سياسية

دكتور سوداني: مسيرات هادرة وعصيان مدني مليوني في مدن الفيسبوك وولاية الواتساب !!


قال الدكتور محمد علي الجزولي “الآن أكتشفت نقطة قوة الإنقاذ !!” وأضاف ساخراً (غلت الأسعار وبدأت المسيرات الهادرة والعصيان المدني المليوني في مدن الفيسبوك وولاية الواتساب !!).

وأضاف دكتور الجزولي بحسب ما نقل عنه محرر موقع النيلين “إن أكبر نقطة قوة للإنقاذ هي أن معارضتها الساعية لإسقاطها :
حزب البعث العربي الإشتراكي صاحب المجازر في العراق وسوريا !!”.

وأضاف السياسي والناشط د. محمد علي الجزولي على فيسبوك (الحاج الجلكين الهرم العجوز الحزب الشيوعي الذي سقط في موسكو !!
الحركة الشعبية لتحرير السودان التي أقامت أمها في جوبا نموذجا راشدا للحكم والاستقرار والنهضة !!
المؤتمر السوداني العلماني المتطرف ربيب الحركة الشعبية صاحبة مجازر جوبا والطيور على أشكالها تقع !!).

الخرطوم/معتصم السر/النيلين


‫19 تعليقات

  1. بل ان اكبر اخفاقات الانقاذ انها حولت الشعب السوداني الي شعب سلبي يكتفي بالفرجة علي نفسه وهو يموت . وهذا شعب لن يخلق تطور ولن تقوم له قائمة الي يوم القيامة

  2. سيثور الشعب
    إذا
    قدم كل سياسي من المعارضة حساب عن الآتي:
    كم يوم قضاها في الفنادق خمسة نجوم وهو يتفاوض نيابة عن الشعب المقهور المظلوم ؟
    فليكن ياسر عرمان (ممكن واحد إحسب أو إقدر كم سنة عاش ياسر عرمان في الفنادق خلال 25 عام مناضلا من ضل لي ضل

    يا جماعة الأمر الواضح يا واضح هو أن قضية الشعب أصبحت سلعة ومهنة يقتات منها المناضلون وليس بينه شريف وهذا تحدي
    واحد إقول لي فلان مناضل شريف يعمل دون مكاسب ليصلح حال البلد؟
    لا أريد مهاترات أريد إسم أو أسماء

  3. هههههههههههههه صادق ياد كتور الجزولي

    عاش كفاح المناضلين الاسفيريين
    واحد مناضل جسور تم القبض عليه في دولة شقيقة قامت المواقع الاسفيرية ولم تقعد بالمناشدات والاسترحام وشحد العواطف بأسرة المناضل للأفراج عن هذا المناضل الجسور الذي ملء دنيا الاسافير ضجيج بالنضال ومعارضة الحكومة
    وفي الاخير بعد ان تم اطلاق سراحه هاجر الي بلاد العم سام
    بدل ان يتجه صوب ارض النضال التي كان يحرض ابناء البسطاء للخروج الي الشارع والمظاهرات ضد النظام
    وهذه هي اخلاق المناضلين الفاشلين
    لم يتخذوا القدوة من المناضلين الاحرار عبر التاريخ امثال مانديلا وغاندي وحتي الترابي الذي طول عمره يعارض من داخل السودان

    اقول لاي مناضل ومعارض لو عايز تكتب عن المظاهرات والتحريض للخروج قل لنا اين موقعك
    لو كنت خارج السودان فالزم الصمت وعيش حياتك التي اخترتها واترك الشعب في حاله
    ولو كنت داخل السودان وتنادي بالانتفاضة والتظاهر فلك التحية والتقدير علي شجاعتك

    1. ونسيت الزعيم ” أزهري ” الذي كتب بدمه عندما أعوزه المداد

  4. ياعماد الترابى كان مناضل والله ده كلام عجيب .انتو ياكيزان كمان دايرين تغيروا التاريخ انت عارف كارثه السودان الحقيقيه انتو ياكيزان وراجع التاريخ من ظهوركم فى السياسه السودانيه السودان ماشاف العافيه

  5. الإنقاذ ناس مفتحين.! كيف.. أنظر.لي27 سنه للوراء.عملوا كل الدايرنو .والمادايرنو..وحولت بعض الاحزاب العريقة.ال كمبارس وانتجة احزاب كرتونية تتبع لها مباشرة وكل حملة السلاح الي مرتزقة في دول الجوار .مفتحين الي اقصي حدود وفتحوا من ضاق صدره لي يخرج .حتي عاد كا….القديم.او يتحينو الفرص ليعودوا .وتركو شوية عيال من الشوعية والعلمانية والبعث يجولون فقط في المواقع الاسفيرية دي مساحتهم المسموح بها لهم.وباقي الشعب الفضل شغلوهم بالدولار قام نزل. وبقو كلهم في الحساب شطار.من البيت تعرف تكلفت اليوم المعيشي ولمدة شهر حي سنه كلو مضروب وملفق في دفتر الحساب والدفاتر المساعدة ..مفتحين جدا. اهل الإنقاذ.لا غيرهم .والمقالط.ينتظر إلى يوم تقوم الساعة.

  6. سلام اخونا ضفاري
    يشهد الله اني ابغض الكيزان واكرههم من اولهم لاخرهم وانا احد المتضررين منهم بطريقة مباشرة
    في برنامجهم اللعين التمكين حين تم فصل اثنين من اقربائي من الدرجة الاولي
    وحينما قلت الترابي ليس حبا فيه لكن ضرب مثل وانا لا ابخس الناس
    الترابي دون المعارضين الاخرين لم يخرج ويعارض خارج السودان
    ودخل السجن عدة مرات ودا شئ معروف للعموم
    باقي المعارضين الاخرين انت شايف لا وجود لهم في السودان لقيادة المظاهرات أو مسيرات الاحتجاج
    كلهم في الخارج
    ياسر عرمان والصادق والميرغني وعبدالواحد ومناوي وغيرهم
    الشعب محتاج قائد حقيقي يثق فيه ليقود الثورة ويعتلي السلطة بمساعدة الشعب
    لكن لا تنتظر من الشعب يثور ويقلع الحكومة وبعدها تعم الفوضي كما حصل في باقي دول الربيع العربي
    عندما يجد الشعب القائد المناضل من الداخل سيلتف حوله الشعب
    الشعب قاعد علي الهبشة ومنتظر المنقذ
    الشعب لا يثق في المناضلين القاعدين بالخارج والا ما كان الكيزان قعدوا كل هذه المدة

    اتمني للسودان الاستقرار والازدهار بحكومة رشيدة توحد البلاد وتحكم بالعدل

  7. لا يا اخي الترابي تم سجنه ايام النميري سبعة سنوات كاملة
    مابتكلم ليك في زمن حكومة الكيزان التي اتي بها
    دي معروفة لراعي الضأن في الخلاء

  8. يا عماد حتي لو سجن الترابي عشرين عام هو لايتحق شرف كلمة مناضل.. فالنضال هو من اجل الشعب والوطن والحرية.. ولكن الترابي ناضل من اجل تمكين هؤلاء الشرزمة وتثبيت حكمه.. واذا اردت ايراد امثلة لمناضلين فالتاريخ السوداني ملئ بالمناضلين الحقيقيين

  9. يا Loay الترابي قاد إنتفاضة أكتوبر 64 محمولا على الأعناق واعتقلته (هذه الشرذمة) خمس سنوات فمن يستحق كلمة مناضل غيره؟ أنت جاهل بالتاريخ وأقدار الرجال.. يللا ورينا نضالك إنت في (هذه الشرذمة) وإلا فإنه لا شرذمة غيرك وأمثالك من الجهلاء بتاريخ الثورة في السودان. الترابي في حياته طبق كل نظريات النضال وما شرد من السودان ولاااااااااا ثانية ولا ناضل من فنادقهم والعلقها الترابي مافي راجل بنزلها.. قلبها وعدلها ونفخها ونفسها وحارب وصالح أها يللا الدور عندك ورينا شطارتك وشطارة غيرك الترابي مات.

  10. كل الطغاة في التاريخ كانو مفترين و كانو بستهزؤوا بالضعفاء (في نظرهم)…. كلهم كانوا يعتمدوا على قوتهم المادية ونسوا وتناسوا قوة الخالق الجبار ….

    نعم اليوم المعارضة على مواقع التواصل الإجتماعي … هي وسيلة متاحة ويجب استغلالها فالثورات على الطغاة من قديم الزمان بدأت بدعوات سرية وتنسيق في الخفاء…. وهذا الدين القويم بدأ بدعوة سرية من سيدنا وسيد الأولين والآخرين سراً….

    قدمنا ابنائنا واخواننا … مضو إلى ربهم إن شاء الله شهداء قتلوا بقناصة اخوان الشياطين صنيعة اليهود

    افرحوا وامرحوا اليوم بقوتكم المادية وليتلوا ولسجنوا ويعذبوا ما شاء لهم … ولكن تأكدوا أن سنة الله في الكون واحدة ولن تتغير…

    قال تعالى: ﴿وَلَا تَحْسَبَنَّ اللَّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الْأَبْصَارُ (42) مُهْطِعِينَ مُقْنِعِي رُءُوسِهِمْ لَا يَرْتَدُّ إِلَيْهِمْ طَرْفُهُمْ وَأَفْئِدَتُهُمْ هَوَاءٌ (43)﴾. [سورة إبراهيم].

  11. في الحقيقه كلهم زي بعض بس اكتر نظام فاسد الموتمر البطني دا كدي هسي علاقه الدولار بالسلع المصنعه محليا شنو كلو بسرق من كلو الحكومه عامله الشعب نقاطه و بتاخد منو اكتر من انو تديو و الله و شفو الرشاوي و الاختلاسات و الوساطه و الله العظيم يوم القيامه بجي و يوم الحساب ما بعيد سؤال بفرض نفسو لم تموت

    .
    .
    لم تموت بتقول لرب العالمين الحرم الظلم علي نفسو شنو ؟

  12. يا Loay علي حسب علمي لا اعرف غير اثنين ناضلوا من داخل السودان ضد الحكومات
    الترابي ومحمود محمد طه لو عندك امثله اخري قول عشان الناس تستفيد وتعرف
    ما بالضرورة أكون متفق مع افكار أي منهم لكن هذا توثيق للتاريخ
    الترابي ناضل وعارض من داخل السودان وتم اعتقاله وسجنه مرات ومرات ولم يهاجر أو يغادر السودان منذ العام 64
    وحتي عندما اختلف مع البشير وتم بما يعرف بالمفاصلة لم يغادر السودان و اصبح معارضا لحكومة البشير وكان يجهر بأقواله ولا يتردد في ذلك
    هذه مواصفات القائد الحقيقي الذي يفتقده الشعب السوداني
    تاني اكرر كلامي ما بالضرورة اكون متفق مع افكار الرجل ولكن أنا اتكلم عن شخصية القائد والكاريزما التي لم تتوفر حتي الان في شخص يثق به الشعب ليقود الثورة ضد هؤلاء الكيزان
    ارجو ان تكون فهمت مقصدي

    هات انت امثال لمناضلين سودانيين لنستفيد من معلوماتك

  13. لو افترضنا ان هنالك مناضل وطني في بداية الانقاذ وضدد النظام كان عمرة 40 ومع اضافة 27 سنة الان يتكي على عصاة ويهش بها الذباب طيب الجيل المولود مع الانقاذ الان 27 سنة او 40 سنة
    و 40 ناقص 27 سنة 13 سنة اي مع بداية الانقاذ كان لايعرف كوعو من بوعو
    الذي اريد ان اقولة نحن ابناء هذا النظام
    ومهما كان الوالد ظالم وجااااااحد ففي نظرنا انه الوالد الذي لفتخر بة
    ولو كانت هنالك بعض التفلتات فإنة ولد عاااااااااق
    فيا جماعة ما تنفخو صدوووركم هوااا وننبح ساااااي
    فنرفع إيدينا للسماء لرب العباد ان يخفف عنا ما وعدنا به من ايات اخر الزمان

    وربنا احسن خاتمتنا

  14. مصيبة السودان الجقيقة فى تحول علماء الحيض والنفاس الى سياسين بعد ان ﻻكلت النساء فتاويهم خلف ظهورهن . اما الحديث بازهتزاء واستهتار عن حركة الشارع السودانى فى احاديث المؤتمر البطنى . فاذا كانت القةى السياسية بهذا الضعف لناذا تنفق الحكومة ثلاث ارباع الميزاتية على القوات الامنية والمليشات .
    نقول للذين يشككون فى قدرة الشعب على الانتفاض انتم واهمون وسيقط نظام الخرافة والدجلة رغم انفكم وبعزيمة السعب السودانى