أبرز العناوينسياسية

البشير: السودان يمتلك مصانع طائرات


اعلن الرئيس السوداني، عمر حسن أحمد البشير، القائد الأعلى للقوات المسلحة، أن السودان أصبح يمتلك أفضل المصانع التي تصنع من البندقية وحتى الطائرات. مشيداً بمجهودات القوات المسلحة بمناطق العمليات المختلفة وأهميتها في حفظ الأمن والاستقرار.

وقال البشير لدى افتتاحه قاعدة النجوم الجوية، إن افتتاح القاعدة يأتي في إطار تطوير القوات المسلحة والتي تعمل على امتلاك أفضل المعدات في الجيوش، حيث أصبح السودان يمتلك أفضل المصانع التي تصنع من البندقية وحتى الطائرات.

وأكد اهتمام الدولة بالفرد العسكري وتدريبه، مع توفير الخدمات لكل أفراد القوات المسلحة من تعليم وصحة وتحسين الرواتب.

وحضر افتتاح القاعدة الجوية وزير الدفاع السوداني، الفريق أول ركن عوض ابن عوف، والعديد من القيادات العسكرية.

شبكة الشروق


‫50 تعليقات

  1. انت جاد يا بشبش .. نقوم يعني على حلايب .. وباقي ارض النوبة المسلوبة ..ونقعد الحلب فى مواعينهم..

  2. أولاً وفر الخبز الناشف الحااااف والماء النضيف والادويه التي.يحتاجها المرضي يومياً والمأوي للناس المفترشا الارض والملتحفا السماء ومالاقين عيش ناشف يقرشوه ..المصانع تستعملها ضد من للعدو ولا ضد شعبك ..ياسجمان وياعديم الحكمه تتحدث مثل الاهبل ..قدر مانقول تعلمت من أخطأ الماضي فلكن يبدو انك للان ترزح في اوهامك وغباك وجهلك القديم ..الله المستعان وعليه التكلان ربنا يصرفك عننا عاجلا غير أجل امين يارب العالمين…اين اقتصاد البلد الان ماذا يساوي جنيهك الان؟؟؟؟؟؟؟؟؟؟

  3. طيب ليه بنستورد شحاطات من الصين وكت قادرين نصنع طيارات؟

  4. عليكم الله ركزو في الموضوع ماتركزو في اشياء بسيطه ما قادر تعلق افضل تسكت .ياخ كايس لي في حاجات زي ابن عالم عجيب

  5. هذا البائس قصده الالعاب الاوكرانية التي يقوم بتجميعها اوكرانيون في السودان هههههههههه

  6. ماذا تغني الطائرات والبندفية والبلد كلها منهوبة ومسروقة .

  7. مع الأسف برغم الإنجازات التي تتم علي أيدي سودانية خالصة وبرضو تلاقي المحبطين زيكم ديل. انا مهندس ولست باخواني انا بس سوداني. ناس دفعتي كلهم شغالين برة انا شغال تبع التصنيع الحربي للسودان ما للبشير.
    السودان من اكبر المصدرين للسلاح في افريقيا. ده في حد زاتو إنجاز لو مشوا الكيزان برضو المصانع قاعدة. والبقول الألعاب أوكرانية ده ضحكني أقول ليهو نحنا برضو بتاعين لعب يا خروف.

    1. طيب وكتين بتصدروا ومن اكبر المصدرين . الدولار ماشى على العشرين ليه . . ولا يكون البيع بالدين وتسهيلات في الدفع نظرا لبؤس البضاعة .

    2. نحن يا باشمهندس ما محتاجين مصانع سلاح …نحن محتاجين مصانع غذاء ومصانع مصانع .وزي ما قال أخونا فوق : وين عائد تصديركم للسلاح ؟؟؟؟!!!

    3. يا هندسة معليش انتو بتصدروا بياتو عملة ؟ الدولار ولا غيرو ..اليوم الدولار تعدي حاجز 16 ونص امام جنيه البشير وشايفك بتعمل جاهد نفي انتمائك للجماعة ديل بس للأسف الشعب الفضل داخل الوطن كلو عارف ناس التصنيع الحربي كلهم تبع نظام البشير

      1. يا هذا ويا انت ويا ذاك . يجب نحترم انفسنا شوية انت سوداني ارفع راسك . انت مؤتمر وطني وطي رأسك لأنك للاسف حرامي وماك سوداني . ارتفاع الدولار من ناس المؤتمر وبنك السودان هم السبب في ارتفاعه . سرقة في كل مكان وكذب من سكك لمشروع الجزيرة لخط هيثرو لرئيس تدقسه مرة بفنلة ميسي ووزير دفاع بالنظر لمكتب والي الخرطوم لقطارات الخرطوم ياخي الواحد يفتر من سردهم .حسبنا الله ونعم والوكيل

    4. بتصدر بي كم ومن أين مولتم هذه المصانع ؟ أوليس من دم هذا اشعب وخيرات بلاده وفي النهاية تذهب أموال التصدير لحسابات خارجية ويرتفع الدولار ويتأهل لدوري ال 16 ويتدهو الاقتصاد يا باشمهندس أنت تشارك في جريمة ولكنك غير مدرك !!!!!

  8. بقايا مصانع الاتحاد السوفيتي المنهار منذ ربع قرن يتم طلائها و تركيبها في السودان بأيدي أجنبية و يقوم أسد أفريقيا يفتتحها و يتخيل نفسو في مصنع بوينغ !!.

    يا جماعة الزول ده حقو لموا عليكم خرفو كعب و كلو يوم بيفضحنا أكتر .

  9. أفضل مصانع طائرات يعني ينافس إمبراير وبيلاتوس للطائرات‏ وسوخوي‏ وشركة لوكهيد‏ وميكويان‏ ولا المصنع ده لطائرات رش البعوض

  10. معناها مافي داعي لفك الحصار !!!!
    طالما في تصنيع حربي ؟؟؟؟؟
    تكنلوجيا التصنيع الحربي تتطلب بالدرجة الاولى
    فك الحظر التقنى عن السودان
    …………….
    اللهم عليك بإعداء السودان !!
    اللهم دمرهم تدميرا اللهم اسحقهم ..
    اللهم اجعل حياتهم نار وجحيما ..
    اللهم احرقهم واحرق قلوبهم وعقولهم وشل ايديهم وارجلهم واجعلهم عبرة .

  11. انت دفعتك كلهم برة الا انت شغال تبع مشاريع الانغاز الفنكوشية لانك بليد اتخرجت باللزلزة وما بتنفع في شغل جدجد عشان كدة خليك قبلك عايش في الوهم يا بليد

  12. حمدان عيب عليك الكلام واتهام الناس جزافا
    للامانه من افضل المهندسين السودانين هم الشغالين فى التصنيع الحربى من معرفه لصيقه باحدهم.
    انتو مشكلتكم بقيتو تلخبطو الكيمان وتدخلو الحكومه فى الوطن. ذى ماقال ليك بكره الانقاذ بتطير لكن هم رصيد البلد الحقيقى وبعدين ماتفتكر اى زول هاجر يعنى شاذ وذكى وقعد فقط البليد ، عندك ناس هاجرو واشتغلو جرسونات وسيكيوريتى وبرضو ماعيب بس العيب انك تبخس الناس امكانياتهم عن جهل.
    مع احتراماتى

    1. حمدان ما قال إلا الحق، بعدين الشغالين في المصانع بتاعتهم هم كلهم عيال الكيزان وما يجي واحد يقول ليك أنا ما كوز، علي بالطلاق لو ما كوز ما تدخل الحوش، بعدين يا أخي بلد ناسها جعانين وميتين صليبهم طالع تقول لي مصنع طيارات ومصنع أم لعاب، خلي يوفروا المعيشة الكريمة للمواطن السوداني المسكين دا وبعد داك إن شاء الله يعملوا مصانع صواريخ ولا مصانع دندرمة!!! الله يعجل بهلاككم يا كيزان السجم

      1. والله يا أب زرد أديتو في التنك وريحتني لأني كنت عاوز أقول نفس كلامك دا .

  13. طبعا مع رفضنا لاساءتو ليك بالاول كخروف
    مالحقت اكتبا فوق
    عموما خلونا نعلق فى الموقع بفهمنا وبدرايتنا ونستفيد مش ننتقد فى سروجه والباقين ونحن اسوا منهم.

  14. يا مسطول اول شي سيتم بعد سقوط الانغاز هو طرد هؤلاء الاوكرانيين والزج بكل مسؤول سوداني له علاقة بهذه المهازل في السجن. والغاء وتدمير هذه المشاريع الوهمية ومحاسبة المفسدين خلفها واولهم العبيط الاهبل الفاسد ابو ريالة سايلة مخاخيتو

  15. لابد من إعداد الجيش السوداني إعدادا جيدا وتسليحه وتجنيد الشباب المؤمن الصالح العاطل عن العمل ، فإن المؤامرات على السودان تحيط بها وأنصح أهل السودان أن يتركوا الحركات المسلحة والمعارضة ضد الجيش والبشير وأن يعملوا على تقوية جيشهم وإعداده والإجتماع على طاولة مع النظام لبناء السودان وتحسين اقتصاده واوضاعكم المعيشية الداخلية ، ولا بأس بالإستعانة بتمويل خليجي عربي لبناء دولتكم واستخراج البترول والذهب وعمل بنية تحتية جيدة تصل إلى كل القرى والقبائل التي تصل إليها المياه والكهرباء بصعوبة شديدة وهذا سيكون خير لكم بدلا من الإستعانة بالكفرة والأجانب . والسودان ليست في حاجة لصراعات بينكم لأنها مستهدفة من امريكا وإسرائيل والخونة العملاء كلابها داخل السودان وخارجها .

  16. انا يا حمدان ما بليد وما عالم ولأسباب أسرية مابقدر اغترب وانا في أشد الحوجة للقروش والله اعلم بحالي. مرتبي بالبدلات مابفوت ال ١٥٠ دولار
    بعدين انا مهندس لا مدير ولا محاسب باعوها بالدين وإلا كاش ده تعال إنتا وحاسبوهم انا علي بشغلي والصق فيهو صنع في السودان وانا رافع راسي. تعليقي الاول عن التصنيع الحربي وبرضو بقول ليك الان المهندسين السودانيين التعبوا اديهم حقهم والكيزان حيجي يوم ويطيروا عايزنا نستنا بعد داك عشان نبني. والله ده زمن الوطنية بقت عايزة ليها مراجعة. والتاني البقول مصانع خردة برضوا السودان مش الكيزان تاني اكبر مصدر للسلاح في افريقيا.

  17. أسف اخواني لتسمية الخروف ماكنت قاصد لكن والله اتصدمته بكمية الاحباط تشوف الناس برة شغالة وتعمل قروش وترسل لاهلها هنا ونحنا الواحد كل يوم بالدين. لكن برضو خادم بلدي ولمن فتحته البوست كنتا فخور باني من الايدي التعبت وعرقت. البشير ولا تعب ولا شي. وللمعلوميه التصنيع الحربي مافيهو مهندس كان كوز والا غيرو بليد. ادي الايدي والعقول السودانية حقها. في ناس في الداخلية والدفاع والطب شطار وقاعدين لسع في البلد دي وما كيزان دي بلدنا نحنا وشكرا.

  18. والله يا خسارة بالمناسلة معظم الناس المدورين ديوان العمل هنا من الشمالييين خاصة بعد ما هربو كل الخبراء البيض بعد 2013 السودانيين مافيهم كلام وحتى امام الجامعة البيجينا هنا بيجى راسو عديييييل لا بلف ولا بدور ولا بحلل ….وانا واثقة جدا البشير دا الفى قلبو فى لسانو وزول طيبان جدا جدا ….بعدين كدا خلونا من ديل كيزان ولا اولاد كيزان الكيزان الجدجد مشو زمااااان والان هم امانات عند ربهم وانتم تتقاتلون ….بعدين يا سودانى لقب سودانى دا كتير عليك لانو السودانية هى فى مقام ارفع من الاستعراب والافرقانية ….فالسودان عزيز علينا فادركو هذا قبل الطوفان

  19. أنصح الأخوة السودانيين اللي مش راضيين بالأوضاع ومعارضين للبشير أن يمشوا خلف الرئيس عمر البشير ( هذا الرجل صالح ) لا تخسروه
    وإن كان ما انتم فيه من اوضاع سلبية فهذا بسبب المؤامرات على السودان ومحاولات تقسيمها وبسبب الصراعات بينكم اللي خلفها عملاء وكلاب لأمريكا والصهاينة ، أفيقوا من غفلتكم ، البشير له مواقف صالحة كثيرة لصالح بلادكم ولصالح الإسلام ورجل ناصر لدين الله وكان مطلوبا من اميركا والمحكمة الدولية فاتقوا الله في أنفسكم واتقوا الله في البشير واعملوا لصالح بلادكم وضعوا حلول إيجابية لبناء دولتكم وتقوية جيشكم ضد العدو المتآمر عليكم الذي جعلكم تتصارعون فيما بينكم سواء كان على الحكم وطلبا للرئاسة أو لتقسيم دولتكم ، بالأمس انفصل الجنوب ولو فضلتم على صراعتكم مش بعيد تنفصل دارفور مثل الجنوب ويليها بعد ذلك ولايات أخرى وساعتها بس مش هيبقا لعملاتكم قيمة وسينحدر اقتصادكم ويخرب وإن كان اليوم بتلاقوا الخبز بكره ممكن مش هتلاقوه إذا بقيتم على صراعاتكم ، أفيقوا يا إخواننا السودانيين والله إنكم أطيب بلد وأطيب شعب حفظكم الله يوم أن حفظتم كتاب الله وحفظكم الله يوم أن كثرت خلاوي تحفيظ القرآن حفظكم الله يوم أن كثر أهل ذكر الله حفظكم الله يوم أن مدحتوا رسول الله وتعلقتوا بمحبته ومحبة آل بيته و أهل الدين وصدعتوا بالحق بإسم الإسلام أفيقوا ولا تدعوا العدو يفرقكم فنعمة الشعب أنتم ونعمة الأخوة أنتم ونعمة البشير بشيركم .

  20. يا سوداني يا مهندس الصناعة لها مقومات ترتكز عليها والبصنع الطائرة بكون قبلها عنده صناعات اساسية تمده بالاشياء التي يحتاج اليها لصناعة الطائرة يعني مثلا صناعة الالكترونيات عشان يعمل كمبيوتر وعشان الاجهزة الالكترونية التي تحتاجها صناعة الطائرة صناعة الاطارات انت البلاستيك بتستورده من مصر ما بيقدر تصنع صامولة بتجيب المواسير والصواميل والمسمار القلوز من الصين مرايات بتستوردها يااخي انت مهندسنك ديل كبري مابقدروا يعملوه العربات بجمعوها في جياد تقول بتصنع طائرات لكل حقيقة برهان اين برهانك الجيش البتقول ده ما شفنا فيه كلاش واحد صناعة سودانية ولا مسدس كل مستورد يااخي حديد التسليح بتاع البنيان عندك مضروب وما نافع تقولي طائرات يااخي اعمل باصات خليك من الطائرات حل مشكلة المواصلات الطائرات دي بعدين كرهتونا

  21. انت ياسوداني عندك خطوط فيها عدد2 طائرة لا غير وتقول بتصنع طائرات قال بصنع عشان السودان خم وصر ياالسودان من الوهم والدجل .موية الخريف ما بتعرفوا تصرفوها وتقولوا بتصنعوا طائرات الله يقرفكم ذي ما بتقرفونا وتنرفزونا

  22. يا عبدالرحمن انا مالي ومال موية الخريف وسودانير انا بفهم واجود الشغل ألفي يدي وزي ما إنتا قولتا بيجيبوا الحاجات من برة بقول ليك برضو صناعة سودانية ولو عندك واحد من اهلك شغال في الجيش بوريك ولو ماعندك رجاء طلعني من رأسك وخليني زي ماقلته اخم واصر.

    1. يا بشمهندس يعنى ماعرفت موية الخريف وعرفت بالتصدير . . ولا التصدير الوهمى دة جزء من شغلك واختصاصك , انا لا اشكك في نيتك واحسبها طيبة ولكن تصنيعك هذا يذكرنى بشخص جائع وشحات لايجد مايسد به رمق اسرته ولمن لقى ليه خمسة جنيه مشى اشترى تفاحة !!!! وياريت لو اشتراها لأسرته . . بل ليأكلها لوحده في الخفاء .

  23. البشير مسك الحكم وثلاثة أرباع السودان في قبضة الحركة 27 سنة يحارب في الجنوب والتكلفة اليومية مليون دولار والسودان محاصر من أوربا ومن المنظمات وحتى من بعض الدول العربية ، لا يوجد دعم من أي دولة أو منظمة ، لا قروض من البنك الدولي ، الأسبيرات للطائرات والقطارات والمعدات الزراعية مقطوعه من جميع الدول ، أكسح أمسح نضف الجنوب ، معدات بالهبل للجيش ، طور الشرطة ، جامعات لا تعد ولا تحصى، طرق وكباري تصل الجنينة من الخرطوم في يوم ،،، لو جابوا حاوي ما يقدر يمشي السودان بالإمكانات دي ،،موتوا بغيظكم أيها الحاقدون ، حاولتم إسقاط الحكومة ولم تتمكنوا وأخيراً لجأتم لحيلة العاجز وهي الإساءة للريس فهل ذلك يسقط الحكومة ؟؟؟ الكلاب تهوهو والجمل يتبختر والبشير حتماً رايح ولكن بإرادته فهل تعلمون من هو القادم؟؟؟يا ويلكم شباب ليهم عشرة سنوات يتدربوا على أيدي كوادر خبرة في كل المجالات لإدارة الدولة والبرفع راسوا يعرف حاجة يا جرابيع.

  24. الأخ سوداني .. تحياتي ليك واحي فيك وطنيتك واخلاصك وتفانيك في عملك .. بس خلينا نكون واقعيين وبعيدين عن العواطف .. أخي الكريم إذا كان في تصنيع حربي بي مستوي راقي في السودان كان ظهر في شكل انتصارات للجيش السوداني ودحض لي أعداء الوطن ومنع اسرائيل من التغول على السودان وضربه في العمق بي طائرات جاي من اسرائيل ورجعت وقرد ما قال ليهم انتوا ماشين ولا جاين من وين … يطلع بعدها وزير الدفاع المتخلف يقول الطياره جات طافيه النور ….هل يعقل هذا ؟؟؟ إذا كان دا فكر وزير الدفاع كيف عايز تقنع شعب زي الشعب السوداني بي كلام المعتوه البشير … بالاضافه البشير أصبح فاقد للمصداقيه من تجارب وعود سابقه على سبيل المثال وليس الحصر مياه الشرب في بورسودان وكلاموا على مدي خمسه سنين وفي نفس الأستاد بي توفير مياه الشرب … كلاموا عن استحدام أموال البترول في التنميه وفي نفس اللقاء يفند أقواله ويقول أن أغلب مشاريع البنيه التحتيه تمت بي قروض من صناديق التنميه العربيه … البشير كذاب وبي شهاده ودي ما بنكرها إلا مكابر … لذلك أخي الكريم لا تستاء إذا زعل البعض واجحف في الرد عليك .. للآسف البشير وجماعته هم من اوصلوا الشعب السوداني لهذه المرحله …. 27 سنه من حكم الأنقاذ وكل مشاريعهم فاشله لانها صنعت خصيصاً لخدمة ورفعت أفراد من تنظيمهم على حساب وطن … نحن علينا بالنتائج ما يسمي بالتصنيع الحربي مشروع قد يكون ناجح ولكن نجاحه لا يصب في مصلحة الشعب السوداني بي دليل من كلامك أن السودان أكبر مصدر للسلاح في أفريقيا ونحن شعبنا يعاني من أبسط مقومات الحياه فاين يذهب دخل هذا التصدير ؟؟؟؟

    أستعجب من بعد الذين يشكرون الأنقاذ ويطبلون لها مثال أم غشعم … البشير مسك السودان موحد بي الحروب الكانت فيه كان موحد … وقبلوا نميري والديمقراطيه وما فصلوا … جاء المعتوه البشير وفصل البلد ولازالات الحرب مولعه وفتح جبهات جديده … تتكلمين عن تطوير الزراعه والسكه حديد والطائرات وازيدك السفن البحريه … للمعلوميه دا كلو كان موجود قبل البشير وكان خدماتوا أفضل حالاً بس البشير وجماعته باعوه وقبضوا ورجعوا اكتشفوا أنواع دي حاجات أمن قومي فبدوا يحاولوا يعيدوا الماضي لكن هيهات … بعدين موضوع الحصار الأقتصادي ومعادات السودان من الغرب والعالم قبل الانقاذ السودان ما كان فيه مقاطعه ولا كان علينا حظر اقتصادي .. سياسات البشير ولانقاذ عملت المشاكل دي وجايين يببروا فشلهم ويستخدموا شماعة الحظر واستهدافهم من الغرب ودا كلوا بسبب صنيعت أيدهم … حقيقة ماثله للعيان الأنقاذ من بشيرها لي غفيرها ليسوا رجال دوله وليسوا أولاد بلد ووطن أسمه السودان هم افرازات تنظيم عالمي استخدام السودان مطيه لخدمة اغراضهم على حساب شعب طيب ومسالم ووطن أسمه السودان شعب أمن للعرب والافارقه بس غدرونا بي زراعة شلة مصلحجيه في وسط الشعب الطيب

    1. لو تسمح لي اجاوبك لكن لا تفهم اني ادافع عن البشير ونظامه
      حين كان السودان موحدا وبه الحروب التي ذكرتها كانت فقط حرب الجنوب وكان المتمردون يحتلون كل يوم بعد يوم مدينة ..حتى وصلوا الكرمك واعتقد انك تذكر قولة المرحوم عمر نور الدائم حين اخبروه ان الكرمك سقطت قال ما تسقط سقطت برلين … حين كانت الحكومة تمتلك من الثروة والعملات التي كان يمكن ان تنشيء بنية تحتية كان رجال الدولة يصرفون ببذخ اكثر مما هو الان مقارنة بالدخل انذاك وبقيمة الجنيه السوداني .. كان كوبري النيل الابيض الجديد يكلف مائة الف دولار بنته الانقاذ بملايين الدولارات .. كان يمكن ان تطور السكة حديد الا انها لم تمتد لها الا يد السرقة عبر ما يسمى بالخدمات الاجتماعية .. ولم تنال قاطرة من زمن الاستعمار الا بعد ان اتى نميري وتدميرها ليس من الانقاذ وانما بدأ بعهد نميري حين اغتر العاملون بالسكة حديد انهم هم من يتحكم في حكومة السودان مع جامعة الخرطوم ..
      كانت حكومات السودان المتعاقبة وانا اتكلم قبل عهد نميري تمتلك مداخيل تضاهي اكبر الدول هل يمكن تقولي ماذا قدمت للسودان واين ذهبت هذه العملات .. لا اظنك تعرف بما كان يسمي بند الهندي للعطالة حيث تم تعين ملايين الشباب بدون وظيفة وكان عبئا على الدولة ..
      لم تستطع اي حكومة ان تسفلت شارع واحدا او حتى تصين القائم ,, وكان داخل الخرطوم بدت تتلاشى شوارع الظلط .. ابسط شيء لم تزرع شجرة واحدة .. كان السودان كله يتعالج في مستشفى الخرطوم المركزي ولم ينشؤوا اي مستشفايت .. هل تقول ي اين كان يذهب دخل القطن المتباكى عليه حاليا ..
      كانت الحكومات تمتلك مصادر دخل منوعة وكثيرة .. ولكن صرفتها مرتبات لموظفين جالسين يقروا الجرائد في المكاتب ..
      جاء نميري وحاول واجتهد عمل خط انابيب البترول من بروتسودان .وكللت مساعيه باكتشاف البترول .. ورصف شارع بورتسودان مدني بالاضاف الى كبري حنتوب .. رصف بعض شوارع من الخرطوم .. وحين جاءات الانقاذ لم تجد جنيها واحدا في الخزينة والناتج المحلي صفر .. واتت من قِبل من كان يقاتل في الجنوب وهو لا يجد الملبس العسكري .. نعم ضمت اليها الانقاذ بعض الانتهازيين والحرامية ومن لهم جلباب لكل حكومة و.. ولكن تعال نتحاسب الله بيسالك الليلة كم واحد من معارفك اصبح يمتلك عربية .. كم واحد من حلتك امتلك بيت .. كم واحد من ما تعرفهم تغيرت حالته .. لا ننكر هناك شريحة عريضة تعاني الضنك وصعوبة الحياة المعيشية ….حين جاءت الانقاذ كان سكان الخرطوم قرابة اربعة ملايين كم العدد الان .. قرابة الثمانية ملايين .. يعني الضعف .. كم كان لديك من كبري يسهل للناس حركة العبور والوصول الى مبتغاه ,, كم زادت السيارت المتحركة يوميا في الخرطوم .. طيب حين تم اكتشاف البترول الامريكان احسوا بالخطر واحسوا ان السودان لو اصبح لديه دخل كدول الخليج سيكون له شأن فشككوا في ان بترول السودان ليس بذ عائد اقتصادي واصبحوا يماطلون نمير ي حتى الاحزاب من بعده التي لا هشت ولا نشت الى ان جاءت الانقاذ وكان التحدي وانتج البترول وجن جنون الغرب وامريكا .. فخلقت له مشاكل اكثر مما كان متوقعا او موجودا مكشلة الجنوب .. وتحويل النهب المسلح الذي انتشر ابان حكم نميري الى نزاعات تحت مسميات كاذبة ومضلل لناس الغرب ..
      كان انتاج السودان من الكهرباء اجمالا 80 ميقاوات من محطة بري الحرارية 15 ميقاواط من سوبا و120 من الرصيرص و40 تقريبا من محطات مختلف الابيض وبورتسودان وكسلا وكوستي ,, بالاضافة الى 15 من سنار ,, وكانت في اغلب اوقاتها تصل الى 80% من طاقة انتاجها يعني كل الانتاج لا يصل الى الف ميقاواط .. الان كم الانتاج ؟؟ من البديهي مع زيادة الانتاج زيادة الاستهلاك قيام مصانع اضعاف ما كان وباستهلاك اكبر للطاقة .. توسع عمراني حتى كادت الخرطوم ان تقترن بمدن الولايات الاخرى وهذا يحتاج لكهرباء ..كانت اقصى حدود مياه الخرطوم الكلاكات فانظر الان الى اين وصلت مواسير المياه ..
      لا تعتقد اني ادافع وانتظر .. كا هذا عمل رائع وجميل جدا ولكن النفق الذي دخلت فيه حكومة الانقاذ بسبب حرب الخليج اضاع عليها الكثير وولد اعداء افتراضيين وولد لها اعداء يقاتلون ليل نهار حتى لايرتقي السودان .. لم تحسن كيفية استقطاب المواطن فلجأت الى الكم والعدد وانضم من انضم اليها وانت يمكن تعرف بعضهم من هو مشهود له اصلا بعدم النزاهة . وتعلم انه كان في حزب سيدي وحزب الامام وزعيط ومعيط .. كونت احزاب كرتونية لتسيطر عليها ودعمتها من خزينة الدولة فاصبحت الانقاذ تخاف ان تُحاسب فينفض الناس من حولها اصبحت الانقاذ بلا هوية لانها ضمت اراذل واوسخ انواع البشر من السودان .. بلا الادهي والامر انها ضمت اليها من هم ساقطون اخلاقيا .. البشير انجرف وراء الحديث الثوري اكثر من الانجاز واكثر من الوعود حسب المعلومات التي تاتيه من بطانة لا يهمهم غير كرسيهم ولم يوفي بوعوده مما جعله غير صادق امام شعبه بالذات فيمنما يخص الامرة المعيشية بل استاثر جزء بالعيش الرغيد وطحنت الاغلبية بالعوذ والفقر .. المقارنة كبيرة والفرق شاسع ولا يمكن تحميل الانقاذ وزر ما يحدث لوحدها ..

      1. الأخ مخ مافي … يا أخي إذا كنت تتحدث عن السودان الذي نعلمه وعشنا فيه فكلامك عن الثروه والعملات الكانت موجوده غير صحيح … السودان كان ولازال دوله فقيره بي امكانيات كبيره … الخدمات على قلتها كانت متاحه للجميع من تعليم وصحه … الخرطوم كعاصمه للبلاد كانت تجد الأهتمام المطلوب على ندرته ووفقاً للامكانيات المتاحه ولكن بنفس القدر كان الساسه على علتهم يعلمون مدي أهمية الريف وكيفية الأهتمام به .. والمحافظه على النوعيه بدل الكميه… نميره الله يرحمه بكل مشاكله وصل مجانية التعليم لي قلب الريف … الخدمه المدنيه بكل مشاكلها كانت تخدم المواطن لي كونه مواطن والكل يجد نفس المعامله مع وجود بعض التجاوزات لا يمكن بل ويستحيل مقارنتها بالموجود الآن …. السودان بكل المقاييس كان أفضل حالاً في وجود السكه حديد ومجانية التعليم والصحه بكل علاتها … إذا كنت تري أن الأنقاذ قد بنت كم شارع وكم كوبري بي موصفات أقل ما توصف به السوء بي عينيه لي افتقاده لي أقل المعايير المطلوبه … كوبري تاكله الفيران وشارع يبقي حوض سباحه وتاني يوم يتكسر بي أموال الديون… موضوع نمتلك مداخيل تضاهي أكبر الدول دا كلام غير صحيح بل كانت المداخيل شحيحه بس التنظيم والخدمه لي هذه المداخيل كان على أسس عدليه منصفه إلي حد ما …. ديون السودان تضاعفت في ظرف 27 سنه لي 45 مليار وهي من الاسقلال إلي قيام الانقاذ كانت 20 مليار مع وجود البترول والغاء مجانية التعليم والصحه … بل وتحصيل ايرادات من التعليم والصحه في عهد الأنقاذ … عدد المصانع الكانت شغاله قبل الأنقاذ يفوق ال-200 مصنع … في يومنا هذا راجع الباقير … مشروع الجزيره انتهي مشاريع السمسم انتهت راجع القضارف … الانقاذ كان أمامها فرصه تاريخيه لتخط اسمها بي حروف من ذهب في تاريخ السودان بتطوير ما كان موجود والعمل لي مصلحة المواطن … ولكن الأنقاذ كانت تعمل لي مصلحة تنظيم عالمي وعملت على هدم كل ما هو جميل في السودان وكل منسوبي الانقاذ هم من استفاد من مجانية التعليم والصحه وخدمات السكه حديدبدل أن يطوروها هدموها … ياخي ديل والمعذره على الكلمه … تفو في الصحن الآكلوا منو … لذلك لا يرجي منهم أي خير …..
        نميري والديمقراطيه بكل مشاكلهم كان فيهم نوع من العفه وكانوا بمدوا لحافهم على قدر رجليهم .. على قدر الحاجه العندهم .. الشوبار ما حقهم… هذا لا يعني عدم وجود تجاوزات بل لي نميري أخطأوه ومشاكله وكذلك للديمقراطيه بس الأثنين ما بلحقوا الأنقاذ

  25. الأخ ehab وmafi mukh والله كلامكم الاتنين صاح وفيهو منطق لا يختلف اتنين عَل إنّو السودان مستهدف بس سياستنا الخارجية صفر. لحساسية الشغل لايمكن اكشف اي شي بس بعيد عن السياسة والحكومة دي الحاجة الوحيدة الي اتعملت بطريقة علمية وجلب كوادر تم تدريبها تمام. زي ماعلقتا فوق ده شغل جيش واستخبارات وأمن تقيييل ماتقدر تسال او تعرف ده ماشي وين وإلا اتباع بي كم وقروشو مشت وين. ومع الأسف نحنا شعب جببببببان والدليل إنّو واحد زي المعلقين فوق ديل يتكلم ليك عن الوطنية وقروش البلد وشتم فيني من الصباح وتلقاهو قاعد في أمريكا والا هولندا. الواحد يعمل شنو اغتراب مافي طريقة أقول مانشتغل عشان الكيزان لا والله السودان اكبر من كل ديل. بجي يوم والكيزان بيمشوا بس مفروض كلنا نتعلم الوطنية وحب البلد شوف اقرب مثال المصريين يعجبوك في حبهم لبلدوم وهنا الواحد يطّلع ويقول ليك تاني مابرجع الا ديل يفوتوا طيب هيطلعوا كيف وكل الناس طلعت برة وبعد ده كلو دايريين تحاسبوا المساكين الزينا ديل. وأخيرا العفو والعافية وربنا يصلح حال بلدنا وحالنا اجمعين أمين

  26. * ‘ يعنى اول مرة فى التاريخ (على الاطلاق ) يوجد رئيس دولة .. (وهو يعلم علم اليقين ان بلده مستهدفة (كما يقول ) واعدائها كثيييير حتى الجيران ) ويطلع عليهم .. اننى الان امتلاك ما امتلك اسحلة ردع وقادر وباصرار ان اردعكم ..
    طيب (اليست الحرب خدعة ) .. اليس من النجابه بمكان .. ان لا اعلم اعدائى .. بمقوماتى ..( اسالوا الصين – قوه جبارة ولكن الى الان يقول الامريكان اننا لا نعلم شيئا عن قدراتهم ) ..ثم ايضا لماذا تحول السودان من الشريك الاول للصين فى افريقيا الى المركز التاسع .. فرق كبير بين (1) و (9) بالرغم ان الرقمين اعداد فرديه .. هذا يعنى ان السودان لم يعد مهما الى الصين ( طيب اذهبوا الى شريك اخر )..

    عموما من الحصافة .. والرجولة … والذكاء .. والعبقرية .. مكافحة الفساد المستشرى .. ونظافة البلد التى ترزح تحت اقدام القمامة ..
    وليس من الفطنه والذكاء .. اعلام الناس والعالم .. بما لديكم من اسلحة .. الا اذا اردتم .. زر الرماد على عيون شعبكم .. بان (انسوا ياشعب السودان الطيب .. الخبز المسرطن .. والمخدرات .. )

    يا عمر البشير .. اليس فيكم رجل رشيد .. ياخذ بيد السودان العظيم الى بر الامان .. اجيال وراء اجيال تضيع من بين ايدكم .. وانتم ما انتم علية ..

    الشريف … كاتب وباحث سودانى .. مقيم ..(؟؟) لله ما اعطى ولله ما اخذ

    1. السلام عليكم اخونا الشريف سواء قال أو ما قالش نحنا كدة كدة كل مواقعنا وأراضينا ومنطقتنا العربية مكشوفة لأمريكا وإسرائيل بترصدها بالأقمار الصناعية ، أهو عندك مثلا صدام حسين مكانش عنده أسلحة نووية ولا دمار شامل كما زعمت أمريكا ، ولكنها حين تريد ان تحارب أي دولة في العالم سواء كان عندها أو معندهاش بتخترع الأكاذيب وتستغل الإعلام لتجد الحجج والمبررات التي تقنع بها الرأي العام العالمي المغفل ، ربنا ينصركم وينصر البشير ويحفظكم ويحفظه ( خليكوا وراه ) البشير رجل صالح وربنا ينصره وينصركم .

  27. ياخى لا رسلت ولا بطيخ تمخض جبل فولد فأرا غير نليك اصلو الحاجات البتشبه كذبكم كثيرة وكمان بقدرة قادر الجنيه السودانى اصبح دولار وبيشبه الحمار

  28. اها كمان يا سيادة الرئيس عايز تجيب لينا العيد؟ مالك ومال نحن عندنا وعندنا؟ ما تشتغل وانت ساكت ساى!! قالوا سواى وما حداث

  29. صناعة. السلاح. هذه لحماية. البشير. و اخوانه. ، و النظام. ، و ليس. للشعب السوداني منها الا الهلاك ، و الفقر ،. نقول ليك يا رئيس. خلينا عليك الله نأكل عيش و بس ، ما عايزين سلاح عشان. نقتل بعض و تعيشوا إنتوا.

  30. يا سوداني انا كنت فترة في الجيش ما اهلي وانت اذا ما عندك دخل بموية الخريف الموضوع عنده دخل بموية الخريف والفقر وكل القصور الفي البلد لان الامور مرتبطة ببعض وطلعني من راسك دي انا مافهمها انت دخلت حوار وعليك ان تتحمل نحن ما جيناك في مكتبك عشان نطلعك من راسنا اذا دا خوار المهندسين كيف يكون حوار غير المتعلمين

  31. نحن العاوزنو يا سوداني يا مهندس الكذب والحداع والغش للمواطن يقيف كفاية

  32. للاسف الشعب السودانى اكثر شعب حاقد على بعضه حتى على مستوى النخب درجة الحقد وتشفى بغض النظر لمصلحة السودان اذا كانت الانقاذ فاشلة وما هو البديل البديل هو قطاع الشمال وحركات دارفور من وراءهم دولة الجنوب الحاقدة على كل شمالى يصرف النظر عن انتمائه شيوعى اوحزب امة او اتحادى اوغيرو اذا كان اى شمالى يرضى بهذا الوضع ا فهو كالمستجير بالرمضاء بالنار لان هناك وضع اسوء من الوضع الحالى هو الفوضى الخلاقة التى تسعى لها الدول الغربية وامريكا واسرائيل اذا كنت امن فى بيتك وتملك قوت يومك ومعافى فى بدنك فقل الحمد لله وعلينا ان ننظر الى الدول التى من حولنا والقتال الذى يدور داخل مدنها الكبرى وداخل البيوت التى كانت امنة فى يوم من الايام والمناظر المحزنة نعم هناك اخفاقات ومشاكل لكن الاهم هو امن البلد والمواطن لكن التشفى وتدمير كل شىء وعدم قياس الامور قياس صحيح سيودى الى ما يحمد عقباه لان الكل سيدفع ثمن باهظ جدا وعندها سيقارن بينن الماضى والحاضر ويرى الحقيقة المرة