بابكر سلك

السادة ركاب بص الوالي


> ايها الناس > التسيير تو ما شاء الله كتار كترة يملوا العين > عشان كده تم اطلاق لقب بص الوالي على مجلسنا > ومعروف انو هذا المجلس بهذا العدد المهول > لم يستصحب معه ممثلاً للمناشط > قلنا يمكن سقط سهوا > نوهنا بعدم وجود ممثل للمناشط بالمجلس > برغم نجاحات الاخ معتصم مالك في ذلك المنصب > في محطة المناشط الكمساري كورك > طوالي يا > فتحرك البص المكتظ بدون ممثل للمناشط > بالشباك كوركوا لي معتصم وفداسي وقالوا ليهم اسي بنجي خلوا بالكم من المناشط > يخلوا بالهم من المناشط كده ساي > لا قرش، ولا تعريفه ولا طرقة كسرة رهيفة ولا دقت حديدة ولا جغمة مديدة > ايها الناس > تسجيلات السله على الابواب > عندنا اربعه من اولادنا طالعين فك تسجيل مستواهم في السلك > ونرصد اتنين تانيين خطرين > والامر يحتاج لحافز تسجيل > سمعنا انو تم رفع الامر للمجلس > واجتمع المجلس ولم يناقش الامر > كتااااااار كده تسجيل ستة لاعبين سلة راجين بيهو بابا جمال!!!! > طيب راكبين البص مالنو توف لي شنو!!! > خلو البدفع لما الكمساري يطقطق يركب > معظم ركاب بص الوالي للاسف لو الكمساري طقطق بقولوا قدام > ما فيهم زول بدفع وبقول نفرين > طيب محاربين مجلس ونسي في شنو! > كان نجيب جمال ومجلس ونسي ونخليها تدردق كده > غايتو لو فوتوا اعادة قيد الاولاد ديل تبقوا وريتونا الطفا النور منو > ايها الناس > دخول المجالس تكليف لا تشريف > ومن يلج مجلساً بمفهوم انه تشريف > عجاج كرعينو ضروري > اما الذين يحشدون العضويه سنويا للانتخابات > ديل موضوعهم لا تكليف ولا تشريف > ديل ناس حاجات تانية حامياني > لأنهم بخسروا في الانتخابات > وببخلوا وقت دعم النادي > النوع ده نسأل الله الذي ابتلانا به ان يبتليه لينشغل عنا > ده النوع البحتاج قفلة بلف وقفلة اوكسجين زاتو > المهم > عدنا للتباري داخل العاصمة > يعني الفرصة متاحة للاستفادة من السند الجماهيري > والشفوت لو قصدوا التلاته نقاط بجوا حازمنها > ما بوصي شفوت المدرجات > القصة فرض عين > والسحب بهناك اتلملمت > وحا تنقط تاني صدقوني > في النقعة بتصب عديل لان الاجواء خريفه > النقعة حيث لا تنفع صيانة المستشفيات > المستشفي كيف يتصان والمطرة كابة شوووووو؟ > بل شديد > غايتو يا روشا الا تكتروا في المضاد الحيوي والمسكنات > مطرة النقعة بتبل > والبل بجيب الالتهاب > والالتهاب بودي المستشفى > والمستشفى ما مصان > وعدم صيانة المستشفى بجيب الحمى > والحمى بتكتل > المهم > محمد عبد الماجد امس ضحكني > قال استاد الهلال تلاته طوابق > جايز يا حماده > اي شئيء زاد > عليك الله الكورة الجايه اقعد انت في طابق > وروشا في طابق > وفطومة في طابق > واتصوروا سيلفي عشان تثبتوا لينا التلاتة طوابق يا حمادة > وضحكني اكتر لما قال الحكومة ما جايبه طوبة > طوبة بالطا ولا بالاعفا يا حمودي!! > السيخ الركب البطاح ورجع كان معفي ولا كان مسدد جماركو!!!! > المهم > اصدر الاتحاد عقوبات متفاوتة علي لاعبي هلال كادوقلي > في مجموعها عشر سنوات > القصة دي ذكرتني زمااان عندنا صاحبنا اخوهو صغير وجاهل > اشترك مع جماعة وبتهور طعنوا ليهم زول > قبضوهم وودوهم المحكمة > يوم النطق بالحكم مشينا كلنا > انا كنت واقف جمب صاحبي شقيق احد المتهمين > القاضي وجد انهم مذنبون > وبدأ في تلاوة العقوبة > السجن كذا سنة لمخالفة المادة الفلانية > السجن تلاتة سنين لمخالفة المادة الفلانية > السجن اربعة سنوات للاشتراك الجنائي > وواصل > صاحبي اخو المتهم قال لي يعني كلها كده كم سنة؟ > قلت ليهو اربعطاشر سنة > اتلفت علي مولانا وقال ليهو > يا مولانا الاعدام عندكم كم سن؟ > خيراً فعل السلاطين بمعاقبة لاعبهم عماد لاعتدائه على الديسكو > وده بوري ان السلاطين ناس الادب والاخلاق عندهم قبل كل شيء > اتمني بعد ان وعي عماد حجم الخطأ ان يسامح > بالذات والسلاطين لديهم مباراة ضد فريق صيانة المستشفيات > ايها الناس > ان تنصروا الله ينصركم > اها > نجي لي شمارات والي الخرتوم > كان شفت يا والينا > ده الحصل لينا > ولسه عايشين والروح فينا > اقسم بالله العظيم يا والينا سلك كهربا ننساك كيف والكلب بغني ..موش حانموت الله يخليلنا والى لقاء سلك


‫2 تعليقات

  1. اها مسمار صلاح الامير..ده..كيف معاك يا سلك؟ انشاءالله حسيت بيهو..