عاجل.. الخرطوم الوطني يحقق المفاجأة ويخطف فوزاً غالياً من المريخ ويقرب الهلال من لقب الدوري السوداني
حقق فريق الخرطوم الوطني مفاجأة من العيار الثقيل واستطاع أن يهزم المريخ ثاني الترتيب في جدول مباريات دوري سوداني الممتاز بهدف نظيف في المباراة التي لعبت بإستاد الخرطوم.
الخرطوم ظهر أكثر تنظيماً من المريخ وأضاع مهاجمي الفريق أكثر من كرة في مواجهة حارس المريخ جمال سالم.
هدف الفوز سجله المخضرم صلاح الأمير الذي نزل بديلاً في الشوط الثاني من عكسية اللاعب أحمد حامد التي عبرت دفاع المريخ لتجد القائد صلاح الأمير ليودعها دون صعوبة في شباك جمال سالم.
بهذا الفوز يكون الخرطوم قد قدم خدمة كبيرة للهلال المتصدر الذي بإمكانه توسيع الفارق مع المريخ لتسع نقاط حال حقق الفوز على الأهلي الخرطوم مساء الأحد.
ياسين الشيخ _ الخرطوم
النيلين
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
بس ولا كلمة وليصمت اعلام الوصيف ويعرف قدر نفسه اليوم يوم الوطنى مش كان احسن ليكم صلاح الامير من صلاح نمر
نفرح بيك يا وطني قلبي الحابيك ياوطنى اليوم يومك ياوطنى برهان بحييك يا وطنى ياتري ماذا سيقول اعلام الوصيف عن التحكيم مبروك يا سكان العاصمه نوومو بهدوء بلا صدعه ونفخه فى الفاضى اكيد ناس مزمل بجهزو فى اى كلام يهدى زعلة
جمال الوالى اما زعل جمهور الوصيف فلا يهمهم كتير متعووووود على الصعقات الكهربائيه
احنا أسفين يا صلاح !!
جرى إيه يا صلاح ؟؟
عامل إيه يا أبو صلاح ؟؟
الغدا جهز يا أم صلاح ؟؟
صلاح صلاح !!!!!
………………..
يا مريومه إنتي غياظه كده مالك بالراحة علي علي الجماعه
ليه مفاجأة ؟؟الخرطوم الوطني فريق في الدرجة الممتازة و من حقه يفوز على اي فريق و صدقوني نحن لو ما اتفكينا من عقدة الهلال و المريخ دي كورتنا و دورينا ما بتصلحوا ابدا . مبروك للخرطوم الوطني و عادي ان يفوزر على اي فريق وقتما يشاء و كيفما ما يشاء.
لاتبخسو الناس اشيائهم اي مفاجاء التي تتحدث عنها اليس هذا هو الفريق الذي تعادل مع المريخ علي ارضه في الجولة الاولي اليس هو من كان الافضل في تلك المباراة اليس هو الافضل ايضاً في هذه المباراة اليس هم من اهدر اكثر من ثلاثة فرص مضمونة والكل مستغرب كيف ضاعت لذلك عليكم ان تكتبو ما رئيتموه الخرطوم الوطني تلاعب بالمريخ كما يشاء ولولا سوء الحظ لخرج المريخ خاسراً بنصف دستة من الاهداف
فقط الشيء الذي يعيب فريق الخرطوم هو الاستهانة بباقي الفرق قي الدوري الممتاز إذا لعب معهم بهذا المستوي لكان هو بطل الدوري وهذا هو عيب الخرطوم وكذلك الاهلي شندي وهي اكثر اندية تجد الرعاية والدعم
فعلا لاتوجد اى مفاجاة لانو حبايبنا ناس مزمل ابو القاسم متعوديييين على الضرب …لكن السؤال البفرض نفسو زات نفسو وكل زول حر فى نفسو ناس مزمل بقولووووووو شنو برضو التحكيم ولا فى شماعة تانية اقول ليكم حل يريح الاخ مزمل ناس الهلال بكونو دفعو لى ناس الخرطوم الوطنى وقالو ليهم الا تقلبو الوصيف ده اها رايكم شنو فى الحل ده عليكم الله.
انا بثني في اقتراح الأخ مرتضى السر يمكن يكون دا مخرج لل،،،،،،،،،،،،؟
يا يسين الشيخ لا تبخسوا الناس اشاءهم … لا مفاجئة ولايحزنون دي شئ طبيعي ولسع يا ما في الجراب يا حاوي ..
مسييمير ودالاميير …عاااالي الجودة ..ما ليهو نظير..انتظرونا ..دائمأ..تجدوا لدينا افضل المسامير ..و كمان صباع اميييير