جرائم وحوادث

بعد مطاردة مثيرة مع الشرطة .. موقع (النيلين) يكشف عن بداية محاكمة مذيعة شهيرة ضبط في سيارتها مخدرات وأفلام إباحية


كشفت مصادر موثوقة لموقع (النيلين) أن (الأحد) (28/8/2016) ستبدأ إحدى محاكم جنايات بحري شمال العاصمة السودانية الخرطوم، أولى جلسات محاكمة مذيعة شهيرة بإحدى القنوات المحلية بتهمة حيازتها على مخدارت ضبطت بسيارتها، بحي الصافية ببحري، بجانب مواد مخلة بالآداب العامة وجدت بهاتفها السيار.
وكانت شرطة مكافحة المخدارت قد أشتبهت في سيارة المذيعة، وأمرتها بالتوقف بيد أنها رفضت الإنصياع لأوامر الشرطة، وضاعفت سرعة السيارة، بنية الهرب، لكن دورية الشرطة دخلت معها في مطاردة مثيرة، قادة المذيعة لدهس نظامي وألحقت به الأذى الجسيم، الأمر الذي دفع الشرطة لتعطيل إطارات سيارتها بالنار، ومن ثم أجبرتها على التوقف، وبتفتيشها عثر على كمية من المخدرات (حشيش)، بجانب صوراً وأفلام إباحية بهاتفها.

النيلين – محمد زليقي


‫24 تعليقات

  1. بالله المزاج حصل المزيعات تاري ال الاف ام.مات دي فيها نغم وبوح وكلام رومانسي وما رومانسي تاري كل من البتاع دا.والله بقينا ما فاهمين حاجة!!!!

  2. وانا كمان ما فاهم حاجة . معقول بناتنا وصلن للمرحلة دي . حليل أيام زمان زمن اللمبة أم جاز والرأدي أبو حجار . وزمن هنا لندن . وإذاعة مونت كارلو .

  3. تحروى الدقة السودانيات البنعرفهن درسن معانا فى رياض الاطفال والمدارس والكليات السودانية المختلفة ما سيئات للدرجة دى فلا تسوءؤ اليهن ربنا يحفظهن ونرجو عدم الخوض فى الاعراض …وبعدين بعد البنقراه عن سوء عام فى الجودة فى الاكل والشراب والسيخ واى حاجة بقت ضاربة تفتكرو المخدرات والحشيش والبنقو والمريسة والعرقى كلها حقيقية ولم تصلها ايادى العابثين اللاهثون ورا الربح السريع حتى فى الحرام ….وقصة ذالك المتهم الخريج من تلك الجامعة المحترمة ليست ببعيدة عندما اازروه ررجال الاعمال ووقفو بجانبه وكان كل مرة بيقول ليهم بس اليكشفوه دا ما بنقو دا ما بنقو دا ما بنقو فكانت المفاجاءة عندما تم فحص عينات فى شارع عبيد ختم وارسلت عينه الى السعودية حيث جاءت النتيجة مطابقة ان هذه المادة عبارة عن بزرة النيم مخلوطة مع ورق النيم وروث الابقار …..وتلك المادة ليس لها اى اثار لا سلبية ولا حتى ايجابية وانا بقول ممكن تكون ايجابية وستكون سبب لوحدة السودانين فى السودان انا بقصد

  4. عايزة تتونسي ساي ي أنجلينا ..مافهمة بزر نيم مع بول بقر مع بعر بقر. دا بنقو بتاع جنوب ولا شنو دا ولان انتي خبيرة في الحاجات دي

    1. اخونا عماد الاحد 28.8.2016 بيقصدو بيهو بداية تاريخ المحاكمة لهذه المتهمة

  5. نطالب بتوفير عدد واحد ( مترجم ) !!
    وعدد واحد خبير مخدرات
    في البعر .. وروث الأبقار !!!!
    ونرجو شاكرين إرسال العينات الي

    المركز الامريكي للأبحاث الشرقية (ACOR) ..
    للتأكد من نوع المادة التي تم ضبطها
    في شارع عبيد ختم !!!!!
    وتحديد المادة الفعالة فيها :
    ( بعر ولا روث ) ؟؟؟؟؟
    وتحديد فيما إذا كانت تحتوي على
    أي من المواد المخدرة أم لا ؟؟
    على العموم أهل مكة أدري بي بعرها وروثها !!
    انا عارفة عندكم مجاعة !!!!!
    لكن بصراحة ما اتخيلتكم … و … ؟؟
    ……………
    انجي انتي الليلة شربتي حاجة حامضة غلطت
    عليكي ؟؟؟؟؟

  6. ظاهر تلفيق العبوا غيرا
    شكلها ادت الضابط شاكوش وسفهته
    يا فاقد اربوي شوف ليك واحدة شبهك المويعات ديل خقات اولاد المرغني وناس بشة وناس جمال الوالي وصلاح ادريس وناس هلما جرى وهلما جرى

    1. كلامك مظبوط .. ضباط الأمن عندنا عندهم مرض التسلط على الناس و تلفيق التهم لمن يعارضهم و يرفض الانصياع لرغباتم .. قلة أدبكم زادت و ليكم يوم قريب ان شاء الله

  7. ههههههه مريم شوية شوية علي انجي! امس تلقي عيونها شرارة بس.من البتاع!

  8. دي امرها اتعرف الله يستر علي مذيعة النيل الازرق ….!!
    بكل اسف المخدرات اصبحت ليست حصرياً علي الرجال بل النساء دخلو هذا المعمع وبكل اسف وصل حتي الطبقات المتعلمة من طبيبات وطالبات وغيرهم من فيئات المجتمع >

  9. من السيئ في الامر ان ينشر الخبر معمما دون الاشارة الى اسم المذيعة ولو بحروف رمزية .. لانه بكدا شككت في المذيعات وشوهوت سمعتهن يفترض ان المذيعات يرفض الخبر بهذه الطريقة يعلن اسمها ..

    1. يا سلام عليك يا (أبو المخ ) – الخبر بهذا التعميم و دون أى أشارة رمزية الى الشخصية صاحبت الحدث – يدخل جميع المذيعات فى دائرة الاتهام – و أتحاد الاعلاميات مفروض يتخذوا موقف ضد مصدر الخبر ..

  10. ياخوانا انتو ما بتعرفو البوليس بتاعنا؟
    اكيد موضوع ملفق.. و الدليل موضوع تفتيش الهاتف.. ليس من القانون فتح هاتف اي شخص الا باذن من وكيل النيابة او القاضي، و يتم فتحه اذا كان هناك شك بان محتوي الهاتف يمكن ان يفيد في الجريمة الاصلية، و اللي هنا هي تخطي نقطة تفتيش، فما العلاقة بين الاتنين؟
    بدل التشهير باي فرد سوداني، يجب ادانة الفاقد التربوي المسمي خطأ بالبوليس.. و كلنا عارفينو

    1. يا انا نعم هنالك من يصفون حساباتهم بطريقة التي ذكرتها ولكن هذه القضية ليست لها علاقة لم تروج له وتسيء لرجال الشرطة فيها وازيدك من الشعر بيت هذه المذيعة صاحبة سوابق في قضية تزوير واشياء اخري
      وبعدين قصة البنقو دي معروفة هي وزوجها الفنان بضربوها سوا
      والمرة دي الشرطة قبضتها بالثابتة

  11. المذيعه فى قناة ذى الشروق ولا النيل الازرق ( مش قناة محلية ) اذا .. اذا ضربت او بتضرب مخدرات مابيكون حشيش .. واذا كان حشيش … بتلقى البلفها ويجيبها ليها لغاية عندها حتى لو قاعده فى الدبلوسى … اما حكاية مواد اباحية دى … لو القاضى الخبوب الحايحكم عليها .. جمع تلفونات القاعدين معاهو فى المحكمة وخاصة العساكر والضباط حايلقى 99% مليانه اباحيات … وبعدين بالله عليكم فى اباحيه وسكس اكتر من السفه والسم البتشترهو من الاتراك وتعرضوهو فى التلفزيون وسط البيوت الامنة على جرعات ذى الدرب يوميا جرعه ( حلقة ) جرعة .. لا .. ومعادة كمان ، وبعبوات عائلية حجم 1000حلقه … يعنى درب مركز لمدة 3 سنة …. الله البلا اليعدمكم نفاخ النار …

  12. يديك العافية يا ود بنده والله ضحكتني .. والله ياهو بنقو بتا جنوب زاتووووووو … أو يمكن تكون خبيرة في الحاجات دي .. خاصة بقر بتاع دينكا كتير في الجنوب .

  13. أولا نحن لانستفيد من مثل هذا الخبر بل هو خبر سييء لانه علي الاقل يجعل كل واحد يقرأ الخبر يفكر في من ستكون تلك المذيعه و90% ان ناشر الخبر له مشكله معها ف بالله عليكم اتركوا مثل هذه الاخبار واكنبوا ما ينفع الناس والله المستعان