عشان مانلومها عاملة مظلومة
> اكتب قبل لقاء فريق صيانة المستشفيات برابطة كوستي > فريق الصحه الاسبوع الفات كان في راحه > عشان كدة قلت لدرجة التلاشي الاخطاء التحكيميه > لكن اتوقع تعويضاً كبيراً لتلك الاخطاء في لقاء اليوم > ففريق كسكتو لاعادة تأهيل العلاج المجاني لا يتحمل اي ضغطة ولو صغيرة > وفريق وزارة الصحه مبسوط من التحكيم على حد تعبير الباشمهندس هارون عضو مجلس الادارة والمسؤول عن التصريحات المتعلقة باستلام لاعبي الهلال مستحقاتهم المتراكمة > ما كنا عارفين انو اولاد الهلال مستحقاتهم متراكمة > الناطقة ماكلمتنا > ما قالت لينا > ما ورتنا > ده حالتو انتو في افضل حالاتكم؟؟ > طيب الفشخرة والبوبار في بيت الايجار لزومها شنو!! > اتنين مليار لصيانة مستشفي كذا ومثلها لاصلاح طرق عطبرة وحاج كاريكا ما قابض مرتبو؟ > المهم > الهلال مبسوط من التحكيم بدليل تصريح عضو مجلس ادارتهم للجزيرة > وده بتناقض مع ما يتداوله اعلام الهلال من انهم زعلانين من التحكيم > ودي استراتجية من اعلام الهلال الشفت > عضو المجلس في تصريحو طلع راجل طيب > لكن ناس روشا شفوت > ينتقدوا في التحكيم ظاهرا ويشدون علي صافرته باطنا > يعني يا روشا الحكم النقض هدف التعادل لاهلي شندي في الدورة الاولي دحين ما يستحق الاشادة بصافرته!! > الحكم الصهين من بلنت النعسان موش مفروض تهنوا ؟ > الحكم الراح في بلنت اهلي مدني واداكم بلنتيين > بلنت ينطح بلنت > وانذر ليكم تسعه وطرد اتنين > بدل تصينوا مستشفي موش كان الخير تغيروا ليهو صفارتو بي صفارة قطر! > المهم > اعلام الهلال مبسوط من التحكيم لكن لزوم ابعاد الشبهات يقوموا ينتقدوا التحكيم علي خفيف > يعني شغالين ببيت الشعر البقول > دايرة تفارقنا عشان مانلومها عاملة مظلومة > المهم > اتوقعها زي ما قلت ليكم > لكن النقعة في > موية تملي الملعب والكسكته > وبعدها ابحث عن بلاتشلي > بوخارست بالردميه ياعمك > ايها الناس > ارتفع معدل لياقة اشبالنا القاعدين نشارك بيهم في الممتاز > فعمر مساوي يساوي مجموع اعمار ابراهومة وبخيت ومحمد الرشيد > وعمر كاريكا لا يقل عن مجموع اعمار اوكرا وجمال سالم وابرا > ارتفع كذلك المستوى الفني جماعياً وفردياً > وفي دي يرجع الفضل لصديقي محسن وفردته برهان > حين الاخفاق انتقدناهما بصرف النظر عما يربطنا بعلائق طيبة > وعند الاجادة الاشادة فرض عين علينا > المهم > مباراة هلال الفاشر ما نستهتر بيها > نعم المحرش ما بكاتل لكن برضك نضرب اللون > الشعار ما بنضربوا لانو بتاع عصمت > ياعصمت اراك في صمت > صانوا ليك مستشفى الكاملين ولا شنو يا حبيب!! > بس اوعه يكون لبسوك الكسكته!! > كان شيلوك القفه يبقي حقك راح > الشعار شعارك > ايها الناس > كلما اشاهد فيديو بص الوالي الانقلب في السيل اخاف علي مجلسنا > الناس ديل كتار علي البص ده في الخريف المدور فينا يا ناس > بالامس كان في اجتماع مجلس > مشيت البرلمان > قلت كراسي بتشيل الناس ديل غير قاعة مجلس الشعب مافي > بعدين في وجه شبه بينهم وبين نواب الشعب > في الغياب شبه > في الاتكاليه شبه > في النوم اثناء النقاش شبه > في حب الفلاشات شبه > في الصفقه عند زيادة المحروقات الف شبه > وفي العدد يخلق من الشبه اربعين > جيمي وصمدو ودكتور علولو الي الآن نري طحينهم > اما بقية البص > لاجعجعه ولا طحين > بس قاعدين > ايها الناس > ان تنصروا الله ينصركم > اها > نجي لي شمارات والي الخرتوم > ايه رأيك يا والينا > لو حولنا لدار فلاح نوابنا وبرلمانيينا > اصلهم عاجباهم الصفقه ياوالينا > كل ما تزيدوا لينا > هم يصفقوا لينا > منها يدعموا الاغنية الشعبية يا والينا > ومنها نقلل الصرف الكبير الماهية ويتوفر لينا > اسي الصفقه دي دايرة ليها انتخابات وبوسترات وحملات انتخابية فينا!! سلك كهربا ننساك كيف والكلب قال خوفي عليكم من الصفقة الجاية… قوويية وفيها خلفة.. وطق.طق طرق والى لقاء. سلك
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة