زواج سوداناس

يوسف الكودة: نحن عرب



شارك الموضوع :

استنكر الداعية ورئيس حزب الوسط الإسلامي. د. يوسف الكودة سلوك البعض في فقدان الموضوعية وقال (يعترضون عليك إذا تحدثت عن مشكلة فلسطينية أو مشكلة مصرية أو مشكلة سعودية أو تعاطفت مع اي جهة مظلومة محتجين عليك بالقول : علينا أولا أن نتحدث عن بلدنا السودان دارفور مثلا).

وأضاف الكودة بحسب ما نقل عنه محرر موقع النيلين (في حين أنهم قبلوا تدخل المجتمع الدولي بل استعانوا به في حل مشكلة السودان دارفور كانت أو غيرها، فلماذا لم تقولوا لامريكا والغرب عموما لا دخل لكم بمشاكلنا اذهبوا وحلوا مشاكلكم اولا
،يبشروننا كل يوم بمبعوث طالع ومبعوث نازل!).

فيما تحول النقاش في تدوينة الكودة لجدل حول الهوية فقال أحد أصدقاء الكودة “نحن لا يجمعنا مع العرب غير الدين وكفاية نحنا بي سبب عربكم ديل فقدنا ثقافتنا وهويتنا التاريخية والنوبية” فيرد الكودة لصديقه بعبارة قصيرة (نحن عرب).

الخرطوم/معتصم السر/النيلين

شارك الموضوع :

تعليقات الفيسبوك

تعليقات


27 التعليقات

إنتقل إلى نموذج التعليقات

      1. 1
        Alk murtey

        هل شكلك يمت بصلة الى عرب الجزيرة العربية تربطنا فقط اللغة والدين لاغير

        الرد
      2. 2
        قال عرب قال

        هههههه هههههه هههههه نحن عرب دي فيها كلام يالكوظة لا اظنك قد اطلعتوعلي البحث العظيم عن خارطة الجينات السودانية التي أثبت فيها معهد الامراض المتوطنة عن عدم وجود جينات لقبائل سودانية تتشابه مع الجينات العربية كل دعاة العربشن طلعوا فلاتة و هوسا، الرجاء الرجوع لهذة الدراسة متوفرة في النت تحت عنوان مدي اتساق التنوع العرقي مع جغرافيا و تاريخ السودان.

        الرد
      3. 3
        منصور القندب

        عربي في السودان فقط لكن خارج السودان زنجى ابن زنجى

        الرد
      4. 4
        مسيخ

        العروبة لسان مثلما الامركة جواز . محاربة العروبة خطة لاقصاء الاسلام من حياة الناس و نجحت الخطة في افريقيا فاصبحت الحروب حروب هوية حتى بين قبائل افريقانية هوتو ، توتسي و دينكا نوير و فلاتة هوسا . مئات القبائل في السودان تعايشت في سلام و هوية سودانية بسبب الاسلام و كتابه قرانا عربيا فنحن نتشرف بالعروبة ان كانت مشعلا لعبادة الله و لا يوجد في كل العالم الان عرق عربي لانهم تصاهرو بحكم الاسلام مع كل اجناس الارض و لكن توجد دول اختارت لغة الدولة هي العربية و لا ضير في ذلك مثلما اللغة الالمانية هي لغة الدولة الرسمية في المانيا و في الطريق دولة شاد التي ستعلن بان العربية هي الغة الرسمية لانها شعبها مسلماّ .

        الرد
      5. 5
        ابوتالا

        والله الزولد دا عربي وليس زنجي شاء من شاء وابي من ابي او كما يعتقد من في نفسه شئ من عقدة العروبة ….والذي يقول مايجمعنا الدين فقط فهو جاهل إذ كيف يجمعنا بالعرب الدين فقط فقط هل كل العرب مسلمون هنالك قاسم مشترك لهذه القوميات وهي اللغة والدم
        نعم هنالك سحنات مختلفة بين الاعراب ..فعرب الجزيرة فيهم الاسمر والأصفر والسمر من العرب موجودون في جنوب الجزيرة العربية وهؤلاء اصل العرب في السعودية مثلا هنالك أصحاب بشرة سمراء في منطقة عسير وكذلك في اليمن وفي جنوب العراق في البصرة و الأردن و ليبيا

        اما الشوام فهم أصحاب بشرة بيضاء وزلك لاختلاطهم بالرومان والشركش

        الرد
      6. 6
        واحد سوداني

        إنت عشت في سويسرا حصل يوم في حد قال لك أصلا انت عربي في السودان فقط اما فى كل الاخرى لا يعتبروك عربي نهائيا قال نحن عرب جاتك عربية خمتك انت انت والمستعربين امثالك وأسأل كل السودانيين العايشين خارج السودان نحن سودانيين ي مستعرب

        الرد
      7. 7
        عربي والماعاجبه البحر قريب

        نعم نحن عرب
        ونحن في دولة متعددة الاجناس والثقافات
        العربي والنوبي والزنجي والفور
        كونو خليط رائع من التعايش السلمي
        مافي زول احسن من زول

        الرد
      8. 8
        كابوس أبو ساطور

        كل من تحدث العربيه هو عربي
        والعروبة لسان وليست عرق
        والمعترضين علي ذلك جهلاء اولا ومكابرين

        الرد
        1. 8.1
          ود راس الفيل

          يا كابوس ابو ساطور وزير الخارجية الروسي يتكلم العربية كأحد أبناءها وبعدة لهجات يعني يتكلم مصري تقول متربي في الجيزة يتكلم سوري تقول مولود في الحسكة يتكلم خليجي تقول ابوه سعودي يتكلم سوداني تقول اهله من المناقل
          ممكن نقول عليه عربي ؟ وتفتكر ممكن يرضي نطلق عليه عربي ؟

          الرد
      9. 9
        Leena saber

        يا أستاذ مالك هسي العرب عملو شنو شغال لينا عرب عرب كلللهم مشردين ومقطعين وتانيا التشاديين والنجيريين والله احسن منكم في اي شي علي الاقل ما بنبزو بلدهم وعندهم وطنية
        ناس اقتصادهم كويس شوارعهم مدارسهم انتو عندكم شنو يا {عرب}

        الرد
      10. 10
        ِAlgoro Osman

        طبعاً في ناس كثيرين عملاء أجهزة مخابرات بيدخلوا على التعليقات للتأثير على الرأي العام وقيادة التعليقات في وجهات محددة فاحذروهم .. فهذا النوع هو الذي دمر ليبيا ومصرو وسوريا واليمن والعراق القائمة تطول .. أقسم بالله يدفعون لهم للقيام بهذا الدور العفن.. ألا هل بلغت اللهم فأشهد
        ونحن عرب ولساننا يشهد أننا عرب واي زول يقول غير كدا مكابر أو مُغرض (اي لديه غرض)
        أوجه سؤال لأعداء العروبة هل كان هناك في تاريخنا القديم حاكم او ملك طلب من السودانيين بين ليلة وضحاها بالامتناع عن التحدث بلغاتهم المحلية وأخبرهم أن هناك لغة تسمى العربية يجب ان يتحدثوا بها ؟؟؟؟ وهل قام بتوزيع القواميس اللغوية على الناس ليجيدوا التحدث بالعربية ؟؟؟؟
        كل من يتحدث اللغة العربية مكسرة فهو لديه لغة أم خلاف العربية وبالتالي هو ليس عربي.. وكل من تحدث العربية وليس لديه لغة اخرى لخافها فهو عربي غصباً عن أم أبوه
        روحوا بلا يخمكم

        الرد
      11. 11
        ِAlgoro Osman

        سؤال آخر طرأ على ذهني إضافة للاسئلة اعلاه وهو :
        هل تعتبر كوبا دولة لاتينية ؟؟ فإن كانت الاجابة بنعم وهذا صحيح فلماذا لم تمنع بشرتهم السوداء من اعتبارهم كذلك أم أن التخلف دا ماركة مسجلة لينا نحن السودانيين.
        روحوا بلا يخمكم تاني

        الرد
      12. 12
        ِAlgoro Osman

        الصومال التي لا تتحدث اللغة العربية اصلا وتتحدث السواحيلية لم يتشككوا أنهم عرباً .. بينما نحن الذين لا نتحدث أصلا لغة خلاف العربية نتشكك ونثير هذه الازمات !!!!!!!!!
        بعدين لو فرضنا اننا لم نأتي من جزيرة العرب كما أخبر المؤرخون الم يقل رسول الله صلي عليه وسلم ” يا أيها الناس: إن الرب رب واحد، وإن الدين دين واحد، وليست العربية بأحدكم من أب ولا أم، فإنما هي اللسان، فمن تكلم بالعربية فهو عربي ” رواه ابن عساكر عن أبي سلمة بن عبد الرحمن مرسلاً.

        الرد
      13. 13
        ِAlgoro Osman

        المغرب الذين لا يتحدثون العربية والجزائر الذين يتحدثون الامازيغية .. خليهم ديل .. الصومال التي لا تتحدث اللغة العربية اصلا وتتحدث السواحيلية لم يتشككوا أنهم عرباً .. بينما نحن الذين لا نتحدث أصلا لغة خلاف العربية نتشكك ونثير هذه الازمات !!!!!!!!!
        بعدين لو فرضنا اننا لم نأتي من جزيرة العرب كما أخبر المؤرخون الم يقل رسول الله صلي عليه وسلم ” يا أيها الناس: إن الرب رب واحد، وإن الدين دين واحد، وليست العربية بأحدكم من أب ولا أم، فإنما هي اللسان، فمن تكلم بالعربية فهو عربي ” رواه ابن عساكر عن أبي سلمة بن عبد الرحمن مرسلاً.

        الرد
      14. 14
        بكري يس

        اكيد يا كوده نحنا عرب ما زنوج والسودان فيه عرب عرب صركمان حقيقة لا يستطيع احد ان يدحضها الا اذا كان جاهل او يعتقد في نفسه انه زنجي

        الرد
      15. 15
        صلاح مصطفى

        نعم الحديث انحنا السودانين لورجعنا لعادات بلدنا الزمان وتركنا العادات الغربية سوف يعم الخير في كل بلاد السودان

        الرد
      16. 16
        تفائل

        لا العربي عروبتو عملت لي شي ولا الزنجي سوادو نفعو …كلكم وهميين …العربي ينظر للزنجي بدونيه والزنجي بشكك في عروبت العربي ..كلام فارغ استمرو بس قربتو تحطمو الرقم القياسي في الجهل

        الرد
      17. 17
        محمد فرح بدوي

        المثل بقول العندو عمار بسوي لي نفسه

        الرد
      18. 18
        Algoro Osman

        والله ان دليل عروبتنا موجود امام اعيننا ولكننا لا نبصر للاسف … يعني اليس في وجود قبائل الرشايدة والزبيبدية الذين جاءوا من الجزيرة العربية في القرن الماضي اليس دليل ان هجرة العرب للسودان لم تنقطع منذ الازل .. فالعرب الذين نراهم في شرق السودان ةاللذين لا ينكر احد عروبتهم قد جاءوا من هناك فمثل ما اتو هم ما الذي يمنع ان نكون نحن جئنا ايضا بنفس الطريقة !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

        الرد
      19. 19
        ناصح

        والله ماف شي مدمر السودان دة غير القبليه كاننا عايشين في العصر الجاهلي .
        بعدين انا بس عايز اسال سوال ملاحظ دايما في كل نقاش عندو علاقه بالقبيله والعروبه يدخلو الفلاته والهوسا ينبزوهم في حين انو الناس ديل اول شي ما ادعو انهم عرب اما بخصوص سودانيتهم فهم قبايل مهاجرة الي السودان زيهم زي اي قبيله سودانيه معروف ان القبايل السودانيه كلها مهاجرة باستثناء النوبيين اذا كان من يدعون العروبه اذا سالته يقول اجدادنا هاجرو من الجزيرة العربيه طيب حلو يعني انت نفسك مهاجر طيب كيف تقول لي الهوساوي والفلاتي انو ما سوداني والشايقي والجعلي المهجر من الجزيرة العربيه سوداني ليه يعني عشان دة هاجر من افريقا وداك هاجر من الجزيرة العربيه المشكله هي العقدة التي بداخل من يقول ذلك بدليل انو الرشايدة اخر القبائل العربيه التي هاجرت الي السودان وللان ماامتزجت يعني هاجرت بعد المهديه ومع ذالك ماف زول بيقول ليهم ماسودانيين بل اعطوهم مناصب ووزرا ومناصب ولايه لانهم عرب اما الهوسا والفلاته لانهم افارقه فهم ليس لهم حقوق مع انو بعد الدراسه التي جرت بايدي اتضح ان الشوايقه والجعلين جيناتهم نفس جينات الهوسا والفلاته يعني هم زاتهم فلاته يني خيلانهم مع ذلك ما في واحد عايز يتواضع ويعترف بي خوالو الله يهديكم

        الرد
      20. 20
        zool

        الاخوة الشماليين العرب .. الامر جدي .. الامر مقصود.. لاحظو وشوفو .. انا قبل اربعة سنة او يزيد استعرضتا بالصور هنا في النيلين.. زمن التعليق متاح بالصور .. استعرضتا نتيجة البحث عن صور شعب السودان في قوقل .. وكانت النتيجة انو .. مافيها صورة شمالي واحد ؟؟!!.. يعني قدر ما تنزل لي تحت ما تلقي ؟؟.. وانا كل العملتو صورة الشاشة وعرضتها هنا بدون تعديل .. ونبهت للامر وقلتا انو الامر مقصود بي فعل فاعل ؟؟!!.. انحنا عرب ابا عن جد عن جد عن جد … ولينا شرف الانتماء الي النبي العربي الامي محمد صلي الله عليه وسلم .. سودانيين عرب .. ما افارقة ..

        الرد
      21. 21
        ابو عمر

        أنا سودانى عربى والماعاجبو أقع البحر

        الرد
      22. 22
        bakri

        بالمناسبة للناس اللونهم أحمر وبقولوا هم عرب أولا من ناحية جغرافية السودان يقع فى منطقة شرق إفريقيا ومعظم سكان هذه المنطقة يحملون هذه البشره السمراء فنحن تاريخنا مزور يا سادة
        لدى اختبار بسيط اذا أردت ان تعرف هل أنت عربي ولا سوداني افرقي ولا سوداني مستعرب ؟
        أذكر اسمك رباعي او الى جد جدك الأخير فإذا وجد معظم الاسم يتكون من الأسماء المعتادة مثل أسماء الأنبياء والرسل او أسماء الله الحسنى ‘فباختصار كدا انت سوداني مستعرب فالعرب الحقيقين ولحكمة يعرفوها هم فقط يسمون ابناهم اسامى غير معتادة وصعبة النطق بالنسبة للعجم والمستعربين ‘باختصار شديد اقرأ السجل المدني الخليجي الشامى واليمنى وقارنه بالسجل المدنى السودانى

        الرد
      23. 23
        جعلي زهجان

        يا جماعة الناس اللي بيعترضوا علي (زعم) بعض السودانيين بعروبتهم، مشكلتهم شنو أو بالعربي الحارق رزهم شنو!! لماذا لا يفتخروا بزنوجتهم !! في حد منعهم ؟؟ لماذا لا ينشروا أنسابهم كما ينشرها جلابة السودان …
        كل ما يدعي أحد عروبته، تلقاهم ناطين ليهو في حلقو و واقعين شتيمة، و (رامين فرمالتهم) المعروفة (انتو برة بيعتبروكم….) طيب نحن راضين بي كدا و متصالحين مع أنفسنا … اللي بيقنعكم انتو منو !! ؟؟ !!
        أيه لزوم الاساءة و الشتائم، كل انسان حر في نفسه، اللي عايز يعتقد أنو عربي علي كيفو، و اللي فاكر نفسو من بوركينافاسو، علي كيفو.
        عشان كدا ما في داعي للكضب … بدل هذا التناحر .. مفروض مثلث حمدي يتخارج، لو ما بالحسنة ، بالقوة !! بدل المشاكل الكتيرة دي، و لنا في انفصال الجنوب مثال جميل.

        بعدين الخريطة الجينية بتاعة ال DNA موجودة في النت، تاني كترة الكلام في شنو !

        الرد
      24. 24
        الصحاف

        ومالهم العرب؟ ؟ ؟ ؟

        الرد
      25. 25
        الترابي

        والله كلكم ما عندكم موضوع.. يعني شنو عربي ولا افريقي.. اتقوا الله يا ناس واستغفروه
        طلعنا بشنو من نتيجة؟
        والله العرب أهلنا وحبايبنا.. والأفارقة كمان أخوانا وأهلنا وناس طيبين وحنان قلوبهم بيضا… لا تدعو للعنصرية والكلام الفاضي اللي ضيعنا في جدال مافي لأمو داعي.

        سوداني (عرب وزرقة) وافتخر

        الرد
      26. 26
        مراقب

        اللهم صلّ على هذا الرسول الكريم والسيّد السند العظيم ، (دعوها فإنها منتنة)، والله من وراء القصد.

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *