سياسية

استقالة معتمد بحري بسبب ازالة متنزه الزوادة


أكدت مصادر مطلعة تقديم معتمد محلية بحري، اللواء ركن حسن محمد حسن إدريس، استقالته أمس بسبب قيام بلدوزرات وآليات حكومية بإزالة وتدمير متنزه الزوادة بمدينة بحري بالكامل دون علمه.

وقال شهود عيان تحدثوا لـ (الصيحة) إن المعتمد وفور علمه بالإزالة التي تمت أمس قام بزيارة الموقع وعند وصوله إليه ورؤية حجم الدمار الذي تم فيه قام من فوره بتسليم مفاتيح مكتبه وتسريح حرسه الخاص وغادر إلى منزله.

وأكد شهود عيان أن آليات حكومية جاءت إلى المتنزه وأمرت بإخلائه لإزالته وشرعت في الإزالة لكل المرافق عدا صالة واحدة كانت مشغولة بمناسبة زواج.، منوّهين إلى أن الذين قاموا بتدمير المتنزه أمهلوا أصحاب المناسبة حتى الساعة الخامسة من مساء أمس لإخلاء الصالة حتى يقوموا بتدميرها.

صحيفة الصيحة


‫4 تعليقات

  1. بغض النظر عن الخطا الجسيم والحصل لكن كمان مانبقى ذى الشفع من يزعلوه يقوم بجرى يبكى.
    هسا انت راجل مشهود ليك بالكفاءه فى مواقف كتيره مؤخرا ذى موضوع ستات الشاى والدرداقات والناس بدت تشيد بيك فشنو يعنى من اول مشكله عايز تمشى للاستقاله؟ حتى من ادب الوظيفه مفروض تتريث وتتحرى وتكشف التفاصيل للراى العام وتحاول تصلح الانكسر حتى بعديها اذا حبيت تستقيل ممكن بس مش طوالى مع اول موقف تلعب على وتر الاستقاله وبكره اجاويد وترجع وعشان تقول انا ماكنت عارف!!
    عموما دى مشكلة بلدنا انو كل حد بفتكر انو اما انا او الطوفان وخصوصا اذا شكروهو شويه.

  2. انت فعلا مسطول. معاهو الحق يستقيل طالما اتهمش واعتبروهو طرطور. منو قرر الازالة طالما القرار زي دا من صلاحياتو كمعتمد…ولصالح منو؟ يا المسطول اقدر علي خشمك دا وقول كلام مفيد ولا شوف ليك برنسيسه تنفعك. وهكذا هو المؤتمر الوطني يدمر كل شيء لأجل الرأسماليين ولصوص البلد.

    1. ا جماعة الناس ديل باعو كل شى اوكى ما مشكلة بيعو زى مانتو عايز لكن الميادين و المنتزهات والحدائق العامة مفروض تكون خطوط حمرا لانو الناس ل ماعندها مساحة تتفس فيها واللة اكاد اقول ليك فى الامارات فى كلة حى فى حديقة ياخى ماتبيعو الحدائق والميدان واللة مسئلة تزعل والراجل ده معاهو الحق يستقيل لانو الوالى الجديد عبد الرحيم بكون هو القرر ابيع لانو لمن جا كان عينو على الاراضى قال كل الاراضى اتباع مافى حاجة عشان ابيعة.
      مثلا انا عندى دكان 50 متر اشتريتو من السوق المركز الخرطوم دفعت كل ما املك لانو موقعع بفتح على ميدان فى المستقبل سوف يكون محطة باص ولكن تفاجات بان وزعت دكاكين
      بس الواحد اقول حسبى اللة ونعم الوكيل

  3. يا جماعة الناس ديل باعو كل شى اوكى ما مشكلة بيعو زى مانتو عايز لكن الميادين و المنتزهات والحدائق العامة مفروض تكون خطوط حمرا لانو الناس ل ماعندها مساحة تتفس فيها واللة اكاد اقول ليك فى الامارات فى كلة حى فى حديقة ياخى ماتبيعو الحدائق والميدان واللة مسئلة تزعل والراجل ده معاهو الحق يستقيل لانو الوالى الجديد عبد الرحيم بكون هو القرر ابيع لانو لمن جا كان عينو على الاراضى قال كل الاراضى اتباع مافى حاجة عشان ابيعة.
    مثلا انا عندى دكان 50 متر اشتريتو من السوق المركز الخرطوم دفعت كل ما املك لانو موقعع بفتح على ميدان فى المستقبل سوف يكون محطة باص ولكن تفاجات بان وزعت دكاكين
    بس الواحد اقول حسبى اللة ونعم الوكيل