عالمية

فيديو.. محمد الغيطي: 5000 دولار لكل متظاهر في 11 نوفمبر


سخر النشطاء ورواد التواصل الاجتماعى “فيس بوك”، من المذيع محمد الغيطى، مؤكدين بعد التسعيرة التي أعلنها للنزول في تظاهرات ثورة الغلابة في مصرومنها: دى كلنا نازلين، حيث قال رضاك يا رب، دا لو الكلام بجد اقسم بالله انت نفسك اول واحد حتنزل انت وعيالك وعيال الجيران وتاخد عليهم اتاوا.

وسخر عبدالمنعم أحمد، 5000 دولار في 16 يساوي 80 ألف جنيه ده.. انا هكون في الصف الأول بقي بصوت محمد رمضان في الأسطورة.

وأضاف محمد أبومسلم، ياه ده السيسي نفسه نازل اللى خلاه بيلم الفكه هيفوت 5000 دولار ربنا يسمع منك.

بينما قال محمد فهمى، أنا مكنتش ناوى انزل بس طالما فيها 5000 دولار لازم أنزل حد بس يعطيني رقم وعنوان اللى هيوزع الدولارات.

وسخر حسنى محمد، لازم البنك المركزى ينسق مع المتظاهرين ولازم وزارة الإعلام تعمل الدعايه الكافية للتظاهر لنزول 20 مليون متظاهر وكده اتحلت كل مشاكل مصر.

وقال أشرف الشعربى، طيب يا ريت يكون كلامك صح نشيل الحمار ونوفر فلوس نبنى بيها البلد.

وأضاف أحمد حسن، ذكرني بقناة الدنيا السورية كل متظاهر 500 ليرة وسندويش فلافل.. العما نفس المدرسة.

وأضاف عبدو أحمد، يا حمار دا لو الكلام دا صح.. واقسم بالله السيساوية هينزلو أول ناس.

 

وذلك عندما هاجم الإعلامي محمد الغيطي، دولة قطر، متهمًا إياها بتحريض المصريين على النزول في تظاهرات 11 نوفمبر المقبلة، وتمويلها للتظاهرات بملايين الدولارات.
وزعم الغيطي، مساء يوم الأحد، عبر برنامج “صح النوم” على قناة “ltc “: “أن مصادر أمنية أبلغته أن دولة قطر وجماعة الإخوان المسلمين وضعتا “تسعيرة” لمن سيتظاهر يوم 11/11 بـ5000 دولار للفرد أي ما يعادل 70 ألف جنيه مصري”.
وأضاف “التقارير الأمنية بتقول إن في تحويلات دخلت اليومين الـ فاتوا واليومين دول، بحيث إن الـ هيتظاهر ياخد 5000 دولار مشفي، والتسعيرة هتزيد لما نقرب من الهوجة دي”.

 

الحرية+رصد

 
https://youtu.be/HbCHN34pmUM