زواج سوداناس

حتى مركز (الوصافة) يبحثوا للفوز بها عن طريق (المكاتب)



شارك الموضوع :

• من رأسي :

• لا بد ان اسامة عطا المنان يبحث عن حيلة جديدة يأجل بها مباراة المريخ والاهلي شندي لتلعب في الموسم الجديد ضمن مباريات الدورة الاولى للممتاز.

• من كرأسي :
• لا تشغلْ بالك بالإنتقام من أحد أبدًا، فالقدر يبدع في تصفية الحسابات.

• مستغانمي

• لنا ان نستمتع بصراع (الوصايفة) الحامي الوطيس الذي يحدث الآن بين الاهلي شندي والمريخ العاصمي والخرطوم الوطني.
• البيانات والتصريحات اصبحت متبادلة بين المريخ واهلي شندي والخرطوم الوطني.
• صراع المركز الثاني ولع.
• اشتعل.
• الوصيف بيلاحقوه وينافسوه في (وصافته).
• حتى (الوصافة) اتعززت عليكم.
• بقت كتيرة فيكم.
• في المواسم الماضية كان عندما تطلق اسم (الوصيف) على المريخ ، المريخاب كانوا بيزعلوا وبيغضبوا وبيعتبروا (اللقب) فيه انتقاص لهم.
• تتخيلوا هذا الموسم عندما تتطلق اسم (الوصيف) على المريخ ..اسارير وجوههم بتفتح.
• بفتشوا للوصافة فتيش.
• سبحان الله – مجلس فيه (28) عضو (بص الوالي) وشبح فقدان المركز الثاني يهدده.
• الحكاية دي ما حصلت على المريخ قبل كدا.
• عفارم عليكم يا ناس الاهلي شندي.
• و
• (ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
• نحن في الهلال ما عندنا اي قضية – الحمدلله حسمنا امر بطولتنا واحتفلنا وعشنا فرحتنا قبل هذه (العكة).
• تقدموا مباراة القمة على مباراة الاهلي شندي والمريخ ..ما عندنا مشكلة.
• تلعبوا شوط امام الاهلي شندي قبل مباراة القمة وشوط بعد مباراة القمة – ما عندنا مشكلة.
• تقسموا المباراة وتخلوا الزمن البدل الضائع فيها الى ما بعد انتهاء الموسم – برضو ما عندنا مشكلة.
• نحن حسمنا البطولة قبل اسبوعين مخصوص عشان عارفين الحاجات دي ممكن تحصل.
• حسمنا اللقب عشان اللخبطة دي.
• عارفينكم ما بتنستروا.
• احتفلنا قبل اسبوعين ..عشان حركاتكم دي.
• مبارياتنا امام الخرطوم الوطني وامام المريخ اصلا (ودية) وما عندها قيمة عندنا.
• اتصرفوا بي طريقتكم..ما عندنا بيكم اي شغلة.
• بعدين نحن ذاتو ما قدركم.
• الصراع الآن بين المريخ والاهلي شندي حول (المركز الثاني) – المركز الاول اصبح (مشفر) تماما.
• لا يمكن الوصول اليه.
• ما يحدث الآن يكشف المريخ ويقدم لينا الكيفية التى ينتصر بها المريخ والمساعدات التى تقدم للمريخ.
• حتى في المركز الثاني – مركز (الوصيف) هل يحتاج المريخ لكل هذه المساعدات ليكون وصيفا للهلال؟.
• ما بتخجلوا.
• الوصافة ذاتها عاوزين تحققوها عبر (المكاتب) واسامة عطا المنان.
• الهروب المتكرر من الاهلي شندي..يضع المريخ في موقف لا يحسد اليه.
• الممتاز كله باقى ليه (10) ايام لمتين ح تظلوا تهربوا من الاهلي شندي.
• احسن تقبلوا مصيركم.
• تواجهوا قدركم.
• ما عندكم مفر.
• لو أجلوا ليكم المباراة 24 ساعة او 72 ساعة ح تعمل ليكم شنو؟.
• ولا حاجة.
• و
• (ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
• الذي يحدث الآن من خلافات وصراعات وتأجيلات لصالح المريخ – الكاسب الاول منه الهلال.
• المريخ ظهر في حجمه الحقيقي.
• الموسم الماضي صراع المريخ حول النقاط كان مع الامل وهلال كادوقلي ليحصل على نقاط تلك المباريات بصورة غير شرعية.
• هذا الموسم صراع المريخ اصبح مع الخرطوم الوطني وهلال الابيض والاهلي شندي.
• نحن سعداء بهذا الصراع.
• هذا الصراع سوف يجعل المواجهات اكثر اشتعالا بين هذا الاندية والمريخ مثلما جعلت مواجهات المريخ لهلال كادوقلي والامل عطبرة مشتعلا.
• الآن المريخ يفقد اقرب الحلفاء له بسبب ما يقوم به من (شغل تحت التبريزة).
• انكشف المريخ للجميع وهو الذي كان يحاول ان يحتمي بخزعبلات رئيس الاهلي مدني.
• عندما كان يتحدث اعلام الهلال ومجلسه عن محاباة الاتحاد للمريخ وعن الدعم الذي كان يقدمه الاتحاد للمريخ ..ما في زول كان مصدق.
• الاهلي شندي والخرطوم الوطني وهلال الابيض الآن طرف السوط هبشهم.
• شوفوا كيف يحقق المريخ انتصاراته وكيف يتحايل الاتحاد على القوانين واللوائح من اجل خدمة المريخ.
• ظلم هلال كادوقلي وامل عطبرة في الموسم الماضي ..واتوا هذا الموسم ليظلموا الاهلي شندي والخرطوم الوطني وهلال الابيض.
• لكن الاهلي شندي عندو (ضهر).
• والخرطوم الوطني عندها (ضهر).
• وهلال الابيض عندو احمد هارون.
• يعني الكان بتعملوه في الامل عطبرة وهلال كادوقلي ما بتقدروا تعملوه في هذه الاندية.
• الهلال في الموسم الماضي وقف مع الامل عطبرة وهلال كادوقلي وضحى بالبطولة وبقى ليهم (ضهر).
• في هذا الموسم لا الخرطوم الوطني ولا هلال الابيض ولا حتى اهلي شندي بيحتاجوا للهلال.
• بتصرفوا براهم.
• كفى ان الخرطوم الوطني تحت رعاية جهاز الامن والمخابرات.
• اها تاني عندكم كلام.
• وهلال الابيض تحت رعاية والي ولاية شمال كردفان احمد هارون.
• يعني حكاية اتفاقيات البرلمان التى تراجعتوا عنها في الموسم الماضي – هذا الموسم ما عندكم ليها طريقة.
• وفي كل الاحوال – نحن حسمنا موضوع البطولة وفزنا باللقب.
• بالله عشان كدا ناس المريخ اعترضوا على تتويج الهلال باللقب وفوزه به.
• الجماعة عندهم (تخطيط) لنسف البطولة وللشغل تحت التربيزة زي ما حصل الموسم الماضي.
• فرقنا منكم (9) نقاط.
• شوفوا الاندية القدركم.
• ألعبوا بعيد.
• ما كل سنة بتسلم الجرة.
• الموسم الماضي سلبتوا الممتاز شرفه ..وفزتوا بطريقة لا يتشرف بها فريق النسور.
• عاوزين تعملوا نفس العملية هذا الموسم.
• انتوا اصلوا ما بتكبروا؟.
• بتكبروا متين انتوا؟.
• حتى (المركز الثاني) مع الاهلي شندي وهلال الابيض عاوزين تحصلوا عليه بصورة غير شريفة.
• و
• (ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
• مجلس المريخ (بص الوالي) الظاهر عليه وجد ان المركز الثاني في خطر بعد المستويات التى ظل يقدمها المريخ في مبارياته الاخيرة.
• مستويات صلاح نمر وبخيت خميس وجمال سالم تستوجب التدخل (المكتبي) السريع لانقاذ موسم المريخ.
• الفريق مهدد بفقدان وصافته للهلال.
• لذلك تحرك مجلس المريخ واتبع الاسلوب (المكتبي) الذي يتبعه في مثل هذه الحالات.
• ناس عصام الحاج ومتوكل ونادر ومزمل اصلو ما عندهم قروش للمريخ – قالوا يتحركوا ويمشوا لاسامة عطا المنان.
• وتظهر صورهم في القروبات ..ويبدأوا كأنهم عملوا حاجة.
• اسلوب مكشوف.
• ولن يجني منه المريخ إلّا المزيد من الخراب والخسائر.
• عمرو (الفساد) ما بعمل ليه فريق.
• بطولة الموسم الماضي انعكست لعنتها على المريخ هذا الموسم.
• هروب تراوري وسالمون.
• وايقاف بكري المدينة وعلاءالدين من المجلس.
• ثم ايقاف علاء وامير وعلي جعفر وكوفي من الاتحاد الافريقي.
• ومركز ثاني مهدد المريخ بفقدانه.
• كل مصائب الدنيا اتلمت على المريخ هذا الموسم.
• بما في ذلك الخسارة 5 / 1 من هلال الابيض.
• والخسارة نفسها يمكن ان تتكرر امام الاهلي شندي.
• عشان كدا – ناس مزمل جروا على الاتحاد.
• مشوا (المكاتب).
• قالوا يشوفوا ليهم (مخرج).
• ليقدم لنا المريخ والاتحاد اوضح صورة للفساد الاداري والعمل غير المشروع.
• نحن سعداء بهذه الخطوة التى وضعت المريخ في صدام مع الاهلي شندي والخرطوم الوطني.
• سعداء لأن اساليب المريخ اتكشفت.
• واي زول شافها.
• الموضوع لم يكن حصريا على الامل عطبرة وهلال كادوقلي.
• الاهلي شندي والخرطوم الوطني الآن بيشهدوا بالاساليب المعوجة التى يتبعها المريخ للفوز بالمركز الثاني.
• هل يحتاج المركز الثاني لكل هذه (الواسطات)؟.
• فضيحتكم بقت فضيحة.
• ……………
• و
• ننصح رئيس الاهلي مدني الانضمام لفرقة الفنون الشعبية.
• الرجل يلهث وراء التصريحات ويسعى لها منذ تسجيل ولاءالدين الموسم الماضي للهلال.
• رئيس نادي الاهلي مدني هو من قال ان رئيس المريخ جمال الوالي وعدهم بالدعم ولم يوف بوعده.
• الظاهر بعد مباراة الاهلي والمريخ ..رئيس المريخ اوفى بوعده بدعم الاهلي مدني.
• ومن التصريحات (الغزلية) التى اخرجها رئيس نادي الاهلي مدني.
• و
• (ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
• ………..
• السيدة (ل) – فتور العلاقة بيبدأ من (برجع) ليك.
• وقرّط على كدا.

شارك الموضوع :

تعليقات الفيسبوك

تعليقات


1 التعليقات

      1. 1
        Abu allawi

        الموسم الماضي سلبتوا الممتاز شرفه ..وفزتوا بطريقة لا يتشرف بها فريق النسور.

        …..

        تاخير شكوى شيبوب شهرين
        ده دليل ليك ولا عليك

        يا هلالابي يا متوفي

        داير تعمل فيها فهلوي
        وتطمن شعبك المتوفي
        انو ما زلت تتنفس

        هههههههه

        النسور لا يشرفه
        ان يستمر في الممتاذ خلف الصفارات والكواليس
        والاتحاد الداعم بالدربات في كل عرق

        ناس الرابطة ما بيرضو كده

        الزعيم يوم تصدر وبفارق قبل نهاية الدوري

        والكلام ده قبل دورتين

        كانت صدارة شريفة
        كلكلتكم
        وما غنبنا زي غناكم ده
        والعالم كلو عارف انكم بتحاولو تدسو الخية
        والخية

        الخية الاولى واقعكم البائس في مواجهة خصومكم
        والقروش تسبق المباريات من فوق الطاولة وتحتها
        والخية التانية
        موسرتكم
        اللي حتكلفكم بلاوي بالطريقة دي في الدورات الخارجية
        وما حتجيب ليكم فرنك سوري
        لان اول حكم ود ناس
        حيرميكم في التراش بين
        مع الرابيش
        مكانكم الطبيعي

        لا تحاولو يا هلالاب
        التطاول
        على الزعيم
        وتحاولو
        تلاحقو الكتوف

        الشغلة كبيرة عليكم

        وخليك قريب
        يومين ونتلاقى
        والفلم ده لينا مية سنة
        كل مرة ندخل ونمرق
        دخلت نملة وحضرت فلما ومرقت
        ههههههههههه

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *