منوعات

فاطمة الصادق: سنكتب عن رجل الدين الذي قطع صلاته عندما مر أمامه شاب وسيم فالشهود أحياء ولا مانع أن نسمع فتوى في الحادثة التي ستزلزل تفاصيلها أرجاء السودان


تطرق عمود الصحفية السودانية المعروفة فاطمة الصادق “خط التماس” يوم الأربعاء والذي ينشر عبر صحيفة الأسياد الرياضية للحديث عن مواضيع هلالية مختلفة من بينها تربية هلال الساجدين, كما تحدث في آخر العمود عن رجل دين لم تكشف عن اسمه.

إليكم عمود الأستاذة فاطمة الصادق ليوم الأربعاء والذي رصده محرر موقع النيلين من مواقع التواصل الناقلة له:

تربية هلال الساجدين وبيئة الدلاقين

اليوم اكتب عن موضوع مختلف
وواقع يجعلنا نشعر بالزهو والافتخار بالانتماء للهلال
عالم جميل ومجتمع لايعرف التدنيس ولاتطالع الاقدام الممتلئة بالمرض والغرض
الهلال نادى للتربية

نادى للقيم

والاهلاق الرفيعة

ويمر على ذاكرتى شريط طويل من الاحداث تتخلل المشهد العام وترسم تصاوير المستقبل
عندما كتبنا من قبل عن فريق الساجدين كنا ندون عن التصرف الذى ابتدره الكابتن هيثم مصطفى وهو يعلم اخوانه طريقة احتفاء جديدة بالاهداف بالسجود شكرا لله وان يؤدى الجميع الصلاة فى اول وقتها ويلزم الصغير الصمت عندما يتحدث الكبار
تربية خرجت اجيال متعاقبة جعلت النادى قبلة للمواهب التى اضافت للنادى بريقا والقا
اسماء تمر وذكيات ترسم تراجيديا الواقع باحترافية كبيرة تثبت ان الهلال لم يكن يوما فريقا للكرة فقط
لم نسمع قط عن شجار اخلاقى بين لاعبى الهلال
ولم نر احدهم يجاوز الحدود بل كانوا دوما ينظرون للارض باستحياء وتتنظر عدالة السماء
انه الهلال يا ناس
اجمل ما فى السودان
مبادئ اهله وتماسك جبهته وصمود رجاله الا من ابى
وقفت كثيرا استرجع مقولة كابتن هيثم مصطفى لقناة الشروق ان الهلال كل حياته وهو ينزف وجعا يومها بعد شطبه الجائر
وحتى مهند الطاهر الذى غادرنا بحلم الاحتراف فى اوروبا يتحدث عن الهلال باعجاب وادب جم للدرجة التى زار فيها النادى اكثر من مرة وتفقد عماله وموظفيه فذاكرته تمتلئ حد الاشباع بايام نواضر
ولكى لانذهب بعيدا دعونا نقف عند التسجيلات الاخيرة التى خرج منها اربعة من ابناء الهلال دفعة واحدة ليكون تعليقهم جميعا وبلا استثناء ان الهلال ناد لن يتكرر وان ما وجدوه فى الازرق غير مسبوق
قرات تعليق الابونسى اتير توماس فكادت الدموع ان تهزمنى واللاعب يعبر عن احاسيسه وتلك اللحظات التى اعلنت خروجه من بوابة الكيان العظيم
وفداسى الخلوق يسير على ذات الدرب ويبين ان محطة الهلال من افضل محطات عمره
ومحمد عبد الرحمن الذى غادرنا فى ظروف استثنائية لم ينس ان يتحلى بادب الهلال وهو يشكر كل من وقف معه وسانده طوال افترة التى قضاها فى العرضة شمال
ورغم الخلاف حول شطب سيفنا الضاوى الكابتن مساوى الا ان رسالته التى كتبها امس جعلت الوجع يتكور فى الدواخل ويتحجر ونجن نطلع على ادب الهلال من خلال حروفه التى لم ينس فيها صغيرا او كبيرا
انه الهلال مصدر الادب والاخلاق والسعادة ولا عزاء لعطرون واخوانه الذين لم يصدقوا اعلان خروجهم من العرضة جنوب
ابراهومة اليافع افرغ ما فى جعبته وصرح بكل ما لحق به من أذى للدرجة التى كادت ان تنسف موهبته وزغبير وحتى الاجانب لان البيئة طاردة لاى موهبة وان ضاهت ميسى
واذا نظرنا للتسجيلات لوجدناها جلبت نجوما يتحلون بصفات الهلال
السمؤال مثلا دخل الهلال بكلمة منحها اياه الرئيس ولم يناقش اصلا فى المبلغ والاستحقاق
اغراءات وعروض وصلته لكنها لم تجرف وجهته لانه عشق الهلال
وبخارى او البرنس الجديد كما اسميه يبصم على ذات المشوار
اما شلش فانه ابن اسرته
لاعب سريع وماهر ومحترم
عندما تجلس تليه تتيقن انك امام شاب متربى بالقيم الجميلة والاخلاق الفاضلة
وابوستة .. نموذج لابن السودان البار
اضافة للهادئ الخلوق جابسون
انه الهلال ياسلكونى

فرق

خطوط اخيرة

كلما تجرك بعض الصبية والهتيفة ضدى شعرت بالفخر والاعتزاز
الحمد لله انى اصعد على سلالم المجد
شكرا ياشباب

فعندما يكون الحدث خط التماس وكاتبته فهذا هو النجاح
كل يوم تمنحونى الشهرة وبطاقة النجومية على شخصيات ترتدى العمامة وترتعب من وجود امرأة اقلقت مضاجعهم
ماتنقطعو ياشباب

كتروا من الاشاعات زى
هى من شطبت مساوى وناوية على الكبار
او قولوا لن ندخل الانتخابات ما لم تتوقف فاطمة عن الكتابة
او سنقاطع النادى الى ان يتم ابعاد المنسقة
قلت لى يامزمز اتير الغرام قايلنو سودانى؟
غايتو يادلاقين العملتوه السنه دى ونسى ما عملو وحالتو جديد فى الرياضة
اسمعوا كلامى يا مزمزم
رمرم جا بغطس حجركم
اعملوا حسابكم

ربكة وشطب واسترجاع وتسجيل واعراة وقصص لم نرها الا عندكم
برافو عليكم

العملتوه فى المريخ جا النجار فى الخشب ما عملو
كوتات ماشة وكوتات جاية والنتيجة فى النهاية طلعت الطاعن عاشور ادهم
لاعب عمره 45 سنه حيعمل ليكم شنو ياسلكونى
الزول دا الدفعة القدام الحضرى
دى زيادة بس للكوامر العندكم+

فريق كلو كوامر

عجايز تمام

حنسميهو دار العجزة والمسنين
فريق اصغر زول فيهو حاج موت
الناس دول بعد الربع ساعة الاولى نفسهم حيتقطع
جهزوا الكراسى يامزمز والفيكس للظهر واليانسون للالتهابات
وغدا نكتب عن هيئة علماء السودان التى قال على السراج انه عضو فيها وانه استغل مكانته فيها وشرع فى استخراج فتوى فتوى تخصنى
علماء السودان حسب كلام السراج تركوا اشغالهم واهدافهم وتفرغوا فتاوى الصور فالحديث يحلو ولكن سنتركه للغد لنعرف هل يستغل الاعضاء الهيئة لتنفيذ اجندته الخاصة حسب رسالة السراج ام ان الرجل يتكلم دون الرجوع اليهم
وسنكتب عن رجل الدين الذى قطع صلاته فى احدى الصحف عندما مر امامه شاب وسيم فالشهود احياء وجاهزين للقسم ولامانع ان نسمع فتوى فى الحادثة التى ستزلزل تفاصيلها ارجاء السودان
انتظرونا بكره ما بعيده
وخلاص.

محمد عثمان _ الخرطوم

النيلين


‫31 تعليقات

  1. الكلام عن رجل الدين القطع صلاته ده لو كان بسبب فتاه جميله لا عن ولد وسيم ما كنت بتخيل واحده تتطرق إليه هكذا فقط من باب الحياء و الخجل و ان كان قد حدث فعلا …. و عليكي الله انتي بجدك كمان ناويه تفتحي الموضوع من آخرين ليكونوا شهود

  2. عدم الولي مشكلة بس لمتين يسمحوا لي سفلة زي عينة هذة الساقطة اجتماعياً ان تردد كلام يمس الحياء والادب علي الملأ بدون رقيب ومحاسب …فعلاً من اين جاء هؤلاء

  3. خليك بين الشباب اللابسين أردية خفيفة ديل و أمدحيهم بي كلام زي المقال أعلاه، خليك متهالكة في أمكنة التعري الرجالي تبعك وكلامك الساقط وابحثي عن الشهرة في مواضيع أخرى غير الدين والمتدينين وإن لم تكوني منهم فلا تؤذيهم يا شيوعية يا مليحدة،
    الصلاة تنقطع إذا تعمد أحدهم المرور بين يدي المصلي يا جاهلة وخسارة إسم أمنا الزهراء الطاهرة عليك.
    وبالنسبة لقطع الصلاة فهو للآتي، قال العلامة بن باز:
    ( ﺇﺫﺍ ﻛﺎﻥ ﺃﺣﺪﻛﻢ ﻳﺼﻠﻲ ﺇﻟﻰ ﺷﻲﺀ ﻳﺴﺘﺮﻩ ﻣﻦ ﺍﻟﻨﺎﺱ ﻓﻼ ﻳﺪﻉ
    ﺃﺣﺪﺍً ﻳﻤﺮ ﺑﻴﻦ ﻳﺪﻳﻪ ‏)، ﻓﺎﻟﻤﻘﺼﻮﺩ ﺃﻧﻪ ﻳﻼﺣﻆ ﻣﻨﻊ
    ﺍﻟﻤﺎﺭ ﺣﺘﻰ ﻻ ﻳﺸﻮﺵ ﻋﻠﻴﻪ ﺻﻼﺗﻪ ﻭﻟﻮ ﻛﺎﻥ ﻏﻴﺮ
    ﺍﻟﺜﻼﺛﺔ، ﻭﺇﻥ ﻛﺎﻥ ﺭﺟﻼً ﻭﻟﻮ ﻛﺎﻥ ﺑﻬﻴﻤﺔ ﻳﺤﺎﻭﻝ
    ﺃﻥ ﻻ ﺗﻤﺮ ﺣﺘﻰ ﻻ ﺗﺸﻮﺵ ﻋﻠﻴﻪ ﺻﻼﺗﻪ، ﻭﺭﺑﻤﺎ
    ﻏﻠﺒﻪ ﺍﻟﻤﺎﺭ ﻓﻼ ﻳﻘﻄﻊ ﺻﻼﺗﻪ، ﻛﺎﻟﺮﺟﻞ ﻏﻠﺒﻪ ﻭﻣﺮَّ
    ﺃﻭ ﺩﺍﺑﺔ ﻏﻠﺒﺘﻪ ﺃﻭ ﺻﺒﻲ ﻏﻠﺐ ﻭﻣﺮ ﻣﺎ ﻳﻀﺮ
    ﺻﻼﺗﻪ، ﺻﻼﺗﻪ ﺻﺤﻴﺤﺔ ((ﺇﻻ)) ﺇﺫﺍ ﻛﺎﻥ ﺍﻟﻤﺎﺭ ﺍﻣﺮﺃﺓ
    ﺃﻭ ﺣﻤﺎﺭﺍً ﺃﻭ ﻛﻠﺒﺎً ﺃﺳﻮﺩ ﺑﻴﻨﻪ ﻭﺑﻴﻦ ﺍﻟﺴﺘﺮﺓ، ﺃﻭ
    ﻓﻲ ﺍﻟﺜﻼﺙ ﺍﻷﺫﺭﻉ، ﻳﻌﻨﻲ ﻗﺮﻳﺒﺎً ﻣﻨﻪ ﺇﺫﺍ ﻟﻢ ﻳﻜﻦ
    ﻫﻨﺎﻙ ﺳﺘﺮﺓ (ولو كان رجلا)، ﻫﺬﺍ ﻫﻮ ﻣﻠﺨَّﺺ ﻣﺎ ﺩﻟﺖ ﻋﻠﻴﻪ
    ﺍﻷﺣﺎﺩﻳﺚ ﻋﻦ ﺭﺳﻮﻝ ﺍﻟﻠﻪ ﻋﻠﻴﻪ ﺍﻟﺼﻼﺓ ﻭﺍﻟﺴﻼﻡ.
    فلا تدخلي يا هداك الله فيما ليس لك به علم فتخسري.
    ومثلك (ما بجيبها على بر).

  4. انا هلالابي بس قدر ما اقرأ للبت المطلوقة ال ما عندها والي دي بكره ابو الهلال ال لمانا بيها

  5. تعيش فاطمة الصادق ويعيش اشرف الكاردنال
    تصقط وداد ويسقط البشير وتسقط هيئة علماء الشيطان

  6. جني وجن البنات البتكلمو عن الكورة ومباريات الرجال الغرباء أكيد الموضوع فيهو ما فيهو… أستغفر الله العظيم.

  7. يابنت انستري… كلنا هلالاب وعلى السكين… لكن جنس دا ماشفناهو.
    عليييييييك الله احترمي نفسك شوية.. لوما دايرة تحترمي نفسك دي مشكلتك لكن احترمي النادي العريق دا.. ماتجيبي لينا التهم من مافي..
    الكاردينال دا زاتو التقول ما شادي حيلو.. من قل الرجال لما تجيب لينا بنت تتكلم باسم النادي..الله يرحمك. يالطيب عبدالله

  8. احسن ليكي تتلمي لأنك تعلمي ماضيك ولاتفتكري إنك ملاك وغيرك شواااطين وماتنسي يوم 21/01/2016 في بورتسودان وقبل ان تكتبي في اعراض الناس إذا لديكي واسطة راجعي ملفك الذي يحمل الرقم 2177 وانتي عارفة بتلقي وين ….!!!!

  9. مهما تقولين فان صورتك المتبرجة تكفي للحكم على تمسكك بدينك. اما المريخ فلن تطيلي منه شعرة حتى تصلوا لمستواه وانجازاته واما مزمل ابو القاسم صاحب الماجستير لا وقت له للرد على الهطرقات لانه بيعد نفسه للحصول على الدكتوراه. الحقي القطر ما يفوتك والارباب جاي وا الليلالالالالالا يا فطومة الارباب

  10. عجبا لتلك التى تدعى الانوثة وهى لاتملك منها الا اسمها الى هذه الدرجة يسمح لهؤلاء التكلم والكتابة فيما يخص العامة اذا تكلم التافه الحقير فى امر العامة فانتظر الساعة البت دى ماعندها والى يشكمها

  11. للهم اهدها الى طريق الحق والرشاد واهد بناتناواخواتنا ونساء المسلمين

  12. سؤال: يا بت الله جابو هل هذا هو شكلك الحقيقي الحقيقي ؟ أم أنها الكريمات والتقشير والذي منه ؟ وحسب علمنا إنه هذا ليس شكلك الحقيقي ودايرين صورة أيام الصغر ” الطفولة” عشان نحكم …..

  13. سيدك الكاردينال شكلو المره دى كب ليك قروش كتيره هههههههه بتعرفى الكب
    الصحافه اصبحت مهزله فى زمن العبيد ماهذا الانحطاط والفجور

  14. مريم بت الصادق فى السياسة

    وفاطمة بت الصادق فى الرياضة

    *****فأبشر بطول سلامة يا مربع*****

  15. (وسنكتب عن رجل الدين الذى قطع صلاته فى احدى الصحف عندما مر امامه شاب وسيم فالشهود احياء وجاهزين للقسم ولامانع ان نسمع فتوى فى الحادثة التى ستزلزل تفاصيلها ارجاء السودان).
    الفي بالك يتمارالك ودا عشان راسك مليان بالكلام الوسخ.
    انتي والله ما تزلزلي نمله في السودان خلينا من ارجاء السودان دا كلام كبير عليكي يا شويفعه يا ما متربية.

  16. إنا لله وإنا إليه راجعون يا أخوانا ما تشوفو الزولة دي إمكن راجل ….

  17. المنسقة هذه تلقت إشادة من رئيس الدولة شخصيا عندما كتبت تؤيد قتل المتظاهرين فشنو البت دي خط أحمر ومحمية

  18. أشاد السيد رئيس الجمهورية المشير “عمر البشير” بكتابات الأستاذة “فاطمة الصادق” عبر زاويتها اليومية بصحيفة (المجهر السياسي). وأبلغ الأستاذ “مهدي إبراهيم” الإعلامي المخضرم رئيس كتلة نواب (المؤتمر الوطني) بالبرلمان الزميلة “فاطمة” بأنه يحمل توجيهاً مباشراً من السيد الرئيس بإبلاغها بثناء قيادة الدولة على أدائها المهني المتميز. وكان السيد الرئيس يطالع صحيفة (المجهر) وسط عدد من قيادات الدولة عندما أبلغ “مهدي” بالتوجيه. وفي السياق بعث السيد النائب الأول لرئيس الجمهورية الأستاذ “علي عثمان محمد طه” بتحاياه وتهانيه للزميلة “فاطمة الصادق”، معتبراً أن مقالاتها تعبر عن الهم الوطني بمسؤولية، مؤكداً اهتمام الدولة بالأقلام الشابة الواعية والحريصة على المصلحة العامة.
    وعبرت الأستاذة “فاطمة” عن شكرها وتقديرها لاهتمام قيادة الدولة ممثلة في السيدين الرئيس والنائب الأول بكتاباتها التي تنطلق من ضمير مهني محايد.

  19. ما كنت عارف يا سنجاوي
    كدي واحد يسأل لينا اشرف الكاردينال ابن الضابط الحرامي هل فاطمة شاش غلفاء ولا مطهرة ؟

    1. كلامك يحمل اساءة وقذف لشخصين في وقت واحد
      اعمل حسابك من ما تكتبه يدك
      مهما كان هي بنت وانت ماعارف هي شنو
      انا ضدها تماما
      بس بوعيك عشان ما تاخد ذنوب عليها وهي اصلا ما بتستاهل

  20. رحمة الله هلالكم هكذا ابتليتم ياهلالاب كنا نحب مناكفاتكم ونحترمكم لكن هذه الحشرة افقدتكم احترامكم وهيبتكم وانتوا ساكتين وعاجبكم مثلا ولا العين بصيرة والايد قصيرة الله يعينكم والله اشفق على حالكم وهلالكم وارى هلاككم الحمد لله على نعمة العقل والاسلام وحب المريخ

  21. ده تشويه لصورة رجل الدين وضرورة الإبتعاد عنهم وعدم القرب منهم والفرار منهم فرار الصحيح من الأجزم ، وهنا نتسأل ما الذي أتي برجل الدين إلي الصيحفة وهل كان يطارد ضحية، أسئلة مشروعة كثيرة تفتح مادام فتحتي بابا يعييك سده.