أبرز العناوينسياسية

دعوات للتظاهر ضد السيسي والبشير.. في توقيت واحد زيادة اسعار المحروقات في السودان ومصر.. هل هي صدفة؟


في توقيت واحد في الخرطوم والقاهرة مساء يوم الخميس أعلنت كل من الحكومة السودانية والمصرية تحرير وزيادة أسعار المحروقات البترولية، البنزين والجازولين “السولار” وغاز الطهي في ما إعتبرها نشطاء أنها مصادفة نادرة فيما ألمح البعض أن هنالك تنسيق بين البلدين.

وقوبلت زيادة الأسعار بغضب شعبي واسع على صفحات التواصل في دولتي السودان ومصر والتي جاءت بالتزامن مع تحرير سعر صرف العملات في البلدين حيث أعلن بنك السودان المركزي تحرير سعر الصرف يوم الثلاثاء ثم تبعه البنك المركزي المصري يوم الخميس أيضاُ. ووصل الدولار في مصر ل 16 جنيه بحسب موقع البنك العربي الأفريقي وفي السودان ل 16.3 بحسب نشرة موقع النيلين.

عبر العديد من النشطاء في السودان ومصر عن رفضهم للزيادات وبحسب رصد محرر موقع النيلين أطلقوا دعوات للتظاهر ضد القرارات الخاصة بزيادة الأسعار التي سترهق مواطني دولتي وادي النيل فيما حذر أخرون من الخروج على الرئيسين السيسي والبشير خوفاُ من مصير العراق وسوريا واليمن وليبيا.

الخرطوم/معتصم السر/النيلين


‫63 تعليقات

  1. ليست صدفه بل تنسيق كامل يسلط الضوء علي تفعيل حقيقي لسياسه البلدين وشعور كل منهما بالخطر القادم بحلول ٢٠١٧ هم ممكن يقاوموا لكن المصيبه نحن وضعنا هش تكاتف بيننا ضعيف وطريقنا للمحرقه قريب

  2. حنخلي البنزين والكيروسين ولمبة واحدة كفى وما بنحرق البلد عشان عوائلنا وحاجاتنا الكبار ما بقدروا يبقجوا ويشيلوا عفشهم في راسهم ويمشو ألف كيلو متر ينزحوا لي دول الجوار ولأنه مافي دول جوار ننزح ليها زاتو كلها مولعة نار والبشير يعلم ذلك لذلك ماخد راحتو رغم إنه نحن انتهينا..
    مصر مطبعة مع إسرائيل والغرب ومع ذلك حالها أسوأ من حالنا فلا فائدة غير الرجوع للشعب وتسليمه السلطة بسلاسة والإعتراف بالفشل وإفلاس البلاد فالعنف إذا بدا ما بينتهي تسليمها للشعب يغير حكومته بالبرلمان زي ما عايز ولو ما عجبه يقعد بدون حكومة زي لبنان.
    حسبنا الله ونعم الوكيل.

  3. أطرف تعليق عما حدث

    علق أحدهم : سيكون موضوع خطبة الجمعة عن ” تعويم الجنيه في الإسلام ”

    غايته نحن أقله في هامش حرية سيجعل بعض الخطباء يتكلموا براحتهم

    أما في مصر سيتكلم كل خطيب وكأنه خبير اقتصادي

    اللهم فرجك القريب بعبادك الضعفاء ..المستضعفين

  4. الا التظاهر ..كدا كدا بايظة ..والمستفيد الوحيد من الشغلة دي اعداء الدولتين ..يعني خوفنا من كش ملك

  5. خلوها ع الله ي جماعه مافي داعي لي مظاهرات وكلام فاضي ولو عملتو مظاهرات …الجديد شنو ح يكون زماااان كان العيش 10 بي جنيه اسي عيشتين بي جنيه قمتو وقعدتو وهجتو والحمد لله ماكلين وشاربين ومافي زول جعان بس الناس جاريه للمشاكل والكلام الشين ناسين انو رزقها ما عند البشير ولا الوزير الرزق علي الله”وما من دابة الا علي الله رزقها” ومافي داعئ للاسائه صح في فساد بس طالما ما عارفين مصدرو شنو يبقي مافي داعي تشيلو ذنوب ناس ساي احنا يا دااااب دخلنا الجامعات وحياتنا اصعب من صعبه بس مدام ربنا موجود ما شايلين ليها هم لو بي 13 او 130 رزقك الربنا كاتبو ليك ما بتاخد اكتر منو احمدو الله علي نعمة العافيه احمد الله انو ماف حرب في بلادكم اما قصة اكل وشراب وبنزين لو اكلتها وجبه واحده في اليوم الحمد لله الدنيا دي ما دايمه لي زول ما تأملو فيها كتيير قبل قرون ربنا قال اقتربت الساعه يعني ما باقي لينا شئ
    احمدو ربنا ع الموجود وما تفتشو للمافي عشان الله ما ياخدد منك العندك وسبحاااانه لما قال”ظهر الفساد في البر والبحر بما كسبت ايدي الناس”
    احنا طلبه وعايزبن نعيش بالفي وبالمافي رجاءأ لو عندكم مشاكل حلوها بعيد بعيد خلونا نشوف مستقبلنا………وما تنسو تحمدو الله

    1. ماتناقضي نفسك
      مرة عايزة تعيشي باقي عمرك لانه الساعة افتربت
      ومرة عايزة الجامعة عشان تشوفي مستقبلك

    2. انت عايش معانا هنا في البلدي دي ؟؟؟ هو في زول كايس اكتر من يوفر لقمة عيش بالحلال و يكون مستور و لا يمد يدو لزول ( لا يسألون الناس إلحافا )
      لكن دا ما بمنع توصل صوتك و تعبر عن رفضك
      امشي شوف الناس المحتاج علاج و ادوية في ناس نحن لا نعلمهم الله يعلم بحالهم ((( يحسبهم الجاهل أغنياء من التعفف ))
      قال مستقبلنا ؟؟؟؟ دا مستقبل مظلم

      (((اللهم لك الحمد حتي ترضي و لك الحمد بعد الرضي و لك الحمد اذا رضيت)))

  6. بائعة السعادة لك خالص التقدير والإحترام إنتي اكثر إنسانة واقعية ومنطقية بيض الله وجهك ويا ريت الناس البتتكلم وتدمر في السودان تسكت وتشوف ليها شغله غير المعارضة ودمار البلد الله يوفقك ويسعدك.

    1. بالله عليك في زول دمر البلد اكتر من الكيزان…
      في دمار تاني اكتر من كده تاني…………………..
      الله يدمركم انتو وكيزانكم يارب………….
      فعلاً ….
      كااااااااااااااااااك كاااااااااااااااااااااااااااااااااااك…
      آل زول حقاني آآآآآآآآآآآل……

  7. الناس البتقول تسكت وتحمد الله دي ماعارفة انه الحكومة دي جات كيف؟
    ناسين انهم من زمان كانوا بخططوا وبشيلوا العيش برموه في البحر عشان الناس تطلع الشارع ضد الاحزاب
    ناسين انهم عايشين في قصور
    والقصور مافيها شي ناقص
    هل سالتوا نفسكم البشير ساكن وين
    والنائب الاول وين
    و الوزير وين
    و فلان وين ؟؟
    ليه هم بعيدين منكم
    ؟
    يبقى ما حاسين بيكم

  8. بعد بكره شباب ندعو كل الشباب الطلاب بالمدارس والجامعات وكل الشعب السوداني بالنزول للشارع

    1. كاااااااااااااااااااااااااااااااااك كاااااااااااااااااااااااااااااااااااك…..

  9. الله ينتقم منهم … الوضع المعيشي بقي صعب … ما تحريض و لا حاجه الحكومه دي مفروض تغور في ستين داهيه

  10. بسيطة . أرجعوا لي ربكم وتوبوا وإستقيموا كما آمركم وبعدها شوفوا الفرق

  11. الاستقرار الاقتصادي لايتم الا بالاصلاح الجذري الذي اساسه زياده الانتاج وهذا لايتم الا( بتحرير السوق) وخضوعه لاليه العرض والطلب مع دعم الفئات الضعيفه وتحفيز الشباب بالتسهيلات المصرفيه والحوافز والاعفائات والشراكه الاداريه والفنيه لقطاعات السلع الاكثر طلبا باسواق الخليج واوربا مثل الخضروات والفواكه والاعشاب الطبيه والزهور ومنتجات الالبان والداواجن والاسماك وجميعها يمكن استزراعها داخل البيوت المحميه حول مدينه الخرطوم التي بها حوالي 2مليون فدان صالحه للزراعه ويحيط بها ثلاثه انهر غير المياه الجوفيه وبها مئات الالوف من الشباب المؤهل والمتعطل عن الساهمه في العمليه الاانتجايه.
    كذلك فئه المغتربين المهمله والمبعده عن المساهمه في عمليه الانتاج وتنشيط تسويق الصادرات وتنميه مصادر العمله الاجنبيه وتحديث وتتطويراساليب التسويق الاقليمي والعالميي بانشاء شركات نقل جوي وبحري وبري وتامين اسلامي ومخازن مبرده وحديثه وشركات تعبئه وغربله وتنظيف وفرز وبورصات واسواق داخليه حديثه .
    نحن نشد علي يد وزير الماليه ونسال الله ان يسدد خطاه لانه يضع اقتصاد البلاد في مسار النمو الصحيح بالرغم من كونه صعب مؤلم ولكن في التكافل والتضامن ومساعده الضعيف والعمل الجاد لزياده الانتاج والانتاجيه يكمن النجاح واستقرار الاقتصاد والتنميه .

  12. ياجماعه الجاية من الله كلو حلو الناس تخلي خراب البلد والدمار وين سوريا والعراق واليمن وبقية البلدان…… السودان كبير وبسع الجميع

  13. يسمح باستيراد الفواكه لا يوجد بديل سودانى لها ……. يسمح باستيراد اللاندكروز والكامرهات والسيارات الفخمة لحاجتنا اليها ولابديل لها جياد لا تصلح …… يسمح باستيراد المكياجات لان زوجاتنا محتاجات للجمال ….. يسمح باستيراد كماليات المسؤلين كبار ووزراء …… يوقف السمك لانه بستورد بكميات كبيررررررررة وطول اليوم وطول الاسبوع وطول الشهر وطول السنة … ومن كثرته يرمى فى القمامة لذا يوقف …… علما بأنه لايستور بكمية القرار الصادر فى حقه …… يوقف استيراد الخرفان والغنم والابقار لنها تستورد بكثرة …….. علما بان السودان يصدر لدول كثيرة فى العالم ولايوجد استيراد اصلا……… يوقف استيراد اللحوم وكأننا نستورده لحاجة السودان وعدم وجود لحم فى السودان ……… أخجلو يا مجلس الوزراء بضحكوا عليكم لان قراراتكم هذه مضحكة وأشياء لاتستورد وحتى لو استوردات لا تكون فى السنة مرة وبكمية تعادل عشرة خرفان ……. يجب على جميع أعضاء مجلس الوزراء وكبار المسؤلين الأضجاع فى سرائركم وما أظن عندكم عناقريب وفكروا فى قراراتكم الت لا يمكن ان تصدر حتى من مجلس قرية أهلها جهلاء ………. فضيحححححححححححححححححححححححة ومبررات فاشلة

  14. البحرضو علي المظاهرة ديل انطمو لانكم انتو الحتستفيدو من المظاهرة وانتو ما ملايكة
    ما تستغلو الوضع وتخربو بلدنا عندكم حاجة سياسية حلوها بعيد

  15. السلام عليكم احبتي.
    والله بصراحه الوضع صعب ونحنا في حاله احسن منها الموت.
    انا عندي بعض الاسئله :
    – اولا : هل الطلوع للشارع بغير : نحنا طلعنا الشارع كم مره وما اي نتيجه ايجابيه
    @ انا اري اننا نتوجه الي لله بالدعا لكي يصلح الحال ونستغفر من المعاصي والذنوب عشان الخير ينزل علنا
    ثانيا:- الحكومه ما بهما اي حاجه عادي تقتلك لو شعرت بالخطوره تجاهك
    @@ في الاخر الحمد لله علي كل حال@@

  16. ((إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ))[الرعد:11

  17. غايتو انا ما بطلع مع المصريين فى يوم واحد حتى لو كانوا طالعين الجنه .

  18. والله اي دعوة للتظاهر هي دعوة للفتنه لا اكثر ولا اقل وسوف لن تجدي نفعا بالعكس سيكون الوضع اسواء. علينا ان نلتزم بالوطنية الحقة ومصلحة السودان اولا واخيرا

  19. انطبقت عليهم قصة الوتد والسيف علي الشعب السوداني بحيث في عهد البيزنطية تم القبض علي احد قادة التمرد وتم ربطه في مكان عام ويتم وخذه بالوتد من المؤخرة وتم وضع سيف امامه فإن تقدم إلي الامام مع الوخذة ينقرز السيف بصدره أو ان يظل متحملن لتلك الوخذات المؤلمة ولكنه لايعلم بأن الموت بشرف كان ارحم وحينما اشتد الامر واصبح لايطاق كان لابد من القفذ إلي الأمام حتي ينقرز السيف بصدره
    هذا هو حال الشعب السوداني اصبحت حكومة المؤتمر الوطني تفعل ماتريد من غير ان تقدم مايفيد للمواطن وظلت تسلك اسهل الطرق وهي رفع الدعم وزيادة الضرائب والجمارك واشياء اخر واصبح الموطن يصبر من اجل غداً افضل والحال يسير من اسواء إلي اسواء ولكن الأن سوف ينفذ الصبر وحتماً سوف يخرج المواطن لكي يرتاح من هذا القم وهذا الهم من اجل غداً افضل وإن كان البعض يرضي بهذا لأنه يستطيع ان يوفر لقمة عيش ابنائه وعلاجهم وتعليمهم في حين الكثيرون سوف يتيهون في عالم المجهول وحتماً لن نكون مثل سوريا والعراق واليمن التي اصبح يروج لها الحزب الحاكم بأنهم إذا ذهبو سوف يتدمر السودان وسوف يصبح مثل الصومال ولا يعلمون بأن هنالك كم انتفاضة وكم انقلاب ولم يتصومل او يتيمن لأننا شعب اصبحنا نؤمن بالإشاعات والتقليد بحيث الكل اصبح يفكر بأن الحل هو في الثورة ولكن الحلول كثيرة ومن غير ان تسكب قطرة دم ومنها علي سبيل المثال تعميم الاضراب الذي ابتدائه الاطباء العصيان المدني العام او الشغل في الخفاء بمنع سائقي الحافلات والبصات من العمل وهذا يتطلب جهداً ومال والله خلال شهر بس تلقو بشة وجماعتو في تشاد…!!!

  20. الرزق علي الله ما فيها اتنين تلاتة لكن هل كان سينتشر الاسلام لو ما كانت هناك تضحيات جسيمة و لو اتعامل الرسول الكريم صلي الله عليه و سلم و صحابته الكرام بمنطق أن الدين لله و هو من سينشره لتعطل الجهاد .كلمة الرزق علي الله هي كلمة حق اريد بها باطلا .ليشبع حكامنا و يشبعون و يهضمون حقوقنا جهارا و يكلفونا فوق ما نطيق و لا يتنازلون عن مخصصاتهم من شركات و عربات فارهات

  21. الشعب يطلع عشان تعمل شنو في الشارع
    مابقدرو تطلع طلقة في رأسك اخو التاني شافك يكبر بكلو والباقي بيقولك ده غبي ساكت ﻻ كن هو غبي راضي عن المعاناة :الله معنا وربنايستر عليناوعليكم

  22. غايتو ع قدر م وضع البلد زفت وفساد في طمانينه غير عاديه والله والله كان جاطت حرم تاني م تروق ليوم الدين …اذا كانت البلد العرقها واحد م راقت فمابالكم ببلد فيها الاف القبائل واختلاف المطامع …

  23. ان الحاصل في السودان ده مسلسلات zeealwan نفس دور بس تغيير ممثلين … و ساسا على عزم أن يكتبو مفردات دون ان يضعون نقاط حيث ينبغي ويصرون على على القارئ هو الخاطئ كيف يمكن تفسير معالجة أزمة بأزمة أخري ده كمن يقول نبدل حمد بحاج حمد … فإن الحالة شعب السوداني لم يسبق له مثيل كل أنواع التجارب أجري عليه و مازال يستمر اقذام الفكر اللاسلامي في أن يقهر ويزل الشعب باسم أن ده ابتلاء ربناني وتارة أخرى أن هذا مؤامرة غربية … إلى متى نكون تحت رحمةحكام ظالمين لا يرون للإنسان أي قيمة فقط يظنون انهم مجرد كائنات يجب استغلال باسم اذا كان هنالك اخوي مختلفين معنا في الدين و لم يتوفر معيار دين يكون من منطلق القبلية و جهوية الضيقة إلا سبب الرئيسي في جعل هذه مهمة سهلة بسبب جهل و أمية في غالبية الشعب السوداني وتماهي جفاف طبقة مثقفون في أحداث نقلة نوعية في رتق نسيج اجتماعي مما ساعد في تجزئة قضايا المجتمع و عدم الثقة بين مكونات الوطن باسم شعارات تجريمية متوهمة في مواجهة أي مساعي أحداث وعي توافقي فيما يتعلق بشعان العام

  24. لزم الناس يتظاهرون لعنو إذ سكتو حيدو الحكومه فرصه فلاذالك تقول الحق لعنو ربنا قال من راعى منكم منكرون فليتنبئه

  25. المشكلة ما في البشير واعوانه المشكلة فينا انحن المواطنين نتكلم كتير وما بننفذ

  26. من رضي عن نفسه ان يكون شاة فحلال للزئاب ان تأكله. فلذلك الحوار الوطني وخارطة الطريق مكيدة لخداع الشعب

  27. حكومتنا دى لا تستحق الكلام ولا بحرف

    لانهم جميعا شياب عجائز مخرفين

    ناسين فى حاجه اسمها عذاب بكل الشتات

    بداية من القبر ليوم الحساب

    ولو فى مرقه للشارع فالنمرق

    ولا يصيبنا الا ما كتبه الله لنا

  28. الهم ربي احفظ البلد وهدي الاسعار يارب

  29. لو المشاكل والمظاهرات بتغير يا ما الناس ظاهرت وضحت بى ارواح لكن الحصل شنو الحال نفس الحال وزايد سوء الناس تفكر فى حلول اخرى لنهضة الدوله المشاكل برجع الدوله لى وراء هل تعلم انو لو لا المشاكل البتمر بيها الدولتين فى الحروب لتوجهت الاموال المصروفه لذلك فى النهضه كلما زادت المشاكل كل ماجابت مشاكل نسأل الله ان يكفينا شر الفتن ماظهر منها وما بطن ويبدل الحال الى احسن بالسلم حتى لانفتقد اعزاء لنا كما افتقدنا من قبل ولكن هل من فوهات الرصاص تبنون لكم وطنا وطنا تبنيه الاحقاد

  30. اسمعوا واعوا الطالع يطلع نجن ما عندنا زمن نضيعوافي المظاهرات دي وحرق الدكاكين ونهب شنط البنات وكان عندنا حاجه نقولا الا كان التلاته لاات لا للمظاهرات لا الرقيص فس الحفلات ولا للونسه مع البنات من عاش فات وكل ما هو ات ات وكان ما بتقدر تقرا كلامي ده البس نظارات وكان ما عندك قروش الحق اخوك الفات المشي يجيب برادو جاب تركترات واحذر من لبس الساعات وشيل الموبايل والوقوف في طريق العربات والجري وراء القروش والبنات الحلوات لان حياتك حاتكون اهات وابعد بعيد من الوداعيات وهذا مني ليك ابلغ عظات

  31. والله ي جماعة لو رجعنا لدينا وستنا احسن لينا اتركوا مال قيصر لقيصر نحن ما لينا دخل ربنا بيحاسبو بعدين فوق فوق سودانا فوق

  32. اولا داير اقول اي شخص بقول لا للمظاهرات ده جبأن وخايف علي نفسو ما خايف علي البلد دي.يا جاهلين انتو الناس لو ما طلعت الشارع البلد دي حتقلب الصومال الجديد.واﻷه حيجي اليوم الما حتلقو فيهو ولا حاجة تاكلوها الا تفتشو جحور النمل .واﻷه اكعب من ديل ما بجي زول تاني ولو حصل زي ما قلعنا ديل بنقلعو هو كمان .بطلو جبن .بس صراحة التقول يهود انتو بتحبو الحياة دي شديد خلاصك

  33. صدقوني يا إخوان دا عقاب من الله ولوما توبتو من الرشاوي وأموال الربا والسمسرة والغش سيزداد الوضع سوءا بعد سوء إلا أن يصل لدرجة البأس الشديد ببعضكم بعض أنصحكم أن تتوبوا إلى الله كما فعل قوم يونس إن ربي رحيم ودود

  34. الرجوع إلى الله
    هو الحل الوحيد
    نسأل الله ان يتقبل منا ومنكم صالح الدعوات للإصلاح في السودان ومصر

    الناس تمسك في الدين
    والمحافظة على الصلوات الخمس في أول قوتها