محمد عبد الماجد

الفرق (9) بقرات


من رأسي :

• الطريقة والغزل الذي يكتب به اعلام المريخ العاصمي عن مريخ الفاشر لو بيكتب بيه عن المريخ العاصمي – كان على الاقل حسم موضوع (الوصافة) دا من بدري ..قبل ما يدخل في اشتباك مع الاهلي شندي وهلال الابيض.

• من كراسي :
• عندما نراجع حياتنا نجد أن أجمل ما حدث لنا كان مصادفة وأنَّ الخيبات الكبرى تأتي دومًا على سجاد فاخر فرشناه لاستقبال السعادة.

• احلام مستغانمي

• نشطب المعز محجوب وعمر بخيت ..ونبعد مهند الطاهر.
• يقولوا لينا انتوا جنيتوا؟.
• في زول بفرغ الفريق من عضمو.
• والفرق (9) بقرات.
• نجيب عمار الدمازين وحسين الجريف وابوعاقلة.
• ونعتمد على اطهر الطاهر..
• والطاهر سادومبا.
• والفرق برضو (9) بقرات.
• في نص الموسم ..نشيل ابيكو والشيخ موكورو وسليمانو.
• يقولوا لينا انتوا جنيتوا؟.
• عمليتكم دي ما عملية نصاح.
• والفرق…
• الفرق (9) بقرات.
• نجيب مدرب ونشيل مدرب.
• ما نشتغل بيكم الشغلة.
• منصب المدير الفني في الهلال يبقى زي (كرسي النص).
• في اي محطة لازم الراكب فيه يقوم.
• لو ما نزل هو.
• بقوم عشان ينزل الزول الوراهو.
• يمشي كافالي ..يجي العشري.
• الكلام دا اثناء الموسم.
• يمشي العشري ..يجي بلاتشي.
• نص الموسم.
• يمشي بلاتشي يجي فوزي المرضي.
• اخر الموسم.
• والفرق (9) بقرات.
• نبطل كورة..
• ونقفل النادي..
• ونمشي نخش السينما.
• والفرق (9) بقرات.
• و
• (ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
• نكسر الاستاد اثناء الموسم.
• يقولوا لينا في زول بيبني في الظروف الصعبة دي.
• انتوا ما عندكم رأس؟.
• نعمل الاستاد في ظروفنا الصعبة دي تلاتة طوابق ..والدوري شغال.
• نقبل النجيلة.
• نركب الكشافات.
• نحرقها.
• نركبها تاني.
• والفرق (9) بقرات.
• نلعب بالمساء ..الفرق (9) بقرات.
• نعلب بالعصر ..الفرق (9) بقرات.
• نطير من دور الـ (32) قي بطولة الاندية الافريقية.
• والفرق…
• الفرق (9) بقرات.
• تجيبوا اسامة ونسى …تدعموه بـ (11) مليار.
• تدوه نسبة في الدولار.
• تسندوه بي لجنة الاستئنافات.
• يشتغل ليكم معتصم جعفر.
• ومجدي شمس الدين.
• واسامة عطا المنان.
• والفرق (9) بقرات.
• تجددوا لي اسامة ونسى تاني..وتعملوا تحويل رصيد…بعد ما كملتوا قروش الحكومة.
• وتسوا ليكم نفرات لجماهير المريخ.
• والفرق (9) بقرات.
• تشيلوا اسامة ونسى ..تقولوا اسامة واحد كفاية.
• اسامة ونسي ما بنفع معانا.
• كفاية عليكم اسامة عطا المنان.
• تجيبوا جمال الوالي تاني راجع.
• جمال الوالي رئيس طوالي.
• بس ما بحلها إلّا جمال الوالي.
• جمال الوالي ذاتو تجيبوا معاه الفريق عبدالله حسن عيسي.
• وتجيبوا معاه عصام الحاج.
• والفريق طارق.
• وعبدالصمد.
• ورمرم.
• ومدلل.
• والفرق (9) بقرات.
• تعملوا ليكم مجلس (بص والي) عديل كدا.
• فيه (28) عضو.
• بص بي شماعتو.
• تتموه (طلبة) بي ناس مزمل ابوالقاسم ومتوكل احمد علي عشان البص يقفل.
• والفرق (9) بقرات.
• يدوكم (13) ضربة جزاء في الموسم.
• يأجلوا ليكم زي ما عاوزين.
• يعيدوا ليكم المباريات.
• يدوكم نقاط مباراة اتعادلتوا فيها.
• والفرق (9) بقرات.
• تقفلوا البلف.
• ترجعوا تفتحوه تاني.
• تقفلوه.
• والفرق (9) بقرات.
• تقولوا احسن نطلع من استادنا.
• تقفلوه.
• تهربوا من ملعبكم.
• والفرق (9) بقرات.
• يقدموا ليكم مباريات الفاشر ..ويأخروا ليكم مباريات كوستي.
• نتغلب في النقعة.
• نتغلب في استادنا من هلال الابيض..
• نتغلب من النيل شندي..
• والفرق (9) بقرات.
• نتعادل تاني في شندي…
• نتعادل قبل كدا في الابيض.
• والفرق (9) بقرات.
• ندك العشاء.
• وندك الحصة الاخيرة.
• ونقفل المراوح.
• والفرق (9) بقرات.
• و
• (ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
• الفرق بين الهلال والمريخ (9) بقرات.
• يعني 3 اسابيع.
• شهر إلّا اسبوع.
• مع ذلك في (مريخاب) قاعدين بيتكلموا عن خسارة الهلال في الفاشر.
• قابلتكم قوة عين اكتر من دي.
• زول يتكلم انجليزي بي عربي جوبا.
• قابلتكم.
• فريق لغاية وقتنا هذا الذي نكتب فيه بنافس من اجل (الوصافة).
• وصافتو مجهجهة.
• والكونفدرالية اصلو ما فايتها.
• لغاية وقتنا دا ما حسم موضوع (الوصافة)..وبتكلموا عن الهلال.
• الفرق بينهم وبينا (9) بقرات.
• فريق بنافس في اندية الولايات ..بتكلم عن سيد البلد.
• كدا امرقوا من اهلي شندي – اول.
• الهلال ملحوق.
• لسه ما فكوا الارتباط بينهم وبين اهلي شندي ..وعاوزين يتكلموا عن الحاجات الكبيرة.
• ما فكوا الخط.
• مرات في (شافع) بيسألك سؤال محرج.
• سؤال اكبر منه.
• ما تعرف تقول ليه شنو؟.
• زي اعلام المريخ الآن – الاعلام البتكلم عن (الهلال) وهو يتفوق عليهم بـ (9) بقرات.
• انتوا اول حاجة عليكم الله احسموا موضوع هلال الابيض.
• هلال الابيض يهدد وصافتهم.
• هلال الابيض يمكن ان يصبح وصيفا للهلال.
• اقدروا اول حاجة على هلال الابيض – بعدين تعالوا اتكلموا عن الهلال.
• مدوا كراعم قدر (بقركم).
• الفرق بينا وبينكم كم (9) بقرات – وبتتكلموا عن الاسياد.
• دا شنو عدم الاحترام دا؟.
• دا شنو عدم الفهم دا.
• وقت الفرق يكون بقرة واحدة – الناس بترفع القزاز.
• ديل (9) بقرات.
• (ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
• الحمدلله نحن اتهزمنا قدام النيل شندي ..ما قلنا النيل شندي فيه لاعب كان بيلعب في كادوقلي.
• اتهزمنا في النقعة – ما قلنا عليكم الله عيدوا لينا المباراة.
• الحمدلله.
• اتهزمنا في استادنا – ما قلنا طلعوا الشرطة برة الملعب.
• والفرق (9) بقرات.
• واجهنا هلال الابيض من اول اسبوع في الدوري.
• ولعبنا مع الاهلي شندي الاسبوع الرابع في الجوهرة.
• والفرق (9) بقرات.
• تشيلوا الكورة مرة.
• تقفلوا الاستاد مرة تانية.
• تتغلبوا اربعة من الهلال.
• تتهزموا خمسة من هلال الابيض..
• تتغلبوا بي تسعة من هلال بورتسودان.
• تتهزموا بي عشرة من مريخ الفاشر في ملعبكم.
• والفرق (9) بقرات.
• ترجعوا جمال الوالي تاني.
• تقولوا جمال الوالي استفاد من تجربته.
• جمال الوالي غير من طريقتو.
• والفرق (9) بقرات.
• تشاكلوا عبدالصمد.
• تتفقوا معاه.
• تجيبوا ليكم مدير كورة جديد.
• تخلوها فاضية.
• الفرق (9) بقرات.
• و
• (ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
• ………..
o و
• عليكم الله تاني فهمكم شنو؟.
• شوفوا (نسوركم) وين؟.
• المضروب الليلة لو الكورة نضيفة بيخسر في نيالا.
• المضروب ..مضروب.
• طبعو كدا.
• تركيبتو كدا.
• اصلو ما في كلام.
• ان شاءالله الاسبوع القادم الفرق يصبح (12) بقرة.
• اسمعوها مني.
• ……..
• السيدة (ل) – الكهربة جات من غير ما تقطع.
• وقرّط على كدا.