شاهد.. ماذا فعل شاب لإسعاد طفل مريض بمستشفى أبو الريش

تداول مستخدمو موقع التواصل الاجتماعى صورة نشرتها صفحة “تجربة” عبر موقع “فيس بوك” لشاب أسعد طفل مريض بمستشفى أبو الريش اليابانى.

نشرت الصفحة التجربة على لسان الشاب الذي يدعى “جعفر حسنى”، قائلا: “تجربة بجد من أسعد التجارب اللى عملتها في حياتى الطفل فارس.. الطفل ده كل ما أزور مستشفى أبو الريش اليابانى ألاقيه نايم بيبقى عاوز أتصور معاه وهو صغنون كده المهم عرفت أن هو بينام كتير علشان بياخد منوم علشان علاجه، أنا قررت النهاردة أتصور معاه وأقلده علشان لو شاف الصورة في يوم من الأيام يصحى من النوم ويضحك”.

وأضاف: “الفايدة من الموضوع إيه أضحك، فرح نفسك، عيش حياتك، استمتع بوقتك أنا مش دكتور أنا طالب متخرج من كلية تجارة بس أنا دايما بحب أعمل كده لما بلاقى نفسى فاضى بروح أعمل الكلاون ده”.