أبرز العناوينمنوعات

“ماذا تعرف عن السودان؟”أول الفيديو اجابات من أجانب حلوة ونهايته مبكية.. ما قصة الخدعة في اول حلقة لزول كافيه


في مشاهد مثيرة للغاية يظهر مقدم البرنامج ويسأل عرب وجنسيات أخرى”ماذا تعرف عن السودان؟” لتأتي إجابات بالمعرفة بالسودان ومعالمه السياحية ومشاهدة قنواته الفضائية، وقالت واحدة من ضيوف البرنامج أنها تعرف ندى القلعة وتتابعها على مواقع التواصل وقال أخر أنه يعرف شريف الفحيل، لتأتي الصدمة فهذه الأراء والإستطلاعات ملعوبة وليست حقيقة وأنما ستكتشف الحقيقة إذا شاهدت الحلقة الأولى لبرنامج زول كافيه على يوتيوب وهي مرفقة مع هذا الخبر.

حيث شن مقدم البرنامج هجوم عنيف على الإعلام السوداني وتقصيره في إبراز السودان وأنتقد الإهتمام ببرامج الغناء والدلوكة.

وتعرض مقدم الحلقة ذاته لهجوم عنيف بحسب رصد ريم منصور محررة المنوعات بموقع النيلين من رواد صفحة الفيديو على يوتيوب وهذه أبرز التعليقات.

Assim Khalifah
حاجة واحدة كرهتها ف الحلقة انت مالك ومال نخرة مها جعفر … لسانك لاتذكر به عورات امرء فكلك عورات وللناس السن

ضياء الحق
فكرتك حلوة رغم انها مستهلكة خصوصاً موضوع الاعلام السوداني و من حقك تنتقد الحاجات السالبة في السودان لكن بدون تجريح و اساءة ، و انت ما ح ترضى لو زول قال ليك عيونك زي عيون الضفدع.

لولو حمد
الاعلام السودانى فاشل وهو السبب فى تهميش الثقافه والحضاره السودانيه وانا عن جد زعلانه على سودانا الحبيب البتتسرق ثقافته والناس ساكته وبعدين هم دائما بظهرو الحاجات الشينه والقبيحه بالرغم من انو فى طبيعه خلابه فى كردفان والبحر الاحمر الله اصلح الحال والاعلام دا اديروهو ناس تخاف الله فينا بلدنا الحبيبه.

altayeb jobara
اذا استمرت الحلقات القادمة في الانتقاد الشخصي ام نخرة والاعمى والمعصعص والسخرية من الكبير والصغير تأكدوا انه البرنامج ح ينتهي قبل ما يبدأ طالما انكم بتهدفوا الى التثقيف بالسودان والاشياء الحلوة فيهو خلاص خلو دة هدف برنامجكم وبالامكانيات العندكم وبإحترافيتكم اعملوا على ذلك زي ما بعمل الاخ محي البدوي في فلوقاته الجميلة التي عكست جمال السودان بطريقة لم يقدر عليها الاعلام السوداني بكافة امكانياته واصبحت قناته في اليوتيوب متابعة من غير السودانيين وعشان ما عندنا اعلام كونوا انتوا اعلامنا لكن اعملو من غير سخرية شخصية من الاخرين.

ووعد مقدم برنامج زول كافيه بتحسين الحلقات القادمة في رده على مداخلات وأراء مشاهدي الفيديو.

ريم منصور


‫5 تعليقات

  1. كلام جميل و شيء رائع في أنو في شباب عاوزه توصل جمهورية السودان وأنا معاكم بكل شيء بس بطريقة أحسن من كده أرجو .
    هنالك عده طرق لتوصيل إسم وشعب السودان للعالم و أرجو منكم إخوتي الأعزاء في المواصلة بس بدون تجريح فهذه سمة المصريين.
    للتواصل 00966500372529

  2. كلامك سمح .. علا مسعول من الخير ؟ انته عملته شنو للسودان يوتوبيا ؟

    بعدين البنيه بى نخرتها دى عاجبانا .. ركز وخليك فى الاساس .. ماتخلينا نقول ليك قوم …. هـ ..