المشتهي الزنيطير يطير

* صديقي المريخي المبدع اكرم زكي كتب الكتير من الكورالات ولحنها
* جميعها كانت رائعه
* لدرجة انك لاتستطيع اختيار افضلها
* شخصيا اعجبني منها بشدة كورال جزارة الفريق
* الذي يحكي عن التفاوت الطبقي و التناقض المعيشي الذي يضمه وطن واحد
* وانفعل مع ذلك الكورال شديد عندما يصل الي
* الجلافيط للكلاب
* والجلافيط التي مفردها جلفوط كلمة معروفة لكل الشعب السوداني بمختلف طبقاته
* يقول اكرم
* الجلافيط للكلاب
* والعضام قدام الباب
* واللحم للبيتو عالي
* ومابتخبت ليهو باب
* وبين كل كوبليه وآخر يصدح اكرم
* الجلافيط للكلاب
* والفح منو انا
* العضام قدام الباب
* كورال اتمني كل الناس تسمعو وتررده عله يصحيها
* المهم
* التسجيلات علي الابواب
* وعلمنا ان مساوي وبشه والشغيل وكاريكا واتير الغرام في طريقهم لمغادرة الكشوفات
* لم نستعجب لما سمعناهو لان رؤية فطومه ومن بعدها كورال الكاردينال ظلوا يرددوا تلك المعلومه كثيرا
* بل واختلف كردنه مع كل المدربين الكتار الذين استجلبهم لانهم اختلفوا معه في تهميش الخماسي تمهيدا لشطبهم
* وسمعنا عن البعض من الذين وصلهم طرف السوط من لاعبي الزنطور قد عرضوا خدماتهم علي مصادر القرار في الزعيم
* ولاعب كبير شوهد مع الوالي طالبا القرب
* القصة كانت في ظاهرها زيارة للكفاره
* ولكن باطنها كان يحلم ويحمل بصامه وكدارة
* اما قصة اعتماد الزنطور يعتمد علي الاشبال فقد انتهت بقرار سري صدر عن الست التي تمسكت بالجريف وكابو واقترحت تفنيش البقية
* وطبعا الكورال بقيادة الكاردينال سيردد خلف الست مقطوعتها القاطعاها من راسها دي ارضاءا للست
* ويختموا الكورال بصفقة
* عشرة علي عشره ياست
* احدهم اقترح علي نلقط المشتت ونشيل منو السمح
* قلت ليهو لقيط المشتت داير تمعن شديد عشان ما يبقي زي عزيل التمر
* يختوا ليك صحن التمر تعزل وتاكل تعزل وتاكل وفي الآخر تلقي روحك اكلت الصحن كلو بي اتيرو
* ايها الناس
* مقصلة شطب كبيرة تحدث في الزنطور تتحدث عنها مجالس المدينه
* ومن ضمنها شطب عمك حريقه الداير يحرقنا ده من كشف المدربين وتحويله لكشف الاناطين ويانار ما دخلك شر
* والمشتهي الزنيطير يطير
* ايها الناس
* اختلافات وخلافات كبيرة بين الزناطير تحتاج لمؤتمر للحوار
* مؤتمر حوار الزناطير
* بس الشرط،وفد الحكومه ما يكون بعضوية كردنه ورئاسة فطومه
* صلاح عقار مابرضي القصه دي
* ولا الامين الامه حليف الحكومه السابق
* ولا الخندقاوي الاصل
* وطبعا طه عرمان حيقول جلوس مع حرمات حرمان يا مان
* رواد النادي المشردين تلاته سنين
* ديل شيوعيين عدييييل كده
* لا بتفاوضوا
* ولا بتحاوروا
* ولا بجلسوا
* ولا دايرين سلطة ولا ثروة ولا بعض كيكه
* و اسأل عن صديقي الاستاذ،ماجد اسماعيل
* وين انت راجل !!!
* حتي جية نوش خليتها
* قدروا عليك طفشوك !!!
* ايها الناس
* يوم طمنطاشر
* الفيلم الكبير
*قتلتني العقرب
* مايفوتكم
* فيلم اوسكار
* توجد مسيرات ومسرات بعد العرض
* ابقوا معنا
* ايها الناس
* ان تنصروا الله ينصركم
* اها
* نجي لي شمارات والي الخرتوم
* كان شفت يا والينا
* الحياه عندنا بقت لا لون ولا طعم ولا عندها رائحه لينا
* وانا اقول صفات الموية مشت وين يا والينا

سلك كهربا
ننساك كيف والكلب قال هي الموية زااااتها مشت وين يا اخينا !!!
والي لقاء
سلك