زواج سوداناس

هلال الأبيض يذل المريخ ويهزمه بخمسة أهداف بملعبه بامدرمان



شارك الموضوع :

ذل هلال الأبيض مضيفه المريخ واكتسحه بخمسة أهداف لهدف مساء اليوم على ملعبه بامدرمان في الجولة 30 لمسابقة الدوري الممتاز، انتهى الشوط الأول بتقدم هلال الأبيض بهدفين لهدف حيث سجل مهند الطاهر والايفواري شيخ موكورو هدفي الهلال وقلص الغاني اوكراه الفارق للمريخ، وفي الشوط الثاني الذي كان نجمه الأول الايفواري شيخ موكورو الذي تلاعب بالمريخ وسجل ثلاثة أهداف لينهي المباراة لمصلحة فريقه بانتصار كاسح بخمسة أهداف لهدف في أكبر خسارة ينالها المريخ في النسخة الحالية من مسابقة الدوري الممتاز، بالنتيجة رفع هلال الابيض رصيده الى 62 نقطة وتجمد رصيد المريخ في 65 نقطة.

 

كورة سودانية

صورة والي شمال كردفان احمد هارون يلوح فرحاً بالنتيجة
%d8%a7%d8%ad%d9%85%d8%af-%d9%87%d8%a7%d8%b1%d9%88%d9%86

شارك الموضوع :

تعليقات الفيسبوك

تعليقات


15 التعليقات

إنتقل إلى نموذج التعليقات

      1. 1
        أبوهاجر

        ههههههههه
        عاصمة مسخرة حولوها لينا في الأبيّض -وسط السودان تماما-
        كما انطلق المهدي من الأبيّض وأسقط الخرطوم
        أسقطنا هلالها بالأربعة ومريخها بالخمسة.
        قال هلال مريخ كرهونا السودان ذاتو محل ما يمشو يلطشوهم
        عجبني ليهم.

        الرد
        1. 1.1
          أبوهاجر

          لمن لم يفهم:
          ياخي الأبيّض ما فيها قبليّة ولا عنصريّة فيها كلّ قبائل السودان وتحتضن الجميع بسماحة لا مثيل لها؛
          لذا أشرنا للمهدي الذي انطلق منها وقاد الجموع وهو من أقصى الشمال…
          وبعدين يا ظريف الموضوع مجرد دعاااابة فافهم!

          الرد
          1. جعلي مريخابي زهجان جدا

            و ماذا حدث بعد أن قاد المهدي الجموع و دخل الخرطوم … توفي بعد أشهر … ثم جاءت من بعده المجازر و السجون و المجاعات … و انتهى الموضوع (بانتصار) كرري …. باختصار أسوأ فترة في تاريخ السودان منذ العهد الجيري و حتى الآن …

            لو قدر للمهدي الحياة لتغير تاريخ السودان 180 درجة !!

            ما تقلب علينا المواجع … شيوخنا و نسائنا و أطفالنا ماتوا بالآلاف !!!

            دا بالنسبة للتاريخ أما للكرة …..

            مفروض الجهاز الفني الحالي تاني ما يخش الاستاد خااااالص … ناهيك عن التدريب …. كفاية مرمطة يا والي …. غارزيتو هو الحل !!!!

            الرد
      2. 2
        مريم

        اول مرة في حياتي !!!!!
        ما أكون عارفة الوصيف منو ؟؟؟؟
        الله يكضب الشينه !!!!!!!!!!

        الرد
      3. 3
        خالد

        الحقوا الوصافه في خطر!!!

        الرد
      4. 4
        مامادو

        بوبا عليك تقيل الغلب بووووووبل عليك. تقيييل….
        المريريخ القالو مقطعا… ادوهو خمسة وايه وانما….
        موكورو شلفطكم والجماهير قننننعا…
        عليك تقيييييل..بوبا عليك تقيل…يا حمام عليك تقيييييييييل

        الرد
      5. 5
        Abumahmoud

        الأخ أبو هاجر كلامك ليس فيه اي شئ عن الرياضة وإنما كله حقد على الخرطوم وناس الخرطوم وكأن الخرطوم في بلد آخر ، ده المرجعنا لي ورا قبلية وعنصرية ونحن أفضل منكم وانتوا مازينا ونحن قبيلة كدا وانتوا قبيلة كدا ياخ شوفوا البلد دي وصلت لي وين من التخلف والعيشة الضنك من مثل هذا التشرزم والفرقة، أصلح الله حال العباد والبلاد

        الرد
        1. 5.1
          أبوهاجر

          الهزيمة حااااارة:
          أقرأ كلامي من جديد وبفهم جديد!

          الرد
      6. 6
        salih

        ليت اعلام المريخ يكون جرئ وامين ويكتب عن ما حدث للمريخ امس من مذلة فى ارضه ووسط جمهوره واستطاع موكورو ان يكشف حال دفاع المريخ وعمل ما يشاء طرح وجمع واهداف نارية بلغت هاترك ….لم نشاهد برهان تيه ولا محسن سيد طيلة الشوط الثانى عندما ازراد الوضع سوءا وبدت اثار الفضيحه تظهر ولو منح الحكم 5 دقائق اضافية لما استطاعت شباك المعز محجوب ان تتحمل المزيد من اهداف مووكورو . وما دايرين طولة لسان تانى … وفى انتظار نمور دارجعل لنغى لهم سمحه القدله عند مختار

        الرد
      7. 7
        أبو على

        السودان موسس كرة القدم فى أفريقيا وزمن ناس على قاقرين وصديق منزول وناس جكسا الزمن الجميل زمن العباقرة كلهم كانوا محترفين وشالوا كأس العالم كثيرا وكنا محتفظين بكأس أفريقيا ياليت الزمان يعود فرق كبير الآن نكتفى فقط بالمشاركه فى كاس العالم وكأس أفريقيا وعندنا فقط تسعه لعيبه محترفين فى برشلونه وريال مدريد وشلسى ومانشيستر يونايتد ومانشيستر سيتى يعنى اللاعب السودانى بقى مامرغوب زى زمان ههههههههه ياخى قديتونا قال مريخ وهلال قال الكوره فى بلد ولعيبة السودان فى بلد دى خطوط متوازيه مابتتقابل واتمنى من الدوله انشاء اكاديميات لتعليم الكورة ودراسة الاسباب فى فشل كرة القدم فى البلد لأن كل الشعب بحب الكوره لكن عمرو مافرح بدخول السودان كأس العالم وعمرو ماشاف لاعب يفتخروا بيه ويقولوا ده سودانى والله العظيم لما السودان شارك فى كاس افريقيا كنت فى فرنسا حضرت معانا الكوره حاجه كبيره من ساحل العاج والله يا جماعه الحاجه بتشاهد فى كورة السودان ومصر كانت بتبكى على فريق السودان قالت ديل مساكين ما كانوا يشاركوا وسالتما السودان ما فيه غير المنتخب ده يا فضحتونا وكرهتونا الكوره

        الرد
      8. 8
        مريخابي جدا

        الهلالاب الشمتانين ما ينسوا أنهم انهزموا أربعة من نفس الفريق … زهايمر شديد !!!

        الرد
      9. 9
        SAMI

        كل منك باوالى السجم (جمال)

        الرد
      10. 10
        أبو احمد

        أنا مريخابي وفعلا الحصل أمس ده لا يشبه المريخ وده مش المريخ وشكلنا تاني الوصيف ذاتو ما حنلم فيهو.
        مهماغيرو الجهاز الفني
        لازم إضافة لاعبين على مستوى المريخ ودفاعنا شوارع أي مباراة حتى لو غالبين لازم يجيبوا فينا قون.

        بس بصراحة العنوان أبدا ما لايق بصحافة (يذل) البارازيل أسياد الكفر إتغلبو بنفس النتيجة وفي أرضهم

        قال يذل قال

        الرد
      11. 11
        مريم

        أولا ..
        الف مبروك ل هلال ولاية شمال كردفان ..
        هلال التبلدي ..
        هلال الأبيض ..
        بقيادة الوالي الجميل أحمد هارون ..
        والجنرال دفع الله بشير خوجال
        رئيس النادي ..
        و hard luck
        لناس العرضة ..
        ……………….
        ثانيا :
        ردا على الاخوه المريخاب :
        الهلال اتهزم من هلال التبلدي 2/4 ..
        لكن الهلال بعد ده كله متصدر الدوري !!!!
        برصيد 74 نقطة !!
        انتو رصيدكم 65 نقطة !!!!
        يعني احتمال كبير تجو في المركز التالت

        او الرابع !!!!
        …………….
        بعدين واضح جدا أن هلال التبلدي ليس هدفه
        الهلال او المريخ ..
        وإنما هدفه حسب ما جاء على لسان الوالي
        هو حصول الفريق على مركز متقدم ليتمكن من تمثيل السودان في المباريات الخارجية !!
        …………….
        يا هلالاب ..
        ارحموا عزيز قوم ذل !!!!
        ………………
        ده لو كان نادي تاني كانت الاستقالات دي
        بالكوم والردوم ..
        قال فندق ابشر !!
        ووسط الخرطوم ..
        برهان تيه .. جاتك نيلة !!

        مافي شي جايب ليكم ( الكج )
        إلا تيه ده
        ………….
        خمسة أهداف ..
        يا شماتة أبلة ظاظا فيكم !!

        الرد
        1. 11.1
          مريخابي بتاع هظار

          مازيمبي كيف … يا فلستيني ههههههههههههههههههههههههه 3 صفوف وجوه ضاحكة من دموع غزيرة و أبو لسان هههههههههههههههههههههههههههههه

          الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *