زواج سوداناس

ادارة فيسبوك تطلب من الفنانة نانسي عجاج بطاقتها الشخصية لتستطيع استخدام الموقع



شارك الموضوع :

نهاركم سعيد
وكل سنة وانتوا طيبين،
ما كنت قادرة اتابع أو أتواصل عن طريق الفيس بوك في الفترة الفاتت. لأسباب طريفة جداً.
خلونا نتكلم جد بخصوص الحسابات (الشخصية) بأسمي علي الفيس بوك. برغم علمي الدائم بي وجودها. لكني لسبب أو لآخر اتجاهلتها. واقنعت نفسي، او إتمنيت بمعني اصح، انها تكون اتعملت من بواسطة معجبين، وهدفها التواصل مع معجبيين تانيين. وبالتالي وبالضرورة، ما حيتم اساءة استخداما او تكون سبب ازعاج لي او لي آخرين .
مؤخراً، جاتني رسايل كتيرة من اصدقاء ، بخصوص واحدة من الصفحات دي.
وفعلاً، عملت بحث ولقيت الصفحة المعنية ( الفيها حاجات كتيرة ما ظريفة وحاجات اكتر ما مفهومة) وصفحات تانية كتيرة جداً جداً. عملت ريبورت علي بعضها. لكن اذا بي افاجأ ، وبالضبط يوم 24 اغسطس، بانو حسابي انا ذاتي معطل. واني انا ذاتي محتاجة اثبت هويتي، واثبت اني ما منتحلة شخصية صاحبة الإسم.😱
تخيلوا، بطاقة شخصية عشان تدخل/ي صفحتك علي الفيس بوك .
Too much
أذن لابد من ما ليس له بد.
دي يا أخوانا ، صفحتي الشخصية الوحيدة علي الفيس بوك (Nancy agage).

https://www.facebook.com/nancy.agage1
وكمان اضيف ،
دي الصفحة الرسمية الوحيدة:
(Nancy Ajaj).
https://www.facebook.com/nancyajajofficialpage/
ودي القناة الرسمية علي اليوتيوب :

https://www.youtube.com/channel/UCLKapjinJhk3BkKwGZ-J-CQ

دي كل القنوات البحتاج ليها اي زول عشان يتابع الاخبار او الجديد. غير كدا قروبات المعجبين وسيله تانية لتبادل المواد والاخبار.
فرجائي يا اصدقاء، انكم تساعدوني في القضاء 🙂 علي الحسابات (الشخصية) ، واكرر (الشخصية) بأسم نانسي عجاج علي الفيس بوك. كل المطلوب عمل ريبروت علي الصفحة.
وجزاكم الله عني وعن كل المصدقين انو دي انا، كل خير

بقلم
نانسي عجاج

شارك الموضوع :

تعليقات الفيسبوك

تعليقات


3 التعليقات

      1. 1
        واحد من السودان

        وهمية جدا

        الرد
      2. 2
        clever

        بسم الله الرحمن الرحيم… انتي جاية تعملي عرض لي صفحاتك علي حساب موقع النيلين ومتابعية مع الاسف انو يتم نشر مثل هذه المقال …علي هذه الموقع العريق ممكن وبكل بساطة تستخدمي التقنية الحديثة لو كنتي بتعرفيها ؟؟؟ مثال تعملي فيديو وتنزلية علي صفحتكي الشخصية التي اشك انو توجد وتوضحي كلامك ده بدل ماتزعجي قراءة موقع النيلين . قالت بقلم ناسي عجاج ماعرفناك صحفية وله فنانه …وشكراً

        الرد
      3. 3
        أرسطو

        هذه النانسى العجاجية تريد أن تعطى لنفسها أهمية و همية — و اذا سالناك ماهى اهميتك حتى يحرص الناس على متابعة صفحتك على الفيس بوك أو غيره -؟؟؟-

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *