رأي ومقالات

زينب المهدي: الهدف من الحوار هو تفكيك نظام الانقاذ وبناء ‘نظام جديد’ علي أسس محددة


عدت اليوم من أديس أبابا، أو زهرة الربيع.
سأعود للحديث عن المدينة الجميلة الحية والنامية بقوة، ولكني أحب أن أقول بضع كلمات عن حدث 8 أغسطس: توقيع قوي نداء السودان علي خريطة الطريق.
انقسم الناس حول هذا التوقيع ما بين قبول ورفض مذاهب شتي.
(1)
الحكومة التي وقعت علي الخريطة في مارس الماضي ليس في كيسها سوي تصوير هذا التوقيع ك ‘إنكسار’ للمعارضة تهلل له وتريد أن تبتسر الأمور بالتضليل ليبدو التوقيع ‘وقوعاً’ والتحاقاً بحوار قاعة الصداقة و’محاصصة’ تحوز فيها نصيب الأسد وسهم القيادة!
(2)
المعارضة انقسمت مذاهب شتي، ففيها من أقدم علي التوقيع.. وفيها من أحجم.
وفي الطرفين مذاهب شتي، ما بين اليأس والأمل، ما بين الإشفاق والتخوين.. وما بين الجدية والهزل مع قدر وافٍ من سوء الظن والانسياق وراء سوء فهم مريع.
(3)
بالنسبة للمشفقين: خارطة الطريق ليست ‘تسوية’ مع النظام ولا ‘تهاون’ في دم الشهداء ولا حقوق الناس.. بل هي خطوة أولي تفتح طريقاً يؤدي للحوار التحضيري الذي يسبق الحوار الوطني.
يعني ببساطة التوقيع علي خريطة الطريق
موافقة علي إجراءات علي أساسها يتم الحوار التحضيري، الإجراءات هي وقف اطلاق النار وحرية المعتقلين… إذا وقفت الحرب وفكوا المعتقلين يتعمل مؤتمر تحضيري يقعدوا ‘كل’ الناس يحددوا فيه: ماذا يُناقَش، مَن يُناقِش .. وكيف؟ ديل خطوتين: الخريطة واجراءتها.. ثم المؤتمر التحضيري حدثين مفروض يقودوا ‘للحوار الوطني’..
(4)
طيب، الهدف من ‘الحوار’ لا محاصصة لا مشاركة، والدليل أنه لو كان كذلك .. كان تم، ومن زمان.
الهدف هو تفكيك نظام الانقاذ وبناء ‘نظام جديد’ علي أسس محددة ومتفق عليها.
الإتفاق علي الهدف لا يمنع أبداً من الإختلاف في الوسائل.
يعني؛ هدف التغيير أو النظام الجديد سكة وصوله ممكن تكون حوار وطني وممكن تكون انتفاضة شعبية أو غير ذلك، الوسيلتين الذكرتهم بالتحديد وسائل متفق عليها بين غالبية مكونات المعارضة.
(5)
اليائسين: طيب في ناس بقولوا ‘البجرب المجرّب حاقت بيه الندامة’ ، ودة كلام منطقي مسنود بتاريخ طويل من المراوغة الاحترافية للنظام التي غلبت أم غلّاب، في شتي المدن باتفاقيات هي حبر علي ورق زي الدم الكذب علي قميص يوسف(جيبوتي، ابوجا، القاهرة، نيفاشا… الخ)، لكن السياسة فن الممكن وفن التعامل مع المستجدات والمتغيرات وفن استخدام الورق والضغوط وفن تكوين التحالفات وفن إستمالة كل القوي داخلية أم خارجية..
إذن لا عيب في الجلوس.. العيب في النكوص.
ولا ضرر من التفاوض.. الضرر من التهاون.
(6)
ولذلك، كان توقيع ‘نداء السودان’ علي الخريطة في ‘زفة’ .. مشهودة بأعين وآذان سودانيين وطنيين من أكاديميين وقانونيين وكتّاب وشعراء وناشطين، وهذه ليست حراسة للإتفاق بقدر ما هي إتفاق علي حقنا في السلام العادل والتحول الديمقراطي الكامل.. سواء فتحت دربه خريطة الطريق المؤدية لحوار موفور الاستحقاق، أو انتفاضة سلمية .. وما ضاع حق وراءه مطالب.
(7)
الله وحده يعلم بأي وسيلة سنصل إلي الحرية المنشودة والسلام، لكننا سنصل..
وقد لاح فجر خلاصنا، بشاراتنا..
يا سهادَ الدفاتِرِ في ليلة الصَّمْتِ،
والشعراءُ الخليّونَ ناموا.
يا صراخَ القوافِي الحبيسةِ ما بين اقلامِهم،
واصْطِخابِ محابِرِهِمْ، حيث قاموا.
يا ارْتِعاشَ التَّمَرُّدِ في الدمِّ يغلي،
فلا يستقرُّ إلى أن يقرَّ السلامُ.

بقلم
زينب الصادق المهدي


‫26 تعليقات

  1. الله يكفينا شركم ي ال المهدي وال الميرغني .. اخيرلكم تختونا .. زمانكم خلاص فات .. الناس اتعلمت وعرفت .. تاني رجوع لي ورا مافي .. والله يكضب الشينة.

    1. علي النور بتاع الفيسبوك طوالي إشتغل الناس إتهامات و توزيع تهم
      و طلع الكتاب كلهم مؤتمر وطني عشان إختلفو معاو في الراي ،،، عامل زي الجنايني الالكتروني بس خبير في رش التهم بدال الموية
      ياخي مش ناس (مير خان و مير غلام و مير زا و مير غني ) و ناس المهدي المنتظر دايرين يجيبو لينا حرية الرأي و إحترام الرأي و الرأي الآخر و لا الحكاية بس حرية بارات و فواحش و شيعت ايرانيين ينشرو باطلهم بي حرية ؟؟؟؟ طيب ما تقولو كدي من الأول يا جماعة !!!!
      إذا انتو حرية الرأي ما قنعانين بيها كيف دايرين الناس يسايروكم ؟؟؟

      أنا عن نفسي هسي بقيت حزب نميري
      سمعت بي حاجة اسمها حزب نميري (رحمه الله و طيب ثراه) ؟؟؟؟ أنا هسي لطختها من راسي و بقيت منها !!! حاشا لله أبقى عب لي حزب لكن مكاواة ليكم كدي ساي !!!
      اتقي الله يا أخ علي و خلي عندك دم و إنصاف و عدل !!!! و ما تكون إنسان ظالم و قلبه أسود
      إعتذر من سواتك دي و احفظ ماء وجهك و الإعتذار من شيم الرجال و كما قالت العرب قديماً فالرجوع للحق فضيلة
      عفا الله عنا و عنكم اللهم آمين

      ———————————————————————————————————-
      التوقيع:
      الصارم البتار على أهل الشرك و الأشرار !!!

  2. الصادق ولده شويه مريم بنته دي كمان ظهرت من وين ياجماعه الناس ديل مامقتنعين انو الشعب ده خلاص ختاهم في كيس زباله ورماهم في الكوشه ياخي حلو عننا والله كرهنا سيرتكم خليك من شخصياتكم حلووووووووووووووووو عننااااااأاااااا الله ينتقم منكم

  3. احدى شمطاوات المتصابى العجوز تحلم بعودتها الى عرش البلد وتعبيد اهلها واشباع رغبتها بمناداة المساكين لها بت سيدى ولكن هيهات.
    انتم الان فى رف التاريخ والشعب سياخذ حقه منكم ومن ابيكم ولو طال السفر.

  4. انتو زينب المهدي دي عيانة ولا بتحلم؟؟ ياشيخة قومي شوفي ليك شغلة اقضيها.

  5. فلنردد جميعا: كفرنا بكم آل المهدي والميرغني والترابي. انتم سبب تعاستنا وانتكاستنا. لم تفلحوا وانتم حكام ولم تفلحوا وانتم معارضة. فما نفعكم؟؟؟؟ قرف يقرفكم كذابين أرزقية محتالين.

  6. عقار يشبة فرس النهر والحلو يشبه الخروف وياسر عرمان طبيعي سكران اما الصادق المهدي عامل في روحو عملية شينة خلاص. هسي دي دقن شنو؟؟ الزول دا طالع من ملكة جانسي ولا شنو؟ هههههههههههههههههههه

    1. خخخخخخخخخ أضحك الله سنك يا بو كريم و الله يخلي ليك كريم و أخوانو و يجعلهم من الصالحين اللهم آمين

      تلقاه شايلها بالحلاوة ولا بالليزر !!!
      هههههههه
      الله يغفر لينا بس !!!
      لكن بالجد والله !!!!
      بما اننا إغتبناو في العامله في شكله
      غايتو حقو اليوم نتصدق عنو عشان يوم القيامة ما يجي يشيلها مننا
      نسأل الله أن يهدينا و يهديه آمين

      ———————————————————————————————————-
      التوقيع:
      الصارم البتار على أهل الشرك و الأشرار !!!

      قال الأخ زول (حفظه الله) :
      قل اللهم صل وسلم على سيدنا محمد كل يوم عشر مرات صباحا ومساءا تدرك شفاعه النبي محمد صلى الله عليه وسلم باذن الله !!! شفاعه مضمونه 100% لا شق ولاطق ان شاء الله لان شفاعه الصالحين غير مضمونه

  7. أنتو آل المهدى دا ماعندهم حبوبه تدخل معاهم !!!
    الجماعه ديل فاكرين البلد دى حقتهم مرة سارة ومرة زينب وهات يابشرى وعبدالرحمن الناس ديل فاكرين الشعب دا قطيع من الاغنام
    قسمآ بالله الحكومه دى أفضل منكم مليون مرة رغم أوجاعها

  8. البت المفعوصة دي لسانها زلاها قالت تفكيك النظام علي اسس محدودة بعني علي أسس أولاد الطائفية المهدية…ديل لسه عايشين في جلباب المهدي.
    جناين السقاي تشهد علي ذلك.النفاق

  9. إنتفاضة شعبية في عينك!!! طغيانة و مستبدة و هي كيس تراب ما بتسوى !!!
    ياخي ما تمشي تسكني في العراق ولا الصومال بلد الانتفاضات الشعبية!!! الله لا كسبكم ولا بارك فيكم آمين !!!
    عشان أبوك العجوز العايب يجي يخرب لينا الدين و الدنيا و تاخدو “تعويضات آل المهدي” ؟!
    في زول ضحك عليكم قال ليكم انتو آل سعود ولا آل الهاشمي ولا الأسرة العلوية المغربية ؟؟؟
    أدوكم فرصة قبال كدي انتو و الهنود الجواسيس (ناس مير غني و مير غلام و مير خان ) و مسكتوها و فتحتو بيوت الفاحشة و العفن و البارات و دخلتو لينا الشيعة الايرانيين البلد دي و دمرتو الجنيه و جاء نسيبكم الترابي ترب الله وجهه و سوده في الدنيا و الآخرة تما الناقصة !!!!
    تباً لكم جميعاً و سحقاً !!!
    تشموها قدحة السلطة دي تاني !!!
    الله ينتقم منكم واحد واحد إلا من إتقى الله و إحترم نفسه و عرف مقدار نفسه !!!

    ———————————————————————————————————-
    التوقيع:
    الصارم البتار على أهل الشرك و الأشرار !!!

    قال الأخ زول (حفظه الله) :
    قل اللهم صل وسلم على سيدنا محمد كل يوم عشر مرات صباحا ومساءا تدرك شفاعه النبي محمد صلى الله عليه وسلم باذن الله !!! شفاعه مضمونه 100% لا شق ولاطق ان شاء الله لان شفاعه الصالحين غير مضمونه

  10. الصادق المهدى هو الكاذب طوال السنين غير الكذب والضحك لم يقدم للبلاد سوى الانقلابات وفشل سياسى وكل همه هو الاستيلاء على الأموال العامة وتفكيك الانقاذ لا يحتاج إلى مزبلة التاريخ زالأحزاب عباره عن صوره ضوئية دون خلفيه فما هو الحمام إلى بناه وماهو الزير الذى سقانا به

  11. دي السياسة.. فن الممكن … زي ما بتقول حفيدة المهدي المنتظر. معارضة هزيلة وضعيفة وعايزة تفكك النظام … تمام مية المية .. وعايزة تحول ديمقراطي كامل … حلو …يلا نبدا ونبني مجموعة احزاب الامة على اساس ديمقراطي .. الم تسمعي ان فاقد الشيء لا يعطيه .. كيف لحزب متشظ على اساس طائفي وعائلي كامل ان يتحدث عن تحول ديمقراطي ولو ناقص .. انتو ي ال المهدي مستهبلين .. لا تصلحوا لحكم السودان .. والسودان لن يرجع للوراء .. حتى ابسط الناس في دار فور وفي الجزيرة عرفوكم على حقيقتكم ..

    1. تخريمة خارج الموضوع !
      حمد يا عسل النيلين
      والله بدونك كان الموقع ده بقى مسيخ مساخة و ما كنا إستسغناهو نهائي
      و يعلم الله أنك من الأسباب التي شجعتني على بدأ الكتابة هنا فأنت أستاذي قبل كل شيء !!!
      حا اشتاق ليك شديد والله
      طبعاً هسي عندي ليل و ماشي أنوم بعد شوية
      دا كان آخر يوم اكتب في الموقع لبضعة أشهر
      لأنو الكتابة بتستغرق مني وقت كتير و صعبة عشان ما عندي كيبورد عربي و حا أكون مشغول شديد الخريف الجاي ده
      لكن باعود ليكم إن شاء الله بعد شهر عشرة
      و أي زول يكتب بالاسم ده قبال شهر عشرة أعرفوه كذاب و مزور!!!!!!!!
      خلي سيف قلمك ده سنين على كل مجرم !!!
      و أبقو إنت و باقي الإخوة الكرام هني عشرة عشرة علي بعض و إن اختلفتم أحياناً في الآراء
      أخيراً و ليس آخراً !!!
      قال بأبي و أمي هو (صلى الله عليه و على آله و سلم ) في الحديث : ((إذا أحب أحدكم أخاه في الله فليعلمه ، فإنه أبقى في الألفة ، وأثبت في المودة ))
      فيعلم الله انني أحبكم في الله و لله يا حمد أنت و مثلك كثير من الإخوة و لكن مافي طريقة اطلعهم واحد واحد و اكتب ليهم واحد واحد أدام الله امودت و المحبة بيننا أجمعين في الله و لله
      عين الله ترعاك يا ولد العم و وفقنا الله و إياكم للرشاد و الصلاح و سدد الله قلمك اللهم آمين
      أستودعكم الله الذي لا تضيع ودائعه
      و السلام عليكم و رحمة الله و بركاته

      ———————————————————————————————————-
      التوقيع:
      الصارم البتار على أهل الشرك و الأشرار !!!

  12. يحسب لآل المهدي والميرغني انهم يأتون على ظهور الشعب وليس على ظهور الدبابات مع كامل يقيني انهم اذا سنحت لهم فرصة الدبابات فلن يضيعونها . لكن هذا قدرنا ،
    لكن البشرى هي انا قلوب الطائفتان على وشك عدم القدرة على ضخ الدم ، لا يوجد في الأمة الان سوى مريم المهزومة والاتحادي سوى ذلك البدين الحسن . والاتباع اغلبهم فطنوا ان القداسة ليست الا لنبي مرسل ( ولله الحمد)
    فلا نشاقق الا الصادق هكذا اقولها ولا أبالي بان يغضب الله علي كما كان يخوفنا آباءنا وأمهاتنا

  13. إنّ أصعب شي على المرء أن يربط ذكرياته بإنسان ما ..
    فيصبح الوداع حالة من فقدان الذاكرة ..
    أخي العزيز / نمر الجزيرة ..

    يا راحلاً وجميل الصبر يتبعه ..
    هل من سبيل إلى لقياك يتفقُ !!؟؟
    ………………….

  14. الاخوان الحبايب نمر وود بنده وكالو وياسر وكل المعلقين. انتو ناس عاقلة وربنا يديم علينا كلنا نعمة العقل. الشيء البطلبو منكم ملكم انو لازم فكرة الكفر بي الناس دي تنتشر ولازم بعد دا كل الشعب ينفض إيدو من ال الميرغني والمهدي والهندي وبقايا الترابي. اي خلونا نترك في الاتجاة الصاح. خلونا ننضف السوس من الدقيق عشان نسوي العيش . ودا حال السودان..كلو خير لكن مليان سوس وقرب يعتت. ولا نفضل ناكلو بي سوسو؟؟؟؟

  15. اللهم يا قوي الاركان يامالك الملك القدير الرحيم خلصنا من هذه الوجوه البائيسة في المعارضه والحكومة ولاتكلنا لهم طرفة عين انك علي كل شي غدير اللهم انا نتوسل اليك بالفقراء والمرضي والمكلومين بحقنا المسلوب ووطننا المنهوب ان لاتغادر منهم احدا خذهم اخذ عزيز مقتدر يارافع السماء بغير عمد ارفع عنا سلطانهم وارزقنا من فضلك سلطانا من عندك ومن رحم الوطن ياخافك ويتقيك اللهم ارزقنا من عندك ومن فضلك سلطانا يقيم فينا عدلك ويحكم فينا بقضاءئك اللهم خليفة منك في ارضنا يذهب الفساد وينقذ العباد الجوع والمرض والجهل والفقر الذي الحقوه بنا اللهم انك اورثتنا ارضنا غنية وماء العذب اللهم اغرهم كما اغرقت فرعون ونجينا كما نجيت الفتية الذين امنو بك اللهم امييييييييييييييييييييييييييييييييين

  16. يا بت المهـدي أنتي وأبوك والعصابة المعاه أبداً ما فيكم خير ولكن حبكم للسطة كمثل أبيك أو زعلان عشان أبوك طلعوه من الكرسي بالقوة وهذه الوصمة لا محاهـا التاريخ والزمن الضيعتوه في الجري وراء الكرسي السودان ما يهمكم ولا الشعب الذي أعطاكم صوته هذه الغبن يفضل يغلي في بطونـكم وتعملوا أي حاجة حتـى ترجوا هذا الذي مضى ( تفكيك تخريب إنتفاضة عصيان مدني معارضة حتى آخر العمر ) هذا الزمن كفيـل بالقضاء عليكم وبدعوات الناس الغلابة الذين شربتوهم الشاي باللبح هذا الزمن ما بيرجع أبداً والبحصل اليوم بسببكم أنتـم وبقيـة العقد ألاسود الذي تبلوسه من هاولاء ولكن أقول حسبي الله ونعم الوكيـل فيكم

  17. المفروض الانقاذ تكنكش ما دام هؤلاء مازالوا على قيد الحياة حتى ينقرض آخر واحد فيهم من الآن عادوا الى لغة نحن السودان لينا ونحن اسيادها ، بالله عليكم ماذا قدم الصادق للسودان الذى حكمه مرة واخرى وثالث ورباع لم نسمع ان وضع طوبة فوق طوبة فى أى فترة من فترات حكمه سوى الحكى والقصص والامثال التى ما قتلت ذباية رجل لا يستطيع أن يؤمن حكمه ليس بأهل لحكم السودان ثم ان عمره فاق التسعين عاما نعم اسرة كريمة ولكن السودان لم تعد ضيعة لابوهم يحلوا عن سمائنا اولى منهم عقار او الحلو او جبريل من الآن بدأوا فى قلة الحياء !!!!!!!!!!!!!!!!!!!!!!!!!!!!!!!!!!!!!!!

  18. طــــــــــــــــــــــــــــــــــــــــــــــــــز…………….. يا بت الصادق …………………… انت وأخـــــــــــواتــــك بــتــحــــــــلمــــوا ……… خـــــــــــلــــيـــكـــــــم عــــلى كــــــــــــــــــــــــــــــــدة ……….. حــــــــــــــياة الـــــــــــــــنــــفاق والــــــــــــــكـــــــــذب ………….. أبــــــــــــوكـــــــــم هـــــــــو الــــعـــــــــــــــــشــــــــــكـــــــــــــــــب الــــــــــــــــــــســــــــــــــــــــــودان وخــــــــــــــــــربــــو ……….. وأصــــــــبـــــح مع الــــــــــــــــــــــــعملاء عـــــــــــــميـــــــــــــــل ………. حـــــــــــتـــى وفــــــــــاة نسيـــــــــــبه مــــا جـــــــاء…… الله يكـــــفيــــــا شــــــره وشــــــــركن …….. وهــــــــو مـــــطـــــــــلوب فى قــــــضـــــــــــــية قــــــوات الــــــــــدعــــــــم الــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــريع …… ويا حــــــــلـــيله…… لــــــــو رجـــــــــــــــــــع الـــــــــــــــــــســــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــودان …………….

  19. أي نظام جديد وأياً كان شكلو بدون المهدي والميرغني مرحباً به .

  20. أنا أخترع أبتدأ من الأولمبياد القادم أضافة منشط جديد وتخصيص ثلاث ميداليات (ذهبية فضية برونزية ) تحت مسمى (التنظير أو النقة أو الكلام ) وبذلك يكون أحفاد المهدى قد أفادو الوطن بجلب ميداليات وأنا على ثقة بأن الثلاث ميداليات ستكون من نصيب السودان حيث أن آل المهدى سيتنافسون بينهم وسيكتسحون المنافسين الواحد تلو الآخر وسيتفرج العالم عليهم ولا أستبعد مطلقا أن يتم أستثناء الابطال من التمهيدى كما يحدث فى كأس العالم للاندية الريال والبرثا لا يشاركون الا فى ربع النهائى وسوف يكون هذا المنشط شبه محتكرا للسودان ونخصص يوما لآل المهدى فى السودان أحتفالا بهم لرفعهم رآية الوطن عالية خفاقة فى المحفل الأولمبيادى ونترك لهم كل مايكروفونات الأعلام بشرط أن يبتعدو عن السياسة ويتفرغو لهذا المنشط النبيل الذى يجلب للوطن الميداليات وبذلك يكون الطرفين قد أستفادا آل المهدى الشهرة والمجد والوطن “بأحتكاره ” للميداليات الثلاث ولا أستبعد مطلقا أن تسعى بريطانيا وأمريكا لاحقا لتجنيسهم لكى يلعبو بأسمها وممكن يطلبو ال DNA الحمض النووى لآل المهدى ليتم دراسته وسوف تتنافس الجامعات والباحثيين لنيل درجات الماستر والPHD لهذا العلم الجديد “المهديات” Mahdiology فما رأيكم أدآم الله عزكم

  21. قلتي لي تفككوا النظام ؟؟؟ يفك فيك منفله ،أمريكا ما فككتوا تفككوا إنتوا يا خونة ، الحكومة دي مفتحه وعلي الطلاق توديكم البحر وترجعكم عطشانين.