منوعات

بالصور: مسافرون سودانيون عالقون بمطار الملك خالد بالرياض يستغيثون !!


مرضى وأطفال بمطار الملك خالد منذ الثامنة صباحاً في إنتظار طائرة الخطوط الجوية السودانية التي لم يظهر لها أثر !!

إستغاث عدد 90 راكباً من ركاب الخطوط الجوية السودانية معظمهم من المرضى والاطفال ظلوا محبوسين بمطار الملك خالد بالعاصمة السعودية الرياض منذ صبيحة الاثنين وحتى المساء في انتظار طائرة الخطوط الجوية السودانية التي كانت ستقلهم إلى الخرطوم عند العاشرة صباحا ً لقضاء العيد مع ذويهم , إلا أنها لم يظهر لها أثر وظل الركاب في حيرة من أمرهم عالقون يفترشون مقاعد المطار دون أكل أوشرب منذ صبيحة الاثنين دون أن تظهر طائرتهم على الشاشة .
ويقول أحد الركاب متصلاً من الرياض نعاني أوضاع صعبة يفترش المرضى والاطفال مقاعد المطار مضطرون في مظهر غير حضاري وقد اختفى موظفو الخطوط من المطار وظللنا عالقين في حيرة من أمرنا نفتقد الاكل والشرب والذي يباع بأسعار غالية لاتطيقها الاسر .

وناشد الرُكاب السلطات السودانية بضرورة إيجاد حل عاجل لسفرهم إلى الخرطوم وإنقاذهم من هذه الحالة المزرية التي يعيشونها.

أبومهند العيسابي
%d9%85%d8%b7%d8%a7%d8%b1-%d8%a7%d9%84%d8%b1%d9%8a%d8%a7%d8%b6

%d9%85%d8%b7%d8%a7%d8%b1-%d8%a7%d9%84%d8%b1%d9%8a%d8%a7%d8%b62

%d9%85%d8%b7%d8%a7%d8%b1-%d8%a7%d9%84%d8%b1%d9%8a%d8%a7%d8%b63


‫19 تعليقات

  1. عليكم الله انتو نصاح. انتو من زمن الخطزط السودانية.. هسه انا لو ادوني تزكرة مجانية فيها بركب!!! تستاهلو عشان تتوبو.

  2. والله قمة الذل والهوان لنا كسودانيين عندما نسافر عبر المطارات خارج السودان. نفس المشهد دة اتكرر علي قبل 3 سنوات والسنة الفائتة في مطار المنامة منظر نسوان واطفال صغار يفترشون الصالة في انتظار طائرة الخليجية التي تلقط شتات السودانيين الجايين من شتي البقاع. الجايي من دبي الجايي من مسقط الجايي من وين؟ والجايي من موسكو الجايي من اروبا .
    انا كنت مسافر من لندن واقل كونيكشن 6 ساعات للخليجية طبعا مافي طيران مباشر نهائي للسودان من اروبا او امريكا او اي دولة
    غير مصر وبعض بلدان الخليج.
    الاثيوبية من لندن تمر عبر اجوء الخرطوم وتبيتك في اديس تجيبك تاني يوم وكذلك الكينية تجيبك عبر اجواء السودان وتلطعك يوم او يومين في نيروبي وتجيبك تاني او تالت يوم في مذلة اكتر من كدة يا اخوانا.
    افضل خيار التركية من اروبا انتظار 3 ساعات واسطنبول في طريقنا.
    بس برضو قابلت ناس جايين من حتات تانية متلطعين بالساعات الطوال. دة غير عشرات ممن تفوتهم الطائرات ويضطرون للمبيت في الفنادق ويخسروا اموال طائلة.
    كمان في ناس كبار ما بيقدروا علي جهجهة الكونيكشنات دي
    وناس مابتعرف انجليزي الناس بتضطر تسافر معاهم او تشوف ليهم مرافقين
    او الناس تضطر تبطل اعمالها عشانهم لانو لو في طيران مباشر الناس بتوصلهم للمطار
    والمغتربين بيستقبلوهم في المطار.
    الله المستعان بس. هذا غير غلاء التذاكر واستغلال شركات الطيران لهذه المعضلة وحوجة الناس.
    بس والله حكومتنا ذلتنا ذلة شديدة في السفر وتدمير الخطوط الجوية السودانية
    خليناهم للجبار المنتقم الذي يمهل ولايهمل.
    وكل عام وانتم بخير يا اهل بلادي وكان الله في عوننا.

  3. من المفترض ان تتخذ السلطات السعودية اجراءات صارمة في مثل هذه الحالات ، ولكن يبدو ان الكل اصبح في الهواء سوا !!!

  4. الافتراء والكذب ما في ليه داعي…الصور من مطار القاهرة الدولي…وكانت لركاب شركات أخرى…حدث قبل شهرين تقريبا..
    تحروا الخبر و إلا فقدتهم المصداقية..لأني ملتقط الصور…لا حول الله..
    بعدين السودانيين البقولو ما برنكب سودانير..معظمهم قاعدين في السعودية بفيزة راعي بقر ..يا مقطعين..هو انتو غير سودانير البشيلكم منو..بجلالبيكم الوسخانة دي..
    بطلو افتراء وكذب على نفسكم…

    1. أيها المدعو أبراهيم – بصراحة أنت أنسان زبالة و عبارة عن كيس نفايات و تعتبر نفسك أنسانا – هذا هو مطار الملك خالد الدولى البوابة 27 – أما باقى تعليقك فهو صادر من انسان حقير و لا يشرف السودان أن ينتمى له مواطن بمثل حقارتك ..

    2. مين فى الصورة دى وسخان

      إتخيل البنت النايمة دى اختك الصغيرة

      او الراجل الجالس دة اخوك الكبير

      او صاحب الكرسى المتحرك ابوك او امك

      و اتمنى إنك تكون سافرت من اصلوا عشان تتكلم باللإسلوب ده

      و كيف نبطل افتراء و كذب على انفسنا

      فهمنى النقطة دى و زى ما قلت انحنا شعب و سخان و مفلس و مابيعرف يسافر بغير السودانية

    3. اسمع ياابراهيم اخجل على الكلام بتقولو فيهو دا السودانين القاعدين في السعودية شافو الخطوط السعودية والاماراتية والقطرية والخليجية وحتى الخطوط المصرية بالعكس انتا عارف ان طيران ناس وهو طيران تجاري افضل من الخطوط السودانية عمرها ما مقلبت مسافرين ولا اتخرت على مسافرين يااخي الطيران دا واجهة للبلد يااخي انتا بدل ما تنبز المسافرين الذين لا ذنب لهم الا ان قطعو تذاكرهم على خطوطك المتبخبطة دي التى لا تعكس مستقبل للبلد . بالله اخجل على نفسك الى مى ودولة زي السودان لا تمتك اسطول طائرات بسبب الفساد الحاصل في البلد اي شي دمرتوهو وقعدتوا تفتشو في المعونات الخارجية بمعنى اخر ان الدول قاعده تتصدق عليكم من خيراتها وانتم حكومة ماقادرة تسير بلد .

  5. الطمع ودر ما جمع ياخ ما تمسكوها كدا فكوها وما تبخلوا على نفسكم اها هسي غصبا عنكم بتصرفوا زياده وانتو لسه في المطار وبعدين هين فرشك ولا تهين نفسك ،، عندكم الخطوط السعودية وخطوط ناس وانتو اصلا عارفين الخطوط السودانية للأسف ما مستقرة ومشاكلها كتيرة وغير منتظمه في مواعيدها يلا استحملوا ساي

  6. سوف يبقى السودان هكذا وانتم تعرفون ذلك ,ياتلمو قروش تركبو بيها خطوط تانيه ياتجلو الفكره وعيدو فى سعوديتكم دى,هو انتو جايين السودان تانى ليه,البلد دى لى يوم الدين مابتتصلح …….

  7. انت يا ابراهيم راعي البقر ده اشرف و أطهر من جماعتك الحرامية الدمرو سودانير

  8. تستاهلو اكتر من كدا … مين قال ليكم احجزو ( بالطارد الوطني ) … يلا خمو صرو والله لو ادوني التذكرة مجان ما اسافر بالكارثة دي..

  9. تستاهلو اكتر من كدا … منو القال ليكم تحجزو ( بالطارد الوطني ) يلا خمو وصرو

  10. للاسف هذا المنظر يتكرر دائما وقد شاهدته قبل سنة ف مطار القاهرة كل المسافرين لجميع انحاء العالم م عدا ركاب سودانير الذين يفترشون الارض والامتعة والله العظيم منظر مخجل جدا جدا عشان كدة الناس تقاطع سوداطير الى ان يتم اصلاحها او بيعها نهائيا لانها اصلا طائرة واحدة وبصراحة اتمنى ان يكون لتاركو او بدر للطيران رحلات للخليخ واوروبا لانها افضل بكثير من سوداطير

  11. يا جماعة أغلبكم وقع لوم في الركاب القطعو تذاكر على سودانير .. واللوم اصلا يقع في الاول والأخير على سودانير وليس الركاب..
    يمكن القطعو تذاكر ديل ما عندهم إمكانيات يشتروا تذاكر من خطوط تانية .. إمكن ما لقوا حجز في الايام العايزين يسافروا فيها ..

    على أي .. الركاب دفعوا قروشهم .. وسودانير أخلت بعقد البيع والخدمة .. اذا كانت بلدنا فيها قانون .. سودانير مفروض يوصلوا الناس ديل السودان ذهاب واياب وكمان يرجعوا ليهم تمن التذاكر كااامل…
    ..
    أما جيرانا سواء كان السعوديين في مطار الملك خالد .. او المصريين في مطار القاهرة .. او اي مطار تاني ربنا إبتلاهو بسودانير .. فليهم الشكر والتقدير عشان استحملوا مساخة شركة طيرانا المخجلانا في كل ركن وفي كل مطار. الناس ديل كان ممكن براحة يعملوا حظر على سودانير .. زي ما دول كتيرة عملت .. لكن هم عاملين شوية خاطر للركاب وخياراتهم المحدودة والصعبة..
    ..
    سودانير احسن حاجة يدوها لشركة محترمة زي لوفثانسا الالمانية او KLM او القطرية , او التركية مثلا بحيث يكون العقد انو يشغلو الموظفين زي المضيفين والمضيفات وناس التذاكر السودانيين .. اما الادارة والمالية وكل الحاجات الفيها مأكلة ,, تكون تحت ادارة شركة الطيران الكبيرة الاجنبية .. ومع الحفاظ على الاسم (سودانير ) الكان في يوم من الايام محترم .. يمكن لو عملوا كدة سودانير تتصلح
    ..
    لكن لو خلوها لناسنا الحرامية الما عندهم دم ديل .. عمرها ما حتقوم تاني .. الله يكون في العون

  12. في العام السابق كنت جاجزاً في صن إير وعندما ذهبنا لمطار الملك خالد يوم الجمعة للسفر. لم نجد أي مسئول من هذا الطيران في المطار وقالوا ” أي الركاب ” أن الرحلة تأجلت حتى يوم الأحد أي بعد ثلاثة أيام والعجيب في الأمر أننا وجدنا في شاشة المطار أن الرحلة قائمة في وقتها وإجراءات الشحن مستمرة وللأسف قمنا يوم الإثنين مساءاً.
    وكما ذكر أحد الإخوان فإن موسم الإجازات وعدم وجود حجوزات في السعودية وناس أضطرنا للحجز في صن أير.

  13. اذا عاوز تتبهدل انت وعائلتك اركب السودانية (SD) SURE DELAY فمن يركب السودانية لا يلومن الا نفسه وهذا بالتجربة والبرهان فى زول بيعذب حاله أمشى بالبحر ولا تركب السودانية ، امشى رجل ولا تركب السودانية ، حال السودانية ما هو الا انعكاس لحال البلد من تردى * ففى مطار جدة من كثرة خبرتهم بالسودانية لا يسمحون لنا بالدخول بصالات المغادرة لكثرة الطائرات المغادرة وخاصة طائرات الحجاج فما ان يدخل ركاب السودانية الصالة الا وتأكد تعليق جميع الرحلات التى تليها ومن هنا عزلوا الخطوط السودانية فى مكان قصى فى مطار الملك عبد العزيز تحت شجرة تماما كمشرع القوارب لتأتى السودانية بكيفها وبعد التأكد تماما من وصولها يقومون بادخال الركاب فى الصالات !!!!!!!!!!!!!!!!!!!!!!!!!!!