زواج سوداناس

محلية الخرطوم: فساد وتلاعب و”500″ ألف فأر بالسوق المركزي


الخرطوم ابراج وسط

شارك الموضوع :

كشفت محلية الخرطوم، عن وجود فساد مالي وتلاعب وتصاديق غير قانونية في السوق المركزي، وقالت إن الغرف التجارية تصدق والضباط الإداريين يصدقون، والمواطن “اللافي ساي يصدق”، مطالبة المستحقين في السوق بتسجيل أسمائهم، وجزمت بإعطاء أي صاحب حق حقه وأمهلت المستحقين أسبوعاً للتسجيل، ورهنت قبول التصاديق القديمة بصدورها من المحلية فقط وليس من مدير السوق أو الغرفة التجارية.

وأعلن معتمد محلية الخرطوم، الفريق أحمد أبو شنب، في مؤتمر صحفي بمباني المحلية، أمس، عن إعادة تصميم السوق المركزي بصورة حديثة ليواكب الأسواق العالمية، موضحاً أن المحلية ستحرص على توظيف ادارة قوية لضمان التحصيل حتى تفي المحلية بالتزاماتها للبنك، قاطعاً بتنفيذ السوق في فترة ثمانية أشهر، وترتيب أوضاع التجار للعمل خارج السوق مؤقتاً، وقال المعتمد، إن ما دفعهم لإغلاق السوق هو التردي البيئي، خاصة بعد الزيارة الأخيرة له والتي كشفت عن وجود أكثر من 500 ألف فأر خرج من أسفل جوالات الخيش بالمساطب غير الديدان، مبيناً أن العاملين عقب إغلاق الحمامات بالسوق يستحمون في محلات تواجد الخضار، وردد: “عشان كدا قفلناهو”, وكشف أبو شنب عن تكوين لجنة لحصر المستحقين أدى أفرادها القسم ليكونو صادقين، مطالباً التجار بمراقبة التوزيع العادل للمستحقين، وإخطار المحلية في حال وجدوا شخصاً غير مستحق, مشيراً الى أنه لا توجود تصاديق للبناء لأكثر من طابق للعمارات، وأضاف أن كل البنايات ذات الطوابق لا تملك تصاديق، وتسائل: “بنوها كيف ما معروف”, وأوضح أن المحلية ستقوم بالتعاقد مع شركة جياد لتوفير عربات (التكتك) بالسوق توطئة لمنع عربات الكارو.
من جهته اتهم ممثل أصحاب المساطب، محمد كباشي محمد، المحلية بعدم إدراجهم في كشوفات المستحقين، مؤكداً أن 90% من المستحقين خارج السوق، وأن عدد التجار بالسوق أكثر من (3) الآف تاجر.

صحيفة الجريدة

شارك الموضوع :

تعليقات الفيسبوك

تعليقات


4 التعليقات

إنتقل إلى نموذج التعليقات

      1. 1
        الصريح

        ههههههههه 500 الف فأر !!!! انا اعتقد انهم 521 الف فأر !!!

        الرد
      2. 2
        خلوها مستوره

        الكدايس كيف انتو بتقفلو الحمامات ليه طالما فى ناس قاعدين فى السوق كان الله فى عونك ياوطن

        الرد
      3. 3
        شارد ما وارد

        عدم احترام للآدمية والبشرية في ابسط صورها ،،، يا خي التجار العندهم تصاديق ديل مش جابوها من جهات رسمية ؟؟ مش اخدتوا منهم رسوم وعوايد وضرايب؟؟ والبيئة امتردية دي لو انتو صحي مسئولين كيف تخلوها عشرين سنة مهملة وبعدين تجي توقول لينا خمسمية الف فار؟؟ وبعد ما الزول يدفع السنين دي كلها تدوهو اسبوع عشان يثبت انو مستحق للرخصة ؟؟ طيب لو واحد مسافر لقريتو عندو بكا وللا ظروف دا حقو راح؟؟؟
        وشنو البيضمن للناس ديل انو تصريحك الجديد 2016 ما حيجي واحد مفتري بعدك يقطعوا فوق راس الناس زي ما انت قطعت التصاريح والتصاديق الهسع؟؟؟

        الرد
      4. 4
        شارد ما وارد

        وبعدين ربنا خلق الناس بحاجة لقضاء الحاجة ،، تقوموا تقفلوا الحمامات وتحتج بعد داك انو البيئة متردية؟؟؟
        وفي فساد اكبر من انك عايز تحارب اصحاب الكارو في معايشهم ومعايش اولادهم وتتفق مع شركة جياد وسجم رماد،، هسع انت استشرت التجار في حكاية جياد دي وللا اكلوك ماكلة؟؟؟
        الله ينتقم من كل ظالم!!!!

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *