فقعات اعلامية لانهيار الدولار مقابل الجنيه؟؟ متى…نعلم جميعا ان هنالك فقدان ثقة في العملة الوطنية وبالتالي اسعار كل العملات سوف تستمر في ارتفاع. ..اصحاب توقيع الاتفاقية اناس غير منتجيين كما نعلم ان الحركات و الاحزاب المعارضة كلهم شلة من المستهلكين فقط

  13. براحة علي الراجل
    قصده توقعات بانهيار الجنيه امام الدولار و حصل خطاء مطبعي او كتابي

  14. خحهههه والله دخلت عشان اضحك على كلمة انهيار دى شكرا للضحكة فى زمن الاحزان